༡. པ་ཋ་མོ པ་རི་ཙྪེ་དོ
རཱུ་པ་ས་ངྑེ་པོ
༣. ས་ཙྩཱ་ནི པ་ར་མ་ཏྠ་ཉྩ, ས་མྨུ་ཏི་ཉྩཱ་ཏི དྭེ ཏ་ཧིཾ;
ཐ་དྡྷ་བྷཱ་ཝཱ་དི་ནཱ ཉེ་ཡྻཾ, ས་ཙྩཾ ཏཾ པ་ར་མ་ཏྠ་ཀཾ.
༤. ས་ནྣི་ཝེ་ས་ཝི་སེ་སཱ་དི་ཉེ་ཡྻཾ ས་མྨུ་ཏི ཏཾ དྭ་ཡཾ;
བྷཱ་ཝ་ས་ངྐེ་ཏ་སི་དྡྷཱི་ནཾ, ཏ་ཐ་ཏྟཱ ས་ཙྩ་མཱི་རི་ཏཾ.
༥. པ་ར་མ་ཏྠོ ས་ནི་བྦཱ་ན་པ་ཉྩ་ཀྑ་ནྡྷེ་ཏྠ རཱ་སི་ཏོ;
ཁ་ནྡྷ་ཏྠོ ཙ ས་མཱ་སེ་ཏྭཱ, ཝུ་ཏྟོ་ཏཱི་ཏཱ་དི་བྷེ་ད་ནཾ.
༦. ཝེ་ད་ནཱ་དཱི་སུ་པེ་ཀ་སྨིཾ, ཁ་ནྡྷ་ས་དྡོ ཏུ རུ་ལ༹ྷི་ཡཱ;
ས་མུ་དྡཱ་དེ་ཀ་དེ་སེ ཏུ, ས་མུ་དྡཱ་དི་ར་ཝོ ཡ་ཐཱ.
༧. ཏ་ཏྠ སཱི་ཏཱ་དི་རུ་པྤ་ཏྟཱ, རཱུ་པཾ བྷྭཱ་པཱ་ན་ལཱ་ནི་ལཾ;
བྷཱུ་ཏཾ ཀ་ཐི་ན་ད་ཝ་ཏཱ་པ་ཙ་ནཱི་ར་ཎ་བྷཱ་ཝ་ཀཾ.
༨. ཙ་ཀྑུ སོ་ཏ་ཉྩ གྷཱ་ན་ཉྩ, ཛི་ཝ྄ཧཱ ཀཱ་ཡོ པ་བྷཱ ར་ཝོ;
ག་ནྡྷོ ར་སོ་ཛཱ ཨི་ཏྠཱི ཙ, པུ་མཱ ཝ་ཏྠུ ཙ ཛཱི་ཝི་ཏཾ.
༩. ཁཾ ཛཱ་ཏི ཛ་ར་ཏཱ བྷ་ངྒོ, རཱུ་པ་སྶ ལ་ཧུ་ཏཱ ཏ་ཐཱ;
མུ་དུ་ཀ་མྨ་ཉྙ་ཏཱ ཀཱ་ཡ་ཝ་ཙཱི་ཝི་ཉྙ་ཏྟི བྷཱུ་ཏི་ཀཾ.
༡༠. ཙ་ཀྑཱ་དཱི ད་ཊྛུ་ཀཱ་མཱ་དི་ཧེ་ཏུ་ཀ་མྨ་ཛ་བྷཱུ་ཏི་ཀཱ;
པ་སཱ་དཱ རཱུ་པ་ས་དྡཱ་དཱི, ཙ་ཀྑུ་ཉཱ་ཎཱ་དི་གོ་ཙ་རཱ.
༡༡. ཨོ་ཛཱ ཧི ཡཱ་པ་ནཱ ཨི་ཏྠི་པུ་མ་ལི་ངྒཱ་དི་ཧེ་ཏུ་ཀཾ;
བྷཱ་ཝ་དྭ་ཡཾ ཏུ ཀཱ་ཡཾ་ཝ, བྱཱ་པི ནོ ས་ཧ་ཝུ་ཏྟི་ཀཾ.
