༡༣. ཏེ་ར་ས་མོ པ་རི་ཙྪེ་དོ
ཀཱ་ར་ཀ་པ་ཊི་ཝེ་དྷ་ནི་དྡེ་སོ
ཨེ་ཏྠཱ་ཧ – ནི་དྡི་ཊྛཱ ཀུ་ས་ལཱ་ད་ཡོ ནཱ་མ དྷ་མྨཱ, ན པ་ནེ་ཏེ་སཾ ཀཱ་ར་ཀོ ཨ་ཏྟཱ ནི་དྡི་ཊྛོ. ཏ་སྶ ཧི ཀཱ་ར་ཀ་སྶ ཝེ་ད་ཀ་སྶ ཨ་ཏྟ་ནོ ཨ་བྷཱ་ཝེ ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཨ་བྷཱ་ཝོ སི་ཡཱ, ཏེ་ས་མ་བྷཱ་ཝེ ཏ་དཱ་ཡ་ཏྟ་ཝུ་ཏྟཱི་ནཾ ཏེ་སཾ ཝི་པཱ་ཀཱ་ན་མ་བྷཱ་ཝོ ཧོ་ཏི, ཏ་སྨཱ ཀུ་ས་ལཱ་དཱི་ནཾ དྷ་མྨཱ་ནཾ དེ་ས་ནཱ ནི་ར་ཏྠི་ཀཱ་ཏི? ཨ་ཏྲ ཝུ་ཙྩ་ཏེ – ནཱ་ཡཾ ནི་ར་ཏྠི་ཀཱ, སཱ་ཏྠི་ཀཱ་ཝཱ་ཡཾ དེ་ས་ནཱ. ཡ་དི ཀཱ་ར་ཀ་སྶཱ་བྷཱ་ཝཱ ཀུ་ས་ལཱ་དཱི་ན་མ་བྷཱ་ཝོ སི་ཡཱ, ཏ་སྶ པ་རི་ཀ་པྤི་ཏ་སྶ ཨ་ཏྟ་ནོ་པི ཨ་བྷཱ་ཝོ སི་ཡཱ. ཀིཾ ཀཱ་ར་ཎ་ནྟི ཙེ? ཏ་སྶ ཨ་ཏྟ་ནོ ཨ་ཉྙ་སྶ ཀཱ་ར་ཀ་སྶཱ་བྷཱ་ཝ་ཏོ. ཀཱ་ར་ཀཱ་བྷཱ་ཝེ་པི ཀ་ཏྟཱ ཨ་ཏྟཱ ཨ་ཏྠཱི་ཏི ཙེ? ཏ་ཐཱ ཀུ་ས་ལཱ་དཱི་ན་མྤི ཨ་ས་ཏི་པི ཀ་ཏྟ་རི ཨ་ཏྠི་ཏཱ ཨུ་པ་ག་ནྟ་བྦཱ, ཀུ་ཏོ་ཡཾ ཏ་ཝ ཏ་ཏྠཱ་ནུ་རོ་དྷོ, ཨི་དྷ ཝི་རོ་དྷོ་ཏི. ཨ་ཐཱ་པི ཡ་ཐཱ པ་ན ལོ་ཀེ ཀཱ་ར་ཀཱ་བྷཱ་ཝེ་པི པ་ཐ་ཝཱི་ཨཱ་པ་ཏེ་ཛ་ཨུ་ཏུ་ཨཱ་ད་ཡོ པ་ཊི་ཙྩ ཨ་ངྐུ་རཱ་དཱི་ནཾ ཨ་བྷི་ནི་བྦ་ཏྟི དི་སྶ་ཏི, ཏ་ཐཱ ཨེ་ཏེ་ས་མྤི ཀུ་ས་ལཱ་དཱི་ནཾ དྷ་མྨཱ་ནཾ ཧེ་ཏུ་པ་ཙྩ་ཡ་སཱ་མ་གྒི་ཡཱ ཨ་བྷི་ནི་བྦ་ཏྟི ཧོ་ཏཱི་ཏི ཝེ་དི་ཏ་བྦཱ.
