༥. པ་ཉྩ་མོ པ་རི་ཙྪེ་དོ
ནི་བྦཱ་ན་པ་ཉྙ་ཏྟི་པ་རི་དཱི་པ་ནོ
༣༠༤. རཱ་གཱ་དཱི་ནཾ ཁ་ཡཾ ཝུ་ཏྟཾ, ནི་བྦཱ་ནཾ ས་ནྟི་ལ་ཀྑ་ཎཾ;
སཾ་སཱ་ར་དུ་ཀྑ་ས་ནྟཱ་པ་ཏ་ཏྟ་སྶཱ་ལཾ ས་མེ་ཏ་ཝེ.
༣༠༥. ཁ་ཡ་མ་ཏྟཾ ན ནི་བྦཱ་ནཾ, ས་ག་མྦྷཱི་རཱ་དི་ཝཱ་ཙ་ཏོ;
ཨ་བྷཱ་ཝ་སྶ ཧི ཀུ་མྨཱ་ནཾ, ལོ་མ་སྶེ་ཝ ན ཝཱ་ཙ་ཏཱ.
༣༠༦. ཁ་ཡོ་ཏི ཝུ་ཙྩ་ཏེ མ་གྒོ, ཏ་པྤཱ་པ་ཏྟཱ ཨི་དཾ ཁ་ཡཾ;
ཨ་ར་ཧ་ཏྟཾ ཝི་ཡུ་པྤཱ་ད-ཝ་ཡཱ་བྷཱ་ཝཱ དྷུ་ཝ་ཉྩ ཏཾ.
༣༠༧. ས་ངྑ་ཏཾ ས་མྨུ་ཏི་ཉྩཱ་པི, ཉཱ་ཎ་མཱ་ལ་མྦ ནེ་ཝ ཧི;
ཚི་ནྡེ མ་ལེ ཏ་ཏོ ཝ་ཏྠུ, ཨི་ཙྪི་ཏ་བྦ་མ་ས་ངྑ་ཏཾ.
༣༠༨. པ་ཏྟུ་ཀཱ་མེ་ན ཏཾ ས་ནྟིཾ, ཚ་བྦི་སུ་དྡྷིཾ ས་མཱ་དི་ཡ;
ཉཱ་ཎ་ད་སྶ་ན་སུ་དྡྷཱི ཏུ, སཱ་དྷེ་ཏ་བྦཱ ཧི་ཏ་ཏྠི་ནཱ.
༣༠༩. ཙེ་ཏ་ནཱ་དི་ཝི་དྷཱ སཱི་ལ-སུ་དྡྷི ཏ་ཏྠ ཙ་ཏུ་བྦི་དྷཱ;
སོ་པ་ཙཱ་ར་ས་མཱ་དྷཱི ཏུ, ཙི་ཏྟ་སུ་དྡྷཱིཏི ཝུ་ཙྩ་ཏེ.
༣༡༠. ས་མྤཱ་དེ་ཏྭཱ་དི་དྭེ་སུ་དྡྷིཾ, ན་མ་ནཱ ནཱ་མཾ ཏུ རུ་པྤ-
ཏོ རཱུ་པཾ ན་ཏྠི ཨ་ཏྟཱ་དི་ཝ་ཏྠཱུ་ཏི ཙ ཝ་ཝ་ཏྠ་པེ.
༣༡༡. མ་ཎི་ནྡྷ་ནཱ་ཏ་པེ ཨ་གྒི, ཨ་ས་ནྟོ་པི ས་མཱ་ག་མེ;
ཡ་ཐཱ ཧོ་ཏི ཏ་ཐཱ ཙི་ཏྟཾ, ཝ་ཏྠཱ་ལ་མྦཱ་དི་ས་ངྒ་མེ.
༣༡༢. པ་ངྒུ་ལ་ནྡྷཱ ཡ་ཐཱ ག་ནྟུཾ, པ་ཙྩེ་ཀ་མ་ས་མ་ཏྠ་ཀཱ;
ཡ་ནྟི ཡུ་ཏྟཱ ཡ་ཐཱ ཨེ་ཝཾ, ནཱ་མ་རཱུ་པ་ཝ྄ཧ་ཡཱ ཀྲི་ཡཱ.
