༡༡. རཱ་སི་ས་རཱུ་པ་ཀ་ཐཱ
༣༨༤. ས་བྦཾ ས་བྷཱ་ཝ་སཱ་མ་ཉྙ-ཝི་སེ་སེ་ན ཡ་ཐཱ་ར་ཧཾ;
ག་ཏ་རཱ་སི་ཝ་སེ་ནཱ་ཐ, ཨ་ཊྛཱ་ར་ས་ཝི་དྷཾ ཀ་ཐཾ.
༣༨༥. ཕ་སྶ་པ་ཉྩ་ཀ་རཱ་སཱི ཙ, ཛྷཱ་ནི་ནྡྲི་ཡ་མ་ཐཱ་པ་རེ;
མ་གྒ་བ་ལ་ཧེ་ཏུ་ཀ་མྨ-པ་ཐ་ལོ་ཀི་ཡ་རཱ་ས་ཡོ.
༣༨༦. ནི་ར་ཝ་ཛྫཱ ཚ པ་སྶ་དྡྷི-ཨཱ་དི་ཀཱ ཙ ས་ཏཱི་མ་ཏཱ;
ཡུ་ག་ན་ནྡྷཱ ཙ ས་མ་ཐཱ, ཏ་ཐཱ ཡེ་ཝཱ་པ་ནཱ་ཏི ཙ.
༣༨༧. ཕ་སྶོ ཙ ཝེ་ད་ནཱ ས་ཉྙཱ, ཙེ་ཏ་ནཱ ཙི་ཏྟ་མེ་ཝ ཙ;
ཕ་སྶ་པ་ཉྩ་ཀ་རཱ་སཱིཏི, པ་ཉྩ དྷ་མྨཱ པ་ཀཱ་སི་ཏཱ.
༣༨༨. ཝི་ཏ་ཀྐོ ཙ ཝི་ཙཱ་རོ ཙ, པཱི་ཏི ཙེ་ཀ་གྒ་ཏཱ ཏ་ཐཱ;
སུ་ཁཾ དུ་ཀྑ་མུ་པེ་ཀྑཱ་ཏི, ས་ཏྟ ཛྷཱ་ན་ངྒནཱ་མ་ཀཱ.
༣༨༩. ས་དྡྷི་ནྡྲི་ཡ་ཉྩ ཝཱི་རི་ཡཾ, ས་ཏི ཙེ་ཝ ས་མཱ་དྷི ཙ;
པ་ཉྙཱ ཙ་ཏུ་བྦི་དྷཱ ཝུ་ཏྟཱ, མ་ནོ པ་ཉྩཱ་པི ཝེ་ད་ནཱ.
༣༩༠. ཛཱི་ཝི་ཏི་ནྡྲི་ཡ་མེ་ཀ་ནྟི, ཙ་ཀྑཱ་དཱི་ནི ཙ ས་ཏྟ་དྷཱ;
བཱ་ཝཱི་ས་ཏིནྡྲི་ཡཱ ནཱ་མ, དྷ་མྨཱ སོ་ལ༹་ས དེ་སི་ཏཱ.
༣༩༡. ཨཱ་དི་མ་གྒེ ཨ་ན་ཉྙཱ་ཏ-ཉྙ་སྶཱ་མཱི་ཏི་ནྡྲི་ཡཾ བྷ་ཝེ;
མ་ཛ྄ཛྷེ ཨ་ཉྙི་ནྡྲི་ཡཾ ཨ་ནྟེ, ཨ་ཉྙཱ་ཏཱ་ཝི་ནྡྲི་ཡ་ནྟི ཙ.
༣༩༢. པ་ཉྙཱ་ནུ་ཏྟ་ར་ཙི་ཏྟེ་སུ, ཧོ་ནྟི ཏཱི་ཎི་ནྡྲི་ཡཱ་ནི་པི;
ཏི་ཧེ་ཏུ་ཀེ་སུ སེ་སེ་སུ, ཨེ་ཀཾ པ་ཉྙི་ནྡྲི་ཡཾ མ་ཏཾ.
༣༩༣. སུ་ཁཾ དུ་ཀྑི་ནྡྲི་ཡ་ཉྩེ་ཝ, སོ་མ་ན་སྶི་ནྡྲི་ཡཾ ཏ་ཐཱ;
དོ་མ་ན་སྶ་མུ་པེ་ཀྑཱ་ཏི, པ་ཉྩ་དྷཱ ཝེ་ད་ནཱ ཀ་ཐཱ.
༣༩༤. རཱུ་པཱ་རཱུ་པ་ཝ་སཱ དྭེ་དྷཱ, ཛཱི་ཝི་ཏི་ནྡྲི་ཡ་མེ་ཀ་ཀཾ;
ཙ་ཀྑུ་སོ་ཏ་གྷཱ་ན་ཛི་ཝ྄ཧཱ་ཀཱ་ཡི་ཏྠི་པུ་རི་སི་ནྡྲི་ཡཱ.