ཨ་ཐཱ་པི ཙེ་ཏྠ ཏ་སྶཱ པ་ཉྙཱ་ཡ པ་རི་ཀ་པྤི་ཏོ ནི་ཙྩོ དྷུ་ཝོ ཀུ་ས་ལཱ་དཱི་ནཾ ཀ་ཏྟཱ ཨ་ཏྟཱ པ་ར་མ་ཏྠ་ཏོ ཨ་ཏྠཱི་ཏི ཙེ? ཏ་མུ་པ་པ་རི་ཀྑི་སྶཱ་མ ཏཱ་ཝ, སོ པ་ན ཏཱ་ཝ ཨ་ཏྟཱ ཀཱ་ར་ཀོ ཝེ་ད་ཀོ ཀིཾ ས་ཙེ་ཏ་ནོ ཝཱ, ཨུ་དཱ་ཧུ ཨ་ཙེ་ཏ་ནོ ཝཱ་ཏི? ཀི་ཉྩེ་ཏྠ – ཡ་དི ཨ་ཙེ་ཏ་ནོ སི་ཡཱ, པཱ་ཀཱ་ར་ཏ་རུ་པཱ་སཱ་ཎ་ས་དི་སོ སི་ཡཱ. ཏ་སྶ ཀཱ་ར་ཀ་ཝེ་ད་ཀ་ཏྟཱ་བྷཱ་ཝོ སི་ཡཱ. ཡ་དི ས་ཙེ་ཏ་ནོ, སོ ཙེ་ཏ་ནཱ་ཡ ཨ་ཉྙོ ཝཱ སི་ཡཱ, ཨ་ན་ཉྙོ ཝཱ. ཨ་ཐཱ་ན་ཉྙོ, ཙེ་ཏ་ནཱ་ཡ ནཱ་སེ ཨ་ཏྟ་ནོ་པི ནཱ་སོ སི་ཡཱ. ཀིཾ ཀཱ་ར་ཎ་ནྟི ཙེ? ཙེ་ཏ་ནཱ་ཡ ཨ་ན་ཉྙ་ཏྟཱ.
ཨ་ཐཱ་པི བྷ་ཝ་ཏོ ཨ་དྷི་པྤཱ་ཡོ ཨེ་ཝཾ སི་ཡཱ, ཨ་ཏྟ་ནོ པ་ན ནཱ་སོ ན བྷ་ཝ་ཏི ནི་ཙྩ་ཏྟཱ, ཙེ་ཏ་ནཱ་ཡ་ཡེ་ཝ ནཱ་སོ བྷ་ཝ་ཏཱི་ཏི? ཝུ་ཙྩ་ཏེ – ཨ་ཏྟ་ནོ ཨ་ནཱ་སེ ས་ཏི ཙེ་ཏ་ནཱ་ཡ་པི ནཱ་སོ ན བྷ་ཝ་ཏི. ཀིཾ ཀཱ་ར་ཎ་ནྟི ཙེ? ཙེ་ཏ་ནཱ་ཡ ཨ་ན་ཉྙ་ཏྟཱ. ཙེ་ཏ་ན་ཏྟཱ་ནཾ ཨ་ན་ཉྙ་ཏྟེ ས་ཏི ཙེ་ཏ་ནཱ་ཡ་ཡེ་ཝ ནཱ་སོ བྷ་ཝ་ཏི, ན ཨ་ཏྟ་ནོ་ཏི ཨ་ཡུ་ཏྟ་མེ་ཏཾ. ཨ་ཐ ཙེ་ཏ་ནཱ་ཡ་ཡེ་ཝ ཝི་ནཱ་སེ ཝི་སེ་ས་ཀཱ་ར་ཎཾ ན་ཏྠི, ཨ་ཏྟཱ་ཝ ན་སྶ་ཏུ, ཏི་ཊྛ་ཏུ ཙེ་ཏ་ནཱ. ཨ་ཐ ཙེ་ཏ་ནཱ་ཡ ནཱ་སེ ཨ་ཏྟ་ནོ ནཱ་སོ ན བྷ་ཝ་ཏཱི་ཏི ཙེ? ཙེ་ཏ་ནཱ་ཡ ཨ་ཏྟཱ ཨ་ཉྙོ སི་ཡཱ. ཨ་ཐ ཨ་ཉྙ་སྶ ཨ་ཏྟ་སྶ ནཱ་སེ ས་ཏི ས་ཡཾ ནཱ་སོ ན བྷ་ཝ་ཏི, ཨེ་ཝ་ཉྩ ས་ཏི ‘‘ཙེ་ཏ་ནཱ་ཡ ཨ་ན་ཉྙོ ཨ་ཏྟཱ’’ཏི ཏ་ཝ པ་ཊི་ཉྙཱ ཧཱི་ནཱ. ཨ་ཐཱ་པི ཙེ་ཏ་ན་ཏྟཱ་ནཾ ཨ་ན་ཉྙ་ཏྟེ ས་ཏི ཨ་ཏྟ་ནོ ཨ་ནཱ་སོ ཙེ་ཏ་ནཱ་ཡ་པི ཨ་ནཱ་སོ བྷ་ཝ་ཏུ. ཨ་ཐ ན བྷ་ཝ་ཏི, པ་ཊི་ཉྙཱ ཧཱི་ནཱ. ཨ་ཐ ཝུ་ཏྟ་པྤ་ཀཱ་ར་ཏོ ཝི་པ་རཱི་ཏཾ ཝཱ སི་ཡཱ, ཨ་ཏྟཱ ན་སྶ་ཏུ, ཙེ་ཏ་ནཱ ཏི་ཊྛ་ཏུ. ཨ་ཐ པ་ན ཨེ་ཝཾ ན བྷ་ཝ་ཏཱི་ཏི ཙེ? ཨ་ན་ཉྙ་ཏྟ་པ་ཀྑཾ པ་རི་ཙྩ་ཛ. ཨ་ཐ པ་ན ན པ་རི་ཙྩ་ཛ་སི, པ་ཊི་ཉྙཱ་ཧཱི་ནོ བྷ་ཝ་སི.
ཨ་ཐཱ་ཡཾ བྷ་ཝ་ཏོ ཨ་དྷི་པྤཱ་ཡོ སི་ཡཱ ‘‘ནཱ་ཡཾ མ་མ ཨ་ཏྟཱ ཙེ་ཏ་ནཱ་ཡ ཨ་ན་ཉྙོ, ཨ་ཉྙོ་ཡེ་ཝཱ’’ཏི? ཏ་ཏྲ ཝུ་ཙྩ་ཏེ – ཨི་དྷ པ་ན ཨ་ཉྙ་ཏྟཾ དུ་ཝི་དྷཾ ཧོ་ཏི ལ་ཀྑ་ཎ་ཀ་ཏ་མ་ཉྙ་ཏྟ་ཉྩ དེ་ས་ནྟ་ར་ཀ་ཏ་མ་ཉྙ་ཏྟ་ཉྩཱ་ཏི. ཏ་ཏྠ ཀིཾ ཏྭཾ ཙེ་ཏ་ན་ཏྟཱ་ནཾ ལ་ཀྑ་ཎ་ཀ་ཏ་མ་ཉྙ་ཏྟཾ ཝ་དེ་སི, ཨུ་དཱ་ཧུ དེ་ས་ནྟ་ར་ཀ་ཏ་མ་ཉྙ་ཏྟ་ནྟི? ཨ་ཧཾ ལ་ཀྑ་ཎ་ཀ་ཏ་མ་ཉྙ་ཏྟཾ ཝ་དཱ་མཱི་ཏི. ཡ་ཐཱ ཧི རཱུ་པ་ར་ས་ག་ནྡྷཱ་དཱི་ན་མེ་ཀ་དེ་སེ ཝ་ཏྟ་མཱ་ནཱ་ན་མྤི