༣. ཏ་ཏི་ཡོ པ་རི་ཙྪེ་དོ
བྷེ་ད་ས་ངྒ་ཧ་ཝི་བྷཱ་གོ
༡༢༣. ཨེ་ཝཾ བྷེ་ད་ས་བྷཱ་ཝེ་སུ, ཏེ་སྭེ་ཝ པུ་ན ས་ངྒ་ཧཾ;
ས་བྷཱ་ཝ་ཏྠ་ཝི་སེ་སེ་ཧི, པ་ཝ་ཀྑཱ་མི ཨི་ཏོ པ་རཾ.
༡༢༤. ཨ་སཱ་དྷཱ་ར་ཎ་ཉཱ་ཎེ་ཧི, ས་ཏྠཱ ཝ་ཏྠུ་ཝི་ཝེ་ཙ་ཀོ;
ས་ངྒ་ཧེ་ཏྭཱ ས་བྷཱ་གེ་ཧི, དྷ་མྨེ ད་སྶེ་སི ཙ་ཀྑུ་མཱ.
༡༢༥. དི་ཊྛི་བྷི་ནི་ཝེ་ས་ཊྛེ་ན, ཡ་ཐཱ་བྷཱུ་ཏ་ས་བྷཱ་ཝ་ཏོ;
པ་ར་མཱ་མ་ས་ཏི་ཙྩེ་ཀཱ, པ་རཱ་མཱ་སོཏི བྷཱ་སི་ཏཱ.
༡༢༦. ཀི་ལེ་སཱ་སུ་ཙི་བྷཱ་ཝེ་ན, ཝ་ཎ་སྶཱ་ཝ་ར་སོ ཝི་ཡ;
ཨཱ་ལི་མྤ་ནྟཱ་ཝ ས་ནྟཱ་ནཾ, ས་ཝ་ནྟཱི་ཏི པ་ཀཱ་སི་ཏཱ.
༡༢༧. ཀཱ་མ་ཏ་ཎྷཱ བྷ་ཝ་ཏ་ཎྷཱ, དི་ཊྛཱ་ཝི་ཛྫཱ་ཏི ཨཱ་ས་ཝཱ;
ཙ་ཏྟཱ་རོ ཨཱ་ས་ཝ་ཊྛེ་ན, ཏ་ཡོ དྷ་མྨཱ ས་བྷཱ་ཝ་ཏོ.
༡༢༨. ཨེ་ཏེ་ཝོ གྷཱཏི ཝུ་ཏྟཱ་ཝ, དྭཱ་རཱ་ལ་མྦཱ་བྷི་ཝཱ་ཧི་ནོ;
ཨོ་ཏྠ་རི་ཏྭཱ པ་རཱ་བྷཱུ་ཏེ, ཧ་ར་ནྟཱ པཱ་ཎི་ནོ བྷ་ཝེ.
༡༢༩. ཡོ་གཱཏི ཙཱ་ཧུ ཏེ ཨེ་ཝ, པཱ་ཎི་ནོ བྷ་ཝ་ཡ་ནྟ་ཀེ;
དྭཱ་རཱ་ལ་མྦཱ་བྷི་ས་མྦ་ནྡྷཱ, ཡ་ནྟ་བ་ནྡྷཱ་ཝ ཡོ་ཛི་ཏཱ.
༡༣༠. ས་ནྟཱ་ན་མ་དྷི་ག་ཎྷ་ནྟཱ, མཱ་ལུ་ཝཱ་ཝ མ་ཧཱ་ཏ་རུཾ;
ག་ཎྷ་ནྟཱ ད་ལ༹ྷ་མཱ་ལ་མྦཾ, མ་ཎྜཱུ་ཀ་མི་ཝ པ་ནྣ་གོ.
