༥. པ་ཉྩ་མོ པ་རི་ཙྪེ་དོ
ཀ་མྨ་ཝི་བྷཱ་གོ
༣༢༨. ཝི་བྷཱ་གཾ པ་ན ཀ་མྨཱ་ནཾ,
པ་ཝ་ཀྑཱ་མི ཨི་ཏོ པ་རཾ;
ཀ་མྨ་པཱ་ཀ་ཀྲི་ཡཱ་བྷེ་དེ,
ཨ་མོ་ཧཱ་ཡ ས་མཱ་ས་ཏོ.
༣༢༩. ཀ་མྨ་པ་ཙྩ་ཡ་ཀ་མྨ་ནྟི, ཙེ་ཏ་ནཱ་ཝ ས་མཱི་རི་ཏཱ;
ཏ་ཏྠཱ་པི ནཱ་ན་ཀྑ་ཎི་ཀཱ, པུ་ཉྙཱ་པུ་ཉྙཱ་ཝ ཙེ་ཏ་ནཱ.
༣༣༠. དེ་ཏི པཱ་ཀ་མ་དྷི་ཊྛཱ་ཡ, ས་མྤ་ཡུ་ཏྟེ ཡ་ཐཱ་ར་ཧཾ;
ཀ་མྨ་སྶཱ་ཡཱུ་ཧ་ན་ཊྛེ་ན, པ་ཝ་ཏྟ་ཏྟཱ ཧི ཙེ་ཏ་ནཱ.
༣༣༡. ཀླེ་སཱ་ནུ་ས་ཡ་ས་ནྟཱ་ནེ, པཱ་ཀ་དྷ་མྨཱ ཧི ཛཱ་ཡ་རེ;
པ་ཧཱི་ནཱ་ནུ་ས་ཡཱ་ནཾ ཏུ, ཀྲི་ཡཱ་མ་ཏྟཾ པ་ཝ་ཏྟ་ཏི.
༣༣༢. མཱུ་ལ་བྷཱ་ཝཱ ཙ ས་བྦེ་སཾ, ཏ་ཐེ་ཝཱ་ཝ་ཛྫ་ན་དྭ་ཡཾ;
ཛ་ནི་ཏཱ་ནི ཙ ཀ་མྨེ་ཧི, ཝི་པཱ་ཀཱ་ནི པ་ཝ་ཏྟ་རེ.
༣༣༣. ཙི་ཏྟུ་པྤཱ་ད་ཝ་སེ་ནེ་ཝ, ཀ་མྨཾ ཏེ་ཏྟིཾ་ས་དྷཱ ཋི་ཏཾ;
ཀ་མྨ་ཙ་ཏུ་ཀྐ་བྷེ་དེ་ཧི, ཝི་བྷཱ་ཝེ་ཡྻ ཝི་ཙ་ཀྑ་ཎོ.
༣༣༤. པ་ཙྩུ་པྤ་ནྣཱ་དི་ཀ་ཎྷཱ་དི-ཛ་ན་ཀཱ་དི་ག་རཱ་དི་ཏོ;
དི་ཊྛ་དྷ་མྨཱ་དི་ཀཱ་མཱ་དི-བྷེ་དཱ ཚ་དྷཱ ཡ་ཐཱ་ཀྐ་མཾ.
༣༣༥. ཡཾ པཱ་པཾ སུ་ཁ་ཝོ་ཀི་ཎྞཾ, ཨ་ཀི་ཙྪེ་ན ཀ་རཱི་ཡ་ཏི;
པ་ཙྩུ་པྤ་ནྣ་སུ་ཁཾ ཀ་མྨཾ, ཨཱ་ཡ་ཏིཾ དུ་ཀྑ་པཱ་ཀ་ཛཾ.
༣༣༦. ཀི་ཙྪེ་ན དུ་ཀྑ་ཝོ་ཀི་ཎྞཾ, ཡ་དི པཱ་པཾ ཀ་རཱི་ཡ་ཏི;
པ་ཙྩུ་པྤ་ནྣེ ཙ ཏཾ དུ་ཀྑཾ, ཨཱ་ཡ་ཏིཾ དུ་ཀྑ་པཱ་ཀ་ཛཾ.
