༡༠. པ་བྷེ་ད་ཀ་ཐཱ
༣༥༢. ཨེ་ཀུ་པྤཱ་དཱ ནི་རོ་དྷཱ ཙ, ཨེ་ཀཱ་ལ་མྦ་ཎ་ཝ་ཏྠུ་ཀཱ;
ས་ཧ་ག་ཏཱ ས་ཧ་ཛཱ་ཏཱ, སཾ་ས་ཊྛཱ ས་ཧ་ཝུ་ཏྟི་ནོ.
༣༥༣. ཏེ་པ་ཉྙཱ་ས པ་ནི་ཙྩེ་ཏེ, ས་མྤ་ཡུ་ཏྟཱ ཡ་ཐཱ་ར་ཧཾ;
ཙི་ཏྟ་ཙེ་ཏ་སི་ཀཱ དྷ་མྨཱ, ཨ་ཊྛཱ་ར་ས་ཝི་དྷཱ་པི ཙ.
༣༥༤. ཨེ་ཀ་དྷཱ ཚ་བྦི་དྷཱ ཙེ་ཝ, ཙ་ཏུ་དྷཱ ས་ཏྟ་དྷཱ ཋི་ཏཱ;
ཙི་ཏྟུ་པྤཱ་ད་པ་བྷེ་དེ་ན, བྷི་ནྡི་ཏ་བྦཱ ཝི་བྷཱ་ཝི་ནཱ.
༣༥༥. ཨ་ཊྛ དྷ་མྨཱ་ཝི་ནི་བྦྷོ་གཱ, བྷི་ནྣཱ་སཱི་ཏི ན་ཝུ་ཏྟ་རཱ;
ས་ཏྟ་ས་ཏཾ ད་ས དྭེ ཙ, ས་བྦེ ཧོ་ནྟི ས་མི་སྶི་ཏཱ.
༣༥༦. ས་ནྟཱི་ར་ཎ་མ་ནོ་དྷཱ་ཏུ, སི་ཏ་ཝོ་ཊྛ་བྦ་ནཱ ཏ་ཐཱ;
ཨ་པུ་ཉྙཱ ཀཱ་མ་པུ་ཉྙཱ ཙ, མ་ཧཱ་པཱ་ཀཱ མ་ཧཱ་ཀྲི་ཡཱ.
༣༥༧. པ་ཋ་མ་ཛ྄ཛྷཱ་ན་དྷ་མྨཱ ཙ, ལོ་ཀུ་ཏྟ་ར་མ་ཧ་གྒ་ཏཱ;
པ་ཉྩ་པ་ཉྙཱ་ས ས་བྦེ་པི, ཝི་ཏ་ཀྐཱ ཧོ་ནྟི བྷེ་དི་ཏཱ.
༣༥༨. ཝི་ཙཱ་རཱ་པི ཙ ཏེ་ཡེ་ཝ, དུ་ཏི་ཡ་ཛ྄ཛྷཱ་ན་ནཱ་མ་ཀཱ;
ཨེ་ཀཱ་ད་སཱ་པ་རེ ཙེ་ཏི, ཚ་ས་ཊྛི པ་རི་དཱི་པི་ཏཱ.
༣༥༩. ཨ་པུ་ཉྙཱ ཀཱ་མ་པུ་ཉྙཱ ཙ, མ་ཧཱ་པཱ་ཀཱ མ་ཧཱ་ཀྲི་ཡཱ;
ཙ་ཏུ་ཀྐཱ ཙེ་ཝ ཙ་ཏྟཱ་རོ, སི་ཏ་ཉྩ སུ་ཁ་ཏཱི་ར་ཎཾ.
༣༦༠. པ་ཋ་མཱ་དི་ཏི་ཀ་ཛ྄ཛྷཱ་ནཱ, ལོ་ཀུ་ཏྟ་ར་མ་ཧ་གྒ་ཏཱ;
ཨི་ཙྩེ་ཝ་མེ་ཀ་པ་ཉྙཱ་ས, པཱི་ཏི་ཡོ ཧོ་ནྟི ས་བྦ་ཐཱ.
༣༦༡. སི་ཏ་ཝོ་ཊྛ་བྦ་ནཱ དྭེ ཙ, སཱ་ཝ་ཛྫཱ ཙཱ་ན་ཝ་ཛྫ་ཀཱ;
བྷི་ནྣ་མེ་ཝཾ ཏུ ཝཱི་རི་ཡཾ, ཏེ་ས་ཏྟ་ཏི་ཝི་དྷཾ བྷ་ཝེ.
༣༦༢. སཱ་ཝ་ཛྫཱ ཙཱ་ན་ཝ་ཛྫཱ ཙ, མོ་མཱུ་ཧ་དྭ་ཡ་ཝ་ཛྫི་ཏཱ;
ཚ་ནྡཱ བྷ་ཝ་ནྟི ས་བྦེ་པི, ས་ཊྛི་བྷེ་དཱ ན་ཝུ་ཏྟ་རཱ.
༣༦༣. ས་ནྟཱི་ར་ཎ་མ་ནོ་དྷཱ་ཏུ, སི་ཏ་ཝོ་ཊྛ་བྦ་ནཱ ཏ་ཐཱ;
སཱ་ཝ་ཛྫཱ ཙཱ་ན་ཝ་ཛྫཱ ཙ, ཝི་ཙི་ཀི་ཙྪཱ་ཝི་ཝ་ཛྫི་ཏཱ.
༣༦༤. ཨ་དྷི་མོ་ཀྑཱ པ་ནི་ཙྩེ་ཝཾ, ཨ་ཊྛ་ས་ཏྟ་ཏི བྷེ་དི་ཏཱ;
ཏི་ས་ཏཾ ན་ཝུ་ཏི དྭེ ཙ, བྷི་ནྣཱ ཧོ་ནྟི པ་ཀི་ཎྞ་ཀཱ.
༣༦༥. ཨེ་ཀཱུ་ན་ས་ཊྛི ཝཱ ཧོ་ནྟི, ས་དྡྷཱ་དེ་ཀཱུ་ན་ཝཱི་ས་ཏི;
ས་ཧ་སྶ་ཉྩ ས་ཏ་ཉྩེ་ཀཾ, ཨེ་ཀ་ཝཱི་ས་ཉྩ ས་བྦ་ཐཱ.
༣༦༦. ཉཱ་ཎེ་ན ས་མྤ་ཡུ་ཏྟཱ ཙ, ཀཱ་མེ དྭཱ་ད་ས་དྷཱ་པ་རེ;
པ་ཉྩ་ཏིཾ་སཱ་ཏི པ་ཉྙཱ་པི, ས་ཏྟ་ཏཱ་ལཱི་ས་དྷཱ ཀ་ཐཱ.
༣༦༧. རཱུ་པ་ཛ྄ཛྷཱ་ན་ཙ་ཏུ་ཀྐཱ ཙ, ཀཱ་མ་པུ་ཉྙཱ མ་ཧཱ་ཀྲི་ཡཱ;
ཨ་ཊྛ་ཝཱི་ས་པྤ་མ་ཉྙེ་ཝཾ, ཚ་པྤ་ཉྙཱ་ས བྷ་ཝ་ནྟི ཙ.
༣༦༨. ཨ་ནུ་ཏྟ་རཱ ཀཱ་མ་པུ་ཉྙཱ, ཏི་སྶོ ཝི་ར་ཏི་ཡོ པ་ན;
ཧོ་ནྟི སོ་ལ༹་ས་དྷཱ བྷི་ནྣཱ, ཨ་ཊྛ་ཏཱ་ལཱི་ས པི་ཎྜི་ཏཱ.
༣༦༩. པ་ཉྩ་ཝཱི་སཱ་ན་ཝ་ཛྫེ་ཝཾ, ས་མྤ་ཡུ་ཏྟཱ ཙ་ཏུ་བྦི་དྷཱ;
ས་ཧ་སྶ་དྭི་ས་ཏ་ཉྩེ་ཝ, དྭི ཙ ས་ཏྟ་ཏི བྷེ་ད་ཏོ.
༣༧༠. ཙ་ཏྟཱ་རོ པཱ་པ་སཱ་མ་ཉྙཱ, བྷི་ནྣཱ དྭཱ་ད་ས་དྷཱ པ་ན;
ཨ་ཊྛ་ཏཱ་ལཱི་ས་དྷཱ ཧོ་ནྟི, ཏེ ས་བྦེ པ་རི་པི་ཎྜི་ཏཱ.
༣༧༡. ལོ་བྷོ པ་ན་ཊྛ་དྷཱ བྷི་ནྣོ, ཐི་ན་མི་དྡྷ་ཉྩ པ་ཉྩ་དྷཱ;
ཙ་ཏུ་དྷཱ དི་ཊྛི་མཱ་ནོ ཙ, ཙ་ཏུ་དྷཱ དི་ཊྛི་ཡོ ཝི་སུཾ.
༣༧༢. དྭི་དྷཱ དོ་སཱ་དི་ཙ་ཏྟཱ་རོ, ཝི་ཙི་ཀི་ཙྪེ་ཀ་དྷཱ་ཏི ཙ;
སཱ་ཝ་ཛྫཱ ས་ཏྟ་དྷཱ ཝུ་ཏྟཱ, བྷི་ནྣཱ་སཱི་ཏི ཏི་ཀུ་ཏྟ་རཱ.
༣༧༣. ཨི་ཙྩ་ཊྛཱ་ར་ས་དྷཱ ཝུ་ཏྟཱ, ཏེ་པ་ཉྙཱ་སཱ་པི བྷེ་ད་ཏོ;
དྭི་ས་ཧ་སྶ་ཉྩ ཏུ ས་ཏཾ, བྷ་ཝ་ནྟེ་ཀཱུ་ན་ས་ཊྛི ཙ.