ལ་ཀྑ་ཎ་ཏོ ཨ་ཉྙ་ཏྟཾ ཧོ་ཏི, ཨེ་ཝཾ ཙེ་ཏ་ན་ཏྟཱ་ན་མེ་ཀ་དེ་སེ ཝ་ཏྟ་མཱ་ནཱ་ན་མྤི ལ་ཀྑ་ཎ་ཏོ ཨ་ཉྙ་ཏྟཾ ཧོ་ཏི, ཏ་སྨཱ ལ་ཀྑ་ཎ་ཀ་ཏ་མ་ཉྙ་ཏྟཾ ཝ་དཱ་མཱི་ཏི. ཏ་ཏྲ ཝུ་ཙྩ་ཏེ – ཡ་ཐཱ ཧི ཛཱ་ཏ་ཝེ་ད་སྶ ཌ་ཡ྄ཧ་མཱ་ནེ ཨཱ་མ་ཀ་ས་ངྒྷ་ཊེ ཨཱ་མ་ཀ་ཝ་ཎྞ་ཝི་ནཱ་སེ ར་སཱ་དཱི་ནཾ ཝི་ནཱ་སོ བྷ་ཝ་ཏི, ཏ་ཐེ་ཝ ཙེ་ཏ་ནཱ་ཡ ཝི་ནཱ་སེ ཨ་ཏྟ་ནོ་པི ཝི་ནཱ་སོ སི་ཡཱ. ཀིཾ ཀཱ་ར་ཎ་ནྟི ཙེ? རཱུ་པ་ར་སཱ་དཱི་ནཾ ཝི་ཡ ཨེ་ཀ་དེ་ས་ཏྟཱ་ཏི.
ཨ་ཐེ་ཝཾ བྷ་ཝ་ཏོ མ་ཏི སི་ཡཱ ‘‘ཨེ་ཀ་དེ་ས་ཏྟེ ས་ཏི་པི ཨ་ཏྟ་ནོ པ་ན ནཱ་སོ ན བྷ་ཝ་ཏི, ཙེ་ཏ་ནཱ་ཡ་ཡེ་ཝ ཝི་ནཱ་སོ བྷ་ཝ་ཏཱི’’ཏི? ཨ་ཏྲ ཝུ་ཙྩ་ཏེ – ཨ་ཏྟ་ནོ ཨ་ནཱ་སེ ཙེ་ཏ་ནཱ་ཡ་པི ཨ་ནཱ་སོ་ཝ ཧོ་ཏི. ཀིཾ ཀཱ་ར་ཎ་ནྟི ཙེ? རཱུ་པ་ར་སཱ་དཱི་ནཾ ཝི་ཡ ཨ་ཝི་ནི་བྦྷོ་ག་ཏོ. ཨ་ཐ ས་མཱ་ནེ ཨེ་ཀ་དེ་ས་ཏྟེ ཨ་ཝི་ནི་བྦྷོ་ག་བྷཱ་ཝེ་པི ཀེ་ན ཧེ་ཏུ་ནཱ ཙེ་ཏ་ནཱ་ཡ ཨེ་ཝ ནཱ་སོ བྷ་ཝ་ཏི, ན པ་ན ཨ་ཏྟ་ནོ. ཨ་ཐ ཝི་སེ་ས་ཀཱ་ར་ཎཾ ན་ཏྠི, ཏ་ཝ ལ་དྡྷི་ཡཱ ཨ་ཏྟཱ་ཝ ན་སྶ་ཏུ, ཏི་ཊྛ་ཏུ ཙེ་ཏ་ནཱ. ཨ་ཐ ཙེ་ཏ་ནཱ་ཡ ནཱ་སེ ཨ་ཏྟ་ནོ ནཱ་སོ ན བྷ་ཝ་ཏི, ཨུ་བྷི་ནྣཾ ཨེ་ཀ་དེ་ས་ཏཱ ན་ཏྠི. ཨེ་ཝ་ཉྩ ས་ཏི ཀོ དོ་སོ་ཏི ཙེ? ཡཾ པ་ན ཏ་ཡཱ ཝུ་ཏྟཾ, ཡ་ཐཱ རཱུ་པ་ར་ས་ག་ནྡྷཱ་དཱི་ནཾ ཨེ་ཀ་དེ་སེ ཝ་ཏྟ་མཱ་ནཱ་ན་མྤི ལ་ཀྑ་ཎ་ཏོ ཨ་ཉྙ་ཏྟཾ, ཏ་ཐཱ ཙེ་ཏ་ན་ཏྟཱ་ན་མེ་ཀ་དེ་སེ ཝ་ཏྟ་མཱ་ནཱ་ན་མྤི ལ་ཀྑ་ཎ་ཏོ ཨ་ཉྙ་ཏྟ་ནྟི? ཏ་མ་ཡུ་ཏྟ་ནྟི ཏ་ཝ པ་ཊི་ཉྙཱ ཧཱི་ནཱ. ཨ་ཐ རཱུ་པ་ར་སཱ་དཱི་ནཾ ཝི་ཡ ས་མཱ་ནེ་པི ཨེ་ཀ་དེ་ས་ཏྟེ ཡ་དི ཨ་ཏྟ་ནོ ཨ་ནཱ་སེ ཙེ་ཏ་ནཱ་ཡ་པི ཨ་ནཱ་སོ ན བྷ་ཝ་ཏི, པ་ཊི་ཉྙཱ་ཧཱི་ནོ ཨ་སི. ཨ་ཐ ཝུ་ཏྟ་པྤ་ཀཱ་ར་ཏོ ཝི་པ་རཱི་ཏཾ ཝཱ སི་ཡཱ, ཏ་ཝ ཨ་ཏྟཱ ན་སྶ་ཏུ, ཙེ་ཏ་ནཱ ཏི་ཊྛ་ཏུ. ཨ་ཐེ་ཝཾ ན བྷ་ཝ་ཏཱི་ཏི ཙེ? ཨེ་ཀ་དེ་ས་ཏཱ་ཝ ན་ཏྠཱི་ཏི.
ཨ་ཐ དེ་ས་ནྟ་ར་ཀ་ཏ་མ་ཉྙ་ཏྟཾ ཝ་དེ་སི, ཙེ་ཏ་ན་ཏྟཱ་ནཾ ཨ་ཉྙ་ཏྟེ ས་ཏི གྷ་ཊ་པ་ཊ་ས་ཀ་ཊ་གེ་ཧཱ་དཱི་ནཾ ཝི་ཡ ཨ་ཉྙ་ཏྟཾ སི་ཡཱ. ཙེ་ཏ་ནཱ་ཡ ཝི་ནཱ ཨ་ན་ཉྙ་ཏཱ ཏེ ཨ་ཏྟཱ ན གྷ་ཊེ་ན ཝི་ནཱ པ་ཊོ ཝི་ཡ ཨ་ཉྙོ སི་ཡཱ. ཨ་ཉྙོ ཙ ཧི གྷ་ཊོ ཨ་ཉྙོ ཙ པ་ཊོ་ཏི? ན, ཨེ་ཝ་ཉྩ ས་ཏི ཀོ དོ་སོ་ཏི ཙེ? ‘‘ཨ་ཙེ་ཏ་ནོ ཨ་ཏྟཱ’’ཏི པུ་བྦེ ཝུ་ཏྟ་དོ་ས་ཏོ ན པ་རི་མུ་ཙྩ་ཏཱི་ཏི. ཏ་སྨཱ པ་ར་མ་ཏྠ་ཏོ ན ཀོ་ཙི ཀ་ཏྟཱ ཝཱ ཝེ་ད་ཀོ ཝཱ ཨ་ཏྟཱ ཨ་ཏྠཱི་ཏི ད་ཊྛ་བྦ་ནྟི.