༡༢. ནི་སྶ་ཡཾ ཝ་ཏྠུ དྷཱ་ཏཱུ་ནཾ, དྭི་ནྣཾ ཀ་མྨ་ཛ་པཱ་ལ་ནཾ;
ཛཱི་ཝི་ཏཾ ཨུ་པྤ་ལཱ་དཱི་ནཾ, ཨུ་ད་ཀཾ་ཝ ཋི་ཏི་ཀྑ་ཎེ.
༡༣. ཁཾ རཱུ་པཱ་ནཾ པ་རི་ཙྪེ་དོ, ཛཱ་ཏི་ཨཱ་དི་ཏྟ་ཡཾ པ་ན;
རཱུ་པ་ནི་བྦ་ཏྟི པཱ་ཀོ ཙ, བྷེ་དོ ཙེ་ཝ ཡ་ཐཱ་ཀྐ་མཾ.
༡༤. ལ་ཧུ་ཏཱ་དི་ཏྟ་ཡཾ ཏཾ ཧི, རཱུ་པཱ་ནཾ ཀ་མ་ཏོ སི་ཡཱ;
ཨ་ད་ནྡྷ་ཐ་དྡྷ་ཏཱ ཙཱ་པི, ཀཱ་ཡ་ཀ་མྨཱ་ནུ་ཀཱུ་ལ་ཏཱ.
༡༥. ཨ་བྷི་ཀྐ་མཱ་དི་ཛ་ན་ཀ་ཙི་ཏྟ་ཛ་སྶཱ་ནི་ལ་སྶ ཧི;
ཝི་ཀཱ་རོ ཀཱ་ཡ་ཝི་ཉྙ་ཏྟི, རཱུ་པ་ཏྠ་མྦྷཱ་དི་ཀཱ་ར་ཎཾ.
༡༦. ཝ་ཙཱི་བྷེ་ད་ཀ་ཙི་ཏྟེ་ན, བྷཱུ་ཏ་བྷཱུ་མི་ཝི་ཀཱ་ར་ཏཱ;
ཝ་ཙཱི་ཝི་ཉྙ་ཏྟུ་པཱ་དི་ནྣ་གྷ་ཊྚ་ན་སྶེ་ཝ ཀཱ་ར་ཎཾ.
༡༧. རཱུ་པ་མ་བྱཱ་ཀ་ཏཾ ས་བྦཾ, ཝི་པྤ་ཡུ་ཏྟ་མ་ཧེ་ཏུ་ཀཾ;
ཨ་ནཱ་ལ་མྦཾ པ་རི་ཏྟཱ་དི, ཨི་ཏི ཨེ་ཀ་ཝི་དྷཾ ན་ཡེ.
༡༨. ཨ་ཛ྄ཛྷ་ཏྟི་ཀཱ་ནི ཙ་ཀྑཱ་དཱི, པ་ཉྩེ་ཏེ་ཝ པ་སཱ་ད་ཀཱ;
ཝ་ཏྠུ་ནཱ ཝ་ཏྠུ ཏཱ་ནེ་ཝ, དྭཱ་རཱ ཝི་ཉྙ་ཏྟི་བྷཱི ས་ཧ.
༡༩. སེ་སཾ བཱ་ཝཱི་ས་ཏི ཙེ་ཀ་ཝཱི་ས ཝཱི་ས་ཏི བཱ་ཧི་རཾ;
ཨ་པྤ་སཱ་ད་མ་ཝ་ཏྠུཾ ཙ, ཨ་དྭཱ་ར་ཉྩ ཡ་ཐཱ་ཀྐ་མཾ.
