༡༧. དི་ཊྛི་ས་ངྒ་ཧ་ཀ་ཐཱ
༥༩༣. ཡེ་ཝཱ་པ་ན་ཀ་ནཱ་མེ་ན, དྷ་མྨཱ ཚ་ནྡཱ་ད་ཡོ ཏ་ཐཱ;
ཁ་ནྡྷཱ་ད་ཡོ ཙ ཀོ་ཊྛཱ་སཱ, ཨུ་དྡི་ཊྛཱ ཧི ཡ་ཐཱ་ར་ཧཾ.
༥༩༤. ཏ་ཏྠ ཚ་ནྡཱ་ད་ཡོ དྷ་མྨཱ, ཝི་བྷ་ཏྟཱ་ཝ ཡ་ཐཱ་ར་ཧཾ;
ཁ་ནྡྷཱ་དི་རཱ་ས་ཡོ ཝཱ་པི, ཝི་ཉྙེ་ཡྻཱ དཱ་ནི ས་མྦྷ་ཝཱ.
༥༩༥. ཝེ་ད་ནཱ ཝེ་ད་ནཱ་ཀྑ་ནྡྷོ, ཙ་ཀྑུ་ས་མྥ་སྶ་ཛཱ་དི་ཀཱ;
ས་ཉྙཱ ཙ ས་ཉྙཱ་ཀྑ་ནྡྷོ་ཏི, ཚ་བྦི་དྷཱ་པི པ་ཀཱ་སི་ཏཱ.
༥༩༦. ས་ངྑཱ་ར་ཀྑ་ནྡྷ་ནཱ་མེ་ན, སེ་སཱ ཙེ་ཏ་སི་ཀཱ མ་ཏཱ;
ཝུ་ཏྟཱ ཝི་ཉྙཱ་ཎ་ཀཱ་ཡཱ ཚ, ཝི་ཉྙཱ་ཎ་ཀྑ་ནྡྷ་ནཱ་མ་ཏོ.
༥༩༧. རཱུ་པ་ཀྑ་ནྡྷོ པུ་ནེ་ཀོ་ཝ, ས་མྤ་ཡུ་ཏྟཱ་ཝི་ཡོ་གི་ནོ;
ཨ་རཱུ་པི་ནོ ཙ ཙ་ཏྟཱ་རོ, པ་ཉྩ་ཀྑ་ནྡྷཱ པ་ཝུ་ཙྩ་རེ.
༥༩༨. མ་ནཱ་ཡ་ཏ་ན་ནཱ་མཾ ཏུ, ཙི་ཏྟ་མེ་ཝ ཏ་ཐཱ་པ་རཱ;
ཙ་ཀྑུ་ཝི་ཉྙཱ་ཎ་དྷཱ་ཏཱ་དི་ས་ཏྟ་ཝི་ཉྙཱ་ཎ་དྷཱ་ཏུ་ཡོ.
༥༩༩. ས་བྦེ ཙེ་ཏ་སི་ཀཱ དྷ་མྨཱ, དྷ་མྨཱ་ཡ་ཏ་ན་ས་ངྒ་ཧཱ;
དྷ་མྨ་དྷཱ་ཏཱུ་ཏི ཙ ཝུ་ཏྟཱ, དྭི་པ་ཉྙཱ་སཱ་པི ས་བྦ་ཐཱ.
༦༠༠. སུ་ཁུ་མཱ་ནི ཙ རཱུ་པཱ་ནི, ནི་བྦཱ་ན་ཉྩེ་ཏྠ ག་ཡ྄ཧ་རེ;
ཨོ་ལཱ༹་རི་ཀཱ་ནི རཱུ་པཱ་ནི, ད་སཱ་ཡ་ཏ་ན་དྷཱ་ཏུ་ཡོ.
༦༠༡. ཙ་ཀྑུ་སོ་ཏ་གྷཱ་ན་ཛི་ཝ྄ཧཱ-ཀཱ་ཡཱ་ཡ་ཏ་ན་ནཱ་མ་ཀཱ;
རཱུ་པ་ས་དྡ་ག་ནྡྷ་ར་ས-ཕོ་ཊྛ་བྦཱ་ཡ་ཏ་ནཱ་ནི ཙ.
༦༠༢. དྭཱ་ད་སཱ་ཡ་ཏ་ནཱ ས་བྦེ, ཧོ་ནྟཊྛཱ་ར་ས་དྷཱ་ཏུ་ཡོ;
ཁ་ནྡྷཱ ཋ་པེ་ཏྭཱ ནི་བྦཱ་ནཾ, ན་ཏྠི པ་ཎྞ་ཏྟི ཏཱི་སུ་པི.