༣༧༤. ཝི་ཏ་ཀྐ་ཝི་ཙཱ་ར་པཱི་ཏི་སུ་ཁོ་པེ་ཀྑཱ་སུ པ་ཉྩ་སུ;
བྷི་ནྡི་ཏྭཱ ཛྷཱ་ན་བྷེ་དེ་ན, ག་ཧེ་ཏ་བྦཱ ཨ་ནུ་ཏྟ་རཱ.
༣༧༥. ཨ་ཉྙ་ཏྲ པ་ན ས་བྦ་ཏྠ, ན་ཏྠི བྷེ་ད་པྤ་ཡོ་ཛ་ནཾ;
ཨ་ཊྛེ་ཝ ཀ་སྨཱ ག་ཡ྄ཧ་ནྟི, ཨ་བྷེ་དེ་ནཱ་ཏི ལ་ཀྑ་ཡེ.
༣༧༦. པ་ཋ་མཱ་དི་ཙ་ཏུ་ཛ྄ཛྷཱ་ནཱ, ལོ་ཀུ་ཏྟ་ར་མ་ཧ་གྒ་ཏཱ;
ཨི་ཙྩེ་ཀ་མེ་ཀ་ད་ས་དྷཱ, ཙ་ཏུ་ཏཱ་ལཱི་ས པི་ཎྜི་ཏཱ.
༣༧༧. ཏེ་ཝཱི་ས པ་ཉྩ་མཱ ཙེ་ཏི, ས་ཏྟ་ས་ཊྛི ས་མི་སྶི་ཏཱ;
ཨ་པྤ་ནཱ ཏ་ཏྠ ས་བྦཱ་པི, ཨ་ཊྛ་པ་ཉྙཱ་ས དཱི་པི་ཏཱ.
༣༧༨. པ་ཉྩ་ཏིཾ་སེ་ཝ ས་ངྑེ་པཱ, ལོ་ཀུ་ཏྟ་ར་མ་ཧ་གྒ་ཏཱ;
ཨ་པྤ་ནཱ ཏ་ཏྠ ས་བྦཱ་པི, ཚ་བྦཱི་ས་ཏི པ་ཀཱ་སི་ཏཱ.
༣༧༩. ཨི་དྡྷི་ཝི་དྷཾ དི་བྦ་སོ་ཏཾ, ཙེ་ཏོ་པ་རི་ཡ་ནཱ་མ་ཀཱ;
པུ་བྦེ་ནི་ཝཱ་སཱ་ནུ་སྶ་ཏི, དི་བྦ་ཙ་ཀྑཱུ་ཏི པ་ཉྩ་དྷཱ.
༣༨༠. ཨ་བྷི་ཉྙཱ་ཉཱ་ཎ་མཱི་རེ་ནྟི, རཱུ་པཱ་ཝ་ཙ་ར་པ་ཉྩ་མཱ;
ཀུ་ས་ལ་ཉྩ ཀྲི་ཡཱ ཙེ་ཏི, བྷེ་དི་ཏཾ དུ་ཝི་དྷ་མྤི ཙ.
༣༨༡. ཏཾ དྭ་ཡ་མྤི ས་མྨི་སྶེ་ཏྭཱ, པ་ཉྩཱ་བྷི་ཉྙཱ ཙ ལོ་ཀི་ཡཱ;
ཨཱ་ས་ཝ་ཀྑ་ཡ་ཉཱ་ཎ་ཉྩ, ཚ་ལ༹་བྷི་ཉྙཱ པ་ཝུ་ཙྩ་རེ.
༣༨༢. ལོ་ཀི་ཡཱ ཙ ད་སཱ་བྷི་ཉྙཱ, བྷི་ནྡི་ཏྭཱ ཀུ་ས་ལ་ཀྲི་ཡཱ;
ས་ཏྟ་ས་ཏྟ་ཏི ཛྷཱ་ནཱ་ནི, ཨ་ཊྛ་ས་ཊྛི པ་ན་པྤ་ནཱ.
༣༨༣. ས་ཏྟ་ས་ཏྟ་ཏི ཙི་ཏྟཱ་ནི, ཙ་ཏུ་པ་ཉྙཱ་ས ས་བྦ་ཐཱ;
པ་ཙི་ཏཱ་ནི ཙ ཙི་ཏྟཱ་ནི, ཨེ་ཀ་ཏིཾ་ས་ས་ཏཾ སི་ཡུ་ནྟི.
ཨི་ཏི ཙེ་ཏ་སི་ཀ་ཝི་བྷཱ་གེ པ་བྷེ་ད་ཀ་ཐཱ ནི་ཊྛི་ཏཱ.
ད་ས་མོ པ་རི་ཙྪེ་དོ.