༢༠. པ་སཱ་དཱ པ་ཉྩ བྷཱ་ཝཱ་ཡུ, ཨི་ནྡྲི་ཡ་ནི་ནྡྲི་ཡེ་ཏ་རཾ;
ཝི་ནཱ་པཾ ཨཱ་དི་ཏོ ཡཱ་ཝ, ར་སཱ ཐཱུ་ལཾ ན ཙེ་ཏ་རཾ.
༢༡. ཨ་ཊྛ་ཀཾ ཨ་ཝི་ནི་བྦྷོ་གཾ, ཝ་ཎྞ་ག་ནྡྷ་ར་སོ་ཛ་ཀཾ;
བྷཱུ་ཏཾ ཏཾ ཏུ ཝི་ནི་བྦྷོ་ག་མི་ཏ་ར་ནྟི ཝི་ནི་དྡི་སེ.
༢༢. ཨ་ཊྛཱ་ར་སཱ་དི་ཏོ རཱུ་པཱ, ནི་པྥ་ནྣཾ ཏུ ན ཙེ་ཏ་རཾ;
ཕོ་ཊྛ་བྦ་མཱ་པ་ཝ་ཛྫཾ ཏུ, བྷཱུ་ཏཾ ཀཱ་མེ ན ཙེ་ཏ་རཾ.
༢༣. སེ་ཀྑ་ས་པྤ་ཊི་གྷཱ་སེ་ཀྑ་པ་ཊི་གྷཾ དྭ་ཡ་ཝ་ཛྫི་ཏཾ;
ཝ་ཎྞཾ ཏ་དི་ཏ་རཾ ཐཱུ་ལཾ, སུ་ཁུ་མ་ཉྩེ་ཏི ཏཾ ཏི་དྷཱ.
༢༤. ཀ་མྨ་ཛཱ་ཀ་མྨ་ཛཾ་ནེ་ཝ་ཀ་མྨཱ་ཀ་མྨ་ཛ་ཏོ ཏི་དྷཱ;
ཙི་ཏྟོ་ཛ་ཨུ་ཏུ་ཛཱ་དཱི་ནཾ, ཝ་སེ་ནཱ་པི ཏི་དྷཱ ཏ་ཐཱ.
༢༥. དི་ཊྛཾ སུ་ཏཾ མུ་ཏ་ཉྩཱ་པི, ཝི་ཉྙཱ་ཏཾ ཝ་ཏ ཙེ་ཏ་སཱ;
ཨེ་ཀ་མེ་ཀ་ཉྩ པ་ཉྩཱ་པི, ཝཱི་ས་ཏི ཙ ཀ་མཱ སི་ཡུཾ.
༢༦. ཧ་ད་ཡཾ ཝ་ཏྠུ ཝི་ཉྙ་ཏྟི, དྭཱ་རཾ ཙ་ཀྑཱ་དི་པ་ཉྩ་ཀཾ;
ཝ་ཏྠུ དྭཱ་ར་ཉྩ སེ་སཱ་ནི, ཝ་ཏྠུ དྭཱ་ར་ཉྩ ནོ སི་ཡཱ.
༢༧. ནི་པྥ་ནྣཾ རཱུ་པ་རཱུ་པཾ ཁཾ, པ་རི་ཙྪེ་དོ་ཐ ལ་ཀྑ་ཎཾ;
ཛཱ་ཏི་ཨཱ་དི་ཏྟ་ཡཾ རཱུ་པཾ, ཝི་ཀཱ་རོ ལ་ཧུ་ཏཱ་དི་ཀཾ.
༢༨. ཡ་ཐཱ ས་ངྑ་ཏ་དྷ་མྨཱ་ནཾ, ལ་ཀྑ་ཎཾ ས་ངྑ་ཏཾ ཏ་ཐཱ;
པ་རི་ཙྪེ་དཱ་དི་ཀཾ རཱུ་པཾ, ཏ་ཛྫཱ་ཏི་མ་ན་ཏི་ཀྐ་མཱ.
