༧. ས་ཏྟ་མོ པ་རི་ཙྪེ་དོ
ས་བྦ་ས་ངྒ་ཧ་ཝི་བྷཱ་གོ
༦༡༧. ཙ་ཏུ་པ་ཉྙཱ་ས དྷ་མྨཱ ཧི, ནཱ་མ་ནཱ་མེ་ན བྷཱ་སི་ཏཱ;
ཨ་ཊྛཱ་ར་ས་ཝི་དྷཱ ཝུ་ཏྟཱ, རཱུ་པ་དྷ་མྨཱ་ཏི ས་བྦ་ཐཱ.
༦༡༨. ཨ་བྷི་ཉྙེ་ཡྻཱ ས་བྷཱ་ཝེ་ན, དྭཱ་ས་ཏྟ་ཏི ས་མཱི་རི་ཏཱ;
ས་ཙྩི་ཀ་ཊྛ་པ་ར་མ་ཏྠཱ, ཝ་ཏྠུ་དྷ་མྨཱ ས་ལ་ཀྑ་ཎཱ.
༦༡༩. ཏེ་སཾ དཱ་ནི པ་ཝ་ཀྑཱ་མི, ས་བྦ་ས་ངྒཱ་ཧི་ཀཾ ན་ཡཾ;
ཨཱ་བྷི་དྷ་མྨི་ཀ་བྷི་ཀྑཱུ་ནཾ, ཧ་ཏྠ་སཱ་ར་མ་ནུ་ཏྟ་རཾ.
༦༢༠. དུ་ཀཱ ཏི་ཀཱ ཙ ཁ་ནྡྷཱ་ཡ་ཏ་ན་ཏོ དྷཱ་ཏུ་ས་ཙྩ་ཏོ;
པ་ཊི་ཙྩ་ས་མུ་པྤཱ་དཱ ཙ, པ་ཙྩ་ཡཱ ཙ ས་མ་ཉྙ་ཏོ.
༦༢༡. པ་ཙྩ་ཡོ ཨེ་ཝ ནི་བྦཱ་ན་མ་པ་ཙྩ་ཡ་མ་ས་ངྑ་ཏཾ;
ཨ་ས་ངྑཱ་ར་མ་ནུ་པྤཱ་དཾ, ས་སྶ་ཏཾ ནི་ཙྩ་ལ་ཀྑ་ཎཾ.
༦༢༢. པ་ཙྩ་ཡཱ ཙེ་ཝ ས་ངྑཱ་རཱ, ས་ངྑ་ཏཱ ཙ ཏ་ཏོ་པ་རེ;
ཨུ་པྤཱ་ད་ཝ་ཡ་དྷ་མྨཱ ཙ, པ་ཙྩ་ཡ་ཊྛི་ཏི་ཀཱ ཏ་ཐཱ.
༦༢༣. ནི་བྦཱ་ནཾ རཱུ་པ་དྷ་མྨཱ ཙ, ཝི་པྤ་ཡུ་ཏྟཱ་ཝ ཀེ་ཝ་ལཾ;
ཨཱ་ར་མྨ་ཎཱ ཨེ་ཝ ནཱ་མ, ནཱ་ལ་མྦ་ནྟི ཧི ཀི་ཉྩི་པི.
༦༢༤. ཨེ་ཀུ་པྤཱ་ད་ནི་རོ་དྷཱ ཙ, ཨེ་ཀཱ་ལ་མྦ་ཎ་ཝ་ཏྠུ་ཀཱ;
སཾ་ས་ཊྛཱ ས་མྤ་ཡུ་ཏྟཱ ཙ, ས་ཧ་ཛཱ་ཏཱ ཡ་ཐཱ་ར་ཧཾ.
༦༢༥. ཨ་ཉྙ་མ་ཉྙེ་ནུ་པ་ཏྠ་དྡྷཱ, ས་བྦ་ཏྠ ས་ཧ་ཝུ་ཏྟི་ནོ;
སཱ་ར་མྨ་ཎཱ་ར་མྨ་ཎཱ ཙ, ཙི་ཏྟ་ཙེ་ཏ་སི་ཀཱ མ་ཏཱ.