༣༣༧. ཀི་ཙྪེ་ན དུ་ཀྑ་ཝོ་ཀི་ཎྞཾ, ཡ་དི པུ་ཉྙཾ ཀ་རཱི་ཡ་ཏི;
པ་ཙྩུ་པྤ་ནྣ་མྷི ཏཾ དུ་ཀྑཾ, ཨཱ་ཡ་ཏིཾ སུ་ཁ་པཱ་ཀ་ཛཾ.
༣༣༨. ཡཾ པུ་ཉྙཾ སུ་ཁ་ཝོ་ཀི་ཎྞཾ, ཨ་ཀི་ཙྪེ་ན ཀ་རཱི་ཡ་ཏི;
པ་ཙྩུ་པྤ་ནྣ་སུ་ཁ་ཉྩེ་ཝ, ཨཱ་ཡ་ཏིཾ སུ་ཁ་པཱ་ཀ་ཛཾ.
༣༣༩. ཝི་ས་སཾ་ས་ཊྛ་མ་དྷུ་རཾ, ས་ཝི་སཾ ཏི་ཏྟ་ཀཾ ཏ་ཐཱ;
གོ་མུ་ཏྟ་མ་དྷུ་བྷེ་ས་ཛྫ-མི་ཙྩོ་པ་མྨཾ ཡ་ཐཱ་ཀྐ་མཾ.
༣༤༠. ས་མཱ་དཱ་ནེ ཝི་པཱ་ཀེ ཙ, སུ་ཁ་དུ་ཀྑ་པྤ་བྷེ་དི་ཏཾ;
ཀ་མྨ་མེ་ཝཾ ཙ་ཏུ་དྡྷཱ་ཏི, པ་ཀཱ་སེ་ནྟི ཏ་ཐཱ་ག་ཏཱ.
༣༤༡. ཨཱ་ན་ནྟ་རི་ཡ་ཀ་མྨཱ་དི, ཨེ་ཀ་ནྟ་ཀ་ཊུ་ཀཱ་ཝ་ཧཾ;
ཀ་ཎྷཾ ཀ་ཎྷ་ཝི་པཱ་ཀ་ནྟི, ཀ་མྨཾ དུ་གྒ་ཏི་གཱ་མི་ཀཾ.
༣༤༢. པ་ཋ་མ་ཛ྄ཛྷཱ་ན་ཀ་མྨཱ་དི, ཨེ་ཀ་ནྟེ་ན སུ་ཁཱ་ཝ་ཧཾ;
སུ་ཀྐཾ སུ་ཀྐ་ཝི་པཱ་ཀ་ནྟི, ཀ་མྨཾ ས་གྒཱུ་པ་པ་ཏྟི་ཀཾ.
༣༤༣. ཝོ་ཀི་ཎྞ་ཀ་མྨ ཝོ་ཀི་ཎྞ-སུ་ཁ་དུ་ཀྑཱུ་པ་པ་ཏྟི་ཀཾ;
ཀ་ཎྷ་སུ་ཀྐཾ ཀ་ཎྷ་སུ་ཀྐ-ཝི་པཱ་ཀ་ནྟི ས་མཱི་རི་ཏཾ.
༣༤༤. ཨ་ཀ་ཎྷ་སུ་ཀྐ་མཱི་རེ་ནྟི, ཨ་ཀ་ཎྷ་སུ་ཀྐ་པཱ་ཀ་དཾ;
ཀ་མྨཾ ལོ་ཀུ་ཏྟ་རཾ ལོ་ཀེ, ག་ཏི་ཀ་མྨ་ཀྑ་ཡཱ་ཝ་ཧཾ.
