༧. བྷཱུ་མི་པུ་གྒ་ལ་ས་མྦྷ་ཝ་ཀ་ཐཱ

༢༧༠. དྭི་ཧེ་ཏུ་ཀཱ་ཧེ་ཏུ་ཀཱ་ནཾ, ན ས་མྤ་ཛྫ་ཏི ཨ་པྤ་ནཱ;

ཨ་ར་ཧ་ཏྟ་ཉྩ ན་ཏྠཱི་ཏི, ན་ཏྠེ་ཝ ཛ་ཝ་ན་ཀྲི་ཡཱ.

༢༧༡. ཉཱ་ཎ་པཱ་ཀཱ ན ཝ་ཏྟ་ནྟི, ཛ་ལ༹་ཏྟཱ མཱུ་ལ་ས་ནྡྷི་ཡཱ;

དྭི་ཧེ་ཏུ་ཀ་ཏ་དཱ་ལ་མྦཾ, སི་ཡཱ སུ་ག་ཏི་ཡཾ ན ཝཱ.

༢༧༢. ཏི་ཧེ་ཏུ་ཀཱ་ནཾ ས་ཏྟཱ་ནཾ, ས་མ་ཐ་ཉྩ ཝི་པ་སྶ་ནཾ;

བྷཱ་ཝེ་ནྟཱ་ནཾ པ་ཝ་ཏྟ་ནྟི, ཚ་བྦཱི་ས་ཏི་པི ཨ་པྤ་ནཱ.

༢༧༣. ཨ་ར་ཧ་ནྟཱ་ན ས་ཏྟཱ་ནཾ, བྷ་ཝ་ནྟི ཛ་ཝ་ན་ཀྲི་ཡཱ;

ཡ་ཐཱ་བྷཱུ་མི་ནི་ཡཱ་མེ་ན, ཉཱ་ཎ་པཱ་ཀཱ ཙ ལ་བྦྷ་རེ.

༢༧༤. ཝ་ཛ྄ཛྷཱ པ་ཋ་མ་མ་གྒེ་ན, ཀ་ངྑཱ་དི་ཊྛི་ཡུ་ཏཱ པ་ན;

པ་ཊི་གྷཾ ཏ་ཏི་ཡེ་ནེ་ཝ, ཀ་མྨ་མ་ནྟེ་ན སཱ་ས་ཝཾ.

༢༧༥. ཏ་སྨཱ ཏེ་སཾ ན ཝ་ཏྟ་ནྟི, ཏཱ་ནི ཙི་ཏྟཱ་ནི ས་བྦ་ཐཱ;

མ་གྒ་ཊྛཱ་ནཾ ཏུ མ་གྒོ་ཝ, ནཱ་ཉྙཾ ས་མྦྷོ་ཏི ཀི་ཉྩི་པི.

༢༧༦. ཨ་ཧེ་ཏུ་ཀ་ཝི་པཱ་ཀཱ་ནི, ལ་བྦྷ་མཱ་ནཱ་ཡ ཝཱི་ཐི་ཡཱ;

ས་བྦ་ཐཱ་པི ཙ ས་བྦེ་སཾ, ས་མྦྷ་ཝ་ནྟི ཡ་ཐཱ་ར་ཧཾ.

༢༧༧. པ་ཉྩ་དྭཱ་རེ མ་ནོ་དྭཱ་རེ, དྷུ་ཝ་མཱ་ཝ་ཛྫ་ན་དྭ་ཡཾ;

པ་རི་ཏྟ་པུ་ཉྙཱ་པུ་ཉྙཱ་ནི, ལ་བྦྷ་ནྟི ལ་ཧུ་ཝུ་ཏྟི་ཏོ.