༦༢༦. ཝི་པ་སྶ་ནཱ་ཡ བྷཱུ་མཱི་ཏི, ཏ་ཏྠ ཏེ་བྷཱུ་མ་ཀཱ མ་ཏཱ;
ལོ་ཀི་ཡཱ པ་རི་ཡཱ་པ་ནྣཱ, ཝ་ཊྚ་དྷ་མྨཱ ས་ཨུ་ཏྟ་རཱ.
༦༢༧. ས་ཀྐཱ་ཡ་དྷ་མྨཱ ས་བྷ་ཡཱ, ཏཱི་ར་མོ་རི་མ་ནཱ་མ་ཀཾ;
སཾ་ཡོ་ཛ་ནི་ཡཱ ས་མ་ལཱ, ཏ་ཐཱ ནཱི་ཝ་ར་ཎཱི་ཡ་ཀཱ.
༦༢༨. སཾ་ཀླེ་སི་ཀཱ པ་རཱ་མ་ཊྛཱ, ཨུ་པཱ་དཱ་ནཱི་ཡ་སཱ་ས་ཝཱ;
ཨོ་གྷ་ནཱི་ཡཱ ཡོ་ག་ནཱི་ཡཱ, ག་ནྠ་ནཱི་ཡཱ་ཏི བྷཱ་སི་ཏཱ.
༦༢༩. ཨ་ཉྙེ ཨ་པ་རི་ཡཱ་པ་ནྣཱ, ཝི་ཝ་ཊྚཱ ཙཱ་ཝི་པ་སྶི་ཡཱ;
ལོ་ཀུ་ཏྟ་རཱ་ནུ་ཏྟ་རཱ ཙ, ནོ་སཾ་ཡོ་ཛ་ནི་ཡཱ་ད་ཡོ.
༦༣༠. ཀ་མྨ་ཛཱ་ཏཱ ཨུ་པཱ་དི་ནྣཱ, ནཱ་མ ཝུ་ཙྩ་ནྟི སཱ་ས་ཝཱ;
ཨ་ནུ་པཱ་དི་ནྣ་ཀཱ ནཱ་མ, ཏ་ཏོ སེ་སཱ པ་ཝུ་ཙྩ་རེ.
༦༣༡. དྷ་མྨཱ ས་པྤ་ཊི་བྷཱ་གཱ་ཏི, ཀུ་ས་ལཱ་ཀུ་ས་ལཱ མ་ཏཱ;
ཨ་པྤ་ཊི་བྷཱ་ག་དྷ་མྨཱ་ཏི, ཏ་ད་ཉྙེ པ་རི་དཱི་པ་ཡེ.
༦༣༢. ས་ར་ཎཱ ཙ པ་ཧཱ་ཏ་བྦཱ, དྭཱ་ད་སཱ་ཀུ་ས་ལཱ པ་ན;
ཏ་ད་ཉྙེ ཨ་ར་ཎཱ ནཱ་མ, པ་ཧཱ་ཏ་བྦཱ ན ཀེ་ཧི་ཙི.
༦༣༣. རཱུ་པི་ནོ རཱུ་པ་དྷ་མྨཱ ཙ, ནཱ་མ་དྷ་མྨཱ ཨ་རཱུ་པི་ནོ;
ཨེ་ཝ་མཱ་དི་པྤ་བྷེ་དེ་ན, དྭི་དྷཱ བྷེ་དཾ ཝི་བྷཱ་ཝ་ཡེ.
༦༣༤. བཱ་ལཱ དྷ་མྨཱ ཏ་པ་ནཱི་ཡཱ, ཀ་ཎྷཱ ཙ ཀ་ཊུ་ཀ་པྥ་ལཱ;
ཨ་སེ་ཝི་ཏ་བྦཱ སཱ་ཝ་ཛྫཱ, དྭཱ་ད་སཱ་ཀུ་ས་ལཱ མ་ཏཱ.