༢༩. ཀ་མྨ་ཙི་ཏྟཱ་ན་ལཱ་ཧཱ་ར་པ་ཙྩ་ཡཱ་ནཾ ཝ་སེ་ནི་དྷ;
ཉེ་ཡྻཱ པ་ཝ་ཏྟི རཱུ་པ་སྶ, པི་ཎྜཱ་ན་ཉྩ ཝ་སཱ ཀ་ཐཾ.
༣༠. ཀ་མྨ་ཛཾ སེ་ནྡྲི་ཡཾ ཝ་ཏྠུ, ཝི་ཉྙ་ཏྟི ཙི་ཏྟ་ཛཱ ར་ཝོ;
ཙི་ཏྟ་གྒི་ཛོ ལ་ཧུ་ཏཱ་དི་ཏྟ་ཡཾ ཙི་ཏྟཱ་ན་ལ་ནྣ་ཛཾ.
༣༡. ཨ་ཊྛ་ཀཾ ཛཱ་ཏི ཙཱ་ཀཱ་སོ, ཙ་ཏུ་ཛཱ ཛ་ར་ཏཱ ཁ་ཡཾ;
ཀུ་ཏོ་ཙི ནེ་ཝ ཛཱ་ཏཾ ཏ་པྤཱ་ཀ་བྷེ་དཾ ཧི ཏཾ དྭ་ཡཾ.
༣༢. ཛཱ་ཏི་ཡཱ་པི ན ཛཱ་ཏ་ཏྟཾ, ཀུ་ཏོ་ཙི་ཊྛ་ཀ་ཐཱ་ན་ཡཱ;
ལ་ཀྑ་ཎཱ་བྷཱ་ཝ་ཏོ ཏ་སྶཱ, ས་ཏི ཏ་སྨིཾ ན ནི་ཊྛི་ཏི.
༣༣. ཀ་མྨ་ཙི་ཏྟཱ་ན་ལ་ནྣེ་ཧི, པི་ཎྜཱ ན་ཝ ཙ ས་ཏྟ ཙ;
ཙ་ཏྟཱ་རོ དྭེ ཙ ཝི་ཉྙེ་ཡྻཱ, ས་ཛཱི་ཝེ དྭེ ཨ་ཛཱི་ཝ་ཀེ.
༣༤. ཨ་ཊྛ་ཀཾ ཛཱི་ཝི་ཏེ་ནཱ་ཡུ་ན་ཝ་ཀཾ བྷཱ་ཝ་ཝ་ཏྠུ་ནཱ;
ཙ་ཀྑཱ་དཱི པ་ཉྩ ད་ས་ཀཱ, ཀ་ལཱ་པཱ ན་ཝ ཀ་མྨ་ཛཱ.
༣༥. སུ་དྡྷ་ཊྛ་ཝི་ཉྙ་ཏྟི་ཡུ་ཏྟ་ན་ཝ་ཀོ་པི ཙ ད་ས་ཀོ;
སུ་དྡྷ་ས་དྡེ་ན ན་ཝ་ཀོ, ལ་ཧུ་ཏཱ་དི་ད་སེ་ཀ་ཀོ.
༣༦. ཝི་ཉྙ་ཏྟི་ལ་ཧུ་ཏཱ་དཱི་ཧི, པུ་ན དྭཱ་ད་ས ཏེ་ར་ས;
ཙི་ཏྟ་ཛཱ ཨི་ཏི ཝི་ཉྙེ་ཡྻཱ, ཀ་ལཱ་པཱ ས་ཏྟ ཝཱ ཚ ཝཱ.
༣༧. སུ་དྡྷ་ཊྛཾ ས་དྡ་ན་ཝ་ཀཾ, ལ་ཧུ་ཏཱ་དི་ད་སེ་ཀ་ཀཾ;
ས་དྡེ་ན་ལ་ཧུ་ཏཱ་དཱི་ཧི, ཙ་ཏུ་རོ་ཏུ་ཛ་ཀ་ཎྞི་ཀཱ.
