ན་ཝ་མོ པ་རི་ཙྪེ་དོ
༩. ཙེ་ཏ་སི་ཀ་ས་ངྒ་ཧ་ཀ་ཐཱ
༣༡༥. ས་ཏྟ སཱ་དྷཱ་ར་ཎཱ ཙེ་ཝ, ཚ དྷ་མྨཱ ཙ པ་ཀི་ཎྞ་ཀཱ;
ས་དྡྷཱ་དི པ་ཉྩ་ཝཱི་སེ་ཏི, ཨ་ཊྛ་ཏིཾ་ས ས་མི་སྶི་ཏཱ.
༣༡༦. ཀཱ་མཱ་ཝ་ཙ་ར་པུ་ཉྙེ་སུ, ལ་བྦྷ་ནྟི པ་ཋ་མ་དྭ་ཡེ;
ས་ཏྟ་ཏིཾ་སེ་ཝ དུ་ཏི་ཡེ, པ་ཉྙཱ་མ་ཏྟ་ཝི་ཝ་ཛྫི་ཏཱ.
༣༡༧. ཏ་ཏི་ཡེ ཙ ཡ་ཐཱ་ཝུ་ཏྟཱ, པཱི་ཏི་མ་ཏྟ་ཝི་ཝ་ཛྫི་ཏཱ;
ཚ་ཏྟིཾ་སེ་ཝ ཙ་ཏུ་ཏྠ་མྷི, པ་ཉྙཱ་པཱི་ཏི་དྭ་ཡཾ ཝི་ནཱ.
༣༡༨. མ་ཧཱ་ཀྲི་ཡཱ་སུ ཡུ་ཛྫ་ནྟི, ཧི་ཏྭཱ ཝི་ར་ཏི་ཡོ ཏ་ཐཱ;
པ་ཉྩ་ཏིཾ་ས ཙ་ཏུ་ཏྟིཾ་ས་དྭ་ཡཾ ཏེ་ཏྟིཾ་ས་ཀཾ ཀ་མཱ.
༣༡༩. ཋ་པེ་ཏྭཱ ཨ་པྤ་མ་ཉྙཱ ཙ, མ་ཧཱ་པཱ་ཀེ་སུ ཡོ་ཛི་ཏཱ;
ཏེ་ཏྟིཾ་སཱ ཙེ་ཝ དྭ་ཏྟིཾ་ས་དྭ་ཡེ་ཀ་ཏྟིཾ་ས་ཀཾ ཀ་མཱ.
༣༢༠. ཨ་པྤ་མ་ཉྙཱ ག་ཧེ་ཏྭཱ་ན, ཧི་ཏྭཱ ཝི་ར་ཏི་ཡོ ཏ་ཐཱ;
པ་ཉྩ་ཏིཾ་སེ་ཝ པ་ཋ་མེ, རཱུ་པཱ་ཝ་ཙ་ར་མཱ་ན་སེ.
༣༢༡. ཝི་ཏ་ཀྐཾ དུ་ཏི་ཡེ ཧི་ཏྭཱ, ཝི་ཙཱ་ར་ཉྩ ཏ་ཏོ པ་རཾ;
ཙ་ཏུ་ཏྠེ པ་ན པཱི་ཏི་ཉྩ, ཨ་པྤ་མ་ཉྙ་ཉྩ པ་ཉྩ་མེ.
༣༢༢. ཡ་ཐཱ་ཝུ་ཏྟ་པ་ཀཱ་རཱ་ཝ, ཙ་ཏུ་ཏྟིཾ་ས ཡ་ཐཱ་ཀྐ་མཾ;
ཏེ་ཏྟིཾ་ས ཙེ་ཝ དྭ་ཏྟིཾ་ས, ས་མ་ཏིཾ་ས་ཉྩ ལ་བྦྷ་རེ.
༣༢༣. པ་ཉྩ་མེ་ན ས་མཱ་ནཱ ཙ, ཋ་པེ་ཏྭཱ་རུ་པྤ་མཱ་ན་སཱ;
བྷཱུ་མཱ་ར་མྨ་ཎ་བྷེ་ད་ཉྩ, ཨ་ངྒཱ་ན་ཉྩ པ་ཎཱི་ཏ་ཏཾ.