༣༤༥. ཨི་ཏི ཝ་ཊྚ་པྤ་ཝ་ཏྟ་མྷི, ཀླེ་ས་ཝོ་དཱ་ན་བྷེ་དི་ཏཾ;
ཀ་མྨ་ཀྑ་ཡེ་ན ས་ངྒ་ཡ྄ཧ, ཙ་ཏུ་དྷཱ ཀ་མྨ་མཱི་རི་ཏཾ.
༣༤༦. ཛ་ན་ཀ་ཉྩེ་ཝུ་པ་ཏྠ་མྦྷ-མུ་པ་པཱི་ལོ༹་པ་གྷཱ་ཏ་ཀཾ;
ཙ་ཏུ་དྷཱ ཀི་ཙྩ་བྷེ་དེ་ན, ཀ་མྨ་མེ་ཝཾ པ་ཝུ་ཙྩ་ཏི.
༣༤༧. ཛ་ནེ་ཏི ཛ་ན་ཀཾ པཱ་ཀཾ, ཏཾ ཚི་ནྡ་ཏུ་པ་པཱི་ལ༹་ཀཾ;
ཏཾ པ་ཝ་ཏྟེ་ཏུ་པ་ཏྠ་མྦྷཾ, ཏཾ གྷཱ་ཏེ་ཏོ་པ་གྷཱ་ཏ་ཀཾ.
༣༤༨. ཀ་རོ་ཏི ཨ་ཏྟ་ནོ པཱ་ཀ-སྶཱ་ཝ་ཀཱ་ས་ནྟི བྷཱ་སི་ཏཾ;
པཱ་ཀ་དཱ་ཡ་ཀ་ཀ་མྨཾ ཏུ, ཡཾ ཀི་ཉྩི ཛ་ན་ཀཾ བྷ་ཝེ.
༣༤༩. བཱ་དྷ་མཱ་ན་ཀ་ཀ་མྨཾ ཏུ, ཏཾ པཱ་ཀ་མུ་པ་པཱི་ལ༹་ཀཾ;
ཨུ་པ་གྷཱ་ཏ་ཀ་མཱི་རེ་ནྟི, ཏ་དུ་པ་ཙྪེ་ད་ཀཾ་པ་རེ.
༣༥༠. ག་རུ་ཀཱ་ས་ནྣ་མཱ་ཙི་ཎྞཾ, ཀ་ཊ་ཏྟཱ་ཀ་མྨུ་ནཱ ས་ཧ;
ཀ་མྨཾ ཙ་ཏུ་བྦི་དྷཾ པཱ་ཀ-པ་རི་ཡཱ་ཡ་པྤ་བྷེ་ད་ཏོ.
༣༥༡. མ་ཧ་གྒ་ཏཱ་ན་ནྟ་རི་ཡཾ, ག་རུ་ཀ་མྨ་ནྟི ཝུ་ཙྩ་ཏི;
ཀ་ཏཾ ཙི་ནྟི་ཏ་མཱ་ས་ནྣ-མཱ་ས་ནྣ་མ་ར་ཎེ་ན ཏུ.
༣༥༢. བཱ་ཧུ་ལླེ་ན ས་མཱ་ཙི་ཎྞ་མཱ་ཙི་ཎྞ་ནྟི པ་ཝུ་ཙྩ་ཏི;
སེ་སཾ པུ་ཉྙ་མ་པུ་ཉྙ་ཉྩ, ཀ་ཊ་ཏྟཱ་ཀ་མྨ་མཱི་རི་ཏཾ.
༣༥༣. དི་ཊྛ་དྷ་མྨེ ཝེ་ད་ནཱི་ཡ་མུ་པ་པ་ཛྫཱ་པ་རེ ཏ་ཐཱ;
པ་རི་ཡཱ་ཡ་ཝེ་ད་ནཱི་ཡ་མི་ཏི ཙཱ་ཧོ་སི་ཀ་མྨུ་ནཱ.