ཡ་དི ཨེ་ཝཾ ཨ་ཐ ཀ་སྨཱ བྷ་ག་ཝ་ཏཱ –
༧༧༩. ‘‘ཨ་སྨཱ ལོ་ཀཱ པ་རཾ ལོ་ཀཾ,
སོ ཙ ས་ནྡྷཱ་ཝ་ཏཱི ན་རོ;
སོ ཙ ཀ་རོ་ཏི ཝེ་དེ་ཏི,
སུ་ཁ་དུ་ཀྑཾ ས་ཡཾ་ཀ་ཏ’’ནྟི ཙ.
༧༨༠. ‘‘ས་ཏྟོ སཾ་སཱ་ར་མཱ་པ་ནྣོ,
དུ་ཀྑ་མ་སྶ མ་ཧ་བྦྷ་ཡཾ;
ཨ་ཏྠི མཱ་ཏཱ ཨ་ཏྠི པི་ཏཱ,
ཨ་ཏྠི ས་ཏྟོ་པ་པཱ་ཏི་ཀོ’’ཏི ཙ.
༧༨༡. ‘‘བྷཱ་རཱ ཧ་ཝེ པ་ཉྩ་ཀྑ་ནྡྷཱ,
བྷཱ་ར་ཧཱ་རོ ཙ པུ་གྒ་ལོ;
བྷཱ་རཱ་དཱ་ནཾ དུ་ཀྑཾ ལོ་ཀེ,
བྷཱ་ར་ནི་ཀྑེ་པ་ནཾ སུ་ཁ’’ནྟི ཙ.
༧༨༢. ‘‘ཡ་ཉྷི ཀ་རོ་ཏི པུ་རི་སོ,
ཀཱ་ཡེ་ན ཝཱ་ཙཱ ཨུ་ད ཙེ་ཏ་སཱ;
ཏ་ཉྷི ཏ་སྶ ས་ཀཾ ཧོ་ཏི,
ཏ་ཉྩ ཨཱ་དཱ་ཡ ག་ཙྪ་ཏཱི’’ཏི ཙ.
༧༨༣. ‘‘ཨེ་ཀ་སྶེ་ཀེ་ན ཀ་པྤེ་ན,
པུ་གྒ་ལ་སྶ་ཊྛི་ས་ཉྩ་ཡོ;
སི་ཡཱ པ་བྦ་ཏ་ས་མོ རཱ་སི,
ཨི་ཏི ཝུ་ཏྟཾ མ་ཧེ་སི་ནཱ’’ཏི ཙ.
༧༨༤. ‘‘ཨ་ས་དྡྷོ ཨ་ཀ་ཏ་ཉྙཱུ ཙ,
ས་ནྡྷི་ཙྪེ་དོ ཙ ཡོ ན་རོ;
ཧ་ཏཱ་ཝ་ཀཱ་སོ ཝ་ནྟཱ་སོ,
ས ཝེ ཨུ་ཏྟ་མ་པོ་རི་སོ’’ཏི ཙ. –
ཝུ་ཏྟ་ནྟི. ས་ཙྩཾ ཨེ་ཝཾ ཝུ་ཏྟཾ བྷ་ག་ཝ་ཏཱ, ཏ་ཉྩ ཁོ ས་མྨུ་ཏི་ཝ་སེ་ན, ན པ་ར་མ་ཏྠ་ཏོ. ན་ནུ བྷ་ག་ཝ་ཏཱ ཨི་ད་མྤི ཝུ་ཏྟཾ –
༧༨༥. ‘‘ཀིཾ ནུ ས་ཏྟོ་ཏི པ་ཙྩེ་སི, མཱ་ར དི་ཊྛི་ག་ཏཾ ནུ ཏེ;
སུ་དྡྷ་ས་ངྑཱ་ར་པུ་ཉྫོ་ཡཾ, ན་ཡི་དྷ ས་ཏྟུ་པ་ལ་བྦྷ་ཏཱི’’ཏི ཙ.