༣༢༤. ཨ་པྤ་མ་ཉྙཱ ཋ་པེ་ཏྭཱ་ན, ག་ཧེ་ཏྭཱ ཝི་ར་ཏི་ཏྟ་ཡཾ;
ཚ་ཏྟིཾ་སཱ་ནུ་ཏྟ་རེ ཧོ་ནྟི, པ་ཋ་མ་ཛ྄ཛྷཱ་ན་མཱ་ན་སེ.
༣༢༥. ཝི་ཏ་ཀྐཾ དུ་ཏི་ཡེ ཧི་ཏྭཱ, ཝི་ཙཱ་ར་ཉྩ ཏ་ཏོ པ་རཾ;
པཱི་ཏིཾ ཧི་ཏྭཱ ཙ་ཏུ་ཏྠེ ཙ, པ་ཉྩ་མེ་པི ཙ ས་བྦ་ཐཱ.
༣༢༦. ཡ་ཐཱ་ཝུ་ཏྟ་པྤ་ཀཱ་རཱ་ཝ, པ་ཉྩ་ཏིཾ་ས ཡ་ཐཱ་ཀྐ་མཾ;
ཙ་ཏུ་ཏྟིཾ་ས་ཉྩ ཏེ་ཏྟིཾ་ས, ཏ་ཐཱ ཏེ་ཏྟིཾ་ས ཙཱ་པ་རེ.
༣༢༧. ཨེ་ཝཾ བཱ་ཝཱི་ས་དྷཱ བྷེ་དོ, ཨ་ན་ཝ་ཛྫེ་སུ ས་ངྒ་ཧོ;
ཨེ་ཀཱུ་ན་ས་ཊྛི་ཙི་ཏྟེ་སུ, ཨ་ཊྛ་ཏིཾ་སཱ་ན་མཱི་རི་ཏོ.
༣༢༨. ཝི་ར་ཏཱི ཨ་པྤ་མ་ཉྙཱ ཙ, ག་ཧེ་ཏྭཱ པ་ན ས་བྦ་སོ;
ཨེ་ཀ་མེ་ཀཾ ག་ཧེ་ཏྭཱ ཙ, པ་ཙྩ་ཀྑཱ་ཡ ཙ ས་བྦ་ཐཱ.
༣༢༩. ཀཱ་མེ་སུ ས་ཏྟ་དྷཱ པུ་ཉྙེ, ཙ་ཏུ་དྷཱ ཙ ཀྲི་ཡེ ཏ་ཐཱ;
རཱུ་པ་ཛ྄ཛྷཱ་ན་ཙ་ཏུ་ཀྐེ ཙ, ཀ་ཏྟ་བྦོ་ཡ་མྤི ས་ངྒ་ཧོ.
༣༣༠. ཨི་མི་ནཱ པ་ནུ་པཱ་ཡེ་ན, ས་མ་ས་ཏྟ་ཏི བྷེ་ད་ཏོ;
ཨ་ན་ཝ་ཛྫེ་སུ ཝི་ཉྙེ་ཡྻོ, ཙི་ཏྟུ་པྤཱ་དེ་སུ ས་ངྒ་ཧོ.
༣༣༡. ཨི་ཏི ས་བྦ་པྤ་ཀཱ་རེ་ན, ཨ་ན་ཝ་ཛྫ་ཝི་ནི་ཙྪ་ཡཾ;
ཉ་ཏྭཱ ཡོ་ཛེ་ཡྻ མེ་དྷཱ་ཝཱི, སཱ་ཝ་ཛྫེ་སུ ཙ ས་ངྒ་ཧཾ.
༣༣༢. ས་ཏྟ སཱ་དྷཱ་ར་ཎཱ ཙེ་ཝ, ཚ དྷ་མྨཱ ཙ པ་ཀི་ཎྞ་ཀཱ;
ཙ་ཏྟཱ་རོ པཱ་པ་སཱ་མ་ཉྙཱ, དྷ་མྨཱ ས་ཏྟ་ར་སེ་ཝི་མེ.
༣༣༣. ཨེ་ཀཱུ་ན་ཝཱི་སཱ་ས་ངྑཱ་རེ, པ་ཋ་མེ ལོ་བྷ་དི་ཊྛི་ཡཱ;
དུ་ཏི་ཡེ ལོ་བྷ་མཱ་ནེ་ན, ཡ་ཐཱ་ཝུ་ཏྟཱ ཙ ཏ་ཏྟ་ཀཱ.
