༦. ཚ་ཊྛོ པ་རི་ཙྪེ་དོ
རཱུ་པ་ཝི་བྷཱ་གོ
༤༨༡. ཨི་ཏི པ་ཉྩ་པ་རི་ཙྪེ་ད-པ་རི་ཙྪི་ནྣ་ཏྠ་ས་ངྒ་ཧཾ;
ནཱ་མ་དྷ་མྨ་མ་སེ་སེ་ན, ཝི་བྷཱ་ཝེ་ཏྭཱ ས་བྷཱ་ཝ་ཏོ.
༤༨༢. ས་པྤ་བྷེ་དཾ པ་ཝ་ཀྑཱ་མི, རཱུ་པ་དྷ་མྨ་མི་ཏོ པ་རཾ;
བྷཱུ་ཏོ་པཱ་དཱ་ཡ་བྷེ་དེ་ན, དུ་ཝི་དྷ་མྤི པ་ཀཱ་སི་ཏཾ.
༤༨༣. ཨུ་དྡེ་ས་ལ་ཀྑ་ཎཱ་དཱི་ཧི, ཝི་བྷཱ་ག་ཛ་ན་ཀཱ ཏ་ཐཱ;
ཀ་ལཱ་པུ་པྤ་ཏྟི་ཏོ ཙཱ་པི, ཡ་ཐཱ་ནུ་ཀྐ་མ་ཏོ ཀ་ཐཾ?
༤༨༤. རུ་པྤ་ཏཱི་ཏི བྷ་ཝེ རཱུ་པ་ཝི་ཀཱ་ར་པྤ་ཙྩ་ཡེ་ས་ཏི;
རཱུ་པ་རཱུ་པཾ ཏ་ཐཱ རཱུ་པ་པ་རི་ཡཱ་པ་ནྣ་ཏོ་པ་རཾ.
༤༨༥. བྷཱུ་ཏ་རཱུ་པཾ ཏུ པ་ཐ་ཝཱི, ཨཱ་པོ ཏེ་ཛོ ཏ་ཐཱ་པ་རོ;
ཝཱ་ཡོ ཙ བྷ་ཝ་ཏཱུ་པཱ་དཱ་རཱུ་པ་མེ་ཏྠཱ་ཏི བྷཱ་སི་ཏཾ.
༤༨༦. བྷཱུ་ཏ་རཱུ་པ་མུ་པཱ་དཱ་ཡ, པ་ཝ་ཏྟ་ཏི ན ཙ་ཉྙ་ཐཱ;
ཨི་ཙྩུ་པཱ་དཱ་ཡ་རཱུ་པ་ནྟི, རཱུ་པཾ སེ་ས་མུ་དཱི་རི་ཏཾ.
༤༨༧. ཙ་ཀྑུ སོ་ཏ་ཉྩ གྷཱ་ན་ཉྩ, ཛི་ཝ྄ཧཱ ཀཱ་ཡོ་ཏི པ་ཉྩ་དྷཱ;
པ་སཱ་ད་རཱུ་པ་མ་ཀྑཱ་ཏཾ, ནོ་པ་སཱ་དཾ པ་ནེ་ཏ་རཾ.
༤༨༨. རཱུ་པ་ས་དྡ་ག་ནྡྷ་ར་སཱ, ཕོ་ཊྛ་བྦ་མི་ཏི པ་ཉྩ་དྷཱ;
རཱུ་པཾ པ་སཱ་ད་ཝི་ས་ཡཾ, པ་སཱ་དོ གོ་ཙ་རཾ་པ་རཾ.
༤༨༩. ཨི་ཏྠ་ཏྟཾ པུ་རི་ས་ཏྟ་ཉྩ, བྷཱ་ཝ་རཱུ་པ་མུ་དཱི་རི་ཏཾ;
ཛཱི་ཝི་ཏི་ནྡྲི་ཡ་རཱུ་པ་ནྟི, ཨུ་པཱ་དི་ནྣ་པ་ཝ་ཏྟི་ཀཾ.