༣༡༣. ན ནཱ་མ་རཱུ་པ་ཏོ ཨ་ཉྙོ, ཨ་ཏྟཱ་དི ཨི་ཏི ད་སྶ་ནཾ;
སོ་དྷ་ན་ཏྟཱ ཧི དུ་དྡི་ཊྛིཾ, དི་ཊྛི་སུ་དྡྷཱིཏི ཝུ་ཙྩ་ཏི.
༣༡༤. ཨ་ཝི་ཛྫཱ་ཏ་ཎྷུ་པཱ་དཱ་ན-ཀ་མྨེ་ནཱ་དི་མྷི ཏཾ དྭ་ཡཾ;
རཱུ་པཾ ཀ་མྨཱ་དི་ཏོ ནཱ་མཾ, ཝ་ཏྠཱ་དཱི་ཧི པ་ཝ་ཏྟི་ཡཾ.
༣༡༥. ས་དཱ ས་བྦ་ཏྠ ས་བྦེ་སཾ, ས་དི་སཾ ན ཡ་ཏོ ཏ་ཏོ;
ནཱ་ཧེ་ཏུ་ནཱ་ཉྙོ ཨ་ཏྟཱ་དི་ནི་ཙྩ་ཧེ་ཏཱུ་ཏི པ་སྶ་ཏི.
༣༡༦. ཨེ་ཝཾ ཏཱི་ར་ཡ་ཏེ ཀ་ངྑཱ, ཡཱ་ཡ པ་ཉྙཱ་ཡ པ་ཙྩ་ཡེ;
དི་ཊྛ་ཏྟཱ སུ་དྡྷི སཱ ཀ་ངྑཱ་ཏ་ར་ཎཾ ཨི་ཏི ཝུ་ཙྩ་ཏི.
༣༡༧. པ་ཏྟ་ཉྙཱ་ཏ་པ་རི་ཉྙོ སོ, ཨ་ཏྲ་ཊྛོ ཡ་ཏ་ཏེ་ཡ་ཏི;
ཏཱི་ར་ཎ་ཝ྄ཧ་པ་རི་ཉྙཱ་ཡ, ཝི་སུ་དྡྷ་ཏྠཾ ས་དཱ་ད་རོ.
༣༡༨. ཏི་ཀཱ་ལཱ་དི་ཝ་སཱ ཁ་ནྡྷེ, ས་མཱ་སེ་ཏྭཱ ཀ་ལཱ་པ་ཏོ;
ཨ་ནི་ཙྩཱ དུ་ཀྑཱ་ན་ཏྟཱ་ཏི, ཨཱ་དོ ཨེ་ཝཾ ཝི་པ་སྶ་ཏི.
༣༡༩. ཁ་ནྡྷཱ་ནི་ཙྩཱ ཁ་ཡ་ཊྛེ་ན, བྷ་ཡ་ཊྛེ་ན དུ་ཁཱ་ཝ ཏེ;
ཨ་ན་ཏྟཱ་སཱ་ར་ཀ་ཊྛེ་ན, ཨི་ཏི པ་སྶེ པུ་ན་པྤུ་ནཾ.
༣༢༠. ཨཱ་ཀཱ་རེ་ཧི ཨ་ནི་ཙྩཱ་དི་ཙ་ཏྟཱ་ལཱི་སེ་ཧི ས་མྨ་སེ;
ལ་ཀྑ་ཎཱ་ནཾ ཝི་བྷཱུ་ཏ་ཏྠཾ, ཁ་ནྡྷཱ་ནཾ པ་ན ས་བྦ་སོ.