༦༠༣. ཨཱ་ཧཱ་རཱ་དི ཙ ཀོ་ཊྛཱ་སཱ, པུ་བྦེ ཝུ་ཏྟ་ན་ཡཱ་ཝ ཏེ;
ཨི་ཏི མི་སྶ་ཀ་ས་ངྑེ་པོ, ཝི་ཉྙཱ་ཏ་བྦོ ཝི་བྷཱ་ཝི་ནཱ.
༦༠༤. དྭཱ་ད་སཱ་ཀུ་ས་ལེ་སྭེ་ཝ, ཙུ་དྡ་སཱ་པི ཝ་ཝ་ཏྠི་ཏཱ;
ཡེ སཱ་ཝ་ཛྫཱ་ཝ ཏེ་ས་མྤི, ས་ངྒ་ཧོ དཱ་ནི ནི་ཡྻ་ཏེ.
༦༠༥. ཀཱ་མཱ་ས་ཝོ བྷ་ཝཱ་ས་ཝོ, དི་ཊྛཱ་ཝི་ཛྫཱ་ས་ཝཱ་ཏི ཙ;
ཙ་ཏྟཱ་རོ ཨཱ་ས་ཝཱ ཝུ་ཏྟཱ, ཏ་ཡོ དྷ་མྨཱ ས་རཱུ་པ་ཏོ.
༦༠༦. ཨཱ་ས་ཝཱ ཨཱ་ས་ཝ་ཊྛེ་ན,
ཨོ་གྷཱ ཝུ་ཡ྄ཧ་ན་ཏོ ཏ་ཐཱ;
ཡོ་ཛེ་ནྟཱི་ཏི ཙ ཡོ་གཱཏི,
ཏེ ཙ་ཏྟཱ་རོ ཙ དེ་སི་ཏཱ.
༦༠༧. ཀཱ་མ་བྦྷ་ཝོ ཙ པ་ཊི་གྷོ, མཱ་ནོ དི་ཊྛི ཙ སཾ་ས་ཡོ;
སཱི་ལ་བྦ་ཏ་པ་རཱ་མཱ་སོ, བྷ་ཝ་རཱ་གོ ཏ་ཐཱ་པ་རོ.
༦༠༨. ཨི་སྶཱ མ་ཙྪ་རི་ཡཱ་ཝི་ཛྫཱ, ཨི་ཏི སཾ་ཡོ་ཛ་ནཱ ད་ས;
ཨ་ཊྛ དྷ་མྨཱ ས་རཱུ་པེ་ན, ཨ་བྷི་དྷ་མྨེ པ་ཀཱ་སི་ཏཱ.
༦༠༩. ཨི་སྶཱ་མ་ཙྪ་རི་ཡཾ ཧི་ཏྭཱ, ཀ་ཏྭཱ མཱ་ནུ་དྡྷ་ཝཾ ཏ་ཧིཾ;
བྷི་ནྡི་ཏྭཱ བྷ་ཝ་རཱ་ག་ཉྩ, རཱུ་པཱ་རཱུ་པ་ཝ་སཱ དྭི་དྷཱ.
༦༡༠. པ་ཉྩོ་ར་མྦྷཱ་གི་ཡཱ ཙེ་ཝ, པ་ཉྩུ་དྡྷ་མྦྷཱ་གི་ཡཱ་ཏི ཙ;
ད་ས སཾ་ཡོ་ཛ་ནཱ ཝུ་ཏྟཱ, སུ་ཏྟེ ས་ཏྟ ས་རཱུ་པ་ཏོ.
༦༡༡. ག་ནྠཱ དྷ་མྨཱ ཙ ཙ་ཏྟཱ་རོ, ཏ་ཡོ དྷ་མྨཱ ས་རཱུ་པ་ཏོ;
ཨ་བྷི་ཛ྄ཛྷཱ་ཀཱ་ཡ་ག་ནྠོ ཙ, བྱཱ་པཱ་དོ ཙ པ་ཝུ་ཙྩ་ཏི.
༦༡༢. སཱི་ལ་བྦ་ཏ་པ་རཱ་མཱ་སོ, ཀཱ་ཡ་ག་ནྠོ ཏ་ཐཱ་པ་རོ;
ཨི་དཾ་ས་ཙྩཱ་བྷི་ནི་ཝེ་སོ, ཨི་ཏི དི་ཊྛི ཝི་བྷེ་དི་ཏོ.
