༢༣. མཱུ་ལ་ཝི་སུ་དྡྷི་ཀ་ཐཱ
༨༩༥. ཨི་ཏྠཾ ཙི་ཏྟཾ ཙེ་ཏ་སི་ཀཾ, རཱུ་པ་ཉྩེ་ཝཱ་ཏི ས་ངྑ་ཏཱ;
ཝུ་ཏྟཱ ཨ་ས་ངྑ་ཏཾ དཱ་ནི, ནི་བྦཱ་ན་ནྟི པ་ཝུ་ཙྩ་ཏི.
༨༩༦. སཱི་ལ་ཝི་སུ་དྡྷི ཨཱ་དི་མྷི, ཏ་ཏོ ཙི་ཏྟ་ཝི་སུ་དྡྷི ཙ;
དི་ཊྛི་ཝི་སུ་དྡྷི་ནཱ་མཱ ཙ, ཀ་ངྑཱ་ཝི་ཏ་ར་ཎཱ་པི ཙ.
༨༩༧. ཏ་ཏོ པ་རཾ མ་གྒཱ་མ་གྒ-ཉཱ་ཎ་ད་སྶ་ན་ནཱ་མི་ཀཱ;
ཏ་ཐཱ པ་ཊི་པ་དཱ་ཉཱ་ཎ-ད་སྶ་ནཱ ཉཱ་ཎ་ད་སྶ་ནཾ.
༨༩༨. ཨི་ཙྩཱ་ནུ་ཀྐ་མ་ཏོ ཝུ་ཏྟཱ, ས་ཏྟ ཧོ་ནྟི ཝི་སུ་དྡྷི་ཡོ;
ས་ཏྟ་མཱ་ནུ་ཏྟ་རཱ ཏ་ཏྠ, པུ་བྦ་བྷཱ་གཱ ཚ ལོ་ཀི་ཡཱ.
༨༩༩. སཾ་ཝ་རོ པཱ་ཏི་མོ་ཀྑོ ཙ, ཏ་ཐེ་ཝི་ནྡྲི་ཡ་སཾ་ཝ་རོ;
ཨཱ་ཛཱི་ཝ་པཱ་རི་སུ་དྡྷི ཙ, སཱི་ལཾ པ་ཙྩ་ཡ་ནི་སྶི་ཏཾ.
༩༠༠. ཨི་ཏི སཱི་ལ་ཝི་སུ་དྡྷཱིཏི, སུ་དྡྷ་མེ་ཏཾ པ་ཝུ་ཙྩ་ཏི;
ཙ་ཏུ་པཱ་རི་སུ་དྡྷི་སཱི་ལཾ, དྷུ་ཏ་ངྒ་པ་རི་ཝཱ་རི་ཏཾ.
༩༠༡. ཀ་སི་ཎཱ་ནི ད་སཱ་སུ་བྷཱ, ད་སཱ་ནུ་སྶ་ཏི་ཡོ པ་ན;
ཨ་པྤ་མ་ཉྙཱ ཙ ས་ཉྙཱ ཙ, ཝ་ཝ་ཏྠཱ་རུ་པྤ་ཀཱ་ཏི ཙ.
༩༠༢. ས་མ་ཐ་ཀྐ་མྨ་ཊྛཱ་ནཱ་ནི, ཏཱ་ལཱི་ས་ཊྛ་ཀ་ཐཱ་ན་ཡེ;
པཱ་ལི༹་ཡཾ ཏུ ཝི་བྷ་ཏྟཱ་ནི, ཨ་ཊྛ་ཏིཾ་སཱ་ཏི ཝ་ཎྞི་ཏཾ.
༩༠༣. པ་ཐ་ཝཱ་པོ ཙ ཏེ་ཛོ ཙ,
ཝཱ་ཡོ ནཱི་ལ་ཉྩ པཱི་ཏ་ཀཾ;
ལོ་ཧི་ཏོ་དཱ་ཏ་མཱ་ཀཱ་སཾ,
ཨཱ་ལོ་ཀ་ཀ་སི་ཎ་ནྟི ཙ.