༦༣༥. པ་ཎྜི་ཏཱ ཙཱ་ཏ་པ་ནཱི་ཡཱ, སུ་ཀྐཱ ཙ སུ་ཁ་དཱ་ཡ་ཀཱ;
སེ་ཝི་ཏ་བྦཱ་ན་ཝ་ཛྫཱ ཙ, ཀུ་ས་ལཱ ཨེ་ཀ་ཝཱི་ས་ཏི.
༦༣༦. ཀྲི་ཡཱ ཝི་པཱ་ཀཱ རཱུ་པ་ཉྩ, ནི་བྦཱ་ན་ནྟི ཙ་ཏུ་བྦི་དྷཱ;
ཝུ་ཏྟཱ ཨ་བྱཱ་ཀ་ཏཱ ནཱ་མ, དྷ་མྨཱ ཏ་བྦི་པ་རཱི་ཏ་ཏོ.
༦༣༧. ཧཱི་ནཱ དྷ་མྨཱ པ་རི་ཏྟཱ ཙ, ཀཱ་མཱ་ཝ་ཙ་ར་བྷཱུ་མི་ཀཱ;
རཱུ་པཱ་རཱུ་པཱ པ་ཝུ་ཙྩ་ནྟི, མ་ཛ྄ཛྷི་མཱ ཙ མ་ཧ་གྒ་ཏཱ.
༦༣༨. ཨ་པྤ་མཱ་ཎཱ པ་ཎཱི་ཏཱ ཙ, དྷ་མྨཱ ལོ་ཀུ་ཏྟ་རཱ མ་ཏཱ;
སཾ་ཀི་ལི་ཊྛ་སཾ་ཀླེ་སི་ཀཱ, དྭཱ་ད་སཱ་ཀུ་ས་ལཱ ཏ་ཐཱ.
༦༣༩. ཨ་སཾ་ཀི་ལི་ཊྛ་སཾ་ཀླེ་སི་ཀཱ, དྷ་མྨཱ ཏེ་བྷཱུ་མ་ཀཱ་པ་རེ;
ཨ་སཾ་ཀླི་ཊྛཱ་སཾ་ཀླེ་སི་ཀཱ, ན་ཝ ལོ་ཀུ་ཏྟ་རཱ སི་ཡུཾ.
༦༤༠. ཝི་པཱ་ཀཱ ཏེ པ་ཝུ་ཙྩ་ནྟི, ཝི་པཱ་ཀཱ ཙ་ཏུ་བྷཱུ་མ་ཀཱ;
ཝི་པཱ་ཀ་དྷ་མྨཱ ནཱ་མཱ་ཏི, ཀུ་ས་ལཱ་ཀུ་ས་ལཱ མ་ཏཱ.
༦༤༡. ཀྲི་ཡཱ རཱུ་པ་ཉྩ ནི་བྦཱ་ནཾ, ན པཱ་ཀཾ ན ཏུ པ་ཙྩ་ཏི;
ཨཱ་ཙ་ཡ་གཱ་མི་ནོ དྷ་མྨཱ, པུ་ཉྙཱ་པུ་ཉྙཱ་ཝ སཱ་ས་ཝཱ.
༦༤༢. ཝུ་ཏྟཱ་པ་ཙ་ཡ་གཱ་མི་ནོ, ཀུ་ས་ལཱ་ནུ་ཏྟ་རཱ པ་ན;
ཀྲི་ཡཱ རཱུ་པ་ཉྩ ནི་བྦཱ་ནཾ, པཱ་ཀཱ ཙོ་བྷ་ཡ་ཝ་ཛྫི་ཏཱ.
༦༤༣. པ་ཋ་མཱ་ནུ་ཏྟ་རོ མ་གྒོ, ད་སྶ་ནཾ བྷཱ་ཝ་ནཱ་པ་རེ;
ཏ་ད་ཉྙེ དྭ་ཡ་ནི་མྨུ་ཏྟཱ, ས་བྦེ་པི པ་ར་མ་ཏྠ་ཏོ.