༣༥༤. པཱ་ཀ་ཀཱ་ལ་ཝ་སེ་ནཱ་ཐ, ཀཱ་ལཱ་ཏཱི་ཏ་ཝ་སེ་ན ཙ;
ཙ་ཏུ་དྷེ་ཝ་མྤི ཨ་ཀྑཱ་ཏཾ, ཀ་མྨ་མཱ་དི་ཙྩ་བ་ནྡྷུ་ནཱ.
༣༥༥. དི་ཊྛ་དྷ་མྨེ ཝེ་ད་ནཱི་ཡཾ, པ་ཋ་མཾ ཛ་ཝ་ནཾ བྷ་ཝེ;
ཨ་ལ་དྡྷཱ་སེ་ཝ་ན་ཏྟཱ་ཝ, ཨ་ས་མ་ཏྠཾ བྷ་ཝ་ནྟ་རེ.
༣༥༦. ཝེ་ད་ནཱི་ཡཾ ཏུ་པ་པ་ཛྫ་པ་རི་ཡོ་སཱ་ན་མཱི་རི་ཏཾ;
པ་རི་ནི་ཊྛི་ཏ་ཀ་མྨ་ཏྟཱ, ཝི་པ་ཙྩ་ཏི ཨ་ན་ནྟ་རེ.
༣༥༧. སེ་སཱ་ནི ཝེ་ད་ནཱི་ཡཱ་ནི, པ་རི་ཡཱ་ཡཱ་པ་རེ པ་ན;
ལ་དྡྷཱ་སེ་ཝ་ན་ཏོ པཱ་ཀཾ, ཛ་ནེ་ནྟི ས་ཏི པ་ཙྩ་ཡེ.
༣༥༨. ཝུ་ཙྩ་ནྟཱ་ཧོ་སི་ཀ་མྨཱ་ནི, ཀཱ་ལཱ་ཏཱི་ཏཱ་ནི ས་བྦ་ཐཱ;
ཨུ་ཙྪི་ནྣ་ཏ་ཎྷཱ་མཱུ་ལཱ་ནི, པ་ཙྩ་ཡཱ་ལཱ་བྷ་ཏོ ཏ་ཐཱ.
༣༥༩. ཙ་ཏུ་དྷཱ པུ་ན ཀཱ་མཱ་དི་བྷཱུ་མི་བྷེ་དེ་ན བྷཱ་སི་ཏཾ;
པུ་ཉྙཱ་པུ་ཉྙ་ཝ་སཱ དྭེ་དྷཱ, ཀཱ་མཱ་ཝ་ཙ་རི་ཀཾ བྷ་ཝེ.
༣༦༠. ཨ་པུ་ཉྙཾ ཏ་ཏྠ སཱ་ཝ་ཛྫ-མ་ནི་ཊྛ་ཕ་ལ་དཱ་ཡ་ཀཾ;
ཏཾ ཀ་མྨ་ཕ་སྶ་དྭཱ་རེ་ཧི, དུ་ཝི་དྷཾ ས་མྤ་ཝ་ཏྟ་ཏི.+
༣༦༡. ཀཱ་ཡ་དྭཱ་རཾ ཝ་ཙཱི་དྭཱ་རཾ, མ་ནོ་དྭཱ་ར་ནྟི ཏཱ་དི་ནཱ;
ཀ་མྨ་དྭཱ་ར་ཏྟ་ཡཾ ཝུ་ཏྟཾ, ཕ་སྶ་དྭཱ་རཱ ཚ དཱི་པི་ཏཱ.
༣༦༢. ཀ་མྨ་དྭཱ་རེ མ་ནོ་དྭཱ་རེ, པ་ཉྩ་དྭཱ་རཱ ས་མོ་ཧི་ཏཱ;
ཕ་སྶ་དྭཱ་ར་མ་ནོ་དྭཱ་རཾ, ཀ་མྨ་དྭཱ་ར་ཏྟ་ཡཾ ཀ་ཏཾ.
