ཚ་ཊྛོ པ་རི་ཙྪེ་དོ
༦. བྷཱུ་མི་པུ་གྒ་ལ་ཙི་ཏྟ་པྤ་ཝ་ཏྟི་ཀ་ཐཱ
༢༣༢. ཀཱ་མ་སུ་ག་ཏི་ཡཾ ཧོ་ནྟི, མ་ཧཱ་པཱ་ཀཱ ཡ་ཐཱ་ར་ཧཾ;
མ་ཧ་གྒ་ཏ་ཝི་པཱ་ཀཱ ཙ, ཡ་ཐཱ་ས་ནྡྷི་ཝ་ཝ་ཏྠི་ཏཱ.
༢༣༣. ཝོ་ཊྛ་བྦ་ཀཱ་མ་པུ་ཉྙཱ་ནི, ཝི་ཡུ་ཏྟཱ་ནི ཙ དི་ཊྛི་ཡཱ;
ཨུ་དྡྷ་ཙྩ་ས་ཧི་ཏ་ཉྩེ་ཏི, ཧོ་ནྟི ས་བྦ་ཏྠ ཙུ་དྡ་ས.
༢༣༤. ས་ནྟཱི་ར་ཎ་མ་ནོ་དྷཱ་ཏུ-ཙ་ཀྑུ་སོ་ཏ་མ་ནཱ པ་ན;
ད་ས ཙི་ཏྟཱ་ནི ཛཱ་ཡ་ནྟི, ས་བྦ་ཏྠཱ་རཱུ་པ་ཝ་ཛྫི་ཏེ.
༢༣༥. དི་ཊྛི་ག་ཏ་ས་མྤ་ཡུ་ཏྟཱ, ཝི་ཙི་ཀི་ཙྪཱ་ཡུ་ཏཱ ཏ་ཐཱ;
པ་ཉྩ ས་བྦ་ཏྠ ཛཱ་ཡ་ནྟི, སུ་དྡྷཱ་ཝཱ་ས་ཝི་ཝ་ཛྫི་ཏེ.
༢༣༦. དོ་ས་མཱུ་ལ་དྭ་ཡ་ཉྩེ་ཝ, གྷཱ་ནཱ་དི་ཏྟ་ཡ་མཱ་ན་སཱ;
ཨ་ཊྛ ས་བྦ་ཏྠ ཛཱ་ཡ་ནྟི, མ་ཧ་གྒ་ཏ་ཝི་ཝ་ཛྫི་ཏེ.
༢༣༧. ཙ་ཏུ་ཏྠཱ་རུ་པྤ་ཛ་ཝ་ནཾ, ཨ་ནཱ་གཱ་མི་ཕ་ལཱ་ད་ཡོ;
མ་ཧཱ་ཀྲི་ཡཱ ཙ ཛཱ་ཡ་ནྟི, ཏེ་ར་སཱ་པཱ་ཡ་ཝ་ཛྫི་ཏེ.
༢༣༨. ཧེ་ཊྛཱ་རུ་པྤ་ཛ་ཝཱ དྭེ དྭེ, ཚཱ་པཱ་ཡུ་པ་རི་ཝ་ཛྫི་ཏེ;
སི་ཏ་རཱུ་པ་ཛ་ཝཱ ཧོ་ནྟི, ཨ་རཱུ་པཱ་པཱ་ཡ་ཝ་ཛྫི་ཏེ.
༢༣༩. སོ་ཏཱ་པ་ཏྟི་ཕ་ལཱ་དཱི་ནི, སུ་དྡྷཱ་པཱ་ཡ་ཝི་ཝ་ཛྫི་ཏེ;
པ་ཋ་མཱ་ནུ་ཏྟ་རཾ སུ་དྡྷཱ-པཱ་ཡཱ་རཱུ་པ་ཝི་ཝ་ཛྫི་ཏེ.
༢༤༠. ཨ་ཝ་ཏྠཱ་བྷཱུ་མི་བྷཱུ་ཏ་ཏྟཱ, ན ག་ཡ྄ཧ་ནྟི ཨ་ནུ་ཏྟ་རཱ;
ཨེ་ཀ་ཝོ་ཀཱ་ར་བྷཱུ་མི ཙ, རཱུ་པ་མ་ཏྟཱ ན ག་ཡ྄ཧ་ཏི.