༩༠༤. ཀ་སི་ཎཱ་ནི ད་སེཏཱ་ནི, ཝུ་ཏྟཱ་ན་ཊྛ་ཀ་ཐཱ་ན་ཡེ;
ཨ་ཊྛེ་ཝ པཱ་ལི༹་ཡཾ ཧི་ཏྭཱ, ཨ་ནྟེ ཏུ ཀ་སི་ཎ་དྭ་ཡཾ.
༩༠༥. ཨུ་དྡྷུ་མཱ་ཏཾ ཝི་ནཱི་ལ་ཉྩ, ཝི་པུ་བྦ་ཀཾ ཝི་ཁཱ་ཡི་ཏཾ;
ཝི་ཙྪི་དྡ་ཀ་ཉྩ ཝི་ཀྑི་ཏྟཾ, ཧ་ཏ་ཝི་ཀྑི་ཏྟ་ལོ་ཧི་ཏཾ.
༩༠༦. པུ་ལ༹་ཝ་ཀཾ ཨ་ཊྛི་ཀ་ཉྩེ་ཏི, ཨ་སུ་བྷཱ ད་ས དེ་སི་ཏཱ;
རཱུ་པ་ཀཱ་ཡ་ཝི་བྷཱ་གཱ་ཡ, ད་ས་ཀཱ་ཡ་ཝི་པ་ཏྟི་ཡཱ.
༩༠༧. བུ་དྡྷེ དྷ་མྨེ ཙ ས་ངྒྷེ ཙ, སཱི་ལེ ཙཱ་གེ ཙ ཨ་ཏྟ་ནཱ;
དེ་ཝ་ཏོ་པ་ས་མཱ་ཡ་ཉྩ, ས་ཏྟཱ་ནུ་སྶ་ཏི་ཡོ ཀ་མཱ.
༩༠༨. མ་ར་ཎ་སྶ་ཏི ནཱ་མེ་ཀཱ, ཏ་ཐཱ ཀཱ་ཡ་ག་ཏཱ་ས་ཏི;
ཨཱ་ནཱ་པཱ་ན་སྶ་ཏི་ཙྩེ་ཝཾ, ད་སཱ་ནུ་སྶ་ཏི་ཡོ མ་ཏཱ.
༩༠༩. མེ་ཏྟཱ ཀ་རུ་ཎཱ མུ་དི་ཏཱ, ཨུ་པེ་ཀྑཱ་ཏི ཙ་ཏུ་བྦི་དྷཱ;
ཝུ་ཏྟཱ བྲ་ཧྨ་ཝི་ཧཱ་རཱ ཙ, ཨ་པྤ་མ་ཉྙཱཏི ཏཱ་དི་ནཱ.
༩༡༠. ཨེ་ཀཱཧཱ་རེ པ་ཊི་ཀྐཱུ་ལ-ས་ཉྙཱ ནཱ་མེ་ཀ་མེ་ཝ ཏུ;
ཙ་ཏུ་དྷཱ་ཏུ་ཝ་ཝ་ཏྠཱ་ནཾ, ཙ་ཏུ་དྷཱ་ཏུ་པ་རི་གྒ་ཧོ.
༩༡༡. ཨཱ་ཀཱ་སཱ་ན་ཉྩཱ་ཡ་ཏ་ནཾ, ཝི་ཉྙཱ་ཎ་ཉྩ་མ་ཐཱ་པ་རཾ;
ཨཱ་ཀི་ཉྩ་ཉྙཾ ཏ་ཐཱ ནེ་ཝ-ས་ཉྙཱ་ནཱ་ས་ཉྙ་ནཱ་མ་ཀཾ.
༩༡༢. ཨི་ཙྩཱ་ནུ་ཀྐ་མ་ཏོ ཝུ་ཏྟཱ, ཨ་རཱུ་པ་ཛ྄ཛྷཱ་ནི་ཀཱ པ་ན;
ཨ་རཱུ་པ་ཀ་མྨ་ཊྛཱ་ནཱ་ནི, ཙ་ཏྟཱ་རོ་པི པ་ཀི་ཏྟི་ཏཱ.