༦༤༤. ས་ཏྟ ལོ་ཀུ་ཏྟ་རཱ ཧེ་ཊྛཱ, ཝུ་ཏྟཱ སེ་ཀྑཱ་ཏི ཏཱ་དི་ནཱ;
ཨ་ར་ཧ་ཏྟ་ཕ་ལ་མེ་ཝ, ཨ་སེ་ཀྑ་ནྟི པ་ཀཱ་སི་ཏཾ.
༦༤༥. ལོ་ཀི་ཡཱ་པི ཙ ནི་བྦཱ་ནཾ, བྷཱ་སི་ཏོ་བྷ་ཡ་ཝ་ཛྫི་ཏཱ;
ཨེ་ཝ་མཱ་དི་པྤ་ཀཱ་རེ་ཧི, ཏི་ཝི་དྷཱཏི ཝི་བྷཱ་ཝ་ཡེ.
༦༤༦. ཨ་ཏཱི་ཏཱ་ནཱ་ག་ཏཾ རཱུ་པཾ, པ་ཙྩུ་པྤ་ནྣ་མ་ཐཱ་པ་རཾ;
ཨ་ཛ྄ཛྷ་ཏྟཾ ཝཱ བ་ཧི་དྡྷཱ ཝཱ, སུ་ཁུ་མོ་ལཱ༹་རི་ཀཾ ཏ་ཐཱ.
༦༤༧. ཧཱི་ནཾ པ་ཎཱི་ཏཾ ཡཾ དཱུ་རེ, ས་ནྟི་ཀེ ཝཱ ཏ་དེ་ཀ་ཏོ;
ས་བྦཾ རཱུ་པཾ ས་མོ་དྷཱ་ཡ, རཱུ་པ་ཀྑ་ནྡྷོཏི ཝུ་ཙྩ་ཏི.
༦༤༨. ཏ་ཐེ་ཝ ཝེ་ད་ནཱ་ཀྑ་ནྡྷོ, ནཱ་མ ཡཱ ཀཱ་ཙི ཝེ་ད་ནཱ;
ས་ཉྙཱ་ཀྑ་ནྡྷོཏི ས་ཉྙཱ ཙ, རཱ་སི་བྷཱ་ཝེ་ན བྷཱ་སི་ཏཱ.
༦༤༩. ཝ་ཊྚ་དྷ་མྨེ་སུ ཨ་སྶཱ་དཾ, ཏ་ད་སྶཱ་དོ་པ་སེ་ཝ་ནཾ;
ཝི་ནི་བྷུ་ཛྫ ནི་ད་སྶེ་ཏུཾ, ཁ་ནྡྷ་དྭ་ཡ་མུ་དཱ་ཧ་ཊཾ.
༦༥༠. ཝི་ཝཱ་ད་མཱུ་ལ་སཾ་སཱ་ར-ཀ་མ་ཧེ་ཏུ་ནི་ད་སྶ་ནཾ;
ས་ནྡྷཱ་ཡ ཝེ་ད་ནཱ ས་ཉྙཱ, ཀ་ཏཱ ནཱ་ནཱ་ཏི ཀེ་ཙ་ན.
༦༥༡. ཙི་ཏྟ་སཾ་ས་ཊྛ་དྷ་མྨཱ་ནཾ, ཙེ་ཏ་ནཱ་མུ་ཁ་ཏོ པ་ན;
ས་ངྑཱ་ར་ཀྑ་ནྡྷནཱ་མེ་ན, དྷ་མྨཱ ཙེ་ཏ་སི་ཀཱ མ་ཏཱ.
༦༥༢. ས་བྦ་བྷེ་དཾ ཏ་ཐཱ ཙི་ཏྟཾ, ཝི་ཉྙཱ་ཎ་ཀྑ་ནྡྷ ས་མྨ་ཏཾ;
བྷེ་དཱ་བྷཱ་ཝེ་ན ནི་བྦཱ་ནཾ, ཁ་ནྡྷ་ས་ངྒ་ཧ་ནི་སྶ་ཊཾ.
༦༥༣. ཨཱ་ལ་མྦ་ནཱི་ཡ་བྷཱ་ཝེ་ན, ཨུ་པཱ་དཱ་ནོ་པ་ཀཱ་ར་ཏོ;
པ་ཉྩུ་པཱ་དཱ་ན་ཀྑ་ནྡྷཱཏི, ལོ་ཀུ་ཏྟ་ར་ཝི་ཝ་ཛྫི་ཏཱ.