༢༤༡. ས་བྷུ་མྨཱ ས་བྦ་བྷུ་མྨཱ ཙ, ཨེ་ཀ་དྭི་ཏྟ་ཡ་ཝ་ཛྫི་ཏཱ;
ཏ་ཐཱ་རཱུ་པ་སུ་དྡྷཱ་ཝཱ་ས-བྲ་ཧྨཱ་པཱ་ཡ་ཝ་སཱ་ཏི ཙ.
༢༤༢. མཱ་ན་སཱ པ་ཉྩ ཀོ་ཊྛཱ་སཱ, ས་ཏྟ་ར་ས ཙ་ཏུ་དྡ་ས;
ཚ་ཏྟིཾ་ས་ཏེ་ཀ་ཝཱི་སཱ ཙ, ཨེ་ཀ་ཉྩེ་ཝ ཡ་ཐཱ་ཀྐ་མཾ.
༢༤༣. ཨ་ཊྛཱ་ར་སཱ་པི ཧོ་ནྟེ་ཏེ, ན་ཝ་དྷཱ་པི པུ་ནེ་ཀ་དྷཱ;
ཙ་ཏུ་དྷཱ ཏི་ཝི་དྷཱ ཙེ་ཝ, ཨེ་ཀ་དྷཱ་ཏི ཙ བྷེ་ད་ཏོ.
༢༤༤. ཏེ་ར་སཱ་པི ཙ ཀོ་ཊྛཱ་སཱ, བྷ་ཝ་ནྟེ་ཀ་ཏི་བྷཱུ་མ་ཀཱ;
ཚ་ས་ཏྟེ་ཀཱ་ད་ས་ས་ཏྟ-ར་ས་བྷཱུ་མ་ཀ་མཱ་ན་སཱ.
༢༤༥. ཨེ་ཀ་དྭ་ཡ་ཏི་ཙ་ཏུ་ཀྐ་པ་ཉྩ་ཀཱ་དྷི་ཀ་ཝཱི་ས་ཛཱ;
ཚ་བྦཱི་ས་ཏིཾ་ས་ཛཱ ཙེ་ཏི, ཡ་ཐཱ་ནུ་ཀྐ་མ་ཏོ བྷ་ཝེ.
༢༤༦. ཙ་ཏྟཱ་རི པུ་ན ཙ་ཏྟཱ་རི, ཨེ་ཀ་མ་ཊྛ་ཊྛ ཙེ་ཀ་ཀཾ;
ཙ་ཏྟཱ་རེ་ཀཱ་ད་ས དྭེ དྭེ, ས་ཏྟ ཏེ་ཝཱི་ས ཙུ་དྡ་ས.
༢༤༧. ཀྲི་ཡཱ་ཛ་ཝ་མ་ཧཱ་པཱ་ཀཱ, ལོ་ཀུ་ཏྟ་ར་མ་ཧ་གྒ་ཏཱ;
དྭེ་པ་ཉྙཱ་ས ན ལ་བྦྷ་ནྟི, ཙ་ཏུ་རཱ་པཱ་ཡ་བྷཱུ་མི་ཡཾ.
༢༤༨. ཀཱ་མཱ་ཝ་ཙ་ར་དེ་ཝེ་སུ, ཚ་སུ བྷུ་མྨེ ཙ མཱ་ན་ཝེ;
ཀཱ་མ་སུ་ག་ཏི་ཡཾ ན་ཏྠི, ན་ཝ པཱ་ཀཱ མ་ཧ་གྒ་ཏཱ.
༢༤༩. དོ་ས་མཱུ་ལ་མ་ཧཱ་པཱ་ཀཱ, གྷཱ་ནཱ་དི་ཏྟ་ཡ་མཱ་ན་སཱ;
ན་ཏྠཱ་རཱུ་པ་ཝི་པཱ་ཀཱ ཙ, ཝཱི་ས་ཏཱི རཱུ་པ་བྷཱུ་མི་ཡཾ.
༢༥༠. ཀ་ངྑཱ་དི་ཊྛི་ཡུ་ཏཱ པ་ཉྩཱ་རཱུ་པ་པཱ་ཀཱ ཙ་ཏུ་བྦི་དྷཱ;
པ་ཉྩཱ་དོ་ནུ་ཏྟ་རཱ ཙེ་ཝ, སུ་དྡྷཱ་ཝཱ་སེ ན ལ་བྦྷ་རེ.