༤༩༠. ཝ་ཏྠུ་རཱུ་པཾ ཏུ ཧ་ད་ཡཾ, ཡཾ དྷཱ་ཏུ་དྭ་ཡ་ནི་སྶ་ཡཾ;
ཀ་བ་ལཱི༹་ཀཱ་ར་མཱ་ཧཱ་ར་རཱུ་པ་མི་ཙྩཱ་ཧུ པ་ཎྜི་ཏཱ.
༤༩༡. རཱུ་པ་དྷ་མྨ་ས་བྷཱ་ཝ་ཏྟཱ, རཱུ་པ་ནྟི པ་རི་དཱི་པི་ཏཾ;
ཨི་ཙྩེ་ཝ་མ་ཊྛཱ་ར་ས་དྷཱ, རཱུ་པ་རཱུ་པ་མུ་དཱི་རི་ཏཾ.
༤༩༢. ཨ་ནི་པྥ་ནྣ་ས་བྷཱ་ཝ་ཏྟཱ, རཱུ་པཱ་ཀཱ་རོ་པ་ལ་ཀྑི་ཏཾ;
ཨ་ནི་པྥ་ནྣཾ ནཱ་མ རཱུ་པཾ, ད་ས་དྷཱ པ་རི་དཱི་པི་ཏཾ.
༤༩༣. རཱུ་པ་པྤ་རི་ཙྪེ་དཾ རཱུ་པ་མི་ཙྩཱ་ཀཱ་སོ པ་ཀཱ་སི་ཏོ;
ཀཱ་ཡ་བྦ་ཙཱི་ཝི་ཉྙ་ཏྟི་ཀཾ, དྭ་ཡཾ ཝི་ཉྙ་ཏྟི་རཱུ་པ་ཀཾ.
༤༩༤. ལ་ཧུ་ཏཱ མུ་དུ་ཏཱ ཀ་མྨ-ཉྙ་ཏཱ ཝི་ཉྙ་ཏྟི་ཡཱ ས་ཧ;
ཝི་ཀཱ་ར་རཱུ་པ་མི་ཙྩཱ་ཧུ, པ་ཉྩ་དྷཱ ཙ ཝི་བྷཱ་ཝི་ནོ.
༤༩༥. ཨུ་པ་ཙ་ཡོ ས་ནྟ་ཏི ཙ, ཛ་ར་ཏཱ་ནི་ཙྩ་ཏཱ་ཏི ཙ;
ཙ་ཏུ་དྷཱ ལ་ཀྑ་ཎ་རཱུ་པཾ, རཱུ་པ་ཀ་ཎྜེ ཝི་བྷཱ་ཝི་ཏཾ.
༤༩༦. ཨི་ཙྩེ་ཝ་མ་ཊྛ་ཝཱི་ས་ཏི་ཝི་དྷཱ་ནི་པི ཝི་ཙ་ཀྑ་ཎོ;
རཱུ་པཱ་ནི ལ་ཀྑ་ཎཱ་དཱི་ཧི, ཝི་བྷཱ་ཝེ་ཡྻ ཡ་ཐཱ་ཀྐ་མཾ.
༤༩༧. ཁ་ར་ཏཱ པ་ཐ་ཝཱི་དྷཱ་ཏུ, སཱ་ཡཾ ཀ་ཀྑ་ལ༹་ལ་ཀྑ་ཎཱ;
ཀ་ལཱ་པཱ་དྷི་ཊྛཱ་ན་ར་སཱ, པ་ཊི་གྒཱ་ཧོ་ཏི ག་ཡ྄ཧ་ཏི.
༤༩༨. ཨཱ་བ་ནྡྷ་ན་མཱ་པོ་དྷཱ་ཏུ, སཱ པ་གྒྷ་ར་ཎ་ལ་ཀྑ་ཎཱ;
ཀ་ལཱ་པཱ་བ་ནྡྷ་ན་ར་སཱ, ས་ངྒ་ཧ་ཏྟེ་ན ག་ཡ྄ཧ་ཏི.