༦༥༤. ཡ་ཐཱ ཐཱུ་ལཾ ཧི་ཏ་ཏྠཱ་ཡ, པ་རི་གྒཱ་ཧ་ཀ་ཡོ་གི་ནཾ;
དྷ་མྨཱ ཏེ་བྷཱུ་མ་ཀཱ ཨེ་ཀ-བྷཱུ་མི་བྷཱ་ཝཱ་ཡ དེ་སི་ཏཱ.
༦༥༥. བྷཱ་ཛ་ནཾ བྷོ་ཛ་ནཾ ཏ་སྶ, བྱ་ཉྫ་ནཾ བྷོ་ཛ་ཀོ ཏ་ཐཱ;
བྷུ་ཉྫི་ཏཱ ཙཱ་ཏི པ་ཉྩེ་ཏེ, ཨུ་པ་མེ་ནྟི ཡ་ཐཱ་ཀྐ་མཾ.
༦༥༦. གི་ལཱ་ན་སཱ་ལཱ གེ་ལ་ཉྙཾ, ཨ་ས་པྤཱ་ཡོ་པ་སེ་ཝ་ནཱ;
ས་མུ་ཊྛཱ་ནཾ གི་ལཱ་ནོ་ཏི, ཨུ་པ་མེ་ནྟི ཙ པ་ཎྜི་ཏཱ.
༦༥༧. ཙཱ་ར་ཀོ ཀཱ་ར་ཎཾ ཏ་ཏྠ, ཨ་པ་རཱ་དྷོ ཙ ཀཱ་ར་ཀོ;
ཨ་པ་རཱ་དྷ་ཀ་ཏོ ཙོ་རོ, ཨི་ཏི ཙོ་པ་མི་ཏཱ པུ་ན.
༦༥༨. ནི་ཙྩཱ་དྷི་པཱི་ལ༹་ན་ཊྛེ་ན, བྷཱ་རཱ་ཏི པ་རི་དཱི་པི་ཏཱ;
ཀླེ་ས་དུ་ཀྑ་མུ་ཁེ་ནེ་ཏེ, ཁཱ་ད་ཀཱ ཙ ནི་ར་ནྟ་རཾ.
༦༥༩. ཨ་ན་ཏྠཱ་ཝ་ཧི་ཏཱ ནི་ཙྩ་མུ་ཀྑི་ཏྟཱ་སི་ཀ་ཝེ་རི་ནོ;
མ་ཙྩུ་མཱ་རཱ་བྷི་དྷེ་ཡྻ་ཏྟཱ, ཝ་དྷ་ཀཱ་ཏི ཙ བྷཱ་སི་ཏཱ.
༦༦༠. ཝི་མ་དྡཱ་ས་ཧ་ནཾ རཱུ་པཾ, ཕེ་ཎ་པི་ཎྜཾ་ཝ དུ་བྦ་ལཾ;
མུ་ཧུ་ཏྟ་ར་མ་ཎཱི་ཡ་ཏྟཱ, ཝེ་ད་ནཱ བུ་བྦུ་ལཱུ༹་པ་མཱ.
༦༦༡. མ་རཱི་ཙི་ཀཱུ་པ་མཱ ས་ཉྙཱ, ཝི་པ་ལླཱ་ས་ཀ་བྷཱ་ཝ་ཏོ;
ས་ངྑཱ་རཱ་པི ཙ ནི་སྶཱ་རཱ, ཀ་ད་ལི་ཀྑ་ནྡྷ་སཱ་དི་སཱ.
༦༦༢. ནཱ་ན་པྤ་ཀཱ་རཾ ཙི་ནྟེ་ནྟཾ, ནཱ་ནཱ་ཀླེ་ས་ཝི་མོ་ཧི་ཏཾ;
པ་ལ་མྦྷ་ཏཱི་ཏི ཝི་ཉྙཱ་ཎཾ, མཱ་ཡཱ་ས་མ་མུ་དཱི་རི་ཏཾ.