༣༢༡. ཨེ་ཝ་ཉྩཱ་པི ཨ་སི་ཛ྄ཛྷ་ནྟེ, ན་ཝ་དྷཱ ནི་སི་ཏི་ནྡྲི་ཡོ;
ས་ཏྟ་ཀ་དྭ་ཡ་ཏོ ས་མྨཱ, རཱུ་པཱ་རཱུ་པེ ཝི་པ་སྶ་ཡེ.
༣༢༢. རཱུ་པ་མཱ་དཱ་ན་ནི་ཀྑེ་པཱ, ཝ་ཡོ་ཝུ་དྡྷ་ཏྟ་གཱ་མི་ཏོ;
ས་མྨ་སེ་ཝ་ནྣ་ཛཱ་དཱི་ཧི, དྷ་མྨ་ཏཱ་རཱུ་པ་ཏོ་པི ཙ.
༣༢༣. ནཱ་མཾ ཀ་ལཱ་པ་ཡ་མ་ཏོ, ཁ་ཎ་ཏོ ཀ་མ་ཏོ་པི ཙ;
དི་ཊྛི་མཱ་ན་ནི་ཀ་ནྟཱི་ནཾ, པ་སྶེ ཨུ་གྒྷཱ་ཊ་ནཱ་དི་ཏོ.
༣༢༤. ཨ་ཝི་ཛྫཱ་ཏ་ཎྷཱ་ཀ་མྨ་ནྣ-ཧེ་ཏུ་ཏོ རཱུ་པཾ ཨུ་བྦྷ་ཝེ;
ཝི་ནཱ་ཧཱ་རཾ ས་ཕ་སྶེ་ཧི, ཝེ་ད་ནཱ་དི་ཏྟ་ཡཾ བྷ་ཝེ.
༣༢༥. ཏེ་ཧི་ཡེ་ཝ ཝི་ནཱ ཕ་སྶཾ,
ནཱ་མ་རཱུ་པཱ་དྷི་ཀེ་ཧི ཏུ;
ཙི་ཏྟཾ ཧེ་ཏུ་ཀྑ་ཡཱ སོ སོ,
ཝེ་ཏི ཝེ ཏ་སྶ ཏ་སྶ ཏུ.
༣༢༦. ཧེ་ཏུ་ཏོ་ད་ཡ་ནཱ་སེ་ཝཾ, ཁ་ཎོ་ད་ཡ་ཝ་ཡེ་ན་པི;
ཨི་ཏི པ་ཉྙཱ་སཱ་ཀཱ་རེ་ཧི, པ་སྶེ པུ་ནཱུ་ད་ཡ་བྦ་ཡཾ.
༣༢༧. ཡོ་གི་སྶེ་ཝཾ ས་མཱ་ར་དྡྷ་ཨུ་ད་ཡ་བྦ་ཡ་ད་སྶི་ནོ;
པཱ་ཏུ་བྷོ་ནྟི ཨུ་པ་ཀླེ་སཱ, ས་བྷཱ་ཝཱ ཧེ་ཏུ་ཏོ་པི ཙ.
༣༢༨. ཏེ ཨོ་བྷཱ་ས་མ་ཏུ་སྶཱ་ཧ་པ་སྶ་དྡྷི་སུ་ཁུ་པེ་ཀྑ་ནཱ;
ས་ཏི པཱི་ཏཱ་དྷི་མོ་ཀྑོ ཙ, ནི་ཀ་ནྟི ཙ ད་སཱི་རི་ཏཱ.
༣༢༩. ཏ་ཎྷཱ་དི་ཊྛུ་ནྣ་ཏི་གྒཱ་ཧ་ཝ་ཏྠུ་ཏོ ཏིཾ་ས་དྷཱ ཏེ ཙ;
ཏ་དུ་པྤ་ནྣེ ཙ་ལེ བཱ་ལོ, ཨ་མ་གྒེ མ་གྒ་ད་སྶ་ཀོ.
༣༣༠. ཝི་པ་སྶ་ནཱ པ་ཐོ་ཀྐ་ནྟཱ, ཏ་དཱ་སི མ་ཏི་མཱ་དྷུ་ནཱ;
ན མ་གྒོ གཱ་ཧ་ཝ་ཏྠུ་ཏྟཱ, ཏེ་སཾ ཨི་ཏི ཝི་པ་སྶ་ཏི.