༦༡༣. ཀཱ་མ་ཙྪ་ནྡོ ཙ བྱཱ་པཱ་དོ, ཐི་ན་མི་དྡྷ་མ་ཐཱ་པ་རཾ;
ཏ་ཐཱ ཨུ་དྡྷ་ཙྩ་ཀུ་ཀྐུ་ཙྩཾ, ཀ་ངྑཱ་ཝི་ཛྫཱ་ཏི ཨ་ཊྛི་མེ.
༦༡༤. དྷ་མྨཱ ནི་ཝ་ར་ཎཱ ནཱ་མ, ཚ་དྷཱ ཙ པ་ན དེ་སི་ཏཱ;
མི་ཙྪཱ་དི་ཊྛི པ་ནེ་ཀཱ་ཝ, པ་རཱ་མཱ་སོཏི ཝུ་ཙྩ་ཏི.
༦༡༥. ཨུ་པཱ་དཱ་ནཱ་ནི ཙ་ཏྟཱ་རི, ཀཱ་མུ་པཱ་དཱ་དི་ནཱ་མ་ཀཱ;
དི་ཊྛི་སཱི་ལ་བྦ་ཏཾ ཨ་ཏྟ-ཝཱ་དུ་པཱ་དཱ་ན་མེ་ཝ ཙ.
༦༡༦. ལོ་བྷ་དི་ཊྛི་ཝ་སཱ དྭེ་ཝ, ཏི་ཝི་དྷཱ དི་ཊྛི དེ་སི་ཏཱ;
དི་ཊྛི སཱི་ལ་བྦ་ཏ་མ་ཏྟ-ཝཱ་དོ ཙེ་ཏི མ་ཧེ་སི་ནཱ.
༦༡༧. ལོ་བྷོ དོ་སོ ཙ མོ་ཧོ ཙ,
མཱ་ནོ དི་ཊྛི ཙ སཾ་ས་ཡོ;
ཐི་ན་མུ་དྡྷ་ཙྩ་མེ་ཝཱ་ཐ,
ལོ་ཀ་ནཱ་ས་ཡུ་གཾ ཏ་ཐཱ.
༦༡༨. ཨི་ཏྠཾ ཀི་ལེ་ས་ཝ་ཏྠཱུ་ནི, ཀི་ལེ་སཱཏི པ་ཀཱ་སི་ཏཱ;
ད་སེ་ཏེ ཏུ ས་མཱ་ནཱ་ཝ, པ་ར་ཏོ ཙ ས་རཱུ་པ་ཏོ.
༦༡༩. ཀཱ་མ་རཱ་གོ ཙ པ་ཊི་གྷོ, མཱ་ནོ དི་ཊྛི ཙ སཾ་ས་ཡོ;
བྷ་ཝ་རཱ་གོ ཨ་ཝི་ཛྫཱ་ཏི, ཚ ས་ཏྟཱནུ་ས་ཡཱ མ་ཏཱ.
༦༢༠. གཱ་ཧཱ ཙ པ་ལི་བོ་དྷཱ ཙ, པ་པ་ཉྩཱ ཙེ་ཝ མ་ཉྙ་ནཱ.
ཏ་ཎྷཱ མཱ་ནོ ཙ དི་ཊྛི ཙ, དི་ཊྛི ཏ་ཎྷཱ ཙ ནི་སྶ་ཡཱ.
༦༢༡. པ་རཱ་མཱ་སེ་ཀ་ཀོ དྭེ་ཝ, ནི་སྶ་ཡཱ མ་ཉྙ་ནཱ ཏ་ཡོ;
ཨཱ་ས་ཝོ་གྷ་ཡོ་ག་ག་ནྠཱ, ཨུ་པཱ་དཱ་ནཱ ཙ དུ་བྦི་དྷཱ.
༦༢༢. ཨ་ཊྛ ནཱི་ཝ་ར་ཎཱ ཝུ་ཏྟཱ, ས་ཏྟ་དྷཱ་ནུ་ས་ཡཱ ཀ་ཐཱ;
སཾ་ཡོ་ཛ་ནཱ ཀི་ལེ་སཱ ཙ, ད་སེ་ཝ པ་ར་ཏོ ཋི་ཏཱ.