༣༦༣. ཏ་ཐཱ ཧི ཀཱ་ཡ་ཝི་ཉྙ་ཏྟིཾ, ཛ་ནེ་ཏྭཱ ཛཱ་ཏ་ཙེ་ཏ་ནཱ;
ཀཱ་ཡ་ཀ་མྨཾ ཝ་ཙཱི་ཀ་མྨཾ, ཝ་ཙཱི་བྷེ་ད་པ་ཝ་ཏྟི་ཀཱ.
༣༦༤. ཝི་ཉྙ་ཏྟི་དྭ་ཡ་ས་མྤ་ཏྟཱ, མ་ནོ་ཀ་མྨ་ནྟི ཝུ་ཙྩ་ཏི;
བྷེ་དོ་ཡཾ པ་རི་ཡཱ་ཡེ་ན, ཀ་མྨཱ་ན་མི་ཏི དཱི་པི་ཏོ.
༣༦༥. པཱ་ཎ་གྷཱ་ཏཱ་དི་ཀཾ ཀ་མྨཾ, ཀཱ་ཡེ བཱ་ཧུ་ལླ་ཝུ་ཏྟི་ཏོ;
ཀཱ་ཡ་ཀ་མྨཾ ཝ་ཙཱི་ཀ་མྨཾ, མུ་སཱ་ཝཱ་དཱ་དི་ཀཾ ཏ་ཐཱ.
༣༦༦. ཨ་བྷི་ཛ྄ཛྷཱ་དི མ་ནོ་ཀ་མྨཾ, ཏཱི་སུ དྭཱ་རེ་སུ ཛཱ་ཡ་ཏི;
དྭཱི་སུ དྭཱ་རེ་སུ སེ་སཱ་ནི, བྷེ་དོ་ཡཾ པ་ར་མ་ཏྠ་ཏོ.
༣༦༧. ཕ་སྶ་དྭཱ་ར་མ་ནོ་དྭཱ་རེ, ཝི་ཉྙ་ཏྟི་དྭ་ཡ་མཱི་རི་ཏཾ;
པ་ཉྩ་དྭཱ་རེ དྭ་ཡཾ ན་ཏྠི, ཨ་ཡ་མེ་ཏྠ ཝི་ནི་ཙྪ་ཡོ.
༣༦༨. ཨ་ཀྑ་ནྟི་ཉཱ་ཎ ཀོ་ས་ཛྫཾ, དུ་སྶི་ལྱཾ མུ་ཊྛ་ས་ཙྩ་ཏཱ;
ཨི་ཙྩཱ་སཾ་ཝ་ར་བྷེ་དེ་ན, ཨ་ཊྛ་དྭཱ་རེ་སུ ཛཱ་ཡ་ཏི.
༣༦༩. ཀ་མྨ་དྭཱ་ར་ཏྟ་ཡ་ཉྩེ་ཝ, པ་ཉྩ་དྭཱ་རཱ ཏ་ཐཱ་པ་རེ;
ཨ་སཾ་ཝ་རཱ་ནཾ པ་ཉྩ་ནྣཾ, ཨ་ཊྛ དྭཱ་རཱ པ་ཀཱ་སི་ཏཱ.
༣༧༠. ཏ་ཏྠ ཀ་མྨ་པ་ཐ་པྤ་ཏྟཾ, པ་ཊི་ས་ནྡྷི་ཕ་ལཱ་ཝ་ཧཾ;
པཱ་ཎ་གྷཱ་ཏཱ་དི་བྷེ་དེ་ན, ད་ས་དྷཱ ས་མྤ་ཝ་ཏྟ་ཏི.
༣༧༡. པཱ་ཎཱ་ཏི་པཱ་ཏོ ཕ་རུ་སཾ, བྱཱ་པཱ་དོ ཙ ཏ་ཐཱ་པ་རོ;
ཨི་ཙྩེ་ཝཾ ཏི་ཝི་དྷཾ ཀ་མྨཾ, དོ་ས་མཱུ་ལེ་ཧི ཛཱ་ཡ་ཏི.