༣༣༤. ཨ་ཊྛཱ་ར་ས ཝི་ནཱ པཱི་ཏིཾ, ཏ་ཏི་ཡེ ལོ་བྷ་དི་ཊྛི་ཡཱ;
ཙ་ཏུ་ཏྠེ་པི ཝི་ནཱ པཱི་ཏིཾ, ལོ་བྷ་མཱ་ནེ་ན ཏ་ཏྟ་ཀཱ.
༣༣༥. པ་ཊི་གྷེ ཙ ཝི་ནཱ པཱི་ཏིཾ, ཨ་ས་ངྑཱ་རེ ཏ་ཐེ་ཝ ཏེ;
ལ་བྦྷ་ནྟི དོ་ས་ཀུ་ཀྐུ་ཙྩ-མ་ཙྪ་རི་ཡཱ་ཧི ཝཱི་ས་ཏི.
༣༣༦. ཨ་ས་ངྑཱ་རེ་སུ ཝུ་ཏྟཱ ཙ, ས་ས་ངྑཱ་རེ་སུ པ་ཉྩ་དྷཱ;
ཐི་ན་མི་དྡྷེ་ནེ་ཀ་ཝཱི་ས, ཝཱི་ས དྭེ་ཝཱི་ས་ཏི་ཀྐ་མཱ.
༣༣༧. ཚ་ནྡཾ པཱི་ཏི་ཉྩ ཨུ་དྡྷ་ཙྩེ, ཧི་ཏྭཱ པ་ཉྩ་ད་སེ་ཝ ཏེ;
ཧི་ཏྭཱ ཝི་མོ་ཀྑཾ ཀ་ངྑ་ཉྩ, ག་ཧེ་ཏྭཱ ཀ་ངྑི་ཏེ ཏ་ཐཱ.
༣༣༨. ས་ཏྟ་ཝཱི་ས་ཏི་དྷ་མྨཱ་ནཾ, ཨི་ཏི དྭཱ་ད་ས ས་ངྒ་ཧཱ;
དྭཱ་ད་སཱ་པུ་ཉྙ་ཙི་ཏྟེ་སུ, ཝི་ཉྙཱ་ཏ་བྦཱ ཝི་བྷཱ་ཝི་ནཱ.
༣༣༩. ཧི་ཏྭཱ ཚཱ་ནི་ཡ་ཏེ དྷ་མྨེ, ག་ཧེ་ཏྭཱ ཙ ཡ་ཐཱ་ར་ཧཾ;
ཙ་ཏུ་ཏྟིཾ་སཱ་པི ཝི་ཉྙེ་ཡྻཱ, ས་ངྒ་ཧཱ ཏ་ཏྠ ཝི་ཉྙུ་ནཱ.
༣༤༠. དྭཱ་ད་སཱ་ཀུ་ས་ལེ་སྭེ་ཝ, ཉ་ཏྭཱ ས་ངྒ་ཧ་མུ་ཏྟ་རཾ;
ཉེ་ཡྻཱ་ཧེ་ཏུ་ཀ་ཙི་ཏྟེ་སུ, ས་ངྒ་ཧཾ ཀ་མ་ཏོ ཀ་ཐཾ?
༣༤༡. ས་ཏྟ སཱ་དྷཱ་ར་ཎཱ ཚ་ནྡ་ཝ་ཛྫི་ཏཱ ཙ པ་ཀི་ཎྞ་ཀཱ;
ཧ་སི་ཏུ་པྤཱ་ད་ཙི་ཏྟ་མྷི, དྭཱ་ད་སེ་ཝ པ་ཀཱ་སི་ཏཱ.
༣༤༢. ཝོ་ཊྛ་བྦེ ཙ ཝི་ནཱ པཱི་ཏིཾ, ཝཱི་རི་ཡཾ སུ་ཁ་ཏཱི་ར་ཎེ;
ཨེ་ཀཱ་ད་ས ཡ་ཐཱ་ཝུ་ཏྟཱ, དྷ་མྨཱ དྭཱི་སུ་པི དེ་སི་ཏཱ.