༦༢༣. ཨེ་ཀ་དྭི་ཏི་ཚ་ས་ཏྟ་ཊྛ་ད་ས་ཀཱ ཏུ ཡ་ཐཱ་ར་ཧཾ;
དྷ་མྨཱ ས་རཱུ་པ་ཏོ ཧོ་ནྟི, ཡ་ཐཱ་ཝུ་ཏྟེ་སུ རཱ་སི་སུ.
༦༢༤. ཀཱ་མ་རཱ་ག་བྷ་ཝ་རཱ་གཱ, ཀཱ་མཱ་ས་ཝ་བྷ་ཝཱ་ས་ཝཱ;
རཱུ་པ་རཱ་གཱ་རཱུ་པ་རཱ་ག, ཨི་ཏི ལོ་བྷོ ཝི་བྷེ་དི་ཏོ.
༦༢༥. ཨི་དཾ་ས་ཙྩཱ་བྷི་ནི་ཝེ་སོ, དི་ཊྛི སཱི་ལ་བྦ་ཏཾ ཏ་ཐཱ;
ཨ་ཏྟ་ཝཱ་དོ པ་རཱ་མཱ་སོ, ཨི་ཏི དི་ཊྛི པ་ཝུ་ཙྩ་ཏི.
༦༢༦. དི་ཊྛི པ་ཉྩ་ད་ས་ཝི་དྷཱ, ལོ་བྷ་ཊྛཱ་ར་ས་དྷཱ ཏ་ཧིཾ;
སེ་སཱ ས་པ་ར་རཱ་སཱི་ཧི, ས་མཱ་ནཱ དྭཱ་ད་ས་ཊྛི་ཏཱ.
༦༢༧. ཨེ་ཀཱ་ད་ས་ས་མུ་ཊྛཱ་ནེ, དི་ཊྛི་ལོ་བྷཱ ཝ་ཝ་ཏྠི་ཏཱ;
ཨ་ཝི་ཛྫཱ ས་ཏྟ་སུ ཝུ་ཏྟཱ, པ་ཊི་གྷོ པ་ན པ་ཉྩ་སུ.
༦༢༨. མཱ་ནོ ཙ ཝི་ཙི་ཀི་ཙྪཱ ཙ, ཙ་ཏུ་ཊྛཱ་ནེ་སུ ཨུ་དྡྷ་ཊོ;
ཏཱི་སུ དྭཱི་སུ ཙ ཐཱི་ན་ནྟི, ཨ་ཊྛེ་ཏེ ས་ཝི་བྷ་ཏྟི་ཀཱ.
༦༢༩. ཨི་སྶཱ་མ་ཙྪེ་ར་ཀུ་ཀྐུ་ཙྩ་མི་དྡྷ་ལོ་ཀ་ཝི་ནཱ་ས་ཀཱ;
ཚཱ་ཝི་བྷ་ཏྟི་ཀ་དྷ་མྨཱཏི, ཨ་ས་མྦྷི་ནྣཱ ཙ་ཏུ་དྡ་ས.
༦༣༠. རཱུ་པ་རཱ་གཱ་རཱུ་པ་རཱ་ག-ཀཱ་མཱ་ས་ཝ་བྷ་ཝཱ་ས་ཝཱ;
ཧོ་ནྟི དི་ཊྛི་ཝི་ཡུ་ཏྟེ་སུ, པུ་བྦེ ཝུ་ཏྟ་ན་ཡཱ པ་ན.
༦༣༡. ཨི་ཏི སཱ་ཝ་ཛྫ་ས་ངྑེ་པཾ, ཉ་ཏྭཱ པུ་ན ཝི་ཙ་ཀྑ་ཎོ;
བོ་དྷི་པ་ཀྑི་ཡ་དྷ་མྨཱ་ནཾ, ས་ངྒ་ཧ་མྤི ཝི་བྷཱ་ཝ་ཡེ.
༦༣༢. ཡེ་སུ ས་ཉྙཱ་ཙི་ཏྟ་དི་ཊྛི-ཝི་པ་ལླཱ་སཱ ཡ་ཐཱ་ཀྐ་མཾ;
སུ་བྷཾ སུ་ཁཾ ནི་ཙྩ་མ་ཏྟཱ, ཨི་ཏི དྭཱ་ད་ས་དྷཱ ཋི་ཏཱ.
༦༣༣. ཏ་ཏྠ ཀཱ་ཡེ ཝེ་ད་ནཱ་སུ, ཙི་ཏྟེ དྷ་མྨེ་སུ ཙ་ཀྐ་མཱ;
ཨ་སུ་བྷཾ དུ་ཀྑ་མ་ནི་ཙྩ་མ་ན་ཏྟཱ་ཏི ཨུ་པ་ཊྛི་ཏཱ.
