༢༤. པ་རི་གྒ་ཧ་ཝི་སུ་དྡྷི་ཀ་ཐཱ
༩༤༠. སཱི་ལ་ཙི་ཏྟ་ཝི་སུ་དྡྷཱི་ཧི, ཡ་ཐཱ་ཝུ་ཏྟཱ་ཧི མ་ཎྜི་ཏོ;
པ་ཡོ་གཱ་ས་ཡ་ས་མྤ་ནྣོ, ནི་བྦཱ་ནཱ་བྷི་ར་ཏོ ཏ་ཏོ.
༩༤༡. ཁ་ནྡྷཱ་ཡ་ཏ་ན་དྷཱ་ཏཱ་དི་པྤ་བྷེ་དེ་ཧི ཡ་ཐཱ་ར་ཧཾ;
ལ་ཀྑ་ཎ་པ་ཙྩུ་པ་ཊྛཱ་ན-པ་ད་ཊྛཱ་ན་ཝི་བྷཱ་ག་ཏོ.
༩༤༢. པ་རི་གྒ་ཧེ་ཏྭཱ ས་ངྑཱ་རེ, ནཱ་མ་རཱུ་པཾ ཡ་ཐཱ་ཀ་ཐཾ;
ཝ་ཝ་ཏྠ་པེ་ནྟོ ཏ་ཏྠེ་ཝ་མ་ནུ་པ་སྶ་ཏི པ་ཉྙ་ཝཱ.
༩༤༣. ནཱ་མ་རཱུ་པ་མི་དཾ སུ་དྡྷཾ, ཨ་ཏྟ་བྷཱ་ཝོ་ཏི ཝུ་ཙྩ་ཏི;
ན་ཏྠེ་ཏྠ ཀོ་ཙི ཨ་ཏྟཱ ཝཱ, ས་ཏྟོ ཛཱི་ཝོ ཙ པུ་གྒ་ལོ.
༩༤༤. ཡ་ཐཱ་པི ཨ་ངྒ་ས་མྦྷཱ་རཱ, ཧོ་ཏི ས་དྡོ ར་ཐོ ཨི་ཏི;
ཨེ་ཝཾ ཁ་ནྡྷེ་སུ ས་ནྟེ་སུ, ཧོ་ཏི ས་ཏྟོ་ཏི ས་མྨུ་ཏི.
༩༤༥. ཁ་ནྡྷཱ་ཡ་ཏ་ན་དྷཱ་ཏཱུ་ནཾ, ཡ་ཐཱ་ཡོ་ག་མ་ནུ་ཀྐ་མོ;
ཨ་བྦོ་ཙྪི་ནྣོ པ་ཝ་ཏྟ་ནྟོ, སཾ་སཱ་རོ་ཏི པ་ཝུ་ཙྩ་ཏི.
༩༤༦. ཨི་ཏི ནཱ་ན་པྤ་ཀཱ་རེ་ན, ཏེ་བྷཱུ་མ་ཀ་པ་རི་གྒ་ཧོ;
བྷཱུ་མི་དྷ་མྨ་ཝ་ཝ་ཏྠཱ་ནཾ, སུ་དྡྷ་ས་ངྑཱ་ར་ད་སྶ་ནཾ.
༩༤༧. ཨ་ཏྟ་དི་ཊྛི་པ་ཧཱ་ནེ་ན, དི་ཊྛི་སཾ་ཀླེ་ས་སོ་དྷ་ནཾ;
དི་ཊྛི་ཝི་སུ་དྡྷི ནཱ་མཱ་ཏི, ཉཱ་ཎ་མེ་ཏཾ པ་ཝུ་ཙྩ་ཏི.
༩༤༨. པ་རི་གྒ་ཧི་ཏ་ས་ངྑཱ་རོ, ནཱ་མ་རཱུ་པ་མ་པ་ཏྠི་ཡཱ;
ཏ་ཏོ པ་རཾ ཡ་ཐཱ་ཡོ་གཾ, པ་རི་གྒ་ཎྷ་ཏི པ་ཙྩ་ཡེ.
༩༤༩. དུ་ཀྑ་ས་མུ་ད་ཡོ ཏ་ཏྠ, ཏ་ཎྷཱ སཾ་སཱ་ར་ནཱ་ཡི་ཀཱ;
ས་མོ་དྷཱ་ནེ་ཏི ས་ངྑཱ་རེ, ཏ་ཏྠ ཏ་ཏྠུ་པ་པ་ཏྟི་ཡཱ.
