༣. ཏ་ཏི་ཡོ པ་རི་ཙྪེ་དོ
ཙེ་ཏ་སི་ཀ་ཝི་བྷཱ་ག་ནི་དྡེ་སོ
༨༩. ས་བྦེ ཙེ་ཏ་སི་ཀཱ ཝུ་ཏྟཱ, བུ་དྡྷེ་ནཱ་དི་ཙྩ་བ་ནྡྷུ་ནཱ;
ནཱ་མ་སཱ་མ་ཉྙ་ཏོ་ཡེ་ཝ, དྭེ་པ་ཉྙཱ་ས བྷ་ཝ་ནྟི ཏེ.
སེ་ཡྻ་ཐི་དཾ – ཕ་སྶོ ཝེ་ད་ནཱ ས་ཉྙཱ ཙེ་ཏ་ནཱ ཝི་ཏ་ཀྐོ ཝི་ཙཱ་རོ པཱི་ཏི ཙི་ཏྟེ་ཀ་གྒ་ཏཱ ཝཱི་རི་ཡཾ ཛཱི་ཝི་ཏཾ ཚ་ནྡོ ཨ་དྷི་མོ་ཀྑོ མ་ན་སི་ཀཱ་རོ ཏ་ཏྲ་མ་ཛ྄ཛྷ་ཏྟ་ཏཱ ས་དྡྷཱ ས་ཏི ཧི་རཱི ཨོ་ཏྟ་པྤཾ ཨ་ལོ་བྷོ ཨ་དོ་སོ ཨ་མོ་ཧོ ཀཱ་ཡ་པྤ་སྶ་དྡྷི་ཨཱ་དཱི་ནི ཚ ཡུ་གཱ་ནི, ཏི་སྶོ ཝི་ར་ཏི་ཡོ, ཀ་རུ་ཎཱ མུ་དི་ཏཱ ལོ་བྷོ དོ་སོ མོ་ཧོ ཨུ་དྡྷ་ཙྩཾ མཱ་ནོ དི་ཊྛི ཨི་སྶཱ མ་ཙྪ་རི་ཡཾ ཀུ་ཀྐུ་ཙྩཾ ཐི་ནཾ མི་དྡྷཾ ཝི་ཙི་ཀི་ཙྪཱ ཨ་ཧི་རི་ཀཾ ཨ་ནོ་ཏྟ་པྤ་ཉྩཱ་ཏི.
༩༠. ཙ་ཏུ་པ་ཉྙཱ་ས་དྷཱ ཀཱ་མེ, རཱུ་པེ པ་ཉྩ་ད་སེ་རི་ཏཱ;
ཏེ ཧོ་ནྟི དྭཱ་ད་སཱ་རཱུ་པེ, ཙ་ཏྟཱ་ལཱི་ས་མ་ནཱ་ས་ཝཱ.
༩༡. ཨེ་ཀ་ཝཱི་ས་ས་ཏཾ ས་བྦེ, ཙི་ཏྟུ་པྤཱ་དཱ ས་མཱ་ས་ཏོ;
ཨེ་ཏེ་སུ ཏེ་ས་མུ་པྤ་ཏྟིཾ, ཨུ་དྡྷ་རི་ཏྭཱ པ་ནེ་ཀ་ཀཾ.
༩༢. ཕ་སྶཱ་དཱི་ནཾ ཏུ དྷ་མྨཱ་ནཾ, པ་ཝ་ཀྑཱ་མི ཨི་ཏོ པ་རཾ;
པཱ་ཊ་ཝ་ཏྠཱ་ཡ བྷི་ཀྑཱུ་ནཾ, ཙི་ཏྟ་ཙེ་ཏ་སི་ཀེ་སྭ་ཧཾ.
༩༣. ཨེ་ཀ་གྒ་ཏཱ མ་ན་ཀྐཱ་རོ, ཛཱི་ཝི་ཏཾ ཕ་སྶ་པ་ཉྩ་ཀཾ;
ཨ་ཊྛེ་ཏེ ཨ་ཝི་ནི་བྦྷོ་གཱ, ཨེ་ཀུ་པྤཱ་དཱ ས་ཧ་ཀྑ་ཡཱ.
༩༤. ཕ་སྶོ ཙ ཝེ་ད་ནཱ ས་ཉྙཱ, ཙེ་ཏ་ནཱ ཛཱི་ཝི་ཏི་ནྡྲི་ཡཾ;
ཨེ་ཀ་གྒ་ཏཱ མ་ན་ཀྐཱ་རོ, ས་བྦ་སཱ་དྷཱ་ར་ཎཱ ཨི་མེ.