༩༡༣. ཀ་སི་ཎཱ་སུ་བྷ་ཀོ་ཊྛཱ་སེ, ཨཱ་ནཱ་པཱ་ནེ ཙ ས་བྦ་ཐཱ;
དི་སྭཱ སུ་ཏྭཱ ཕུ་སི་ཏྭཱ ཝཱ, པ་རི་ཀ་མྨཾ ཏུ ཀུ་བྦ་ཏོ.
༩༡༤. ཨུ་གྒ་ཧོ ནཱ་མ ས་མྦྷོ་ཏི, ནི་མི་ཏྟཾ ཏ་ཏྠ ཡུ་ཉྫ་ཏོ;
པ་ཊི་བྷཱ་གོ ཏ་མཱ་ར་བྦྷ, ཏ་ཏྠ ཝ་ཏྟ་ཏི ཨ་པྤ་ནཱ.
༩༡༥. སཱ་དྷུ ས་ཏྟཱ སུ་ཁཱི ཧོ་ནྟུ, དུ་ཀྑཱ མུ་ཙྩ་ནྟུ པཱ་ཎི་ནོ;
ཨ་ཧོ ས་ཏྟཱ སུ་ཁ་པྤ་ཏྟཱ, ཧོ་ནྟུ ཡ་དི་ཙྪ་ཀཱ་ཏི ཙ.
༩༡༦. ཨུ་དྡི་སྶ ཝཱ ཨ་ནོ་དི་སྶ, ཡུ་ཉྫ་ཏོ ས་ཏྟ་གོ་ཙ་རེ;
ཨ་པྤ་མ་ཉྙཱ པ་ན་པྤེ་ནྟི, ཨ་ནུ་པུ་བྦེ་ན ཝ་ཏྟི་ཀཱ.
༩༡༧. ཀ་སི་ཎུ་གྒྷཱ་ཊི་མཱ་ཀཱ་སེ, པ་ཋ་མཱ་རུ་པྤ་མཱ་ན་སེ;
ཏ་སྶེ་ཝ ན་ཏྠི་བྷཱ་ཝེ ཙ, ཏ་ཏི་ཡཱ་རུ་པྤ་ཀེ་ཏི ཙ.
༩༡༨. ཡུ་ཉྫ་ནྟ་སྶ པ་ནེ་ཏེ་སུ, གོ་ཙ་རེ་སུ ཙ་ཏཱུ་སུ་པི;
ཨ་པྤེ་ནྟི ཨ་ནུ་པུ་བྦེ་ན, ཨཱ་རུ་པྤཱ་པི ཙ་ཏུ་བྦི་དྷཱ.
༩༡༩. ཨཱ་ནཱ་པཱ་ན་ཉྩ ཀ་སི་ཎཾ, པ་ཉྩ་ཀ་ཛ྄ཛྷཱ་ནི་ཀཾ ཏ་ཧིཾ;
པ་ཋ་མ་ཛ྄ཛྷཱ་ནི་ཀཱ ཝུ་ཏྟཱ, ཀོ་ཊྛཱ་སཱ་སུ་བྷ་བྷཱ་ཝ་ནཱ.
༩༢༠. སུ་ཁི་ཏ་ཛ྄ཛྷཱ་ནི་ཀཱ ཏི་སྶོ, ཨ་པྤ་མ་ཉྙཱ ཙ ཧེ་ཊྛི་མཱ;
ཨུ་པེ་ཀྑཱ་རུ་པྤ་ཀཱ པ་ཉྩ, ཨུ་པེ་ཀྑཱ་ཛྷཱ་ནི་ཀཱ་ཏི ཙ.
༩༢༡. ཨེ་ཀཱ ད་སེ་ཀཱ ད་ས ཙ, ཏ་ཡོ པ་ཉྩེ་ཏི ས་བྦ་ཐཱ;
པ་རི་ཀ་མྨ་ཝ་སཱ ཏིཾ་ས, ཚ ཀོ་ཊྛཱ་སཱ ཡ་ཐཱ་ཀྐ་མཾ.