༤༩༩. ཏེ་ཛ་ན་ཏྟཾ ཏེ་ཛོ་དྷཱ་ཏུ, སཱ་ཡ་མུ་ཎྷ་ཏྟ་ལ་ཀྑ་ཎཱ;
པཱ་ཙ་ན་ར་སཱ མ་དྡ་ཝཱ-ནུ་པྤཱ་ད་ན་ནྟི ག་ཡ྄ཧ་ཏི.
༥༠༠. ཝཱ་ཡོ་དྷཱ་ཏུ ཝཱ་ཡ་ན་ཏྟཾ, སཱ ཝི་ཏྠ་མྦྷ་ན་ལ་ཀྑ་ཎཱ;
ས་མཱི་ར་ཎ་ར་སཱ་བྷི་ནི-ཧཱ་ར་བྷཱ་ཝེ་ན ག་ཡ྄ཧ་ཏི.
༥༠༡. ས་བྦ་ཏྠཱ་ཝི་ནི་བྷུ་ཏྟཱ་པི, ཨ་ས་མྨི་སྶི་ཏ་ལ་ཀྑ་ཎཱ;
ཏཾ་ཏཾ་བྷཱ་ཝ་ས་མུ་སྶ་ནྣ་ས་མྦྷཱ་རེ་སུ་པ་ལ་ཀྑི་ཏཱ.
༥༠༢. ཨ་ཉྙ་མ་ཉྙེ་ནུ་པ་ཏྠ་དྡྷཱ, སེ་ས་རཱུ་པ་སྶ ནི་སྶ་ཡཱ;
ཙ་ཏུ་དྡྷེ་ཝཾ ཀ་ལཱ་པེ་སུ, མ་ཧཱ་བྷཱུ་ཏཱ པ་ཝ་ཏྟ་རེ.
༥༠༣. ཙ་ཀྑུ ས་མྦྷཱ་ར་ཙ་ཀྑུ་མྷི, ས་ཏྟ་ཀྑི་པ་ཊ་ལོ་ཙི་ཏེ;
ཀ་ཎྷ་མ་ཎྜ་ལ་མ་ཛ྄ཛྷ་མྷི, པ་སཱ་དོ་ཏི པ་ཝུ་ཙྩ་ཏི.
༥༠༤. ཡེ་ན ཙ་ཀྑུ་པ་སཱ་དེ་ན, རཱུ་པཱ་ནི ཨ་ནུ་པ་སྶ་ཏི;
པ་རི་ཏྟཾ སུ་ཁུ་མཾ ཙེ་ཏཾ, ཨཱུ་ཀཱ་སི་ར་ས་མཱུ་པ་མཾ.
༥༠༥. སོ་ཏཾ སོ་ཏ་བི་ལ་སྶ་ནྟོ,
ཏ་མྦ་ལོ་མཱ་ཙི་ཏེ ཏ་ཐཱ;
ཨ་ངྒུ་ལི་ཝེ་དྷ་ནཱ་ཀཱ་རེ,
པ་སཱ་དོ་ཏི པ་ཝུ་ཙྩ་ཏི.
༥༠༦. ཨ་ནྟོ ཨ་ཛ་པ་ད་ཊྛཱ་ནེ, གྷཱ་ནཾ གྷཱ་ན་བི་ལེ ཋི་ཏཾ;
ཛི་ཝ྄ཧཱ ཛི་ཝ྄ཧཱ་ཡ མ་ཛ྄ཛྷ་མྷི, ཨུ་པྤ་ལཱ་ཀཱ་ར་ས་ནྣི་བྷེ.
༥༠༧. ཨི་ཙྩེ་ཝཾ པ་ན ཙ་ཏྟཱ་རོ, ཏཾ་ཏཾ་དེ་ས་ཝ་ཝ་ཏྠི་ཏཱ;
ཀཱ་ཡ་པྤ་སཱ་དོ ཀཱ་ཡ་མྷི, ཨུ་པཱ་དི་ནྣེ་ཏི པ་ཉྩ་དྷཱ.