༩༥. ཝི་ཏ་ཀྐོ པ་ཉྩ་པ་ཉྙཱ་ས-ཙི་ཏྟེ་སུ ས་མུ་དཱི་རི་ཏོ;
ཙཱ་རོ ཚ་ས་ཊྛི་ཙི་ཏྟེ་སུ, ཛཱ་ཡ་ཏེ ན་ཏྠི སཾ་ས་ཡོ.
༩༦. ཨེ་ཀ་པ་ཉྙཱ་ས་ཙི་ཏྟེ་སུ, པཱི་ཏི ཏེ་ས་ཊྛི་ཡཱ སུ་ཁཾ;
ཨུ་པེ་ཀྑཱ པ་ཉྩ་པ་ཉྙཱ་ས-ཙི་ཏྟེ དུ་ཀྑཾ ཏུ ཏཱི་སུ ཧི.
༩༧. ཧོ་ཏི དྭཱ་ས་ཊྛི་ཙི་ཏྟེ་སུ, སོ་མ་ན་སྶི་ནྡྲི་ཡཾ པ་ན;
དུ་ཀྑི་ནྡྲི་ཡཾ པ་ནེ་ཀ་སྨིཾ, ཏ་ཐེ་ཀ་མྷི སུ་ཁི་ནྡྲི་ཡཾ.
༩༨. པ་ཉྩུ་ཏྟ་ར་ས་ཏེ ཙི་ཏྟེ, ཝཱི་རི་ཡཾ ཨཱ་ཧ ནཱ་ཡ་ཀོ;
ཙ་ཏུ་ཏྟ་ར་ས་ཏེ ཙི་ཏྟེ, ས་མཱ་དྷི་ནྡྲི་ཡ་མ་བྲ་ཝི.
༩༩. ས་བྦཱ་ཧེ་ཏུ་ཀ་ཙི་ཏྟཱ་ནི, ཋ་པེ་ཏྭཱ ཙེ་ཀ་ཧེ་ཏུ་ཀེ;
ཨེ་ཀུ་ཏྟ་ར་ས་ཏེ ཙི་ཏྟེ, ཚ་ནྡ་སྶུ་པྤ་ཏྟི་མུ་དྡི་སེ.
༡༠༠. ཋ་པེ་ཏྭཱ ད་ས ཝི་ཉྙཱ་ཎེ, ཝི་ཙི་ཀི་ཙྪཱ་ཡུ་ཏ་མྤི ཙ;
ད་སུ་ཏྟ་ར་ས་ཏེ ཙི་ཏྟེ, ཨ་དྷི་མོ་ཀྑོ ཨུ་དཱི་རི་ཏོ.
༡༠༡. ས་དྡྷཱ ས་ཏི ཧི་རོ་ཏྟ་པྤཾ, ཨ་ལོ་བྷཱ་དོ་ས་མ་ཛ྄ཛྷ་ཏཱ;
ཚ་ལེ༹་ཝ ཡུ་ག་ལཱ༹ ཙཱ་ཏི, དྷ་མྨཱ ཨེ་ཀཱུ་ན་ཝཱི་ས་ཏི.
༡༠༢. ཨེ་ཀ་ན་ཝུ་ཏི་ཡཱ ཙི་ཏྟེ, ཛཱ་ཡ་ནྟི ནི་ཡ་ཏཱ ཨི་མེ;
ཨ་ཧེ་ཏུ་ཀེ་སུ ཙི་ཏྟེ་སུ, ཨ་པུ་ཉྙེ་སུ ན ཛཱ་ཡ་རེ.
༡༠༣. ཨེ་ཀཱུ་ནཱ་སཱི་ཏི་ཡཱ ཙི་ཏྟེ, པ་ཉྙཱ ཛཱ་ཡ་ཏི ས་བྦ་དཱ;
ཨ་ཊྛ་ཝཱི་ས་ཏི་ཡཱ ཙི་ཏྟེ, ཀ་རུ་ཎཱ་མུ་དི་ཏཱ སི་ཡུཾ.
༡༠༤. ཀཱ་མཱ་ཝ་ཙ་ར་པུ་ཉྙེ་སུ, ས་བྦ་ལོ་ཀུ་ཏྟ་རེ་སུ ཙ;
ཙ་ཏྟཱ་ལཱི་ས་ཝི་དྷེ ཙི་ཏྟེ, སཱ་ཊྛ་ཀེ ཝི་ར་ཏི་ཏྟ་ཡཾ.
༡༠༥. ས་དྡྷཱ ས་ཏི ཧི་རོ་ཏྟ་པྤཾ, ཨ་ལོ་བྷཱ་དི་ཏྟ་ཡ་མྤི ཙ;
ཡུ་ག་ལཱ༹་ནི ཚ མ་ཛ྄ཛྷ་ཏྟཾ, ཀ་རུ་ཎཱ་མུ་དི་ཏཱ་པི ཙ.