༣༧༢. མི་ཙྪཱ་ཙཱ་རོ ཨ་བྷི་ཛ྄ཛྷཱ ཙ, མི་ཙྪཱ་དི་ཊྛི ཏ་ཐཱ་པ་རཱ;
ཨི་ཙྩེ་ཝཾ ཏི་ཝི་དྷཾ ཀ་མྨཾ, ལོ་བྷ་མཱུ་ལེ་ཧི ཛཱ་ཡ་ཏི.
༣༧༣. ཐེ་ཡྻཱ་དཱ་ནཾ མུ་སཱ་ཝཱ་དོ, པི་སུ་ཎཾ ས་མྥ་ལཱ་པ་ནཾ;
ཀ་མྨཾ ཙ་ཏུ་བྦི་དྷ་མྨེ་ཏཾ, དྭི་མཱུ་ལེ་ཧི པ་ཝ་ཏྟ་ཏི.
༣༧༤. ཚ་ནྡཱ་དོ་སཱ བྷ་ཡཱ མོ་ཧཱ, པཱ་པཾ ཀུ་བྦ་ནྟི པཱ་ཎི་ནོ;
ཏ་སྨཱ ཚ་ནྡཱ་དི་བྷེ་དེ་ན, ཙ་ཏྟཱ་ལཱི་ས་ཝི་དྷཾ བྷ་ཝེ.
༣༧༥. ཨི་ཙྩཱ་པུ་ཉྙཾ པ་ཀཱ་སེ་ནྟི, ཙ་ཏུ་རཱ་པཱ་ཡ་སཱ་དྷ་ཀཾ;
ཨ་ཉྙ་ཏྠཱ་པི པ་ཝ་ཏྟ་མྷི, ཝི་པ་ཏྟི་ཕ་ལ་སཱ་དྷ་ནཾ.
༣༧༦. ཏི་ཝི་དྷཾ པ་ན པུ་ཉྙཾ ཏུ, ཨ་ན་ཝ་ཛྫི་ཊྛ་པཱ་ཀ་དཾ;
དཱ་ནཾ སཱི་ལཾ བྷཱ་ཝ་ནཱ ཙ, ཏཱི་སུ དྭཱ་རེ་སུ ཛཱ་ཡ་ཏི.
༣༧༧. མ་ཧ་ཏྟ་གཱ་ར་ཝཱ སྣེ་ཧཱ, ད་ཡཱ ས་དྡྷུ་པ་ཀཱ་ར་ཏོ;
བྷོ་ག་ཛཱི་ཝཱ་བྷ་ཡ་དྷ་མྨཾ, ད་ད་ཏོ དཱ་ན་མཱི་རི་ཏཾ.
༣༧༨. པུ་ཉྙ་མཱ་ཙཱ་ར་ཝཱ་རི་ཏྟ-ཝ་ཏྟ་མཱ་ར་བྦྷ ཀུ་བྦ་ཏོ;
པཱ་པཱ ཙ ཝི་ར་མ་ནྟ་སྶ, ཧོ་ཏི སཱི་ལ་མ་ཡཾ ཏ་དཱ.
༣༧༩. དཱ་ན་སཱི་ལ་ཝི་ནི་མུ་ཏྟཾ, བྷཱ་ཝ་ནཱ་ཏི པ་ཝུ་ཙྩ་ཏི;
པུ་ཉྙཾ བྷཱ་ཝེ་ནྟི ས་ནྟཱ་ནེ, ཡ་སྨཱ ཏེ་ན ཧི་ཏཱ་ཝ་ཧཾ.
༣༨༠. ཛ་ནེ་ཏྭཱ ཀཱ་ཡ་ཝི་ཉྙ་ཏྟིཾ, ཡ་དཱ པུ་ཉྙཾ ཀ་རཱི་ཡ་ཏི;
ཀཱ་ཡ་ཀ་མྨཾ ཏ་དཱ ཧོ་ཏི, དཱ་ནཾ སཱི་ལ་ཉྩ བྷཱ་ཝ་ནཱ.