༣༨. སུ་དྡྷ་ཊྛ་ལ་ཧུ་ཏཱ་དཱི་ཧི, ཨ་ནྣ་ཛཱ དྭེཏི་མེ ན་ཝ;
ས་ཏྟ ཙ་ཏྟཱ་རི དྭེ ཙེ་ཏི, ཀ་ལཱ་པཱ ཝཱི་ས་ཏཱི དྭི་བྷི.
༣༩. ཏ་ཡ་ཊྛ་ཀཱ ཙ ཙ་ཏྟཱ་རོ, ན་ཝ་ཀཱ ད་ས་ཀཱ ན་ཝ;
ཏ་ཡོ དྭེ་ཀོ ཙ ཨེ་ཀེ་ན, ད་ས དྭཱི་ཧི ཙ ཏཱི་ཧི ཙ.
༤༠. ཙ་ཏུ་ནྣ་མྤི ཙ དྷཱ་ཏཱུ་ནཾ, ཨ་དྷི་ཀཾ་ས་ཝ་སེ་ནི་དྷ;
རཱུ་པ་བྷེ་དོཐ ཝི་ཉྙེ་ཡྻོ, ཀ་མྨ་ཙི་ཏྟཱ་ན་ལ་ནྣ་ཛོ.
༤༡. ཀེ་སཱ་དི་མ་ཏྠ་ལུ་ངྒ་ནྟཱ, པ་ཐ་ཝཾ་སཱ་ཏི ཝཱི་ས་ཏི;
པི་ཏྟཱ་དི་མུ་ཏྟ་ཀ་ནྟཱ ཏེ, ཛ་ལཾ་སཱ དྭཱ་ད་སཱི་རི་ཏཱ.
༤༢. ཡེ་ན ས་ནྟ་པྤ་ནཾ ཡེ་ན, ཛཱི་ར་ཎཾ ད་ཧ་ནཾ ཏ་ཐཱ;
ཡེ་ན་སི་ཏཱ་དི་པཱ་ཀོ་ཏི, ཙ་ཏུ་རཾ་སཱ་ན་ལཱ་དྷི་ཀཱ.
༤༣. ཨུ་དྡྷཱ་དྷོ་ག་མ་ཀུ་ཙྪི་ཊྛཱ, ཀོ་ཊྛཱ་སེ་ཡྻ་ངྒ་སཱ་རི ཙ;
ཨ་སྶཱ་སོ་ཏི ཙ ཝི་ཉྙེ་ཡྻཱ, ཚ་ལ༹ཾ་སཱ ཝཱ་ཡུ་ནི་སྶི་ཏཱ.
༤༤. པུ་བྦ་མུ་ཏྟ་ཀ་རཱི་ས་ཉྩུ་ད་རི་ཡཾ ཙ་ཏུ་རོ་ཏུ་ཛཱ;
ཀ་མྨཱ པཱ་ཙ་གྒི ཙི་ཏྟ་མྷཱ-སྶཱ་སོ་ཏི ཚ་པི ཨེ་ཀ་ཛཱ.
༤༥. སེ་ད་སི་ངྒྷཱ་ནི་ཀ་སྶུ ཙ, ཁེ་ལོ༹ ཙི་ཏྟོ་ཏུ་ས་མྦྷ་ཝཱ;
དྭི་ཛཱ དྭ་ཏྟིཾ་ས ཀོ་ཊྛཱ་སཱ, སེ་སཱ ཨེ་ཝ ཙ་ཏུ་བྦྷ་ཝཱ.
༤༦. ཨེ་ཀ་ཛེ་སྭཱ་དི་ཙ་ཏཱུ་སུ, ཨུ་ཏུ་ཛཱ ཙ་ཏུ་ར་ཊྛ་ཀཱ;
ཛཱི་ཝཱི་ཏ་ན་ཝ་ཀོ པཱ་ཙེ་སྶཱ་སེ ཙི་ཏྟ་བྷ་ཝ་ཊྛ་ཀོ.