༣༣༡. ཨུ་པ་ཀླེ་སེ ཨ་ནི་ཙྩཱ་དི-ཝ་ས་གེ སོ་ད་ཡ་བྦ་ཡེ;
པ་སྶ་ཏོ ཝཱི་ཐི་ནོ་ཀྐ་ནྟ་ད་སྶ་ནཾ ཝུ་ཙྩ་ཏེ པ་ཐོ.
༣༣༢. མ་གྒཱ་མ་གྒེ ཝ་ཝ་ཏྠེ་ཏྭཱ, ཡཱ པ་ཉྙཱ ཨེ་ཝ་མུ་ཊྛི་ཏཱ;
མ་གྒཱ་མ་གྒི་ཀྑས་ངྑཱ་ཏཱ, སུ་དྡྷི སཱ པ་ཉྩ་མཱི བྷ་ཝེ.
༣༣༣. པ་ཧཱ་ན་ཝ྄ཧ་པ་རི་ཉྙཱ་ཡ, ཨཱ་དི་ཏོ སུ་དྡྷི་སི་དྡྷི་ཡཱ;
ཏཱི་ར་ཎ་ཝ྄ཧ་པ་རི་ཉྙཱ་ཡ, ཨ་ནྟ་གོ ཡ་ཏ་ཏེ་དྷུ་ནཱ.
༣༣༤. ཛཱ་ཡ་ཏེ ན་ཝ་ཉཱ་ཎཱི སཱ, ཝི་སུ་དྡྷི ཀ་མ་ཏོ་ད་ཡ-
བྦ་ཡཱ་དཱི གྷ་ཊ་མཱ་ན་སྶ, ན་ཝ ཧོ་ནྟི པ་ནེ་ཏྠ ཧི.
༣༣༥. ས་ནྟ་ཏཱི་རི་ཡ་ཏོ ཙེ་ཝ, གྷ་ནེ་ནཱ་པི ཙ ཚ་ནྣ་ཏོ;
ལ་ཀྑ་ཎཱ་ནི ན ཁཱ་ཡ་ནྟེ, སཾ་ཀི་ལི་ཊྛཱ ཝི་པ་སྶ་ནཱ.
༣༣༦. ཏ་ཏོ་ཏྲ ས་མྨ་སེ བྷི་ཡྻོ, པུ་ན་དེཝུ་ད་ཡ་བྦ་ཡཾ;
ཏེ་ནཱ་ནི་ཙྩཱ་དི་ས་མྤ་སྶཾ, པ་ཊུ་ཏཾ པ་ར་མཾ ཝ་ཛེ.
༣༣༧. ཨཱ་ཝ་ཊྚེ་ཏྭཱ ཡ་དུ་པྤཱ་ད་ཊྛི་ཏི་ཨཱ་དཱི་ཧི པ་སྶ་ཏོ;
བྷ་ངྒེ་ཝ ཏི་ཊྛ་ཏེ ཉཱ་ཎཾ, ཏ་དཱ བྷ་ངྒ་མ་ཏཱི སི་ཡཱ.
༣༣༨. ཨེ་ཝཾ པ་སྶ་ཡ་ཏོ བྷ་ངྒཾ, ཏི་བྷ་ཝོ ཁཱ་ཡ་ཏེ ཡ་དཱ;
སཱི་ཧཱ་དི་ཝ བྷ་ཡཾ ཧུ་ཏྭཱ, སི་ཡཱ ལ་དྡྷཱ བྷ་ཡི་ཀྑ་ཎཱ.
༣༣༩. སཱ་དཱི་ན་ཝཱ པ་ཏི་ཊྛ་ནྟེ, ཁ་ནྡྷཱ་དི་ཏྟ་གྷ་རཾ ཝི་ཡ;
ཡ་དཱ ཏ་དཱ སི་ཡཱ ལ་དྡྷཱ, ཨཱ་དཱི་ན་ཝཱནུ་པ་སྶ་ནཱ.