༥༠༨. ཀ་པྤཱ་ས་པ་ཊ་ལ་སྣེ་ཧ-ས་ནྣི་བྷཱ བྷཱུ་ཏ་ནི་སྶི་ཏཱ;
པ་སཱ་དཱ ཛཱི་ཝི་ཏཱ་ར་ཀྑཱ, རཱུ་པཱ་དི་པ་རི་ཝཱ་རི་ཏཱ.
༥༠༩. དྷཱི་ཏཱ རཱ་ཛ་ཀུ་མཱ་རཱ་ཝ, ཀ་ལཱ་པ་ནྟ་ར་ཝུ་ཏྟི་ནོ;
དྭཱ་ར་བྷཱུ་ཏཱ་ཝ པ་ཙྩེ་ཀཾ, པ་ཉྩ་ཝི་ཉྙཱ་ཎ་ཝཱི་ཐི་ཡཱ.
༥༡༠. རཱུ་པཱ་དཱ་བྷི་གྷཱ་ཏཱ་ར་ཧ་བྷཱུ་ཏཱ་ནཾ ཝཱ ཡ་ཐཱ་ཀྐ་མཾ;
ད་ཊྛུ་ཀཱ་མ་ནི་དཱ་ནཱ་དི་ཀ་མྨ་བྷཱུ་ཏཱ་ན་མེ་ཝ ཝཱ.
༥༡༡. པ་སཱ་ད་ལ་ཀྑ་ཎཱ རཱུ་པཱ-དཱ་ཝི་ཉྫ་ན་ར་སཱ ཏ་ཐཱ;
པ་ཉྩ་ཝི་ཉྙཱ་ཎ་ཡུ་ག་ལ༹ཾ, དྭཱ་ར་བྷཱ་ཝེ་ན ག་ཡ྄ཧ་རེ.
༥༡༢. རཱུ་པཾ ནི་བྷཱ་སོ བྷཱུ་ཏཱ་ནཾ, ས་དྡོ ནི་གྒྷོ་ས་ནཾ ཏ་ཐཱ;
ག་ནྡྷོ་ཝ ག་ནྡྷ་ནཾ ཏ་ཏྠ, ར་སོ ཙ ར་ས་ནཱི་ཡ་ཏཱ.
༥༡༣. ཨི་ཙྩེ་ཝཾ པ་ན ཙ་ཏྟཱ་རོ, གོ་ཙ་རཱ བྷཱུ་ཏ་ནི་སྶི་ཏཱ;
བྷཱུ་ཏ་ཏྟ་ཡ་ཉྩ ཕོ་ཊྛ་བྦ་མཱ་པོ་དྷཱ་ཏུ་ཝི་ཝ་ཛྫི་ཏཾ.
༥༡༤. ས་དྡོ ཨ་ནི་ཡ་ཏོ ཏ་ཏྠ, ཏ་ད་ཉྙོ ས་ཧ་ཝུ་ཏྟི་ནོ;
ཏཾ་ཏཾ་ས་བྷཱ་ཝ་བྷེ་དེ་ན, ཏཾ་ཏཾ་དྭཱ་རོ་པ་ལ་ཀྑི་ཏོ.
༥༡༥. པ་ཉྩེ་ཝ པ་ཉྩ་ཝི་ཉྙཱ་ཎ་ཝཱི་ཐི་ཡཱ ཝི་ས་ཡཱ མ་ཏཱ;
ཙ་ཀྑཱ་དི་པ་ཊི་ཧ་ན་ན་ལ་ཀྑ་ཎཱ་ཝ ཡ་ཐཱ་ཀྐ་མཾ.
༥༡༦. པ་ཉྩ་ཝི་ཉྙཱ་ཎ་ཡུ་ག་ལཱ༹་ལ་མྦ་བྷཱ་ཝ་ར་སཱ ཏ་ཐཱ;
པ་ཉྩ་ཝི་ཉྙཱ་ཎ་ཡུ་ག་ལ༹ཾ, གོ་ཙ་ར་ཏྟེ་ན ག་ཡ྄ཧ་རེ.