༡༠༦. ཏ་ཐཱ ཝི་ར་ཏི་ཡོ ཏི་སྶོ, ས་བྦེ ཏེ པ་ཉྩ་ཝཱི་ས་ཏི;
ཀུ་ས་ལཱ་བྱཱ་ཀ་ཏཱ ཙཱ་པི, ཀུ་ས་ལེ་ན པ་ཀཱ་སི་ཏཱ.
༡༠༧. ཨ་ཧི་རཱི་ཀ་མ་ནོ་ཏྟ་པྤཾ, མོ་ཧོ ཨུ་དྡྷ་ཙྩ་མེ་ཝ ཙ;
དྭཱ་ད་སཱ་པུ་ཉྙ་ཙི་ཏྟེ་སུ, ནི་ཡ་ཏཱ་ཡེ་ཝ ཛཱ་ཡ་རེ.
༡༠༨. ལོ་བྷོ དོ་སོ ཙ མོ་ཧོ ཙ, མཱ་ནོ དི་ཊྛི ཙ སཾ་ས་ཡོ;
མི་དྡྷ་མུ་དྡྷ་ཙྩ་ཀུ་ཀྐུ་ཙྩཾ, ཐི་ནཾ མ་ཙྪ་རི་ཡ་མྤི ཙ.
༡༠༩. ཨ་ཧི་རཱི་ཀ་མ་ནོ་ཏྟ་པྤཾ, ཨི་སྶཱ ཙ དོ་མ་ན་སྶ་ཀཾ;
ཨེ་ཏེ ཨ་ཀུ་ས་ལཱ ཝུ་ཏྟཱ, ཨེ་ཀ་ནྟེ་ན མ་ཧེ་སི་ནཱ.
༡༡༠. ལོ་བྷོ ཨ་ཊྛ་སུ ནི་དྡི་ཊྛོ, ཝུ་ཏྟཱ ཙ་ཏཱུ་སུ དི་ཊྛི་ཏུ;
མཱ་ནོ དི་ཊྛི་ཝི་ཡུ་ཏྟེ་སུ, དོ་སོ་དྭཱི་སྭེ་ཝ ཛཱ་ཡ་ཏེ.
༡༡༡. ཨི་སྶཱ་མ་ཙྪེ་ར་ཀུ་ཀྐུ་ཙྩཱ, དྭཱི་སུ ཛཱ་ཡ་ནྟི ནོ ས་ཧ;
ཝི་ཙི་ཀི་ཙྪཱ པ་ནེ་ཀ་སྨིཾ, ཐི་ན་མི་དྡྷཾ ཏུ པ་ཉྩ་སུ.
༡༡༢. ཕ་སྶོ ཙ ཝེ་ད་ནཱ ས་ཉྙཱ, ཙེ་ཏ་ནཱ ཛཱི་ཝི་ཏཾ མ་ནོ;
ཝི་ཏ་ཀྐོ ཙ ཝི་ཙཱ་རོ ཙ, པཱི་ཏི ཝཱི་རི་ཡ་ས་མཱ་དྷི ཙ.
༡༡༣. ཚ་ནྡོ ཙེ་ཝཱ་དྷི་མོ་ཀྑོ ཙ, མ་ན་སི་ཀཱ་རོ ཙ ཙུ་དྡ་ས;
ཀུ་ས་ལཱ་ཀུ་ས་ལཱ ཙེ་ཝ, ཧོ་ནྟི ཨ་བྱཱ་ཀ་ཏཱ་པི ཙ.
༡༡༤. ཨེ་ཀཱུ་ན་ཏིཾ་ས་ཙི་ཏྟེ་སུ, ཛྷཱ་ནཾ པ་ཉྩ་ངྒི་ཀཾ མ་ཏཾ;
ཙ་ཏུ་ཛྷཱ་ན་ངྒ་ཡུ་ཏྟཱ་ནི, ས་ཏྟ་ཏིཾ་སཱ་ཏི ནི་དྡི་སེ.
༡༡༥. ཨེ་ཀཱ་ད་ས་ཝི་དྷཾ ཙི་ཏྟཾ, ཏི་ཝ་ངྒི་ཀ་མུ་དཱི་རི་ཏཾ;
ཙ་ཏུ་ཏིཾ་ས་ཝི་དྷཾ ཙི་ཏྟཾ, དུ་ཝ་ངྒི་ཀ་མུ་དཱི་རི་ཏཾ.
༡༡༦. ས་བྷཱ་ཝེ་ནཱ་ཝི་ཏ་ཀྐེ་སུ, ཛྷཱ་ན་ངྒཱ་ནི ན ཨུ་དྡྷ་རེ;
ས་བྦཱ་ཧེ་ཏུ་ཀ་ཙི་ཏྟེ་སུ, མ་གྒ་ངྒཱ་ནི ན ཨུ་དྡྷ་རེ.