༣༩༥. ཏ་ཏྠ ཛཱི་ཝི་ཏ་རཱུ་པ་ཉྩ, ཨ་ཊྛེ་ཏྠ ན ཏུ ག་ཡ྄ཧ་རེ;
ཏ་སྨཱ ནཱ་མི་ནྡྲི་ཡཱ་ནེ་ཝ, ད་ས་པ་ཉྩ ཝི་ནི་དྡི་སེ.
༣༩༦. ས་མྨཱ་དི་ཊྛི ཙ ས་ངྐ་པྤོ, ཝཱ་ཡཱ་མོ ཝི་ར་ཏི་ཏྟ་ཡཾ;
ས་མྨཱ་ས་ཏི ས་མཱ་དྷི ཙ, མི་ཙྪཱ་དི་ཊྛི ཙ དྷ་མྨ་ཏོ.
༣༩༧. མ་གྒ་ངྒཱ་ནི ན་ཝེ་ཏཱ་ནི, དྭཱ་ད་སཱ་པི ཡ་ཏོ དྭི་དྷཱ;
ས་མྨཱ་མི་ཙྪཱ་ཏི ས་ངྐ་པྤོ, ཝཱ་ཡཱ་མོ ཙ ས་མཱ་དྷི ཙ.
༣༩༨. ལོ་ཀ་པཱ་ལ་དུ་ཀ་ཉྩེ་ཝ, ཧི་རོ་ཏྟ་པྤ་མ་ཐཱ་པ་རཾ;
ཨ་ཧི་རཱི་ཀ་མ་ནོ་ཏྟ་པྤཾ, དུ་ཀཾ ལོ་ཀ་ཝི་ནཱ་ས་ཀཾ.
༣༩༩. པ་ཉྩ ས་དྡྷཱ་ད་ཡོ ཙེ་ཏི, བ་ལ་དྷ་མྨཱ ན་ཝེ་རི་ཏཱ;
ཀ་ཎྷ་སུ་ཀྐ་ཝ་སེ་ནཱ་པི, པ་ཊི་པ་ཀྑེ ཨ་ཀ་མྤི་ཡཱ.
༤༠༠. ཚ ཧེ་ཏཱུ ཧེ་ཏུ་རཱ་སི་མྷི,
ལོ་བྷཱ་ལོ་བྷཱ་དི་ཀཱ ཏི་ཀཱ;
མོ་མཱུ་ཧེ ཀ་ངྑི་ཏུ་དྡྷ་ཙྩཱ,
ཏ་ཏྠ ཝུ་ཏྟཱ་ཏི ཨ་ཊྛ་དྷཱ.
༤༠༡. མི་ཙྪཱ་དི་ཊྛི ཨ་བྷི་ཛ྄ཛྷཱ ཙ, བྱཱ་པཱ་དོ ཝི་ར་ཏི་ཏྟ་ཡཾ;
ས་མྨཱ་དི་ཊྛི་ན་བྷི་ཛ྄ཛྷཱ ཙ, ཨ་བྱཱ་པཱ་དོ ཙ ཙེ་ཏ་ནཱ.
༤༠༢. ད་ས ཀ་མྨ་པ་ཐཱ་ནེཏྠ, ཝུ་ཏྟཱ ཝི་ར་ཏི་ཙེ་ཏ་ནཱ;
ལོ་ཀ་པཱ་ལ་ཝི་ནཱ་སཱཏི, ཝུ་ཏྟཱ ལོ་ཀ་དུ་ཀཱ དྭི་དྷཱ.
༤༠༣. པ་སྶ་དྡྷི་ཨཱ་དི་ཡུ་ག་ལཱ༹, ནི་ར་ཝ་ཛྫཱ ཚ རཱ་ས་ཡོ;
ས་ཏི ཙ ས་མྤ་ཛ་ཉྙ་ཉྩ, ཨུ་པ་ཀཱ་ར་དུ་ཀཾ བྷ་ཝེ.
༤༠༤. ཡུ་ག་ན་ནྡྷ་དུ་ཀཾ ནཱ་མ, ས་མ་ཐོ ཙ ཝི་པ་སྶ་ནཱ;
པ་གྒ་ཧོ ཙ ཨ་ཝི་ཀྑེ་པོ, ས་མ་ཐ་དྡུ་ཀམཱི་རི་ཏཾ.
༤༠༥. ཡེ ས་རཱུ་པེ་ན ནི་དྡི་ཊྛཱ, ཙི་ཏྟུ་པྤཱ་དེ་སུ ཏཱ་དི་ནཱ;
ཏེ ཋ་པེ་ཏྭཱ་ཝ་སེ་སཱ ཏུ, ཡེ་ཝཱ་པ་ན་ཀནཱ་མ་ཀཱ.