༣༤༠. ས་ངྑཱ་རཱ་དཱི་ན་ཝཾ དི་སྭཱ, ར་མ་ཏེ ན བྷ་ཝཱ་དི་སུ;
མ་ཏི ཡ་དཱ ཏ་དཱ ལ་དྡྷཱ, སི་ཡཱ ནི་བྦི་དཔ་སྶ་ནཱ.
༣༤༡. ཉཱ་ཎཾ མུ་ཙྩི་ཏུ་ཀཱ་མཾ ཏེ, ས་བྦ་བྷཱུ་ས་ངྑ་ཏེ ཡ་དཱ;
ཛཱ་ལཱ་དཱི་ཧི ཙ མ་ཙྪཱ་དཱི, ཏ་དཱ ལ་དྡྷཱ ཙ་ཛྫ་མ་ཏི.
༣༤༢. ས་ངྑཱ་རེ ཨ་སུ་བྷཱ་ནི་ཙྩ་དུ་ཀྑ་ཏོ་ན་ཏྟ་ཏོ མ་ཏི;
པ་སྶ་ནྟཱི ཙ་ཏྟུ་མུ་སྶུ་ཀྐཱ, པ་ཊི་ས་ངྑཱནུ་པ་སྶ་ནཱ.
༣༤༣. ཝུ་ཏྟཱ་ཏྲ པ་ཊུ་བྷཱ་ཝཱ་ཡ, ས་བྦ་ཉཱ་ཎ་པ་ཝ་ཏྟི་ཡཱ;
མཱི་ན་ས་ཉྙཱ་ཡ ས་པྤ་སྶ, གཱ་ཧ་ལུ་དྡ་ས་མོ་པ་མཱ.
༣༤༤. ཨ་ཏྟ་ཏྟ་ནི་ཡ་ཏོ སུ་ཉྙཾ, དྭི་དྷཱ ‘‘ནཱ་ཧཾ ཀྭ་ཙཱ’’དི་ནཱ;
ཙ་ཏུ་དྷཱ ཚ་བྦི་དྷཱ ཙཱ་པི, བ་ཧུ་དྷཱ པ་སྶ་ཏོ བྷུ་སཾ.
༣༤༥. ཨཱ་ཝ་ཊྚ་ཏི་གྒི་མཱ་ས་ཛྫ,
ནྷཱ་རཱུ་ཝ མ་ཏི ས་ངྑ་ཏཾ;
ཙ་ཏྟ་བྷ་རི་ཡོ ཡ་ཐཱ དོ་སེ,
ཏ་ཐཱ ཏཾ ས་མུ་པེ་ཀྑ་ཏེ.
༣༤༦. ཏཱ་ཝ སཱ་དཱི་ན་ཝཱ་ན་མྤི, ལ་ཀྑ་ཎེ ཏི་ཊྛ་ཏེ མ་ཏི;
ན པ་སྶེ ཡཱ་ཝ སཱ ཏཱི་རཾ, སཱ་མུ་དྡ་ས་ཀུ་ཎཱི ཡ་ཐཱ.
༣༤༧. ས་ངྑཱ་རུ་པེ་ཀྑཱ་ཉཱ་ཎཱཡཾ, སི་ཁཱ་པ་ཏྟཱ ཝི་པ་སྶ་ནཱ;
ཝུ་ཊྛཱ་ན་གཱ་མི་ནཱི་ཏི ཙ, སཱ་ནུ་ལོ་མཱཏི ཝུ་ཙྩ་ཏི.
༣༤༨. པ་ཏྭཱ མོ་ཀྑ་མུ་ཁཾ ས་ཏྟ, སཱ་དྷེ་ཏི་རི་ཡ་པུ་གྒ་ལེ;
ཛྷཱ་ན་ངྒཱ་དི་པྤ་བྷེ་དེ ཙ, པཱ་ད་ཀཱ་དི་ཝ་སེ་ན སཱ.