༥༡༧. ཨི་ཏྠི་ནྡྲི་ཡཾ པ་ནི་ཏྠ་ཏྟ་མི་ཏྠི་བྷཱ་ཝོ་ཏི བྷཱ་སི་ཏོ;
པུ་རི་ས་ཏྟཾ ཏ་ཐཱ བྷཱ་ཝོ, པུ་རི་སི་ནྡྲི་ཡ་ནཱ་མ་ཀོ.
༥༡༨. ཏཾ དྭ་ཡཾ པ་ནུ་པཱ་དི་ནྣ་ཀཱ་ཡེ ས་བྦ་ཏྠ ལ་བྦྷ་ཏི;
ཀ་ལཱ་པ་ནྟ་ར་བྷི་ནྣ་ཉྩ, བྷི་ནྣ་ས་ནྟཱ་ན་ཝུ་ཏྟི ཙ.
༥༡༩. ཝ་སེ ཝ་ཏྟེ་ཏི ལི་ངྒཱ་ན-མི་ཏྠི་པུ་མྦྷཱ་ཝ་ལ་ཀྑ་ཎཾ;
ཨི་ཏྠཱི་ཏི ཙ པུ་རི་སོ་ཏི, པ་ཀཱ་ས་ན་ར་སཾ ཏ་ཐཱ.
༥༢༠. ཨི་ཏྠཱི་ནཾ པུ་རི་སཱ་ན་ཉྩ, ལི་ངྒ་སྶ ཙ ཡ་ཐཱ་ཀྐ་མཾ;
ནི་མི་ཏྟ་ཀུ་ཏྟཱ་ཀ་པྤཱ་ནཾ, ཀཱ་ར་ཎ་ཏྟེ་ན ག་ཡ྄ཧ་ཏི.
༥༢༡. ས་ཏྟཱ མ་ར་ནྟི ནཱ་སེ་ན, ཡ་སྶ པཱ་ཎ་ནྟི ཝུ་ཏྟི་ཡཱ;
ས་ཛཱི་ཝ་མ་ཏ་ཀཱ་ཡཱ་ནཾ, བྷེ་དོ ཡེ་ནོ་པ་ལ་ཀྑི་ཏོ.
༥༢༢. ཏ་དེ་ཏཾ ཀ་མྨ་ཛཱ་ཏཱ་ན-མ་ནུ་པཱ་ལ་ན་ལ་ཀྑ་ཎཾ;
ཛཱི་ཝི་ཏཾ ཛཱི་ཝ་ན་ར་སཾ, ཨཱ་ཡུ་བ་དྡྷོ་ཏི ག་ཡ྄ཧ་ཏི.
༥༢༣. མ་ནོ་དྷཱ་ཏུ་ཡཱ ཙ ཏ་ཐཱ, མ་ནོ་ཝི་ཉྙཱ་ཎ་དྷཱ་ཏུ་ཡཱ;
ནི་སྶ་ཡ་ལ་ཀྑ་ཎཾ ཝ་ཏྠུ-རཱུ་པཾ ཧ་ད་ཡ་ས་མྨ་ཏཾ.
༥༢༤. ས་མཱ་དྷཱ་ན་ར་སཾ ཏཱ་ས-མུ་བྦཱ་ཧ་ཏྟེ་ན ག་ཡ྄ཧ་ཏི;
ཡ་སྨིཾ ཀུ་པྤི་ཏ་ཀཱ་ལ་མྷི, ཝི་ཀྑི་ཏྟཱ ཧོ་ནྟི པཱ་ཎི་ནོ.
༥༢༥. ཀཱ་ཡོ ཡ་སྶཱ་ནུ་སཱ་རེ་ན, ཙི་ཏྟ་ཀྑེ་པེ་ན ཁི་ཛྫ་ཏི;
ཡ་སྨིཾ ནི་རུ་དྡྷེ ཝི་ཉྙཱ་ཎ-སོ་ཏོ་པི ཙ ནི་རུ་ཛ྄ཛྷ་ཏི.