༩༥༠. ཏ་ཎྷཱ་ས་མྦྷ་ཝ་མེ་ཝེ་ཏཾ, ཏ་སྨཱ དུ་ཀྑཾ པ་ཝུ་ཙྩ་ཏི;
ཏ་ད་པྤ་ཝ་ཏྟི ནི་བྦཱ་ནཾ, མ་གྒོ ཏཾ་པཱ་པ་ཀོ་ཏི ཙ.
༩༥༡. ཙ་ཏུ་ས་ཙྩ་ཝ་ཝ་ཏྠཱ་ན-མུ་ཁེ་ནེ་ཝ་མྤི པ་ཙྩ་ཡེ;
པ་རི་གྒ་ཎྷ་ནྟི ཨེ་ཀ་ཙྩེ, ས་ངྑཱ་རཱ་ན་མ་ཐཱ་པ་རེ.
༩༥༢. ཨཱ་ལོ་ཀཱ་ཀཱ་ས་ཝཱ་ཡཱ་པ་པ་ཐ་ཝི་ཉྩུ་པ་ནི་སྶ་ཡཾ;
བྷ་ཝ་ངྒ་པ་རི་ཎཱ་མ་ཉྩ, ལ་བྷི་ཏྭཱ་ཝ ཡ་ཐཱ་ར་ཧཾ.
༩༥༣. ཚ ཝ་ཏྠཱུ་ནི ཙ ནི་སྶཱ་ཡ, ཚ དྭཱ་རཱ་ར་མྨ་ཎཱ་ནི ཙ;
པ་ཊི་ཙྩ མ་ན་སི་ཀཱ་རཾ, པ་ཝ་ཏྟ་ནྟི ཨ་རཱུ་པི་ནོ.
༩༥༤. ཡ་ཐཱ་ས་ཀ་ས་མུ་ཊྛཱ་ནཾ, ཝི་བྷཱ་གེ་ཧི ཙ རཱུ་པི་ནོ;
པ་ཝ་ཏྟ་ནྟི ཨེ་ཀ་ཙྩེ་ཏི, པ་རི་གྒ་ཎྷ་ནྟི པ་ཙྩ་ཡེ.
༩༥༥. ཨ་ཝི་ཛྫཱ་པ་ཙྩ་ཡཱ ཧོ་ནྟི, ས་ངྑཱ་རཱ ཏུ ཏ་ཏོ ཏ་ཐཱ;
ཝི་ཉྙཱ་ཎཾ ནཱ་མ་རཱུ་པ་ཉྩ, ས་ལཱ༹་ཡ་ཏ་ན་ནཱ་མ་ཀཾ.
༩༥༦. ཕ་སྶོ ཙ ཝེ་ད་ནཱ ཏ་ཎྷཱ, ཨུ་པཱ་དཱ་ནཾ བྷ་ཝོ ཏ་ཏོ;
ཛཱ་ཏི ཛ་རཱ མ་ར་ཎ་ཉྩ, པ་ཝ་ཏྟ་ཏི ཡ་ཐཱ་ར་ཧཾ.
༩༥༧. ཏ་ཏོ སོ་ཀོ པ་རི་དེ་ཝོ, དུ་ཀྑ་ཉྩེ་ཝ ཏ་ཐཱ་པ་རཾ;
དོ་མ་ན་སྶ་མུ་པཱ་ཡཱ་སོ, ས་མྦྷོ་ཏི ཙ ཡ་ཐཱ་ར་ཧཾ.
༩༥༨. ཨེ་ཏ་སྶ ཀེ་ཝ་ལ་སྶེ་ཝཾ, དུ་ཀྑ་ཀྑ་ནྡྷ་སྶ ས་མྦྷ་ཝོ;
པ་ཊི་ཙྩ་ས་མུ་པྤཱ་དོ་ཝ, ན་ཏྠ་ཉྙོ ཀོ་ཙི ཀཱ་ར་ཀོ.
༩༥༩. ཏ་ཏྠཱ་ཝི་ཛྫཱ་ད་ཡོ དྭེ་པི, ཨ་དྡྷཱ་ཏཱི་ཏོ ཨ་ནཱ་ག་ཏོ;
ཛཱ་ཏཱ་ད་ཡོ་པ་རེ ཨ་ཊྛ, པ་ཙྩུ་པྤ་ནྣོ་ཏི ཝ་ཎྞི་ཏོ.
༩༦༠. པུ་ཉྙཱ་པུ་ཉྙཱ་ནེ་ཉྫ་ཝ་སཱ, ས་ངྑཱ་རཱ ཏི་ཝི་དྷཱ ཏ་ཐཱ;
བྷ་ཝེ་ཀ་དེ་སོ ཀ་མྨ་ཉྩ, ཀ་མྨ་ཝ་ཊྚ་ནྟི ཝུ་ཙྩ་ཏི.