༦༦༣. ཨི་ཙྩེ་ཝཾ པ་ཉྩུ་པཱ་དཱ་ན་ཀྑ་ནྡྷཱ ཁ་ནྡྷཱ ཙ ཀེ་ཝ་ལཾ;
པ་ཉྩ་ཀྑ་ནྡྷཱཏི ནཱ་མེ་ན, དེ་སི་ཏཱ་ཏི ཝི་བྷཱ་ཝ་ཡེ.
༦༦༤. ཨ་ཛ྄ཛྷ་ཏྟ་ཉྩ བ་ཧི་དྡྷཱ ཙ, ཝི་ཉྙཱ་ཎུ་པྤ་ཏྟི་ཀཱ་ར་ཎཾ;
དྭཱ་རཱ་ལ་མྦ་ཎ་བྷེ་དེ་ན, དྭེ་དྷཱ་ཡ་ཏ་ན་མཱི་རི་ཏཾ.
༦༦༥. ཙ་ཀྑཱ་ད་ཛ྄ཛྷ་ཏྟི་ཀཾ ཏ་ཏྠ, ཚ་དྭཱ་རཱ་ཡ་ཏ་ནཾ བྷ་ཝེ;
བཱ་ཧི་རཱ་ཡ་ཏ་ནཾ ནཱ་མ, ཏ་ཐཱ རཱུ་པཱ་དི་གོ་ཙ་རཾ.
༦༦༦. ཨི་ཏི ཝཱི་ཐི་པྤ་ཝ་ཏྟཱ་ནཾ, དྭཱ་རཱ་ལ་མྦ་ཎ་ས་ངྒ་ཧོ;
ཨཱ་ག་མེ ཨ་བྷི་དྷ་མྨེ ཏུ, ས་བྦ་ཐཱ་པི ཡ་ཐཱ་ར་ཧཾ.
༦༦༧. ཏ་ཐཱ་ཧ་ན་ནྟ་རཱ་ཏཱི་ཏོ, ཛཱ་ཡ་མཱ་ན་སྶ པ་ཙྪ་ཏོ;
མ་ནོ ས་བྦོ་པི ས་བྦ་སྶ, མ་ན་སྶཱ་ཡ་ཏ་ནཾ བྷ་ཝེ.
༦༦༨. ཏ་ཐཱ པུ་བྦ་ངྒ་མ་ཊྛེ་ན, ས་ཧ་ཛཱ་ན་མ་རཱུ་པི་ནཾ;
དྭཱ་ར་བྷཱ་ཝེ་ན ཝི་ཉྙཱ་ཎཾ, ས་བྦ་མཱ་ཡ་ཏ་ནཾ མ་ཏཾ.
༦༦༩. མ་ནཱ་ཡ་ཏ་ན་མི་ཙྩེ་ཝཾ, པ་སཱ་དཱ་ཡ་ཏ་ནཾ ཏ་ཐཱ;
པ་ཉྩ་ཝི་ཉྙཱ་ཎ་དྷ་མྨཱ་ནཾ, ཨི་ཏི ཚ་དྡྷཱ ཝི་བྷཱ་ཝ་ཡེ.
༦༧༠. པ་ཉྩ་པྤ་སཱ་ད་ཝི་ས་ཡཱ, པ་ཉྩཱ་ཡ་ཏ་ན་ས་མྨ་ཏཱ;
སེ་སཾ རཱུ་པ་ཉྩ ནི་བྦཱ་ནཾ, ས་བྦེ ཙེ་ཏ་སི་ཀཱ་ཏི ཙ.
༦༧༡. ཨེ་ཀཱུ་ན་ས་ཊྛི་དྷ་མྨཱ་ནཾ, དྷ་མྨཱ་ཡ་ཏ་ན་ས་ངྒ་ཧོ;
ཨི་ཏི ཚ་དྡྷཱ པ་ཀཱ་སེ་ནྟི, བཱ་ཧི་རཱ་ཡ་ཏ་ནཾ བུ་དྷཱ.