༦༣༤. ཡ་ཐཱ་ཝུ་ཏྟ་ཝི་པ་ལླཱ་ས་པ་ཧཱ་ནཱ་ཡ ཡ་ཐཱ་ར་ཧཾ;
བྷི་ནྣཱ ཝི་ས་ཡ་ཀི་ཙྩཱ་ནཾ, ཝ་སེ་ན པ་ན ས་མྦྷ་ཝཱ.
༦༣༥. ཙ་ཏྟཱ་རོ ས་ཏི་པ་ཊྛཱ་ནཱ, ཀཱ་ཡཱ་ནུ་པ་སྶ་ནཱ་ད་ཡོ;
ཨི་ཏི ཝུ་ཏྟཱ པ་ནེ་ཀཱ་ཝ, ས་མྨཱ་ས་ཏི མ་ཧེ་སི་ནཱ.
༦༣༦. ཨུ་པྤ་ནྣཱ་ནུ་པྤ་ནྣ་པཱ་པ་པ་ཧཱ་ནཱ་ནུ་པྤ་ནྣཱ་ཡ ཙ;
ཨ་ནུ་པྤ་ནྣུ་པྤ་ནྣེ་ཧི ཝཱ, ནི་བྦ་ཏྟི ཨ་བྷི་ཝུ་དྡྷི་ཡཱ.
༦༣༧. པ་ད་ཧ་ནྟ་སྶ ཝཱ་ཡཱ་མོ, ཀི་ཙྩཱ་བྷོ་ག་ཝི་བྷཱ་ག་ཏོ;
ས་མྨ་པྤ་དྷཱ་ནཱ ཙ་ཏྟཱ་རོ, ཨི་ཏི ཝུ་ཏྟཱ མ་ཧེ་སི་ནཱ.
༦༣༨. ཚ་ནྡོ ཙ ཝཱི་རི་ཡཾ ཙི་ཏྟཾ, ཝཱི་མཾ་སཱ་ཏི ཙ ཏཱ་དི་ནཱ;
ཙ་ཏྟཱ་རོ ཨི་དྡྷི་པཱ་དཱཏི, ཝི་བྷ་ཏྟཱ ཙ་ཏུ་རཱ་དྷི་པཱ.
༦༣༩. ས་དྡྷི་ནྡྲི་ཡ་ཉྩ ཝཱི་རི་ཡཾ, ས་ཏི ཙེ་ཝ ས་མཱ་དྷི ཙ;
པ་ཉྙི་ནྡྲི་ཡ་ཉྩ པ་ཉྩེ་ཝ, བོ་དྷི་པ་ཀྑི་ཡ་ས་ངྒ་ཧེ.
༦༤༠. ཨི་ནྡྲི་ཡཱ་ནིནྡྲི་ཡ་ཊྛེ་ན, བ་ལ་ཊྛེ་ན བ་ལཱ་ནི ཙ;
ཨི་ཏི བྷི་ནྣཱ ཝི་བྷ་ཏྟཱ ཙ, དུ་ཝི་དྷཱ་པི མ་ཧེ་སི་ནཱ.
༦༤༡. ས་ཏཱི ཙ དྷ་མྨ་ཝི་ཙ་ཡོ, ཏ་ཐཱ ཝཱི་རི་ཡ་པཱི་ཏི་ཡོ;
པ་སྶ་དྡྷི ཙ ས་མཱ་དྷི ཙ, ཨུ་པེ་ཀྑཱ་ཏི ཙ ཏཱ་དི་ནཱ.
༦༤༢. དེ་སི་ཏཱ ས་ཏྟ བོ་ཛ྄ཛྷ་ངྒཱ, བུ་ཛ྄ཛྷ་ནྟ་སྶ ས་བྷཱ་ཝ་ཏོ;
ཀཱ་ཡ་ཙི་ཏྟ་ཝ་སཱ བྷི་ནྣཾ, ཀ་ཏྭཱ པ་སྶ་དྡྷི་མེ་ཀ་ཀཾ.
༦༤༣. ས་མྨཱ་དི་ཊྛི ཙ ས་ངྐ་པྤོ, ཝཱ་ཡཱ་མོ ཝི་ར་ཏི་ཏྟ་ཡཾ;
ས་མྨཱ་ས་ཏི ས་མཱ་དྷཱི ཙ, མ་གྒོ ཨ་ཊྛ་ངྒི་ཀོ མ་ཏོ.