༡༣༡. ཀཱ་མ་ཏ་ཎྷཱ ཙ དི་ཊྛི ཙ, ཨུ་པཱ་དཱ་ནཱ ཙ་ཏུ་བྦི་དྷཱ;
དི་ཊྛི དི་ཊྛི་སཱི་ལ་བྦ་ཏ-མ་ཏྟ་ཝཱ་དོ་ཏི བྷེ་དི་ཏཱ.
༡༣༢. ཀཱ་ཡེ་ན ཀཱ་ཡཾ ག་ནྠེ་ནྟཱ, དུ་པྤ་མུ་ཉྩཱ་ནུ་ཝེ་ཋི་ནོ;
ཀ་ཐི་ཏཱ ཀཱ་ཡ་ག་ནྠཱཏི, ཏ་ཎྷཱ་བྱཱ་པཱ་ད་དི་ཊྛི་ཡོ.
༡༣༣. སཱི་ལ་བྦ་ཏ་པ་རཱ་མཱ་སོ, ཨི་ཏི དི་ཊྛི ཝི་བྷེ་དི་ཏཱ;
ཨི་དཾ་ས་ཙྩཱ་བྷི་ནི་ཝེ་སོ, ཨི་ཏི ཙེ་ཝཾ ཙ་ཏུ་བྦི་དྷཱ.
༡༣༤. ནེ་ཀྑ་མྨཾ པ་ལི་བོ་དྷེ་ནྟཱ, བྷཱ་ཝ་ནཱ་པ་རི་པ་ནྠ་ཀཱ;
ས་ནྟཱ་ན་མ་ཎྜ་ཀོ་སཱ་ཝ, པ་རི་ཡོ་ན་ནྡྷ་ཀཱ་ཏི ཙ.
༡༣༥. ཀཱ་མ་ཙྪ་ནྡོ ཙ བྱཱ་པཱ་དོ, ཐི་ན་མི་དྡྷ་ཉྩ སཾ་ས་ཡོ;
ཨ་ཝི་ཛྫུ་དྡྷ་ཙྩ་ཀུ་ཀྐུ་ཙྩ་མི་ཏི ནཱི་ཝ་ར་ཎཱ མ་ཏཱ.
༡༣༦. ཨཱ་གཱ་ལ༹ྷཾ པ་རི་ཡཱ་དཱ་ཡ, ཨོ་ག་ཡ྄ཧ་ནུ་པྤ་ཝ་ཏྟི་ནོ;
ཡོ་པྤ་རོ་གཱ་ཝ ས་ནྟཱ་ན-མ་ནུ་སེ་ནྟཱི་ཏི བྷཱ་སི་ཏཱ.
༡༣༧. ཀཱ་མ་རཱ་གོ བྷ་ཝ་རཱ་གོ, པ་ཊི་གྷོ མཱ་ན་དི་ཊྛི་ཡོ;
ཀ་ངྑཱ་ཝི་ཛྫཱ་ཏི ས་ཏྟེ་ཝ, ཚ དྷ་མྨཱནུ་ས་ཡཱ མ་ཏཱ.
༡༣༨. དྭཱ་རཱ་ལ་མྦ་ཎ་བ་ནྡྷེ་ན, པཱ་ཎཱི་ནཾ བྷ་ཝ་མ་ཎྜ་ལེ;
སཾ་ཡོ་ཛ་ནཱ་ནི ཝུ་ཏྟཱ་ནི, པཱ་ས་བ་ནྡྷཱ་ཝ པ་ཀྑི་ནཾ.
༡༣༩. ཀཱ་མ་རཱུ་པཱ་རཱུ་པ་རཱ་གཱ, པ་ཊི་གྷོ མོ་ཧ་སཾ་ས་ཡོ;
དི་ཊྛི སཱི་ལ་བྦ་ཏཾ མཱ་ནོ, ཨུ་དྡྷ་ཙྩེ་ན ད་སཱ བྷ་ཝེ.