༩༢༢. པ་ཉྩ་ཀཱ་དི་སུ་ཁོ་པེ་ཀྑཱ, ཛྷཱ་ན་བྷེ་དཱ ཙ་ཏུ་བྦི་དྷཱ;
ཨེ་ཀ་ཙྩ་ཏུ་པ་ཉྩ་ཛྷཱ་ན-ཝ་སེ་ན ཏི་ཝི་དྷཱ སི་ཡུཾ.
༩༢༣. རཱུ་པཱ་རཱུ་པ་ཝ་སཱ དྭེ ཙ, ཨ་པྤ་ནཱ་ཏོ པུ་ནེ་ཀ་དྷཱ;
ཨི་ཙྩེ་ཝ་མ་པྤ་ནཱ ཀ་མྨ-ཊྛཱ་ན་བྷེ་དཱ ས་མི་སྶི་ཏཱ.
༩༢༤. དྭེ ཙ ས་ཉྙཱ་ཝ་ཝ་ཏྠཱ་ནཱ, ཨ་ཊྛཱ་ནུ་སྶ་ཏི་ཡོ་ཏི ཙ;
སེ་སཱ ད་ས པ་ཝུ་ཙྩ་ནྟི, ཨུ་པ་ཙཱ་ར་ས་མཱ་དྷི་ཀཱ.
༩༢༥. པ་རི་ཀ་མྨོ་པ་ཙཱ་རཱ་ནུ་ལོ་མ་གོ་ཏྲ་བྷུ་ཏོ པ་རཾ;
པ་ཉྩ་མཾ ཝཱ ཙ་ཏུ་ཏྠཾ ཝཱ, ཛ་ཝ་ནཾ ཧོ་ཏི ཨ་པྤ་ནཱ.
༩༢༦. ཨ་པྤ་ནཱ་ཛ་ཝ་ནཾ ས་བྦཾ, ལོ་ཀུ་ཏྟ་ར་མ་ཧ་གྒ་ཏཾ;
ཏི་ཧེ་ཏུ་ཀ་པ་རི་ཏྟཱ་ནི, པུ་རི་མཱ་ནི ཡ་ཐཱ་ར་ཧཾ.
༩༢༧. ཨཱ་ཝ་ཛྫ་ནཱ ཙ ཝ་སི་ཏཱ, ཏཾ་ས་མཱ་པ་ཛྫ་ནཱ ཏ་ཐཱ;
ཨ་དྷི་ཊྛཱ་ནཱ ཙ ཝུ་ཊྛཱ་ནཱ, པ་ཙྩ་ཝེ་ཀྑ་ཎ པ་ཉྩ་མཱ.
༩༢༨. ཝ་སི་ཏཱ་ཧི ཝ་སཱི་བྷཱུ་ཏཱ, ཨི་ཏི ཀ་ཏྭཱ་ན པ་ཉྩ་ཧི;
བྷཱ་ཝེ་ནྟ་སྶ པ་ན་པྤེ་ནྟི, ཨུ་པ་རཱུ་པ་རི ཨ་པྤ་ནཱ.
༩༢༩. ཡུ་ཉྫ་ནྟ་སྶ ཏུ ཝུ་ཊྛཱ་ཡ, ཀ་སི་ཎ་ཛ྄ཛྷཱ་ན་པ་ཉྩ་མཱ;
པ་ཉྩཱ་བྷི་ཉྙཱ ཧི ཨ་པྤེ་ནྟི, རཱུ་པ་ས་དྡཱ་དི་གོ་ཙ་རེ.
༩༣༠. ལོ་ཀུ་ཏྟ་རཱ པ་ན་པྤེ་ནྟི, ས་བྦེ ནི་བྦཱ་ན་གོ་ཙ་རེ;
ཨ་ནི་ཙྩ་དུ་ཀྑཱ་ན་ཏྟཱ་ཏི, བྷཱུ་མི་དྷ་མྨེ ཝི་པ་སྶ་ཏོ.
༩༣༡. ཏ་ཏྠ ཙ པཱ་ད་ཀ་ཛ྄ཛྷཱ་ནཾ, ས་མྨ་ཊྛ་ཛ྄ཛྷཱ་ན་མེ་ཝ ཝཱ;
ཨ་ཛ྄ཛྷཱ་ས་ཡོ ཙ ཝུ་ཊྛཱ་ན-གཱ་མི་ནཱི ཙ ཝི་པ་སྶ་ནཱ.