༤༧. དྭི་ཛེ་སུ མ་ན་ཏེ་ཛེ་ཧི, དྭེ དྭེ ཧོ་ནྟི པ་ན་ཊྛ་ཀཱ;
སེ་ས་ཏེ་ཛཱ་ནི་ལཾ་སེ་སུ, ཨེ་ཀེ་ཀ་མྷི ཏ་ཡོ ཏ་ཡོ.
༤༨. ཨ་ཊྛ་ཀོ་ཛ་མ་ན་གྒཱི་ཧི, ཧོ་ནྟི ཨ་ཊྛ་སུ ཀ་མྨ་ཏོ;
ཨ་ཊྛཱ་ཡུ་ན་ཝ་ཀཱ ཨེ་ཝཾ, ཨི་མེ ཨ་ཊྛ ཙ་ཏུ་བྦྷ་ཝཱ.
༤༩. ཙ་ཏུ་ཝཱི་སེ་སུ སེ་སེ་སུ, ཙ་ཏུ་ཛེ་སུ་ཊྛ་ཀཱ ཏ་ཡོ;
ཨེ་ཀེ་ཀ་མྷི ཙ ཝི་ཉྙེ་ཡྻཱ, པི་ཎྜཱ ཙི་ཏྟཱ་ན་ལ་ནྣ་ཛཱ.
༥༠. ཀ་མྨ་ཛཱ ཀཱ་ཡ་བྷཱ་ཝ་ཝ྄ཧཱ, ད་ས་ཀཱ་པི སི་ཡུཾ ཏ་ཧིཾ;
ཙ་ཏུ་ཝཱི་སེ་སུ ཨཾ་སེ་སུ, ཨེ་ཀེ་ཀ་མྷི དུ་ཝེ དུ་ཝེ.
༥༡. པ་ཉྩཱ་པི ཙ་ཀྑུ་སོ་ཏཱ་དཱི, པ་དེ་ས་ད་ས་ཀཱ པུ་ན;
ན་ཝ་ཀཱ ས་དྡ་ས་ངྑཱ་ཏཱ, དྭེ་ཏི་ཙྩེ་ཝཾ ཀ་ལཱ་པ་ཏོ.
༥༢. ཏེ་པ་ཉྙཱ་ས ད་སེ་ཀ་ཉྩ, ན་ཝུ་ཏྟ་ར་ས་ཏཱ་ནི ཙ;
ད་ས་ཀཱ ན་ཝ་ཀཱ ཙེ་ཝ, ཨ་ཊྛ་ཀཱ ཙ སི་ཡུཾ ཀ་མཱ.
༥༣. སེ་ཀ་པ་ཉྩ་ས་ཏཾ ཀཱ་ཡེ, ས་ཧ་སྶཾ ཏཾ པ་ཝ་ཏྟ་ཏི;
པ་རི་པུ་ཎྞི་ནྡྲི་ཡེ རཱུ་པཾ, ནི་པྥ་ནྣཾ དྷཱ་ཏུ་བྷེ་ད་ཏོ.
༥༤. ཙི་ཏྟུ་པྤཱ་དེ སི་ཡུཾ རཱུ་པ-ཧེ་ཏཱུ ཀ་མྨཱ་ད་ཡོ པ་ན;
ཋི་ཏི ན པཱ་ཋེ ཙི་ཏྟ་སྶ, ན བྷ་ངྒེ རཱུ་པ་ས་མྦྷ་ཝོ.
༥༥. ‘‘ཨ་ཉྙ་ཐ་ཏྟཾ ཋི་ཏ་སྶཱ’’ཏི, ཝུ་ཏྟ་ཏྟཱ་ཝ ཋི་ཏི་ཀྑ་ཎཾ;
ཨ་ཏྠཱི་ཏི ཙེ པ་བ་ནྡྷེ་ན, ཋི་ཏི ཏ་ཏྠ པ་ཝུ་ཙྩ་ཏི.