༡༤༠. རཱུ་པཱ་རཱུ་པ་རཱ་གུ་དྡྷ་ཙྩཾ, ཨ་བྷི་དྷ་མྨེ ཝི་ནཱ པུ་ན;
བྷ་ཝ་རཱ་གི་སྶ མ་ཙྪེ་རཾ, ག་ཧེ་ཏྭཱ ད་ས་དྷཱ སི་ཡུཾ.
༡༤༡. སཾ་ཀླེ་པ་ཡ་ནྟི ས་ནྟཱ་ནཾ, ཨུ་པ་གྷཱ་ཏེ་ནྟི པཱ་ཎི་ནོ;
ས་ཧ་ཛཱ་ཏེ་ཀླེ་སེ་ནྟཱི་ཏི, ཀི་ལེ་སཱཏི པ་ཀཱ་སི་ཏཱ.
༡༤༢. ལོ་བྷོ དོ་སོ ཙ མོ་ཧོ ཙ,
དི་ཊྛི མཱ་ནོ ཙ སཾ་ས་ཡོ;
ཐི་ནཱ་ཧི་རི་ཀ་ནོ་ཏྟ་པྤ-
མུ་དྡྷ་ཙྩེ་ན སི་ཡུཾ ད་ས.
༡༤༣. ན་ཝ་ས་ངྒ་ཧི་ཏཱ ཨེ་ཏྠ, དི་ཊྛི་ལོ་བྷཱ པ་ཀཱ་སི་ཏཱ;
ས་ཏྟ་ས་ངྒ་ཧི་ཏཱ་ཝི་ཛྫཱ, པ་ཊི་གྷོ པ་ཉྩ་ས་ངྒ་ཧོ.
༡༤༤. ཙ་ཏུ་ས་ངྒ་ཧི་ཏཱ ཀ་ངྑཱ, མཱ་ནུ་དྡྷ་ཙྩཱ ཏི་ས་ངྒ་ཧཱ;
དུ་ཀ་ས་ངྒ་ཧི་ཏཾ ཐཱི་ནཾ, ཀུ་ཀྐུ་ཙྩ་མེ་ཀ་ས་ངྒ་ཧཾ.
༡༤༥. དྭི་དྷཱ་ཧི་རི་ཀ་ནོ་ཏྟ་པྤ-མི་སྶཱ་མ་ཙྪ་རི་ཡཾ ཏ་ཐཱ;
ཨི་ཙྩེ་ཝཾ ད་ས་དྷཱ ཝུ་ཏྟཱ, པཱ་པ་ཀེ་སྭེ་ཝ ས་ངྒ་ཧཱ.
༡༤༦. པ་རཱ་མཱ་སཱ་ས་ཝོ་གྷཱ ཙ, ཡོ་གུ་པཱ་དཱ་ན་ག་ནྠ་ཏོ;
ནཱི་ཝཱ་ར་ཎཱ་ནུ་ས་ཡ་ཏོ, སཾ་ཡོ་ཛ་ན་ཀི་ལེ་ས་ཏོ.
༡༤༧. ཙུ་དྡ་སེ་ཝ ཏུ ས་ངྑེ་པཱ, ས་ཏྟ་པ་ཉྙཱ་ས བྷེ་ད་ཏོ;
ཡ་ཐཱ་དྷ་མྨཱ་ནུ་སཱ་རེ་ན, ཙི་ཏྟུ་པྤཱ་དེ་སུ ཡོ་ཛ་ཡེ.
༡༤༨. ཏ་ཏོ་པ་རེ ནོ་པ་རཱ་མཱ-སཱ་དི་བྷེ་དི་ཏ་ས་ངྒ་ཧཱ;
ཙི་ཏྟཾ ཙེ་ཏ་སི་ཀཾ རཱུ་པཾ, ནི་བྦཱ་ན་མི་ཏི དཱི་པ་ཡེ.