༩༣༢. མ་གྒཱ་ནཾ ཛྷཱ་ན་བྷེ་དཱ་ཡ, ཡ་ཐཱ་ཡོ་གཾ ནི་ཡཱ་མ་ཏཱ;
ཡ་ཐཱ་ས་ཀཾ ཕ་ལཱ་ནཾ ཏུ, མ་གྒཱ ཧོ་ནྟི ནི་ཡཱ་མ་ཏཱ.
༩༣༣. མ་གྒཱ་ན་ནྟ་ར་མེ་ཝཱ་ཐ, བྷཱུ་མི་དྷ་མྨེ ཝི་པ་སྶ་ཏོ;
ཕ་ལ་ས་མཱ་པ་ཏྟི་ཡ་མྤི, ཨ་པྤེ་ཏི ཕ་ལ་མཱ་ན་སཾ.
༩༣༤. ཨ་ནུ་པུ་བྦ་ས་མཱ་པ་ཏྟིཾ, ས་མཱ་པ་ཛྫི་སྶ ཝུ་ཊྛི་ཏོ;
ཛྷཱ་ན་དྷ་མྨེ ཝི་པ་སྶི་ཏྭཱ, ཏ་ཏྠ ཏ་ཏྠེ་ཝ པ་ཎྜི་ཏོ.
༩༣༥. ཙ་ཏུ་ཏྠཱ་རུ་པྤ་མ་པྤེ་ཏྭཱ, ཨེ་ཀ་དྭི་ཛ་ཝ་ནཱ་པ་རཾ;
ནི་རོ་དྷཾ ནཱ་མ ཕུ་ས་ཏི, ས་མཱ་པ་ཏྟི་མ་ཙི་ཏྟ་ཀཾ.
༩༣༦. ཨ་ར་ཧཱ ཝཱ ཨ་ནཱ་གཱ་མཱི, པ་ཉྩ་ཝོ་ཀཱ་ར་བྷཱུ་མི་ཡཾ;
ཡ་ཐཱ་ས་ཀཾ ཕ་ལུ་པྤཱ་དོ, ཝུ་ཊྛཱ་ན་ནྟི ཏ་ཏོ མ་ཏོ.
༩༣༧. ཨ་པྤ་ནཱ་པ་རི་ཡོ་སཱ་ནེ, སི་ཡཱ ས་བྦ་ཏྠ ས་མྦྷ་ཝཱ;
བྷ་ཝ་ངྒ་པཱ་ཏོ ཏཾ ཚེ་ཏྭཱ, ཛཱ་ཡ་ཏེ པ་ཙྩ་ཝེ་ཀྑ་ཎཱ.
༩༣༨. ཨི་ཏི ཝུ་ཏྟཱ་ནུ་སཱ་རེ་ན, ཨ་པྤ་ནཱ་ན་ཡ་ས་ངྒ་ཧཾ;
ཡ་ཐཱ་ཡོ་གཾ ཝི་བྷཱ་ཝེ་ཡྻ, ཏ་ཏྠ ཏ་ཏྠ ཝི་ཙ་ཀྑ་ཎོ.
༩༣༩. ཙི་ཏྟ་ཝི་སུ་དྡྷི ནཱ་མཱ་ཡཾ, ཙི་ཏྟ་སཾ་ཀླེ་ས་སོ་དྷ་ནོ;
ཨུ་པ་ཙཱ་ར་པྤ་ནཱ་བྷེ་དོ, ས་མ་ཐོ པུ་བྦ་བྷཱ་གི་ཡོ་ཏི.
ཨི་ཏི ནི་བྦཱ་ན་ཝི་བྷཱ་གེ མཱུ་ལ་ཝི་སུ་དྡྷི་ཀ་ཐཱ ནི་ཊྛི་ཏཱ.
ཏེ་ཝཱི་ས་ཏི་མོ པ་རི་ཙྪེ་དོ.