༢༥༡. ཨཱ་དཱ་ཝ་ཛྫ་ན་མ་གྒཱ ཙ, པ་ཊི་གྷཱ་རཱུ་པ་མཱ་ན་སཱ;
ཀཱ་མ་པཱ་ཀཱ སི་ཏཱ་རཱུ་པེ, ཏེ་ཙ་ཏྟཱ་ལཱི་ས ན་ཏྠི ཏེ.
༢༥༢. ས་ཏྟ་ཏིཾ་ས པ་རི་ཏྟཱ ཙ, ལ་བྦྷ་ནྟཱ་པཱ་ཡ་བྷཱུ་མི་ཡཾ;
མཱ་ན་སཱ་སཱི་ཏི ལ་བྦྷ་ནྟི, ཀཱ་མ་སུ་ག་ཏི་ཡཾ པ་ན.
༢༥༣. ཨེ་ཀཱུ་ན་ས་ཏྟ་ཏི རཱུ་པེ, སུ་དྡྷེ པ་ཉྙཱ་ས པ་ཉྩ ཙ;
ཚ་ཙ་ཏྟཱ་ལཱི་ས ཨཱ་རུ་པྤེ, ན་ཏྠཱ་ས་ཉྙཱི་སུ ཀི་ཉྩི་པི.
༢༥༤. ཨི་ཏྠ་མེ་ཀ་དྭི་ཏི་ཙ་ཏུ་པ་ཉྩ་བྷུ་མྨཱ་ནི སོ་ལ༹་ས;
ད་ས པ་ཉྩ་ད་སེ་ཝཱ་ཐ, ཙ་ཏུ་ཏྟིཾ་ས ཙ་ཏུ་དྡ་ས.
༢༥༥. ཨ་པཱ་ཡཱ་ཧེ་ཏུ་ཀཱ་ནཾ ཏུ, མ་ཧཱ་པཱ་ཀ་ཀྲི་ཡཱ་ཛ་ཝེ;
ཧི་ཏྭཱ སེ་ས་པ་རི་ཏྟཱ་ནི, ཙི་ཏྟཱ་ནི པ་ན ལ་བྦྷ་རེ.
༢༥༦. དྭི་ཧེ་ཏུ་ཀཱ་ཧེ་ཏུ་ཀཱ་ནཾ, སེ་སཱ་ནཾ ཀཱ་མ་མཱ་ན་སཱ;
ལ་བྦྷ་ནྟི པ་ན ཧི་ཏྭཱ་ན, ཉཱ་ཎ་པཱ་ཀ་ཀྲི་ཡཱ་ཛ་ཝེ.
༢༥༧. ཏི་ཧེ་ཏུ་ཀཱ་ནཾ ས་ཏྟཱ་ནཾ, ཏ་ཏྠ ཏ་ཏྠཱུ་པ་པ་ཏྟི་ཡཾ;
ཏ་ཏྠ ཏ་ཏྠཱུ་པ་པ་ནྣཱ་ནཾ, ལ་བྦྷ་མཱ་ནཱ་ནི ལ་བྦྷ་རེ.
༢༥༨. ཏི་ཧེ་ཏུ་ཀཱ་ནཾ ས་བྦེ་པི, མཱ་ན་སཱ་པཱ་ཡ་པཱ་ཎི་ནཾ;
ས་ཏྟ་ཏིཾ་སཱ་ཝ་སེ་སཱ་ནཾ, ཨེ་ཀ་ཏཱ་ལཱི་ས ནི་དྡི་སེ.
༢༥༩. པུ་ཐུ་ཛྫ་ནཱ་ན སེ་ཀྑཱ་ནཾ, ན ས་ནྟི ཛ་ཝ་ན་ཀྲི་ཡཱ;
ན ས་ནྟི ཝཱི་ཏ་རཱ་གཱ་ནཾ, པུ་ཉྙཱ་པུ་ཉྙཱ་ནི ས་བྦ་ཐཱ.
༢༦༠. ཀ་ངྑཱ་དི་ཊྛི་ཡུ་ཏཱ པ་ཉྩ, སེ་ཀྑཱ་ནཾ ན་ཏྠི མཱ་ན་སཱ;
དོ་ས་མཱུ་ལ་དྭ་ཡ་ཉྩཱ་པི, ན་ཏྠཱ་ནཱ་གཱ་མི་ནོ པ་ན.