༡༤༩. ཨི་ཙྩཱ་ཀུ་ས་ལ་དྷ་མྨཱ་ནཾ, ཉ་ཏྭཱ ས་ངྒ་ཧ་མུ་ཏྟ་རཾ;
མི་སྶ་ཀཱ ནཱ་མ ཝི་ཉྙེ་ཡྻཱ, ཡ་ཐཱ་ས་མྦྷ་ཝ་ཏོ ཀ་ཐཾ;
༡༥༠. ལོ་བྷོ དོ་སོ ཙ མོ་ཧོ ཙ,
ཨེ་ཀ་ནྟཱ་ཀུ་ས་ལཱ ཏ་ཡོ;
ཨ་ལོ་བྷཱ་དོ་སཱ་མོ་ཧོ ཙ,
ཀུ་ས་ལཱ་བྱཱ་ཀ་ཏཱ ཏ་ཐཱ.
༡༥༡. པཱ་ད་པ་སྶེ་ཝ མཱུ་ལཱ་ནི, ཐི་ར་བྷཱ་ཝཱ་ཡ པ་ཙྩ་ཡཱ;
མཱུ་ལ་བྷཱ་ཝེ་ན དྷ་མྨཱ་ནཾ, ཧེ་ཏཱུ དྷ་མྨཱ ཚ དཱི་པི་ཏཱ.
༡༥༢. ཝི་ཏ་ཀྐོ ཙ ཝི་ཙཱ་རོ ཙ, པཱི་ཏི ཙེ་ཀ་གྒ་ཏཱ ཏ་ཐཱ;
སོ་མ་ན་སྶཾ དོ་མ་ན་སྶཾ, ཨུ་པེ་ཀྑཱ་ཏི ཙ ཝེ་ད་ནཱ.
༡༥༣. ཨཱ་ཧ་ཙྩུ་པ་ནི་ཛ྄ཛྷཱ་ཡ་ནྟཱ, ནི་ཛ྄ཛྷཱ་ན་ཊྛེ་ན པ་ཙྩ་ཡཱ;
ཛྷཱ་ན་དྷ་མྨཱཏི ས་ཏྠཱ་ཧ, པ་ཉྩ ཝ་ཏྠུ་ས་བྷཱ་ཝ་ཏོ.
༡༥༤. ས་མྨཱ་དི་ཊྛི ཙ ས་ངྐ་པྤོ, ཝཱ་ཡཱ་མོ ཝི་ར་ཏི་ཏྟ་ཡཾ;
ས་མྨཱ་ས་ཏི ས་མཱ་དྷཱི ཙ, མི་ཙྪཱ་དི་ཊྛི ཙ ས་མྦྷ་ཝཱ.
༡༥༥. ས་མྨཱ་མི་ཙྪཱ ཙ ནཱི་ཡ་ནྟཱ, ནི་ཡྻཱ་ན་ཊྛེ་ན པ་ཙྩ་ཡཱ;
མ་གྒ་ངྒཱ དྭཱ་ད་ས་ཀྑཱ་ཏཱ, ན་ཝ དྷ་མྨཱ ས་བྷཱ་ཝ་ཏོ.
༡༥༦. ཨ་ཏྟ་བྷཱ་ཝཾ པ་ཝ་ཏྟེ་ནྟཱ, ཨོ་ཛ་ཊྛ་མ་ཀ་ཝེ་ད་ནཾ;
པ་ཊི་ས་ནྡྷི་ནཱ་མ་རཱུ་པ-མཱ་ཧ་ར་ནྟཱ ཡ་ཐཱ་ཀྐ་མཾ.
༡༥༧. ཀ་བ་ལཱི༹་ཀཱ་རོ ཨཱ་ཧཱ་རོ,
ཕ་སྶོ ས་ཉྩེ་ཏ་ནཱ ཏ་ཐཱ;
ཝི་ཉྙཱ་ཎ་མི་ཏི ཙ་ཏྟཱ་རོ,
ཨཱ་ཧཱ་རཱཏི པ་ཀཱ་སི་ཏཱ.