༥༦. ཨ་ཐ ཝཱ ཏི་ཀྑ་ཎེ ཀ་མྨཾ, ཙི་ཏྟ་མ་ཏྟུ་ད་ཡ་ཀྑ་ཎེ;
ཨུ་ཏུ་ཨོ་ཛཱ་ཏྟ་ནོ ཋཱ་ནེ, རཱུ་པ་ཧེ་ཏཱུ བྷ་ཝ་ནྟི ཧི.
༥༧. སེ་ཡྻ་སྶཱ་དི་ཀྑ་ཎེ ཀཱ་ཡ-
བྷཱ་ཝ་ཝ་ཏྠུ་ཝ་སཱ ཏ་ཡོ;
ད་ས་ཀཱ ཧོ་ནྟི་བྷཱ་ཝི་སྶ,
ཝི་ནཱ བྷཱ་ཝཾ དུ་ཝེ སི་ཡུཾ.
༥༨. ཏ་ཏོ པ་ར་ཉྩ ཀ་མྨ་གྒི་ཙི་ཏྟ་ཛཱ ཏེ ཙ པི་ཎྜི་ཀཱ;
ཨ་ཊྛ་ཀཱ ཙ དུ་ཝེ པུ་བྦེ, ཝུ་ཏྟ་ཝུ་ཏྟ་ཀྑ་ཎེ ཝ་དེ.
༥༩. ཀཱ་ལེ་ནཱ་ཧཱ་ར་ཛཾ ཧོ་ཏི, ཙ་ཀྑཱ་དི་ད་ས་ཀཱ་ནི ཙ;
ཙ་ཏུ་པ་ཙྩ་ཡ་ཏོ རཱུ་པཾ, ས་མྤི་ཎྜེ་ཝཾ པ་ཝ་ཏྟ་ཏི.
༦༠. ཏཾ ས་ཏྟ་ར་ས་ཙི་ཏྟཱ་ཡུ, ཝི་ནཱ ཝི་ཉྙ་ཏྟི་ལ་ཀྑ་ཎཾ;
ས་ནྟ་ཏཱ་མ་ར་ཎཱ རཱུ་པཾ, ཛ་རཱ་དི་ཕ་ལ་མཱ་ཝ་ཧཾ.
༦༡. བྷ་ངྒཱ ས་ཏྟ་ར་སུ་པྤཱ་དེ, ཛཱ་ཡ་ཏེ ཀ་མྨ་ཛཾ ན ཏཾ;
ཏ་དུ་དྡྷཾ ཛཱ་ཡ་ཏེ ཏ་སྨཱ, ཏ་ཀྑ་ཡཱ མ་ར་ཎཾ བྷ་ཝེ.
༦༢. ཨཱ་ཡུ་ཀ་མྨུ་བྷ་ཡེ་སཾ ཝཱ, ཁ་ཡེ་ན མ་ར་ཎཾ བྷ་ཝེ;
ཨུ་པ་ཀྐ་མེ་ན ཝཱ ཀེ་ས་ཉྩུ་པ་ཙྪེ་ད་ཀ་ཀ་མྨུ་ནཱ.
༦༣. ཨོ་པ་པཱ་ཏི་ཀ་བྷཱ་ཝི་སྶ, ད་ས་ཀཱ ས་ཏྟ ཀ་མྨ་ཛཱ;
ཀཱ་མེ ཨཱ་དོ བྷ་ཝ་ནྟ་གྒི་ཛཱ་ཧི པུ་བྦེ་ཝ བྷཱུ་ཡ་ཏེ.
༦༤. ཨཱ་དི་ཀ་པྤ་ན་རཱ་ན་ཉྩ, ཨ་པཱ་ཡེ ཨ་ནྡྷ་ཀ་སྶ ཙ;
བ་དྷི་ར་སྶཱ་པི ཨཱ་དོ ཚ, པུ་བྦེ་ཝེ་ཏ་ར་ཛཱ སི་ཡུཾ.