༥༢༦. ཡཾ ནི་སྶཱ་ཡ པ་ཏི་ཊྛཱ་ཏི, པ་ཊི་ས་ནྡྷི བྷ་ཝ་ནྟ་རེ;
ཏ་དེ་ཏཾ ཀ་མྨ་ས་མྦྷཱུ་ཏཾ, པ་ཉྩ་ཝོ་ཀཱ་ར་བྷཱུ་མི་ཡཾ.
༥༢༧. མ་ཛ྄ཛྷེ ཧ་ད་ཡ་ཀོ་ས་མྷི, ཨ་ཌྜྷ་པ་ས་ཏ་ལོ་ཧི་ཏེ;
བྷཱུ་ཏ་རཱུ་པ་མུ་པཱ་དཱ་ཡ, ཙ་ཀྑཱ་དི ཝི་ཡ ཝ་ཏྟ་ཏི.
༥༢༨. ཀ་བ་ལཱི༹་ཀཱ་རོ ཨཱ་ཧཱ་རོ, རཱུ་པཱ་ཧ་ར་ཎ་ལ་ཀྑ་ཎོ;
ཀཱ་ཡཱ་ནུ་ཡཱ་པ་ན་ར་སོ, ཨུ་པ་ཏྠ་མྦྷོ་ཏི ག་ཡ྄ཧ་ཏི.
༥༢༩. ཨོ་ཛཱ་ཡ ཡཱ་ཡ ཡཱ་པེ་ནྟི, ཨཱ་ཧཱ་ར་སྣེ་ཧ་ས་ཏྟི་ཡཱ;
པཱ་ཎི་ནོ ཀཱ་མ་ལོ་ཀ་མྷི, སཱ་ཡ་མེ་ཝཾ པ་ཝུ་ཙྩ་ཏི.
༥༣༠. ཨཱ་ཀཱ་ས་དྷཱ་ཏུ རཱུ་པཱ་ནཾ, པ་རི་ཡོ་སཱ་ན་ལ་ཀྑ་ཎཱ;
པ་རི་ཙྪེ་ད་ར་སཱ རཱུ་པ་མ་རི་ཡཱ་དོ་ཏི ག་ཡ྄ཧ་ཏི.
༥༣༡. ས་ལ་ཀྑ་ཎ་པ་རི་ཙྪི་ནྣ་རཱུ་པ་དྷ་མྨ་པ་རི་གྒ་ཧེ;
ཡོ་གཱི་ན་མུ་པ་ཀཱ་རཱ་ཡ, ཡཾ དེ་སེ་སི ད་ཡཱ་པ་རོ.
༥༣༢. པ་རི་ཙྪི་ནྣ་ས་བྷཱ་ཝཱ་ནཾ, ཀ་ལཱ་པཱ་ནཾ ཡ་ཐཱ་ར་ཧཾ;
པ་རི་ཡ་ནྟཱ་ན་མེ་ཝེ་ས, ཏ་དཱ་ཀཱ་རོ པ་ཝུ་ཙྩ་ཏི.
༥༣༣. ག་མ་ནཱ་དི་ཝ་ཙཱི་གྷོ་ས་པ་ཝ་ཏྟ་མྷི ཡ་ཐཱ་ཀྐ་མཾ;
ཝཱ་ཡོ་པ་ཐ་ཝི་དྷཱ་ཏཱུ་ནཾ, ཡོ ཝི་ཀཱ་རོ ས་མ་ཏྠ་ཏཱ.
༥༣༤. ས་ཧ་ཛོ་པཱ་དི་ནྣ་ཀཱ་ནཾ, ཀྲི་ཡཱ་ཝཱ་ཙཱ་པ་ཝ་ཏྟི་ཡཱ;
ཝི་པྥ་ནྡ་གྷ་ཊྚ་ནཱ་ཧེ་ཏུ, ཙི་ཏྟཱ་ནུ་པ་རི་ཝ་ཏྟ་ཀོ.