༡༥༨. དྷ་མྨཱ་ནཾ ས་ཧ་ཛཱ་ཏཱ་ནཾ, ཨི་ནྡྲི་ཡ་ཊྛེ་ན པ་ཙྩ་ཡཱ;
ཨ་ཏྟཱ་ན་མི་སྶ་ར་ཊྛེ་ན, ཨ་ནུ་ཝ་ཏྟཱ་པ་ཀཱ ཏ་ཐཱ.
༡༥༩. ས་དྡྷཱ ཙ ས་ཏི པ་ཉྙཱ ཙ, ཝཱི་རི་ཡེ་ཀ་གྒ་ཏཱ་པི ཙ;
ཝེ་ད་ནཱ ཛཱི་ཝི་ཏཾ ཙི་ཏྟཾ, ཨ་ཊྛ རཱུ་པི་ནྡྲི་ཡཱ་ནི ཙ.
༡༦༠. ཀ་ཐཾ ཛཱི་ཝི་ཏ་མེ་ཀཾ ཏུ, སུ་ཁཾ དུ་ཀྑ་ནྟི ཝེ་ད་ནཱ;
སོ་མ་ན་སྶཾ དོ་མ་ན་སྶཾ, ཨུ་པེ་ཀྑཱ་ཏི ཙ བྷེ་དི་ཏཱ.
༡༦༡. པ་ཉྙཱ་དི་མ་གྒེ་ན་ཉྙཱ་ཏ-ཉྙ་སྶཱ་མཱི་ཏི་ནྡྲི་ཡཾ བྷ་ཝེ;
མ་ཛ྄ཛྷེ ཨ་ཉྙི་ནྡྲི་ཡམ་ནྟེ, ཨ་ཉྙཱ་ཏཱ་ཝི་ནྡྲི་ཡཾ ཏ་ཐཱ.
༡༦༢. སོ་ལ༹་སེ་ཝ ས་བྷཱ་ཝེ་ན, ཨི་ནྡྲི་ཡ་ཊྛ་ཝི་བྷཱ་ག་ཏོ;
ཨི་ནྡྲི་ཡཱ་ནཱིཏི ཝུ་ཏྟཱ་ནི, བཱ་ཝཱི་ས་ཏི ཝི་བྷཱ་ཝ་ཡེ.
༡༦༣. ད་ལ༹ྷཱ་དྷི་ཊྛི་ཏ་ས་ནྟཱ་ནཱ, ཝི་པ་ཀྑེ་ཧི ཨ་ཀ་མྤི་ཡཱ;
བ་ལ་ཝ་ནྟ་ས་བྷཱ་ཝེ་ན, བ་ལ་དྷ་མྨཱ པ་ཀཱ་སི་ཏཱ.
༡༦༤. ས་དྡྷཱ ས་ཏི ཧི་རོ་ཏྟ་པྤཾ, ཝཱི་རི་ཡེ་ཀ་གྒ་ཏཱ ཏ་ཐཱ;
པ་ཉྙཱ་ཧི་རི་ཀཱ་ནོ་ཏྟ་པྤ-མི་ཙྩེ་ཝཾ ན་ཝ་དྷཱ མ་ཏཱ.
༡༦༥. ཛེ་ཊྛཱ པུ་བྦ་ངྒ་མ་ཊྛེ་ན, པུ་ཉྙཱ་པུ་ཉྙ་པ་ཝ་ཏྟི་ཡཾ;
པ་ཙྩ་ཡཱ་དྷི་པྤ་ཏེ་ཡྻེ་ན, ས་ཧ་ཛཱ་ནཾ ཡ་ཐཱ་ར་ཧཾ.
༡༦༦. ཙ་ཏྟཱ་རོདྷི་པ་ཏཱི ཝུ་ཏྟཱ, ཨཱ་དྷི་པྤ་ཙྩ་ས་བྷཱ་ཝ་ཏོ;
ཚ་ནྡོ ཙི་ཏྟ་ཉྩ ཝཱི་རི་ཡཾ, ཝཱི་མཾ་སཱ་ཏི ཙ ཏཱ་དི་ནཱ.