༤༠༦. ཚ་ནྡོ ཙ ཨ་དྷི་མོ་ཀྑོ ཙ, ཏ་ཏྲ་མ་ཛ྄ཛྷ་ཏྟ་ཏཱ ཏ་ཐཱ;
ཨུ་དྡྷ་ཙྩཾ མ་ན་སི་ཀཱ་རོ, པ་ཉྩཱ་པ་ཎྞ་ཀ་ནཱ་མ་ཀཱ.
༤༠༧. མཱ་ནོ ཙ ཐི་ན་མི་དྡྷ་ཉྩ, ཨི་སྶཱ མ་ཙྪ་རི་ཡཾ ཏ་ཐཱ;
ཀུ་ཀྐུ་ཙྩ་མ་པྤ་མ་ཉྙཱ ཙ, ཏི་སྶོ ཝི་ར་ཏི་ཡོ་པི ཙ.
༤༠༨. ཨེ་ཏེ ཨ་ནི་ཡ་ཏཱ ནཱ་མ, ཨེ་ཀཱ་ད་ས ཡ་ཐཱ་ར་ཧཾ;
ཏ་ཏོ ཙ སེ་སཱ ས་བྦེ་པི, ནི་ཡ་ཏཱ་ཏི པ་ཀི་ཏྟི་ཏཱ.
༤༠༩. ཀེ་ཙི རཱ་སིཾ ན བྷ་ཛ་ནྟི, ཀེ་ཙི ཙཱ་ནི་ཡ་ཏཱ ཡ་ཏོ;
ཏ་སྨཱ ཡེ་ཝཱ་པ་ནཱ་ཏེ་ཝ, དྷ་མྨཱ སོ་ལ༹་ས དེ་སི་ཏཱ.
༤༡༠. ས་ཏྟ་ཏིཾ་སཱ་ཝ་སེ་སཱ ཏུ, ཏ་ཏྠ ཏ་ཏྠ ཡ་ཐཱ་ར་ཧཾ;
ས་རཱུ་པེ་ནེ་ཝ ནི་དྡི་ཊྛཱ, ཙི་ཏྟུ་པྤཱ་དེ་སུ ས་བྦ་ཐཱ.
༤༡༡. དེ་སི་ཏཱ་ནུ་ཏྟ་རུ་དྡྷ་ཙྩེ, ནཱ་མ་ཏོ ཝི་ར་ཏུ་དྡྷ་ཝཱ;
ཏ་ཐཱ་ནུ་ཏྟ་ར་ཙི་ཏྟེ་སུ, ནི་ཡ་ཏཾ ཝི་ར་ཏི་ཏྟ་ཡཾ.
༤༡༢. ཙི་ཏྟཾ ཝི་ཏ་ཀྐོ ས་དྡྷཱ ཙ,
ཧི་རོ་ཏྟ་པྤ་བ་ལ་དྭ་ཡཾ;
ཨ་ལོ་བྷོ ཙ ཨ་དོ་སོ ཙ,
ལོ་བྷོ དོ་སོ ཙ དི་ཊྛི ཙ.
༤༡༣. ཨ་ཧི་རཱི་ཀ་མ་ནོ་ཏྟ་པྤཾ,
ཨུ་དྡྷ་ཙྩཾ ཝི་ར་ཏི་ཏྟ་ཡཾ;
སོ་ལ༹་སེ་ཏེ ཡ་ཐཱ་ཡོ་གཾ,
དྭཱི་སུ ཋཱ་ནེ་སུ དེ་སི་ཏཱ.
༤༡༤. ཝེ་ད་ནཱ ཏཱི་སུ ཝཱི་རི་ཡཾ, ས་ཏི ཙ ཙ་ཏུ་རཱ་སི་ཀཱ;
ས་མཱ་དྷི ཚ་སུ པ་ཉྙཱ ཙ, ས་ཏྟ་ཊྛཱ་ནེ་སུ དཱི་པི་ཏཱ.
༤༡༥. ཨེ་ཀ་ཝཱི་ས པ་ནི་ཙྩེ་ཏེ, ས་ཝི་བྷ་ཏྟི་ཀ་ནཱ་མ་ཀཱ;
སེ་སཱ དྭ་ཏྟིཾ་ས་ཏི དྷ་མྨཱ, ས་བྦེ་པི ཨ་ཝི་བྷ་ཏྟི་ཀཱ་ཏི.
ཨི་ཏི ཙེ་ཏ་སི་ཀ་ཝི་བྷཱ་གེ རཱ་སི་ས་རཱུ་པ་ཀ་ཐཱ ནི་ཊྛི་ཏཱ.
ཨེ་ཀཱ་ད་ས་མོ པ་རི་ཙྪེ་དོ.