༩༦༡. ཨ་ཝི་ཛྫཱ་ཏ་ཎྷུ་པཱ་དཱ་ནཱ, ཀླེ་ས་ཝ་ཊྚ་མ་ཐཱ་པ་རེ;
ཝི་པཱ་ཀ་ཝ་ཊྚཾ ས་ཏྟཱ་པི, ཨུ་པ་པ་ཏྟི་བྷ་ཝོ་པི ཙ.
༩༦༢. ཨ་ཝི་ཛྫཱ་ས་ངྑཱ་རཱ་ནཾ ཏུ, ག་ཧ་ཎེ ག་ཧི་ཏཱ་ཝ ཏེ;
ཏ་ཎྷུ་པཱ་དཱ་ན་བྷ་ཝཱ་ཏི, ཨ་ཏཱི་ཏེ པ་ཉྩ ཧེ་ཏ་ཝོ.
༩༦༣. ཏ་ཎྷུ་པཱ་དཱ་ན་བྷ་ཝཱ་ནཾ, ག་ཧ་ཎེ ག་ཧི་ཏཱ་ཝ ཏེ;
ཨ་ཝི་ཛྫཱ ས་ངྑཱ་རཱ ཙེ་ཏི, པ་ཙྩུ་པྤ་ནྣེ་པི པ་ཉྩ་ཀེ.
༩༦༤. ཝི་ཉྙཱ་ཎཱ་དི་ས་རཱུ་པེ་ན, ད་སྶི་ཏཾ ཕ་ལ་པ་ཉྩ་ཀཾ;
ཏ་ཐཱ ཏ་དེ་ཝ ཛཱ་ཏཱ་དི-ནཱ་མེ་ནཱ་ནཱ་ག་ཏ་ནྟི ཙ.
༩༦༥. ཨ་ཏཱི་ཏེ ཧེ་ཏ་ཝོ པ་ཉྩ, ཨི་དཱ་ནི ཕ་ལ་པ་ཉྩ་ཀཾ;
ཨི་དཱ་ནི ཧེ་ཏ་ཝོ པ་ཉྩ, ཨཱ་ཡ་ཏིཾ ཕ་ལ་པ་ཉྩ་ཀཾ.
༩༦༦. ཧེ་ཏུ་ཕ་ལཾ ཕ་ལ་ཧེ་ཏུ, པུ་ན ཧེ་ཏུ་ཕ་ལཱ་ནི ཙ;
ཏི་ས་ནྡྷི ཙ་ཏུ་ས་ངྑེ་པཾ, ཝཱི་ས་ཏཱ་ཀཱ་ར་མ་བྲ་ཝུཾ.
༩༦༧. ཨ་ཏྠ་དྷ་མྨ་པ་ཊི་ཝེ་དྷ-དེ་ས་ནཱ་ནཾ ཡ་ཐཱ་ར་ཧཾ;
ག་མྦྷཱི་ར་ཏྟཱ ཙ་ཏུ་ནྣ་མྤི, ཙ་ཏུ་ག་མྦྷཱི་ར་ཏཱ མ་ཏཱ.
༩༦༨. ཨེ་ཀ་ཏྟ་ནཱ་ན་ཏྟ་ན་ཡཱ, ཨ་བྱཱ་པཱ་ར་ན་ཡོ་པ་རོ;
ཏ་ཐེ་ཝཾ་དྷ་མྨ་ཏཱ ཙེ་ཏི, ན་ཡཱ ཝུ་ཏྟཱ ཙ་ཏུ་བྦི་དྷཱ.
༩༦༩. ཛ་རཱ་མ་ར་ཎ་སོ་ཀཱ་དི-པཱི་ལི༹་ཏཱ་ན་མ་བྷི་ཎྷ་སོ;
ཨཱ་ས་ཝཱ་ནཾ ས་མུ་པྤཱ་དཱ, ཨ་ཝི་ཛྫཱ ཙ པ་ཝ་ཏྟ་ཏི.
༩༧༠. ཨ་ཝི་ཛྫཱ་པ་ཙྩ་ཡཱ ཧོ་ནྟི, ས་ངྑཱ་རཱ་པི ཡ་ཐཱ པུ་རེ;
བ་དྡྷཱ་ཝི་ཙྪེ་ད་མི་ཙྩེ་ཝཾ, བྷ་ཝ་ཙ་ཀྐ་མ་ནཱ་དི་ཀཾ.