༥༣༥. ས ཝི་ཀཱ་ར་ཝི་སེ་སོ་ཡཾ, ཝི་ཉྙ་ཏྟཱི་ཏི པ་ཀཱ་སི་ཏོ;
ཝི་ཉྙཱ་པེ་ཏཱི་ཏི ཀཱ་ཡེ་ན, ཝཱ་ཙཱ་ཡ ཙ ཝི་ཙི་ནྟི་ཏཾ.
༥༣༦. ཝཱ་ཡོ་པ་ཐ་ཝཱ་དྷི་ཀཱ་ནཾ, བྷཱུ་ཏཱ་ན་མི་ཏི ཀེ་ཙ་ན;
པ་ཝུ་ཏྟཱ ཏཱ་དི་ནཱ ཀཱ་ཡ-པ་རི་གྒ་ཧ་སུ་ཁཱ་ཡ ཡཱ.
༥༣༧. ཀཱ་ཡོ ཡ་སྶཱ་ནུ་བྷཱ་ཝེ་ན,
ས་ཧཱ་བྷོ་གོ་ཝ ཁཱ་ཡ་ཏི;
ཡཾ ནི་རོ་དྷཱ པ་རཱ་བྷཱུ་ཏོ,
སེ་ཏི ནི་ཙྩེ་ཏ་ནོ ཡ་ཐཱ.
༥༣༨. ལོ་ཀེ པ་པ་ཉྩཱ ཝ་ཏྟ་ནྟི, བ་ཧུ་དྷཱ ཡཱ་ཡ ནི་མྨི་ཏཱ;
ཀ་པྤེ་ནྟི ཀཱ་ཡ་མ་ཏྟཱ་ནཾ, བཱ་ལཱ ཡཱ་ཡ ཙ ཝ་ཉྩི་ཏཱ.
༥༣༩. སཱ་ཡཾ ཀཱ་ཡ་ཝ་ཙཱི་ཀ་མྨ-དྭཱ་ར་བྷཱ་ཝེ་ན ལ་ཀྑི་ཏཱ;
བྱཱ་པཱ་ར་གྷ་ཊྚ་ནཱ་ཧེ་ཏུ-ཝི་ཀཱ་རཱ་ཀཱ་ར་ལ་ཀྑ་ཎཱ.
༥༤༠. ཀཱ་ཡ་ཝཱ་ཙཱ་ཨ་དྷི་པྤཱ་ཡ-པ་ཀཱ་ས་ན་ར་སཱ ཏ་ཐཱ;
ཀཱ་ཡ་ཝི་པྥ་ནྡ་གྷ་ཊྚ་ན-ཧེ་ཏུ་བྷཱ་ཝེ་ན ག་ཡ྄ཧ་ཏི.
༥༤༡. ལ་ཧུ་ཏཱ པ་ན རཱུ་པཱ་ནཾ, ཨ་ད་ནྡྷཱ་ཀཱ་ར་ལ་ཀྑ་ཎཱ;
ཨ་ཝི་ཏྠཱ་ན་ར་སཱ ས་ལླ-ཧུ་ཀ་ཝུ་ཏྟཱི་ཏི ག་ཡ྄ཧ་ཏི.
༥༤༢. མུ་དུ་ཏཱ་པི ཙ རཱུ་པཱ་ནཾ, ཀ་ཀྑ་ལཱ༹་བྷཱ་ཝ་ལ་ཀྑ་ཎཱ;
ཀི་ཙྩཱ་ཝི་རུ་ཛ྄ཛྷ་ན་ར་སཱ, ཨ་ནུ་ཀུ་ལྱ་ནྟི ག་ཡ྄ཧ་ཏི.
༥༤༣. ཀ་མྨ་ཉྙ་ཏཱ ཙ རཱུ་པཱ་ནཾ, ཨ་ལཾ་ཀི་ཙྩ་སྶ ལ་ཀྑ་ཎཱ;
པ་ཝ་ཏྟི་ས་མྤ་ཏྟི་ར་སཱ, ཡོ་གྒ་བྷཱ་ཝོ་ཏི ག་ཡ྄ཧ་ཏི.