༣༤༩. ཨ་ནི་ཙྩ་ཏོ ཧི ཝུ་ཊྛཱ་ནཾ, ཡ་དི ཡ་སྶཱ་སི ཡོ་གི་ནོ;
སོ་དྷི་མོ་ཀྑ་སྶ བཱ་ཧུ་ལླཱ, ཏི་ཀྑ་ས་དྡྷི་ནྡྲི་ཡོ བྷ་ཝེ.
༣༥༠. དུ་ཀྑ་ཏོ་ན་ཏྟ་ཏོ ཏ་ཉྩེ, སི་ཡཱ ཧོ་ནྟི ཀ་མེ་ན ཏེ;
པ་སྶ་དྡྷི་ཝེ་ད་བཱ་ཧུ་ལླཱ, ཏི་ཀྑེ་ཀ་གྒ་མ་ཏི་ནྡྲི་ཡཱ.
༣༥༡. པ་ཉྙཱ་དྷུ་ར་ཏྟ་མུ་དྡི་ཊྛཾ, ཝུ་ཊྛཱ་ནཾ ཡ་དི་ན་ཏྟ་ཏོ;
ས་དྡྷཱ་དྷུ་ར་ཏྟཾ སེ་སེ་ཧི, ཏཾ ཝི་ཡཱ་བྷི་ནི་ཝེ་ས་ཏོ.
༣༥༢. དྭེ ཏི་ཀྑ་ས་དྡྷ་ས་མ་ཐཱ, སི་ཡུཾ ས་དྡྷཱ་ནུ་སཱ་རི་ནོ;
ཨཱ་དོ མ་ཛ྄ཛྷེ་སུ ཋཱ་ནེ་སུ, ཚ་སུ ས་དྡྷཱ་ཝི་མུ་ཏྟ་ཀཱ.
༣༥༣. ཨི་ཏ་རོ དྷ་མྨཱ་ནུ་སཱ་རཱི་དོ, དི་ཊྛི་པྤ་ཏྟོ ཨ་ན་ནྟ་ཀེ;
པ་ཉྙཱ་མུ་ཏྟོ་བྷ་ཡ་ཏྠ་ནྟེ, ཨ་ཛྷཱ་ནི་ཛྷཱ་ནི་ཀཱ ཙ ཏེ.
༣༥༤. ཏི་ཀྑ་ས་དྡྷ་སྶ ཙ་ནྟེ་པི, ས་དྡྷཱ་མུ་ཏྟ་ཏྟ་མཱི་རི་ཏཾ;
ཝི་སུ་དྡྷི་མ་གྒེ མ་ཛ྄ཛྷ་སྶ, ཀཱ་ཡ་ས་ཀྑི་ཏྟ་མ་ཊྛ་སུ.
༣༥༥. ཝུ་ཏྟཾ མོ་ཀྑ་ཀ་ཐཱ་ཡཾ ཡཾ, ཏི་ཀྑ་པ་ཉྙཱ་ར་ཧ་སྶ ཏུ;
དི་ཊྛི་པ་ཏྟ་ཏྟཾ ཧེ་ཏ་ཉྩ, ཏ་ཉྩ ན་ཏྠཱ་བྷི་དྷ་མྨི་ཀེ.
༣༥༦. ཏེ ས་བྦེ ཨ་ཊྛ་མོ་ཀྑཱ་ནཾ, ལཱ་བྷཱི ཙེ ཚ་སུ མ་ཛ྄ཛྷ་སུ;
ཀཱ་ཡ་ས་ཀྑཱི སི་ཡུཾ ཨ་ནྟེ, ཨུ་བྷ་ཏོ་བྷཱ་ག་མུ་ཏྟ་ཀཱ.
༣༥༧. ཨ་ནུ་ལོ་མཱ་ནི ཙ་ཏྟཱ་རི, ཏཱི་ཎི དྭེ ཝཱ བྷ་ཝ་ནྟི ཧི;
མ་གྒ་སྶ ཝཱི་ཐི་ཡཾ མ་ནྡ་མ་ཛ྄ཛྷ་ཏི་ཀྑ་མ་ཏི་བྦ་སཱ.