༩༧༡. ཏ་ཎྷཱ་ཝི་ཛྫཱ་ནཱ་བྷི་ཀཾ ཏཾ, ཛ་རཱ་མ་ར་ཎ་ནེ་མི་ཀཾ;
སེ་སཱ་ཀཱ་རཱ་དི་གྷ་ཊི་ཀཾ, ཏི་བྷ་ཝཱ་ར་ཐ་ཡོ་ཛི་ཏཾ.
༩༧༢. ཏི་ཨ་དྡྷ་ཉྩ ཏི་ཝ་ཊྚ་ཉྩ, ཏི་ས་ནྡྷི་གྷ་ཊི་ཀཾ ཏ་ཐཱ;
ཙ་ཏུ་ས་ངྑེ་པ་ག་མྦྷཱི་ར་ན་ཡ་མ་ཎྜི་ཏ་དེ་ས་ནཾ.
༩༧༣. ཝཱི་ས་ཏཱ་ཀཱ་ར་ཝི་བྷཱ་གཾ, དྭཱ་ད་སཱ་ཀཱ་ར་ས་ངྒ་ཧཾ;
དྷ་མྨ་ཊྛི་ཏཱི་ཏི དཱི་པེ་ནྟི, ཨི་ད་པྤ་ཙྩ་ཡ་ཏཾ བུ་དྷཱ.
༩༧༤. པ་ཊི་ཙྩ་ས་མུ་པྤཱ་དོ་ཡཾ, པ་ཙྩ་ཡཱ་ཀཱ་ར་ནཱ་མ་ཏོ;
ས་ངྑེ་པ་ཏོ ཙ ཝི་ཏྠཱ་རཱ, ཝི་ཝི་དྷཱ་ཀཱ་ར་བྷེ་ད་ཏོ.
༩༧༥. ཛ་ནེ་ཏི པ་ཙྩ་ཡུ་པྤ་ནྣེ, ཨ་ཝི་ཛྫཱ་དི་པ་ཝ་ཏྟི་ཡཱ;
ཨ་ཝི་ཛྫཱ་དི་ནི་རོ་དྷེ་ན, ནི་རོ་དྷེ་ཏི ཙ ས་བྦ་ཐཱ.
༩༧༦. པ་ཙྩ་ཡ་པྤ་ཙྩ་ཡུ་པྤ་ནྣ-ཝ་སེ་ནེ་ཝ པ་ཝ་ཏྟ་ཏི;
སཾ་སཱ་རོ་ཡ་ནྟི ཨེ་ཀ་ཙྩེ, པ་རི་གྒ་ཎྷ་ནྟི པ་ཙྩ་ཡེ.
༩༧༧. ས་མ་ནྟ་པ་ཊྛཱ་ན་མ་ཧཱ་པ་ཀ་ར་ཎ་ཝི་བྷཱ་ག་ཏོ;
ཨེ་ཀ་ཙྩེ པ་རི་གྒ་ཎྷ་ནྟི, ཙ་ཏུ་ཝཱི་ས་ཏི པ་ཙྩ་ཡེ.
༩༧༨. ཨི་ཏི ནཱ་ན་པྤ་ཀཱ་རེ་ན, པ་ཙྩ་ཡཱ་ནཾ པ་རི་གྒ་ཧོ;
ས་པྤ་ཙྩ་ཡ་ནཱ་མ་རཱུ་པཾ, ཝ་ཝ་ཏྠཱ་ན་ནྟི ཝེ་དི་ཏཾ.
༩༧༩. ཨི་ད་པྤ་ཙྩ་ཡ་ཏཱ་ཉཱ་ཎཾ, པ་ཙྩ་ཡཱ་ཀཱ་ར་ད་སྶ་ནཾ;
དྷ་མྨ་ཊྛི་ཏི ཡ་ཐཱ་བྷཱུ་ཏ་ཉཱ་ཎ་ད་སྶ་ན་ནཱ་མ་ཀཾ.
༩༨༠. ཀཱ་ལ་ཏྟ་ཡ་ཝི་བྷཱ་གེ་སུ, ཀ་ངྑཱ་སཾ་ཀླེ་ས་སོ་དྷ་ནཾ;
ཀ་ངྑཱ་ཝི་ཏ་ར་ཎཱ ནཱ་མ, ཝི་སུ་དྡྷཱིཏི པ་ཝུ་ཙྩ་ཏཱི་ཏི.
ཨི་ཏི ནི་བྦཱ་ན་ཝི་བྷཱ་གེ པ་རི་གྒ་ཧ་ཝི་སུ་དྡྷི་ཀ་ཐཱ ནི་ཊྛི་ཏཱ.
ཙ་ཏུ་ཝཱི་ས་ཏི་མོ པ་རི་ཙྪེ་དོ.