༦༧༢. སུ་ཉྙ་གཱ་མོ་ཝ ད་ཊྛ་བྦ-མ་ཛ྄ཛྷ་ཏྟི་ཀ་མ་སཱ་ར་ཏོ;
གཱ་མ་གྷཱ་ཏ་ཀ་ཙོ་རཱ་ཝ, ཏཾ ཧ་ན་ནྟཾ་ཝ བཱ་ཧི་རཾ.
༦༧༣. ནཱ་མ་པྤ་ཝ་ཏྟི་མུ་ལ༹ྷཱ་ནཾ, ཏ་དུ་པྤ་ཏྟི་ཀ་ཀཱ་ར་ཎཾ;
དྭཱ་ད་སཱ་ཡ་ཏ་ནཱ་ནཱིཏི, ཝུ་ཏྟ་མི་ཏྠཾ མ་ཧེ་སི་ནཱ.
༦༧༤. ས་མ་ཏྟཱ བྷཱ་ཝ་མ་ཏྟེ་ན, དྷཱ་རེ་ནྟཱི་ཏི ས་ལ་ཀྑ་ཎཾ;
དྭཱ་རཱ་ལ་མྦ་ཏ་དུ་པྤ་ནྣ-པ་རི་ཡཱ་ཡེ་ན བྷེ་དི་ཏཱ.
༦༧༥. མ་ནཱ་ཡ་ཏ་ན་མེ་ཏྠཱ་ཧ, ས་ཏྟ ཝི་ཉྙཱ་ཎ་དྷཱ་ཏུ་ཡོ;
ཨེ་ཀཱ་ད་ས ཡ་ཐཱ་ཝུ་ཏྟཱ, ཨི་ཙྩཊྛཱ་ར་ས དྷཱ་ཏུ་ཡོ.
༦༧༦. ཨ་ནྟཱ་དི་ཀཱ མ་ནོ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ་ཡཱ;
པ་ཝེ་སཱ་པ་ག་མེ དྭཱ་ར-པ་རི་ཡཱ་ཡེ་ན ཏི་ཊྛ་ཏི.
༦༧༧. བྷེ་རཱི་ཏ་ལ་ད་ཎྜ་གྷོ་ས-ས་མཾ ཚ་ཀྐཾ ཡ་ཐཱ་ཀྐ་མཾ;
ཀ་ཊྛཱ་ར་ཎི་པཱ་ཝ་ཀཱ་དི-ས་མ་ཉྩ ཏི་ཝི་དྷཾ བྷ་ཝེ.
༦༧༨. དུ་ཀྑཾ ས་མུ་ད་ཡོ ཙེ་ཝ, ནི་རོ་དྷོ ཙ ཏ་ཐཱ་པ་རོ;
མ་གྒོ ཙཱ་ཏི ཙ་ཏུ་དྡྷཱ་ཧ, ས་ཙྩཾ ས་ཙྩ་པ་ར་ཀྐ་མོ.
༦༧༩. བྷཱ་རོ ཙ བྷཱ་ར་དཱ་ན་ཉྩ, བྷཱ་ར་ནི་ཀྑེ་པ་ནཾ ཏ་ཐཱ;
བྷཱ་ར་ནི་ཀྑེ་པ་ནཱུ་པཱ་ཡོ, ཨི་ཙྩོ་པ་མྨཾ ཡ་ཐཱ་ཀྐ་མཾ.
༦༨༠. རོ་གོ རོ་ག་ནི་དཱ་ན་ཉྩ, རོ་ག་ཝཱུ་པ་ས་མོ ཏ་ཐཱ;
རོ་ག་བྷེ་ས་ཛྫ་མི་ཙྩེ་ཝ-མུ་པ་མཱ་ཧི ཙ དཱི་པི་ཏཾ.
༦༨༡. ཝི་ས་རུ་ཀྑོ རུ་ཀྑ་མཱུ་ལཾ, རུ་ཀྑ་ཙྪེ་དོ ཏ་ཐཱ་པ་རོ;
རུ་ཀྑ་ཙྪེ་ད་ཀ་ས་ཏྠ་ནྟི, ཙ་ཏུ་དྷོ་པ་མི་ཏཾ ཏ་ཐཱ.