༣༥༨. ཝི་སུ་དྡྷི་མ་གྒེ ཙ་ཏྟཱ་རི, པ་ཊི་སི་དྡྷཱ་ནི ས་བྦ་ཐཱ;
ཨེ་ཝམ་ཊྛ་སཱ་ལི་ནི་ཡཱ, ཝུ་ཏྟ་ཏྟཱ ཨེ་ཝ་མཱི་རི་ཏཾ.
༣༥༩. བྷ་ཝ་ངྒཱ་ས་ནྣ་དོ་སོ་པི, ན་པྤ་ནཱ་ཡ ཐི་ར་ཏྟ་ཏོ;
སུ་དྡྷིཾ པ་ཊི་པ་དཱ་ཉཱ་ཎ་ད་སྶ་ནེཝཾ ལ་བྷེ ཡ་ཏི.
༣༦༠. ཨཱ་ཝ་ཛྫཾ ཝི་ཡ མ་གྒ་སྶ, ཚ་ཊྛ་ས་ཏྟ་མ་སུ་དྡྷི་ནཾ;
ཨ་ནྟ་རཱ ས་ནྟི་མཱ་ར་བྦྷ, ཏེ་ཧི གོ་ཏྲ་བྷུ ཛཱ་ཡ་ཏེ.
༣༦༡. སཾ་ཡོ་ཛ་ན་ཏྟ་ཡ་ཙྪེ་དཱི, མ་གྒོ ཨུ་པྤ་ཛྫ་ཏེ ཏ་ཏོ;
ཕ་ལཱ་ནི ཨེ་ཀཾ དྭེ ཏཱི་ཎི, ཏ་ཏོ ཝུ་ཏྟ་མ་ཏི་ཀྐ་མཱ.
༣༦༢. ཏ་ཐཱ བྷཱ་ཝ་ཡ་ཏོ ཧོ་ཏི, རཱ་ག་དོ་ས་ཏ་ནཱུ་ཀ་རཾ;
དུ་ཏི་ཡོ ཏ་པྥ་ལཾ ཏ་མྷཱ, ས་ཀ་དཱ་གཱ་མི ཏ་པྥ་ལཱི.
༣༦༣. ཨེ་ཝཾ བྷཱ་ཝ་ཡ་ཏོ རཱ་ག་དོ་ས་ནཱ་ས་ཀ་རུ་བྦྷ་ཝེ;
ཏ་ཏི་ཡོ ཏ་པྥ་ལཾ ཏ་མྷཱ, ཏ་པྥ་ལ་ཊྛོནཱ་གཱ་མི་ཀོ.
༣༦༤. ཨེ་ཝཾ བྷཱ་ཝ་ཡ་ཏོ སེ་ས་དོ་ས་ནཱ་ས་ཀ་རུ་བྦྷ་ཝེ;
ཙ་ཏུ་ཏྠོ ཏ་པྥ་ལཾ ཏ་མྷཱ, ཨ་ར་ཧཱ ཏ་པྥ་ལ་ཊྛ་ཀོ.
༣༦༥. ཀ་ཏ་ཀི་ཙྩོ བྷ་ཝ་ཙྪེ་དོ, ད་ཀྑི་ཎེ་ཡྻོ་པ་དྷི་ཀྑ་ཡཱ;
ནི་བྦུ་ཏིཾ ཡཱ་ཏི དཱི་པོ་ཝ, ས་བྦ་དུ་ཀྑ་ནྟ་ས་ཉྙི་ཏཾ.
༣༦༦. ཨེ་ཝཾ སི་དྡྷཱ སི་ཡཱ སུ་དྡྷི, ཉཱ་ཎ་ད་སྶ་ནས་ཉྙི་ཏཱ;
ཝུ་ཏྟཾ ཨེ་ཏྟཱ་ཝ་ཏཱ ས་ཙྩཾ, པ་ར་མ་ཏྠཾ ས་མཱ་ས་ཏོ.