༣༨༡. ཝ་ཙཱི་ཝི་ཉྙ་ཏྟི་ཡཱ ས་དྡྷིཾ, ཡ་དཱ པུ་ཉྙཾ ཀ་རཱི་ཡ་ཏི;
ཝ་ཙཱི་ཀ་མྨཾ མ་ནོ་ཀ་མྨཾ, ཝི་ནཱ ཝི་ཉྙ་ཏྟི་ཡཱ ཀ་ཏཾ.
༣༨༢. ཏཾ་ཏཾ་དྭཱ་རི་ཀ་མེ་ཝཱ་ཧུ, ཏཾ་ཏཾ་དྭཱ་རི་ཀ་པཱ་པ་ཏོ;
ཝི་ར་མ་ནྟ་སྶ ཝི་ཉྙ་ཏྟིཾ, ཝི་ནཱ ཝཱ ས་ཧ ཝཱ པུ་ན.
༣༨༣. དཱ་ནཾ སཱི་ལཾ བྷཱ་ཝ་ནཱ ཙ, ཝེ་ཡྻཱ་ཝ་ཙྩཱ་པ་ཙཱ་ཡ་ནཱ;
པ་ཏྟཱ་ནུ་མོ་ད་ནཱ པ་ཏྟི-དཱ་ནཾ དྷ་མྨ་སྶ དེ་ས་ནཱ;
ས་ཝ་ནཾ དི་ཊྛི་ཛུ་ཀ་མྨ-མི་ཙྩེ་ཝཾ ད་ས་དྷཱ ཋི་ཏཾ.
༣༨༤. ཀཱ་མ་པུ་ཉྙཾ པ་ཀཱ་སེ་ནྟི, ཀཱ་མེ སུ་ག་ཏི་སཱ་དྷ་ཀཾ;
ཨ་ཉྙ་ཏྠཱ་པི པ་ཝ་ཏྟ་མྷི, ས་མྤ་ཏྟི་ཕ་ལ་སཱ་དྷ་ཀཾ.
༣༨༥. ཙི་ཏྟུ་པྤཱ་ད་པྤ་བྷེ་དེ་ན, ཀ་མྨཾ ཝཱི་ས་ཏི་དྷཱ ཋི་ཏཾ;
ཀཱ་མཱ་ཝ་ཙ་ར་མི་ཙྩེ་ཝཾ, ཝི་བྷཱ་ཝེ་ནྟི ཝི་བྷཱ་ཝི་ནོ.
༣༨༦. རཱུ་པཱ་ཝ་ཙ་རི་ཀཾ ཀ་མྨ-མ་པྤ་ནཱ་བྷཱ་ཝ་ནཱ་མ་ཡཾ;
ཀ་སི་ཎཱ་དི་ཀ་མཱ་ར་བྦྷ, མ་ནོ་དྭཱ་རེ པ་ཝ་ཏྟ་ཏི.
༣༨༧. པ་ཐ་ཝཱ་པོ ཙ ཏེ་ཛོ ཙ,
ཝཱ་ཡོ ནཱི་ལ་ཉྩ པཱི་ཏ་ཀཾ;
ལོ་ཧི་ཏོ་དཱ་ཏ་མཱ་ཀཱ་སཾ,
ཨཱ་ལོ་ཀོ་ཏི ཝི་སཱ་ར་དཱ.
༣༨༨. ཀ་སི་ཎཱ་ནི ད་སཱིརེ་ནྟི, ཨཱ་དི་ཀ་མྨི་ཀ་ཡོ་གི་ནོ;
ཨུ་དྡྷུ་མཱ་ཏཾ ཝི་ནཱི་ལ་ཉྩ, ཝི་པུ་བྦ་ཀཾ ཝི་ཁཱ་དི་ཏཾ.
༣༨༩. ཝི་ཙྪི་དྡ་ཀ་ཉྩ ཝི་ཀྑི་ཏྟཾ, ཧ་ཏ་ཝི་ཀྑི་ཏྟ་ལོ་ཧི་ཏཾ;
པུ་ལ༹་ཝཾ ཨ་ཊྛི་ཀ་ཉྩེ་ཏི, ཨ་སུ་བྷཾ ད་ས་དྷཱ ཋི་ཏཾ.