༦༤༤. ཨི་ཏི ས་ཏྟེ་ཝ ས་ངྑེ་པཱ, ས་ཏྟ་ཏིཾ་ས པ་བྷེ་ད་ཏོ;
ཨེ་ཀཾ ཀ་ཏྭཱ་ན པ་སྶ་དྡྷིཾ, ཨ་ས་མྦྷི་ནྣཱ ཙ་ཏུ་དྡ་ས.
༦༤༥. ན་ཝ་དྷཱ ཝཱི་རི་ཡཾ ཝུ་ཏྟཾ, ཚ་སུ རཱ་སཱི་སུ པ་ཉྩ་སུ;
ཨ་ཊྛ་དྷཱ ས་ཏི སེ་སཱ ཏུ, ས་མཱ་ན་པ་ད་རཱ་སི་ཀཱ.
༦༤༦. པ་ཉྩ་སྭེ་ཝ ཏུ པ་ཉྙཱ ཙ, ས་མཱ་དྷི ཙ་ཏུ་རཱ་སི་ཀོ;
ས་དྡྷཱ དྭཱི་སུ ཝི་བྷ་ཏྟཱ་ཏི, པ་ཉྩེ་ཏེ ས་ཝི་བྷ་ཏྟི་ཀཱ.
༦༤༧. ན་ཝཱ ཝི་བྷ་ཏྟི་ཀཱ སེ་སཱ, ཚ་ནྡོ ཙི་ཏྟ་མ་ཐཱ་པ་རཾ;
པཱི་ཏི པ་སྶ་དྡྷི་པེ་ཀྑཱ ཙ, ས་ངྐ་པྤོ ཝི་ར་ཏི་ཏྟ་ཡཾ.
༦༤༨. ཨི་ཏི ཝུ་ཏྟ་ན་ཡཱ ས་བྦེ, བོ་དྷི་པ་ཀྑི་ཡ་ས་ངྒ་ཧཱ;
ལོ་ཀུ་ཏྟ་རེ་སུ ས་མྦྷོ་ནྟི, ས་བྦ་ཐཱ་པི ཡ་ཐཱ་ར་ཧཾ.
༦༤༩. པུ་བྦ་བྷཱ་གེ ཡ་ཐཱ་ཡོ་གཾ, ལོ་ཀི་ཡེ་སུ ཙ ལ་བྦྷ་རེ;
ནི་བྦེ་ད་བྷཱ་ཝ་ནཱ་ཀཱ་ལེ, ཚ་བྦི་སུ་དྡྷི་པ་ཝ་ཏྟི་ཡཾ.
༦༥༠. ཨི་ཏི མི་སྶ་ཀ་སཱ་ཝ་ཛྫཱ, བོ་དྷི་པ་ཀྑི་ཡ་ས་ངྒ་ཧཱ;
ཡེ་ཝཱ་པ་ན་ཀ་རཱ་སི་མྷི, ཡ་ཐཱ་ས་མྦྷ་ཝ་ཏོ ཋི་ཏཱ.
༦༥༡. ཀ་མྨ་པ་ཐཱ ཏུ ས་མྦྷོ་ནྟི, པུ་ཉྙཱ་པུ་ཉྙེ་སུ ས་བྦ་ཐཱ;
ཨ་པ་ཐཱ ཙ སུ་ཙ་རི་ཏཱ, ཏ་ཐཱ དུ་ཙྩ་རི་ཏཱ་པི ཙ.
༦༥༢. ཏ་ཏྠ ཀ་མྨ་པ་ཐ་ཊྛཱ་ནེ, ཨ་ན་བྷི་ཛ྄ཛྷཱ་ད་ཡོ པ་ན;
ཨུ་པ་ཙཱ་རེ་ན ཝུ་ཙྩ་ནྟི, ཝི་པཱ་ཀེ་སུ ཀྲི་ཡེ་སུ ཝཱ་ཏི.
ཨི་ཏི ཙེ་ཏ་སི་ཀ་ཝི་བྷཱ་གེ དི་ཊྛི་ས་ངྒ་ཧ་ཀ་ཐཱ ནི་ཊྛི་ཏཱ.
ས་ཏྟ་ར་ས་མོ པ་རི་ཙྪེ་དོ.
ནི་ཊྛི་ཏོ ཙ ས་བྦ་ཐཱ་པི ཙེ་ཏ་སི་ཀ་ཝི་བྷཱ་གོ.