༡༦༧. པ་ཉྩ་ས་ངྒ་ཧི་ཏཱ པ་ཉྙཱ, ཝཱ་ཡཱ་མེ་ཀ་གྒ་ཏཱ པ་ན;
ཙ་ཏུ་ས་ངྒ་ཧི་ཏཱ ཙི་ཏྟཾ, ས་ཏི ཙེ་ཝ ཏི་ས་ངྒ་ཧཱ.
༡༦༨. ས་ངྐ་པྤོ ཝེ་ད་ནཱ ས་དྡྷཱ, དུ་ཀ་ས་ངྒ་ཧི་ཏཱ མ་ཏཱ;
ཨེ་ཀེ་ཀ་ས་ངྒ་ཧཱ སེ་སཱ, ཨ་ཊྛ་ཝཱི་ས་ཏི བྷཱ་སི་ཏཱ;
ཨི་ཙྩེ་ཝཾ ས་ཏྟ་དྷཱ བྷེ་དོ, ཝུ་ཏྟོ མི་སྶ་ཀ་ས་ངྒ་ཧོ.
༡༦༩. ཧེ་ཏུ་ཛྷཱ་ན་ངྒ་མ་གྒ་ངྒཱ, ཨཱ་ཧཱ་རི་ནྡྲི་ཡ་ཏོ ཏ་ཐཱ;
བ་ལཱ་དྷི་པྤ་ཏི་ཏོ ཙེ་ཝ, པུ་ཉྙཱ་པུ་ཉྙཱ་དི་མི་སྶ་ཏཱ;
ཚ་ཏྟིཾ་སེ་ཝ ས་བྷཱ་ཝེ་ན, ཙ་ཏུ་ས་ཊྛི པ་བྷེ་ད་ཏོ.
༡༧༠. ཨི་ཙྩེ་ཝཾ ས་ངྒ་ཧེ་ཏྭཱ་ན, ཝི་བྷཱ་ཝེ་ཡྻ ཏ་ཏོ པ་རཾ;
ཙི་ཏྟུ་པྤཱ་ད་པ་བྷེ་དེ་སུ, ཡ་ཐཱ་ས་མྦྷ་ཝ་ཏོ ཀ་ཐཾ.
༡༧༡. སི་ཏཱ་ཝ་ཛྫ་ན་ཝི་ཉྙཱ་ཎཾ, ས་མྤ་ཊི་ཙྪ་ན་ཏཱི་ར་ཎཱ;
ཨ་ཊྛཱ་ར་སཱ་ཧེ་ཏུ་ཀཱ་ཝ, མོ་མཱུ་ཧཱ ཨེ་ཀ་ཧེ་ཏུ་ཀཱ.
༡༧༢. སེ་སཱ ཏུ ཀུ་ས་ལཱ ཉཱ་ཎ་ཝི་ཡུ་ཏྟཱ ཙ དྭི་ཧེ་ཏུ་ཀཱ;
ཙི་ཏྟུ་པྤཱ་དཱ་པ་རེ ས་ཏྟ-ཙ་ཏྟཱ་ལཱི་ས ཏི་ཧེ་ཏུ་ཀཱ.
༡༧༣. པ་ཉྩ་ཝི་ཉྙཱ་ཎ་མ་ཛ྄ཛྷཱ་ནཾ, དྭི་ཛྷཱ་ན་ངྒི་ཀ་མཱི་རི་ཏཾ;
ཙ་ཏུ་ཏྠ་པ་ཉྩ་མ་ཛ྄ཛྷཱ་ནཾ, ཏི་ཛྷཱ་ནཾ ཏ་ཏི་ཡཾ མ་ཏཱ.