༣༩༠. བུ་དྡྷེ དྷ་མྨེ ཙ ས་ངྒྷེ ཙ, སཱི་ལེ ཙཱ་གེ ཙ ཨ་ཏྟ་ནོ;
དེ་ཝ་ཏོ་པ་ས་མཱ་ཡ་ཉྩ, ཝུ་ཏྟཱ་ནུ་སྶ་ཏི་བྷཱ་ཝ་ནཱ.
༣༩༡. མ་ར་ཎེ ས་ཏི ནཱ་མེ་ཀཱ, ཏ་ཐཱ ཀཱ་ཡ་ག་ཏཱ་ས་ཏི;
ཨཱ་ནཱ་པཱ་ན་ས་ཏི་ཙྩེ་ཝཾ, ད་ས་དྷཱ་ནུ་སྶ་ཏཱིརི་ཏཱ.
༣༩༢. མེ་ཏྟཱ ཀ་རུ་ཎཱ མུ་དི་ཏཱ, ཨུ་པེ་ཀྑཱ བྷཱ་ཝ་ནཱ་ཏི ཙ;
ཙ་ཏུ་བྲ་ཧྨ་ཝི་ཧཱ་རཱ ཙ, ཨ་པྤ་མ་ཉྙཱཏི བྷཱ་སི་ཏཱ.
༣༩༣. ཨཱ་ཧཱ་རེ ཏུ པ་ཊི་ཀྐཱུ་ལ-ས་ཉྙེཀཱ་ཏི པ་ཀཱ་སི་ཏཱ;
ཙ་ཏུ་དྷཱ་ཏུ་ཝ་ཝ་ཏྠཱ་ནཾ, ཙ་ཏུ་དྷཱ་ཏུ་པ་རི་གྒ་ཧོ.
༣༩༤. ཙ་ཏྟཱ་རོ་རུ་པྤ་ཀཱ ཙེ་ཏི, ཙ་ཏྟཱ་ལཱི་ས ས་མཱ་ས་ཏོ;
ཀ་མྨ་ཊྛཱ་ནཱ་ནི ཝུ་ཏྟཱ་ནི, ས་མ་ཐེ བྷཱ་ཝ་ནཱ་ན་ཡེ.
༣༩༥. ཨཱ་ནཱ་པཱ་ན་ཉྩ ཀ་སི་ཎཾ, པ་ཉྩ་ཀ་ཛ྄ཛྷཱ་ནི་ཀཾ ཏ་ཧིཾ;
པ་ཋ་མ་ཛ྄ཛྷཱ་ནི་ཀཱ ཝུ་ཏྟཱ, ཀོ་ཊྛཱ་སཱ་སུ་བྷ་བྷཱ་ཝ་ནཱ.
༣༩༦. མེ་ཏྟཱ་ད་ཡོ ཙ་ཏུ་ཛ྄ཛྷཱ་ནཱ, ཨུ་པེ་ཀྑཱ པ་ཉྩ་མཱི མ་ཏཱ;
ཨཱ་རུ་པྤཱ་རུ་པྤ་ཀཱ སེ་སཱ, ཨུ་པ་ཙཱ་ར་ས་མཱ་དྷི་ཀཱ.
༣༩༧. ཀ་སི་ཎཱ་སུ་བྷ་ཀོ་ཊྛཱ་སེ,
ཨཱ་ནཱ་པཱ་ནེ ཙ ཛཱ་ཡ་ཏི;
པ་ཊི་བྷཱ་གོ ཏ་མཱ་ར་བྦྷ,
ཏ་ཏྠ ཝ་ཏྟ་ཏི ཨ་པྤ་ནཱ.
༣༩༨. ཀ་མྨ་ཊྛཱ་ནེ་སུ སེ་སེ་སུ, པ་ཊི་བྷཱ་གོ ན ཝི་ཛྫ་ཏི;