༣༤༣. མ་ནོ་དྷཱ་ཏུ་ཏྟི་ཀེ ཙེ་ཝ, ཨུ་པེ་ཀྑཱ་ཏཱི་ར་ཎ་དྭ་ཡེ;
ད་ས ཧོ་ནྟི ཡ་ཐཱ་ཝུ་ཏྟཱ, ཧི་ཏྭཱ ཝཱི་རི་ཡ་པཱི་ཏི་ཡོ.
༣༤༤. ས་ཏྟ སཱ་དྷཱ་ར་ཎཱ ཨེ་ཝ, པ་ཉྩ་ཝི་ཉྙཱ་ཎ་ས་མྦྷ་ཝཱ;
ཨི་ཙྩཱ་ཧེ་ཏུ་ཀ་ཙི་ཏྟེ་སུ, པ་ཉྩ་དྷཱ ས་ངྒ་ཧོ ཋི་ཏོ.
༣༤༥. ཨི་ཏི ཙེ་ཏ་སི་ཀེ དྷ་མྨེ, ཙི་ཏྟེ་སུ ག་ཎི་ཏེ པུ་ན;
ཙི་ཏྟེ་ན ས་ཧ ས་ངྒ་ཡ྄ཧ, ག་ཎེ་ཡྻཱ་པི ཙ པ་ཎྜི་ཏོ.
༣༤༦. ཨ་ཊྛ་ཏིཾ་སཱ་ཏི ཡེ ཝུ་ཏྟཱ, ཙི་ཏྟེ་ན ས་ཧ ཏེ པུ་ན;
ཨེ་ཀཱུ་ན་ཙ་ཏྟཱ་ལཱི་སེ་ཏི, ས་བྦ་ཏྠེ་ཀཱ་དྷི་ཀཾ ན་ཡེ.
༣༤༧. བཱ་ཝཱི་སེ་ཝཾ ད་ས དྭེ ཙ, པ་ཉྩ ཙེ་ཏི ཡ་ཐཱ་ར་ཧཾ;
ས་ངྒ་ཧཱ ས་མྤ་ཡུ་ཏྟཱ་ནཾ, ཏཱ་ལཱི་སེ་ཀཱུ་ན་ཀཱ ཀ་ཐཱ.
༣༤༨. ཝི་ཏ་ཀྐོ ཙ ཝི་ཙཱ་རོ ཙ, པཱི་ཏི པ་ཉྙཱ ཏ་ཐཱ པ་ན;
ཨ་པྤ་མ་ཉྙཱ ཝི་ར་ཏཱི་ཏི, ན་ཝ དྷ་མྨཱ ཡ་ཐཱ་ར་ཧཾ.
༣༤༩. ག་ཧེ་ཏ་བྦཱ་པ་ནེ་ཏ་བྦཱ, བྷ་ཝ་ནྟི ཨ་ན་ཝ་ཛྫ་ཀེ;
པ་རི་ཝ་ཏྟེ་ཏི ས་བྦ་ཏྠ, ཝེ་ད་ནཱ ཏུ ཡ་ཐཱ་ར་ཧཾ.
༣༥༠. ཚ་ནྡཱ་དྷི་མོ་ཀྑ་ཝཱི་རི་ཡཱ, ས་དྡྷཱ་དེ་ཀཱུ་ན་ཝཱི་ས་ཏི;
ཕ་སྶཱ་ད་ཡོ ཚ་ལེ༹་ཝཱ་ཏི, ན ཙ་ལ་ནྟ་ཊྛ་ཝཱི་ས་ཏི.
༣༥༡. ཏེ་ར་སེ་ཝ ཏུ སཱ་ཝ་ཛྫེ, ཚ་ལེ༹་ཝཱ་ཧེ་ཏུ་མཱ་ན་སེ;
ན ཙ་ལ་ནྟི ད་ས ཨ་ཉྙེ, ཙུ་དྡ་སཱ ཚ ཙ ས་མྦྷ་ཝཱ་ཏི.
ཨི་ཏི ཙེ་ཏ་སི་ཀ་ཝི་བྷཱ་གེ ཙེ་ཏ་སི་ཀ་ས་ངྒ་ཧ་ཀ་ཐཱ ནི་ཊྛི་ཏཱ.
ན་ཝ་མོ པ་རི་ཙྪེ་དོ.