༦༨༢. ཏཱི་ར་མོ་རི་མ་ས་ངྑཱ་ཏཾ, མ་ཧོ་གྷོ པཱ་རི་མཾ ཏ་ཐཱ;
ཏ་ད་ཏི་ཀྐ་མུ་པཱ་ཡོ་ཏི, ཨུ་པ་མེ་ནྟི ཙ ཏཾ བུ་དྷཱ.
༦༨༣. ས་ཙྪི་ཀ་ཏྭཱ་ན པ་ཙྩ་ཀྑ-མི་ཙྩོ་པ་མྨཾ ཡ་ཐཱ་ཀྐ་མཾ;
ས་མཱ་ཙི་ཀྑི ཝི་མོ་ཀྑཱ་ཡ, ས་ཙྩཾ ཏ་ཙྪ་ནི་ཡཱ་མ་ཏོ.
༦༨༤. ཏ་ཐཱ ཧི དུ་ཀྑཾ ནཱ་བཱ་དྷཾ, ནཱ་ཉྙཾ དུ་ཀྑཱ ཙ བཱ་དྷ་ཀཾ;
བཱ་དྷ་ཀ་ཏྟ་ནི་ཡཱ་མེ་ན, དུ་ཀྑ་ས་ཙྩ་མི་ཏཱི་རི་ཏཾ.
༦༨༥. ཏཾ ཝི་ནཱ ནཱ་ཉྙ་ཏོ དུ་ཀྑཾ, ན ཧོ་ཏི ན ཙ ཏཾ ཏ་ཏོ;
དུ་ཀྑ་ཧེ་ཏུ་ནི་ཡཱ་མེ་ན, ས་ཙྩ་མཱ་ཧ ཝི་ས་ཏྟི་ཀཾ.
༦༨༦. ནཱ་ཉྙཱ ནི་བྦཱ་ན་ཏོ ས་ནྟི, ན ཙ ས་ནྟཾ ན ཏཾ ཡ་ཏོ;
ས་ནྟ་བྷཱ་ཝ་ནི་ཡཱ་མེ་ན, ནི་བྦཱ་ནཾ ས་ཙྩ་མུ་ཏྟ་མཾ.
༦༨༧. ནཱ་ཉྙཾ མ་གྒཱ་ཙ ནི་ཡྻཱ་ནཾ, ཨ་ནི་ཡྻཱ་ནོ ན ཙཱ་པི སོ;
ཏ་སྨཱ ནི་ཡྻཱ་ན་བྷཱ་ཝེ་ན, མ་གྒོ ས་ཙྩ་ནྟི ས་མྨ་ཏོ.
༦༨༨. ཨི་ཏི ཏ་ཙྪཱ་ཝི་པ་ལླཱ་ས-བྷཱུ་ཏ་བྷཱ་ཝོ ཙ་ཏཱུ་སུ་པི;
ས་ཙྩ་ཊྛོ་ཏི ཝི་ནི་དྡི་ཊྛོ, དུ་ཀྑཱ་དཱི་སྭ་ཝི་སེ་ས་ཏོ.
༦༨༩. པཱི་ལ༹་ན་ཊྛོ ས་ངྑ་ཏ་ཊྛོ, ས་ནྟཱ་པ་ཊྛོ ཙ བྷཱ་སི་ཏོ;
ཝི་པ་རཱི་ཎཱ་མ་ཊྛོ ཙཱ་ཏི, དུ་ཀྑ་སྶེ་ཝཾ ཙ་ཏུ་བྦི་དྷཱ.
༦༩༠. ཨཱ་ཡཱུ་ཧ་ནཱ ནི་དཱ་ནཱ ཙ, སཾ་ཡོ་གཱ པ་ལི་བོ་དྷ་ཏོ;
དུ་ཀྑ་སྶ་མུ་ད་ཡ་སྶཱ་པི, ཙ་ཏུ་དྷ་ཏྠཱ པ་ཀཱ་སི་ཏཱ.