༣༦༧. ས་ཙྩཾ ས་མྨུ་ཏི ས་ཏྟཱ་དི་ཨ་ཝ་ཏྠུ ཝུ་ཙྩ་ཏེ ཡ་ཏོ;
ན ལ་བྦྷཱ་ལཱ་ཏ་ཙ་ཀྐཾ་ཝ, ཏཾ ཧི རཱུ་པཱ་ད་ཡོ ཝི་ནཱ.
༣༦༨. ཏེ་ན ཏེ་ན པ་ཀཱ་རེ་ན, རཱུ་པཱ་དིཾ ན ཝི་ཧཱ་ཡ ཏུ;
ཏ་ཐཱ ཏ་ཐཱ་བྷི་དྷཱ་ན་ཉྩ, གཱ་ཧ་ཉྩ ཝ་ཏྟ་ཏེ ཏ་ཏོ.
༣༦༩. ལ་བྦྷ་ཏེ པ་རི་ཀ་པྤེ་ན, ཡ་ཏོ ཏཾ ན མུ་སཱ ཏ་ཏོ;
ཨ་ཝུ་ཏྟཱ་ལ་མྦ་མི་ཙྩཱ་ཧུ, པ་རི་ཏྟཱ་དཱི་སྭ་ཝཱ་ཙ་ཏོ.
༣༧༠. པཱ་པ་ཀ་ལྱཱ་ཎ་མི་ཏྟོ་ཡཾ, ས་ཏྟོ་ཏི ཁ་ནྡྷ་ས་ནྟ་ཏི;
ཨེ་ཀ་ཏྟེ་ན ག་ཧེ་ཏྭཱ་ན, ཝོ་ཧ་ར་ནྟཱི་དྷ པ་ཎྜི་ཏཱ.
༣༧༡. པ་ཐ་ཝཱ་དི ཝི་ཡེ་ཀོ་པི, པུ་གྒ་ལོ ན ཡ་ཏོ ཏ་ཏོ;
ཀུ་དི་ཊྛི་ཝ་ཏྠུ་བྷཱ་ཝེ་ན, པུ་གྒ་ལ་གྒ་ཧ་ཎཾ བྷ་ཝེ.
༣༧༢. ཨེ་ཏཾ ཝི་ས་ཡ་ཏོ ཀ་ཏྭཱ, ས་ངྑཱ་དཱི་ཧི པ་དེ་ཧི ཏུ;
ཨ་ཝི་ཛྫ་མཱ་ན་པ་ཉྙ་ཏྟི, ཨི་ཏི ཏ་ཉྙཱུ་ཧི བྷཱ་སི་ཏཱ.
༣༧༣. པ་ཉྙ་ཏྟི ཝི་ཛྫ་མཱ་ན་སྶ, རཱུ་པཱ་དི་ཝི་ས་ཡ་ཏྟ་ཏོ;
ཀཱ་ཡཾ པ་ཉྙ་ཏྟི ཙེ སུ་ཊྛུ, ཝ་ད་ཏོ སུ་ཎ ས་ཙྩ་ཏོ.
༣༧༤. ས་ཝི་ཉྙ་ཏྟི་ཝི་ཀཱ་རོ ཧི, ས་དྡོ ས་ཙྩ་དྭ་ཡ་སྶ ཏུ;
པ་ཉྙཱ་པ་ན་ཏྟཱ པ་ཉྙ་ཏྟི, ཨི་ཏི ཏ་ཉྙཱུ་ཧི བྷཱ་སི་ཏཱ.
༣༧༥. པ་ཙྩུ་པྤ་ནྣཱ་དི་ཨཱ་ལ་མྦཾ, ནི་རུ་ཏྟི་པ་ཊི་ས་མྦྷི་དཱ-
ཉཱ་ཎ་སྶཱ་ཏི ཨི་ད་ཉྩེ་ཝཾ, ས་ཏི ཡུ་ཛྫ་ཏི ནཱ་ཉྙ་ཐཱ.