༢༦༡. ཝ་ཝ་ཏྠི་ཏཱ་རི་ཡེ་སྭེ་ཝ, ཡ་ཐཱ་ས་ཀ་མ་ནུ་ཏྟ་རཱ;
མ་གྒ་ཊྛཱ་ནཾ ས་ཀོ མ་གྒོ, ན་ཏྠ་ཉྙཾ ཀི་ཉྩི ས་བྦ་ཐཱ.
༢༦༢. པུ་ཐུ་ཛྫ་ནཱ་ནཾ དྭི་ནྣ་མྤི, ཕ་ལ་ཊྛཱ་ནཾ ཡ་ཐཱ་ཀྐ་མཾ;
ཏ་ཏི་ཡ་སྶ ཕ་ལ་ཊྛ་སྶ, ཙ་ཏུ་ཏྠ་སྶ ཙ ས་མྦྷ་ཝཱ.
༢༦༣. ཏེ་ས་ཊྛི ཙེ་ཝ ཙི་ཏྟཱ་ནི, ལ་བྦྷ་ནྟེ་ཀཱུ་ན་ས་ཊྛི ཙ;
ས་ཏྟ་པ་ཉྙཱ་ས ཙི་ཏྟཱ་ནི, ཏེ་པ་ཉྙཱ་ས ཙ ས་བྦ་ཐཱ.
༢༦༤. ཙ་ཏུ་པ་ཉྙཱ་ས པ་ཉྙཱ་ས, པ་ཉྙཱ་ས་དྭ་ཡ་ཧཱི་ན་ཀཱ;
ཀཱ་མེ་སུ ཏེ་སཾ ས་མྦྷོ་ནྟི, ཙ་ཏུ་ཏཱ་ལཱི་ས ཙ་ཀྐ་མཱ.
༢༦༥. ཏེ་ཙ་ཏྟཱ་ལཱི་ས ཙེ་ཀཱུ་ན་ཙ་ཏྟཱ་ལཱི་ས ཡ་ཐཱ་ཀྐ་མཾ;
བྷ་ཝ་ནྟེ་ཀཱུ་ན་ཏཱ་ལཱི་ས, པ་ཉྩ་ཏྟིཾ་ས ཙ རཱུ་པི་སུ.
༢༦༦. ས་ཏྟ་ཝཱི་ས ཙ ཏེ་ཝཱི་ས, ཏེ་ཝཱི་ས ཙ ཡ་ཐཱ་ཀྐ་མཾ;
ཨཱ་རུ་པྤེ་སུ་པི ལ་བྦྷ་ནྟི, ཏེ་ས་མ་ཊྛཱ་ར་སེ་ཝ ཙ.
༢༦༧. པུ་ཐུ་ཛྫ་ནཱ ཙ ཙ་ཏྟཱ་རོ, ཨ་པཱ་ཡཱ་ཧེ་ཏུ་ཀཱ་ད་ཡོ;
ཨ་རི་ཡཱ ཙེ་ཝ ཨ་ཊྛཱ་ཏི, དྭཱ་ད་ས་ནྣཾ ཝ་སཱ སི་ཡུཾ.
༢༦༨. ཚ་བྦི་དྷཱ ཙི་ཏྟ་ཀོ་ཊྛཱ་སཱ, ཨེ་ཀ་པུ་གྒ་ལི་ཀཱ ཏ་ཐཱ;
ཙ་ཏུ་པ་ཉྩ་ཚ་ས་ཏྟ་ཊྛ-པུ་གྒ་ལ་ཊྛཱ་ཏི ཙ་ཀྐ་མཱ.
༢༦༩. ཚ་བྦཱི་ས ཙུ་དྡ་སེ་ཝཱ་ཐ, ཏེ་ར་ས དྭེ ཙ མཱ་ན་སཱ;
ད་ས ས་ཏྟཱ་དྷི་ཀཱ ཙེ་ཝ, པུ་ན ས་ཏྟཱ་དྷི་ཀཱ ད་སཱ་ཏི.
ཨི་ཏི ཙི་ཏྟ་ཝི་བྷཱ་གེ བྷཱུ་མི་པུ་གྒ་ལ་ཙི་ཏྟ་པྤ་ཝ་ཏྟི་ཀ་ཐཱ ནི་ཊྛི་ཏཱ.
ཚ་ཊྛོ པ་རི་ཙྪེ་དོ.