༢༧༨. ཀྲི་ཡཱ་ཛ་ཝ་ན་མ་པྤ་ནཱ, ན་ཏྠཱ་པཱ་ཡེ་སུ ཀཱ་ར་ཎཾ;

ན་ཏྠི ས་ཧེ་ཏུ་ཀཱ པཱ་ཀཱ, དུ་གྒ་ཏ་ཏྟཱ ཧི ས་ནྡྷི་ཡཱ.

༢༧༩. བྲ་ཧྨཱ་ནཾ པ་ཊི་གྷཾ ན་ཏྠི, ཛྷཱ་ན་ཝི་ཀྑ་མྦྷི་ཏཾ ཏ་ཐཱ;

ཧེ་ཊྛཱ་ཛྷཱ་ནཾ ཝི་ར་ཏྟ་ཏྟཱ, ན བྷཱ་ཝེ་ནྟི ཨ་རཱུ་པི་ནོ.

༢༨༠. པུ་བྦེ་ཝ དི་ཊྛ་ས་ཙྩཱ་ཝ, ཨ་རི་ཡཱ་རཱུ་པ་བྷཱུ་མ་ཀཱ;

ཏ་སྨཱ་དི་མ་གྒོ ན་ཏྠེ་ཏྠ, ཀཱ་ཡཱ་བྷཱ་ཝཱ སི་ཏཾ ཏ་ཐཱ.

༢༨༡. སུ་དྡྷཱ་ཝཱ་སཱ་པི པ་ཏྟཱ་ཝ, ཧེ་ཊྛཱ་ནུ་ཏྟ་ར་པ་ཉྩ་ཀཾ;

ས་ཏྟ་པཱ་པ་པ་ཧཱི་ནཱ ཙ, ཏ་སྨཱ ན་ཏྠེ་ཏྠ ཏཱ་ནི ཙ.

༢༨༢. པ་ཉྩ་དྭཱ་རི་ཀ་ཙི་ཏྟཱ་ནི, དྭཱ་རཱ་བྷཱ་ཝེ ན ཝི་ཛྫ་རེ;

ས་ཧེ་ཏུ་ཀ་ཝི་པཱ་ཀཱ ཙ, ཡ་ཐཱ་བྷཱུ་མི་ཝ་ཝ་ཏྠི་ཏཱ.

༢༨༣. ས་མྦྷ་ཝཱ་ས་མྦྷ་ཝ་ཉྩེ་ཝཾ, ཉ་ཏྭཱ པུ་གྒ་ལ་བྷཱུ་མི་སུ;

ལ་བྦྷ་མཱ་ན་ཝ་སཱ ཏ་ཏྠ, ཙི་ཏྟ་ས་ངྒ་ཧ་མུ་དྡི་སེ.

༢༨༤. ཀུ་ས་ལཱ་དི་པྤ་བྷེ་དཱ ཙ, ཏ་ཐཱ བྷཱུ་མཱ་དི་བྷེ་ད་ཏོ;

ཝ་ཏྠུ་དྭཱ་རཱ་ར་མྨ་ཎ་ཏོ, བྷཱུ་མི་པུ་གྒ་ལ་ཏོ་པི ཙ.

༢༨༥. ཝི་བྷཱ་གོ ཡོ ས་མུ་དྡི་ཊྛོ,

ཙི་ཏྟཱ་ན་ཉྩ ཏུ ས་མྦྷ་ཝཱ;

ཉེ་ཡྻོ ཙེ་ཏ་སི་ཀཱ་ན་ཉྩ,

ས་མྤ་ཡོ་གཱ་ནུ་སཱ་ར་ཏོ་ཏི.

ཨི་ཏི ཙི་ཏྟ་ཝི་བྷཱ་གེ བྷཱུ་མི་པུ་གྒ་ལ་ས་མྦྷ་ཝ་ཀ་ཐཱ ནི་ཊྛི་ཏཱ.

ས་ཏྟ་མོ པ་རི་ཙྪེ་དོ.

ནི་ཊྛི་ཏོ ཙ ཙི་ཏྟ་ཝི་བྷཱ་གོ.