༡༧༤. ཙ་ཏུ་ཛྷཱ་ནཾ ཏུ དུ་ཏི་ཡཾ, ཀཱ་མེ ཙ སུ་ཁ་ཝ་ཛྫི་ཏཱ;
པ་ཉྩ་ཛྷཱ་ནཾ ཏུ པ་ཋ་མཾ, ཀཱ་མེ ཙ སུ་ཁི་ཏཱ མ་ཏཱ.
༡༧༥. པ་ཋ་མཱ་ནུ་ཏྟ་རཾ ཛྷཱ་ནཾ, ཨ་ཊྛ་མ་གྒ་ངྒི་ཀཾ མ་ཏཾ;
ས་ཏྟ་མ་གྒ་ངྒི་ཀཾ ནཱ་མ, སེ་ས་ཛྷཱ་ན་མ་ནུ་ཏྟ་རཾ.
༡༧༦. ལོ་ཀི་ཡཾ པ་ཋ་མཾ ཛྷཱ་ནཾ, ཏ་ཐཱ ཀཱ་མེ ཏི་ཧེ་ཏུ་ཀཱ;
པ་ཉྩ་མ་གྒ་ངྒི་ཀཱ ནཱ་མ, ཙི་ཏྟུ་པྤཱ་དཱ པ་ཀཱ་སི་ཏཱ.
༡༧༧. སེ་སཾ མ་ཧ་གྒ་ཏཾ ཛྷཱ་ནཾ, ས་མྤ་ཡུ་ཏྟཱ ཙ དི་ཊྛི་ཡཱ;
ཉཱ་ཎེ་ན ཝི་པྤ་ཡུ་ཏྟཱ ཙ, ཙ་ཏུ་མ་གྒ་ངྒི་ཀཱ མ་ཏཱ.
༡༧༨. པ་ཊི་གྷུ་དྡྷ་ཙྩ་ཡུ་ཏྟཱ ཙ, ཝི་པྤ་ཡུ་ཏྟཱ ཙ དི་ཊྛི་ཡཱ;
ཏི་མ་གྒ་ངྒཾ དུ་མ་གྒ་ངྒཾ, ཀ་ངྑི་ཏཾ ས་མུ་དཱི་རི་ཏཾ.
༡༧༩. ན ཧོ་ནྟཱ་ཧེ་ཏུ་ཀེ མ་གྒཱ, ཙི་ཏྟ་ཊྛི་ཏི ཙ ཀ་ངྑི་ཏེ;
ཝི་དི་ཏཱ ནི་ཡ་ཏ་ཏཱ ཙ, ལོ་ཀི་ཡེ་སུ ན ཨུ་དྡྷ་ཊཱ.
༡༨༠. ཀཱ་མེ་སུ ཀ་བ་ལཱི༹་ཀཱ་རོ, ཨ་ནཱ་ཧཱ་རོ ཨ་ས་ཉྙི་ནོ;
ཙི་ཏྟུ་པྤཱ་དེ་སུ ས་བྦ་ཏྠ, ཨཱ་ཧཱ་ར་ཏྟ་ཡ་མཱི་རི་ཏཾ.
༡༨༡. ཨི་ནྡྲི་ཡཱ་ནི ཝི་བྷཱ་ཝེ་ཡྻ, ན་ཝ་དྷཱ་ནུ་ཏྟ་རེ བུ་དྷོ;
ཨ་ཊྛ་དྷཱ ས་མུ་དཱི་རེ་ཡྻ, ལོ་ཀི་ཡེ་སུ ཏི་ཧེ་ཏུ་ཀེ.
༡༨༢. ས་ཏྟ་དྷཱ པ་ན ཉཱ་ཎེ་ན, ཝི་པྤ་ཡུ་ཏྟེ པ་ཀཱ་ས་ཡེ;
སི་ཏ་ཝོ་ཊྛ་བྦ་ནཱ་པུ་ཉྙེ, པ་ཉྩ་དྷཱ ཀ་ངྑི་ཏེ པ་ན.