༦༥. ཏ་ཏྠེ་ཝ་ནྡྷ་བ་དྷི་ར་སྶ, པ་ཉྩ ཧོ་ནྟི ཨ་བྷཱ་ཝི་ནོ;
ཡུ་ཏྟི་ཡཱ ཨི་དྷ ཝི་ཉྙེ་ཡྻཱ, པ་ཉྩ ཝཱ ཙ་ཏུ་རོ་པི ཝཱ.
༦༦. ཙ་ཀྑཱ་དི་ཏྟ་ཡ་ཧཱི་ན་སྶ, ཙ་ཏུ་རོ་ཝ བྷ་ཝ་ནྟི་ཏི;
ཝུ་ཏྟཾ ཨུ་པ་པ་རི་ཀྑི་ཏྭཱ, ག་ཧེ་ཏ་བྦཾ ཝི་ཛཱ་ན་ཏཱ.
༦༧. རཱུ་པེ ཛཱི་ཝི་ཏ་ཚ་ཀྐ་ཉྩ, ཙ་ཀྑཱ་དི་ས་ཏྟ་ཀ་ཏྟ་ཡཾ;
པ་ཉྩ ཚ ཨུ་ཏུ་ཙི་ཏྟེ་ཧི, པ་ཉྩ ཚཱ་ས་ཉྙི་ནཾ བྷ་ཝེ.
༦༨. པ་ཉྩ་དྷཱ་ཏྭཱ་དི་ནི་ཡ་མཱ, པཱ་ཋེ ག་ནྡྷ་ར་སོ་ཛ་ནཾ;
ནུ་པྤ་ཏྟི ཏ་ཏྠ བྷཱུ་ཏཱ་ནཾ, ཨ་ཕོ་ཊྛ་བྦ་པ་ཝ་ཏྟི་ནཾ.
༦༩. ཐ་དྡྷུ་ཎྷཱི་ར་ཎ་བྷཱ་ཝོ་ཝ, ན་ཏྠི དྷཱ་ཏྭཱ་དི་ཀི་ཙྩ་ཏོ;
ཨ་ཉྙཾ ག་ནྡྷཱ་དཱི་ནཾ ཏེ་སཾ, ཏ་ཀྐི་ཙྩེ་ནོ་པ་ལ་དྡྷི་ཏོ.
༧༠. རཱུ་པེ ས་པྤ་ཊི་གྷ་ཏྟཱ་དི, ཏ་ཏྠ རུ་པྤ་ན་ཏཱ ཝི་ཡ;
གྷ་ཊྚ་ན་ཉྩ ར་ཝུ་པྤཱ་ད་སྶ་ཉྙ་ཏྠ་སྶེ་ཝ ཧེ་ཏུ་ཏཱ.
༧༡. ཨི་ཙྪི་ཏ་བྦ་མི་མེ་ཀ་ནྟ་མེ་ཝཾ པཱ་ཋཱ་ཝི་རོ་དྷ་ཏོ;
ཨ་ཐ ཝཱ ཏེ་ཧི ཝི་ཉྙེ་ཡྻཾ, ད་ས་ཀཾ ན་ཝ་ཀ་ཊྛ་ཀཾ.
༧༢. ས་བྦཾ ཀཱ་མ་བྷ་ཝེ རཱུ་པཾ, རཱུ་པེ ཨེ་ཀཱུ་ན་ཝཱི་ས་ཏི;
ཨ་ས་ཉྙཱི་ནཾ ད་ས ག་ནྡྷ་ར་སོ་ཛཱ་ཧི ཙ བྲ་ཧྨུ་ནཾ.
ཨི་ཏི ས་ཙྩ་ས་ངྑེ་པེ རཱུ་པ་ས་ངྑེ་པོ ནཱ་མ
པ་ཋ་མོ པ་རི་ཙྪེ་དོ.