༥༤༤. ས་པྤཱ་ཡ་མུ་ཏུ་མཱ་ཧཱ་རཾ, ལ་དྡྷཱ ཙི་ཏྟ་མ་ནཱ་མ་ཡཾ;
ལ་ཧཱུ མུ་དུ ཙ ཀ་མྨ་ཉྙཾ, ཡ་དཱ རཱུ་པཾ པ་ཝ་ཏྟ་ཏི.
༥༤༥. ཏ་ཐཱ པ་ཝ་ཏྟ་རཱུ་པ་སྶ, པ་ཝ་ཏྟཱ་ཀཱ་ར་བྷེ་དི་ཏཾ;
ལ་ཧུ་ཏཱ་དི་ཏྟ་ཡ་མྤེ་ཏཾ, ས་ཧ་ཝུ་ཏྟི ཏ་དཱ བྷ་ཝེ.
༥༤༦. ས་པྤཱ་ཡ་པ་ཊི་ཝེ་དྷཱ་ཡ, པ་ཊི་པ་ཏྟུ་པ་ཀཱ་རི་ཀཱ;
སཱ་ཀཱ་རཱ རཱུ་པ་ས་མྤ་ཏྟི, པ་ཉྙ་ཏྟེ་ཝཾ མ་ཧེ་སི་ནཱ.
༥༤༧. རཱུ་པ་སྶོ་པ་ཙ་ཡོ ནཱ་མ, རཱུ་པ་སྶཱ་ཙ་ཡ་ལ་ཀྑ་ཎོ;
རཱུ་པུ་མྨུ་ཛྫཱ་པ་ན་ར་སོ, པཱ་རི་པཱུ་རཱི་ཏི ག་ཡ྄ཧ་ཏི.
༥༤༨. པ་ཝ་ཏྟི་ལ་ཀྑ་ཎཱ རཱུ་པ-ས་ནྟ་ཏཱི་ཏི པ་ཀཱ་སི་ཏཱ;
ཨ་ནུ་པྤ་བ་ནྡྷ་ན་ར་སཱ, ཨ་ཝི་ཙྪེ་དོ་ཏི ག་ཡ྄ཧ་ཏི.
༥༤༩. རཱུ་པ་མཱ་ཙ་ཡ་རཱུ་པེ་ན, ཛཱ་ཡ་ཏི་ཙྩུ་པ་རཱུ་པ་རི;
པེ་ཀྑ་ཏོ་པ་ཙཱ་ཡཱ་ཀཱ་རཱ, ཛཱ་ཏི ག་ཡ྄ཧ་ཏི ཡོ་གི་ནཱ.
༥༥༠. ཨ་ནུ་པྤ་བ་ནྡྷཱ་ཀཱ་རེ་ན, ཛཱ་ཡ་ཏཱི་ཏི ས་མེ་ཀྑ་ཏོ;
ཏ་དཱ་ཡཾ ས་ནྟ་ཏཱ་ཀཱ་རཱ, ས་མུ་པ་ཊྛཱ་སི ཙེ་ཏ་སི.
༥༥༡. ཨེ་ཝ་མཱ་བྷོ་ག་བྷེ་དེ་ན, ཛཱ་ཏི་རཱུ་པཾ དྭི་དྷཱ ཀ་ཏཾ;
ཨ་ཏྠཱུ་པ་ལ་དྡྷི་བྷཱ་ཝེ་ན, ཛཱ་ཡ་ནྟཾ ཝཱ་ཐ ཀེ་ཝ་ལཾ.
༥༥༢. རཱུ་པ་ཝི་ཝི་ཏྟ་མོ་ཀཱ་སཾ, པུ་ར་ཀྑ་ཏྟེ་ན ཙཱི་ཡ་ཏི;
ཨ་བྷཱ་ཝཱ པ་ན བྷཱ་ཝཱ་ཡ, པ་ཝ་ཏྟ་མི་ཏི ས་ནྟ་ཏི.