༡༨༣. ཙ་ཏུ་དྷཱ ཏི་ཝི་དྷཱ སེ་སེ, ཙི་ཏྟུ་པྤཱ་དེ ས་མཱི་ར་ཡེ;
ཏི་ཧེ་ཏུ་ཀཱ ས་ཏྟ་བ་ལཱ, ཚ་བ་ལཱ ཏུ དུ་ཧེ་ཏུ་ཀཱ.
༡༨༤. ཙ་ཏུ་བ་ལཱ ཨ་ཀུ་ས་ལཱ, ཀ་ངྑི་ཏཾ ཏི་བ་ལཾ མ་ཏཾ;
དྭི་བ་ལཾ སི་ཏ་ཝོ་ཊྛ་བྦ-མ་བ་ལཾ སེ་ས་མཱི་རི་ཏཾ.
༡༨༥. ཛ་ཝ་ནེ་དྷི་པ་ཏཱི་ནཾ ཏུ, ཡོ ཀོ་ཙེ་ཀོ ཏི་ཧེ་ཏུ་ཀེ;
དྭི་ཧེ་ཏུ་ཀེ ཝཱ ཀུ་ས་ལེ, ཝཱི་མཾ་སཱ ནོ་པ་ལ་བྦྷ་ཏི.
༡༨༦. ལོ་ཀི་ཡེ་སུ ཝི་པཱ་ཀེ་སུ,
མོ་ཧ་མཱུ་ལེ ཨ་ཧེ་ཏུ་ཀེ;
ཡ་ཐཱ་ས་མྦྷ་ཝ་ཝུ་ཏྟི་ཏྟཱ,
ན་ཏྠཱ་དྷི་པ་ཏི ཀོ་ཙི་པི.
༡༨༧. ས་མྦྷོ་ཏི ཀཱ་ཡ་ཝི་ཉྙཱ་ཎེ, པུ་ཉྙ་པཱ་ཀེ སུ་ཁི་ནྡྲི་ཡཾ;
དུ་ཀྑི་ནྡྲི་ཡ་མྤི ཏ་ཏྠེ་ཝ, པཱ་པ་པཱ་ཀ་མྷི བྷཱ་སི་ཏཾ.
༡༨༨. ས་ནྟཱི་ར་ཎ་ཉྩ ཧ་ས་ནཾ, སོ་མ་ན་སྶཱ་ནི སོ་ལ༹་ས;
པ་ཋ་མཱ་དི་ཙ་ཏུ་ཛ྄ཛྷཱ་ནཾ, སོ་མ་ན་སྶ་ཡུ་ཏཾ བྷ་ཝེ.
༡༨༩. དོ་མ་ན་སྶ་ཡུ་ཏྟཱ དྭེ་ཝ, ཙི་ཏྟུ་པྤཱ་དཱ པ་ཀཱ་སི་ཏཱ;
ཏ་ད་ཉྙེ པ་ན ས་བྦེ་པི, པ་ཉྩ་པ་ཉྙཱ་སུ་པེ་ཀྑ་ཀཱ.
༡༩༠. ཝེ་ད་ནཱ་ས་མྤ་ཡོ་ག་ཉྩ, ཝི་ནི་བྦྷུ་ཛྫེ་ཝ་མ་ཊྛ་དྷཱ;
ཧེ་ཏུ་ཡོ་གཱ་དི་བྷེ་དེ་ཧི, ཙི་ཏྟུ་པྤཱ་དཱ པ་ཀཱ་སི་ཏཱ.
༡༩༡. ཏཾ་ཏཾ་ཝི་ཡོ་ག་བྷེ་ད་ཉྩ, པ་ཙྩེ་ཀ་མ་ཐ མི་སྶི་ཏཾ;
ཡ་ཐཱ་ཝུ་ཏྟཱ་ནུ་སཱ་རེ་ན, ཡ་ཐཱ་ས་མྦྷ་ཝ་ཏོ ན་ཡེ.