༡༡༧. ཏཱི་ཎི སོ་ལ༹་ས་ཙི་ཏྟེ་སུ, ཨི་ནྡྲི་ཡཱ་ནི ཝ་དེ བུ་དྷོ;
ཨེ་ཀ་སྨིཾ པ་ན ཙ་ཏྟཱ་རི, པ་ཉྩ ཏེ་ར་ས་སུ་དྡྷ་རེ.
༡༡༨. ས་ཏྟ དྭཱ་ད་ས་ཙི་ཏྟེ་སུ, ཨི་ནྡྲི་ཡཱ་ནི ཛི་ནོ་བྲ་ཝི;
ཨེ་ཀེ་ནཱུ་ནེ་སུ ཨ་ཊྛེ་ཝ, ཙ་ཏྟཱ་ལཱི་ས་མ་ནེ་སུ ཙ.
༡༡༩. ཙ་ཏྟཱ་ལཱི་སཱ་ཡ ཙི་ཏྟེ་སུ, ན་ཝ་ཀཾ ནཱ་ཡ་ཀོ་བྲ་ཝི;
ཨེ་ཝཾ ཨི་ནྡྲི་ཡ་ཡོ་གོ་པི, ཝེ་དི་ཏ་བྦོ ཝི་བྷཱ་ཝི་ནཱ.
༡༢༠. ཨ་མ་གྒ་ངྒཱ་ནི ནཱ་མེ་ཏྠ, ཨ་ཊྛཱ་ར་ས ཨ་ཧེ་ཏུ་ཀཱ;
ཛྷཱ་ན་ངྒཱ་ནི ན ཝི་ཛྫ་ནྟི, ཝི་ཉྙཱ་ཎེ་སུ དྭི་པ་ཉྩ་སུ.
༡༢༡. ཨེ་ཀཾ ཙི་ཏྟཾ དུ་མ་གྒ་ངྒཾ, ཏི་མ་གྒ་ངྒཱ་ནི ས་ཏྟ་སུ;
ཙ་ཏྟཱ་ལཱི་སཱ་ཡ ཙི་ཏྟེ་སུ, མ་གྒོ སོ ཙ་ཏུ་ར་ངྒི་ཀོ.
༡༢༢. པ་ཉྩ་དྡ་ས་སུ ཙི་ཏྟེ་སུ, མ་གྒོ པ་ཉྩ་ངྒི་ཀོ མ་ཏོ;
ཝུ་ཏྟོ དྭ་ཏྟིཾ་ས་ཙི་ཏྟེ་སུ, མ་གྒོ ས་ཏྟ་ངྒི་ཀོ་པི ཙ.
༡༢༣. མ་གྒོ ཨ་ཊྛ་སུ ཙི་ཏྟེ་སུ, མ་ཏོ ཨ་ཊྛ་ངྒི་ཀོ་ཏི ཧི;
ཨེ་ཝཾ ཏུ ས་བྦ་ཙི་ཏྟེ་སུ, མ་གྒ་ངྒཱ་ནི ས་མུ་དྡྷ་རེ.
༡༢༤. བ་ལཱ་ནི དྭེ དྭི་ཙི་ཏྟེ་སུ, ཨེ་ཀ་སྨིཾ ཏཱི་ཎི དཱི་པ་ཡེ;
ཨེ་ཀཱ་ད་ས་སུ ཙ་ཏྟཱ་རི, ཚ དྭཱ་ད་ས་སུ ནི་དྡི་སེ.
༡༢༥. ཨེ་ཀཱུ་ནཱ་སཱི་ཏི་ཡཱ ས་ཏྟ, སོ་ལ༹་སེ་ཝཱ་བ་ལཱ་ནི ཏུ;
ཙི་ཏྟ་མེ་ཝཾ ཏུ ཝི་ཉྙེ་ཡྻཾ, ས་བ་ལཾ ཨ་བ་ལ་མྤི ཙ.
༡༢༦. ཛྷཱ་ན་ངྒ་མ་གྒ་ངྒ་བ་ལི་ནྡྲི་ཡཱ་ནི,
ཙི་ཏྟེ་སུ ཛཱ་ཡ་ནྟི ཧི ཡེ་སུ ཡཱ་ནི;
མ་ཡཱ ས་མཱ་སེ་ན ས་མུ་དྡྷ་རི་ཏྭཱ,
ཝུ་ཏྟཱ་ནི ས་བྦཱ་ནི་པི ཏཱ་ནི ཏེ་སུ.
ཨི་ཏི ཨ་བྷི་དྷ་མྨཱ་ཝ་ཏཱ་རེ ཙེ་ཏ་སི་ཀ་ཝི་བྷཱ་ག་ནི་དྡེ་སོ ནཱ་མ
ཏ་ཏི་ཡོ པ་རི་ཙྪེ་དོ.