༧༨༦. ‘‘ཡ་ཐཱ་པི ཨ་ངྒ་ས་མྦྷཱ་རཱ,
ཧོ་ཏི ས་དྡོ ར་ཐོ ཨི་ཏི;
ཨེ་ཝཾ ཁ་ནྡྷེ་སུ ས་ནྟེ་སུ,
ཧོ་ཏི ས་ཏྟོ་ཏི ས་མྨུ་ཏཱི’’ཏི ཙ.
ཏ་སྨཱ ན ཝ་ཙ་ན་མ་ཏྟ་མེ་ཝཱ་ཝ་ལ་མྦི་ཏ་བྦཾ, ན ཙ ད་ལ༹ྷ་མཱུ་ལ༹ྷ་གཱ་ཧི་ནཱ ཙ བྷ་ཝི་ཏ་བྦཾ, ག་རུ་ཀུ་ལ་མུ་པ་སེ་ཝི་ཏྭཱ སུ་ཏྟ་པ་དཱ་ནཾ ཨ་དྷི་པྤཱ་ཡོ ཛཱ་ནི་ཏ་བྦོ, སུ་ཏྟ་པ་དེ་སུ ཨ་བྷི་ཡོ་གོ ཀཱ་ཏ་བྦོ. དྭེ ས་ཙྩཱ་ནི བྷ་ག་ཝ་ཏཱ ཝུ་ཏྟཱ་ནི – ‘‘ས་མྨུ་ཏི་ས་ཙྩཾ, པ་ར་མ་ཏྠ་ས་ཙྩ་ཉྩཱ’’ཏི. ཏ་སྨཱ དྭེ་པི ས་མྨུ་ཏི་པ་ར་མ་ཏྠ་ས་ཙྩཱ་ནི ཨ་ས་ངྐ་ར་ཏོ ཉཱ་ཏ་བྦཱ་ནི. ཨེ་ཝཾ ཨ་ས་ངྐ་ར་ཏོ ཉ་ཏྭཱ ཀོ་ཙི ཀཱ་ར་ཀོ ཝཱ ཝེ་ད་ཀོ ཝཱ ནི་ཙྩོ དྷུ་ཝོ ཨ་ཏྟཱ པ་ར་མ་ཏྠ་ཏོ ན་ཏྠཱི་ཏི ཨུ་པ་པ་རི་ཀྑི་ཏྭཱ པ་ཙྩ་ཡ་སཱ་མ་གྒི་ཡཱ དྷ་མྨཱ་ནཾ པ་ཝ་ཏྟིཾ ས་ལླ་ཀྑེ་ཏྭཱ པ་ཎྜི་ཏེ་ན ཀུ་ལ་པུ་ཏྟེ་ན ཨ་ཏྠ་ཀཱ་མེ་ན དུ་ཀྑ་སྶ་ནྟ་ཀི་རི་ཡཱ་ཡ པ་ཊི་པ་ཛྫི་ཏ་བྦ་ནྟི.
༧༨༧. ཡོ ཨི་མཾ ག་ནྠཾ ཨ་ཙྩ་ནྟཾ, ཙི་ནྟེ་ཏི ས་ཏ་ཏ་མྤི སོ;
ཀ་མེ་ན པ་ར་མཱ པ་ཉྙཱ, ཏ་སྶ ག་ཙྪ་ཏི ཝེ་པུ་ལཾ.
༧༨༨. ཨ་ཏི་མ་ཏི་ཀ་ར་མཱ་དྷི་ནཱི་ཧ་རཾ,
ཝི་མ་ཏི་ཝི་ནཱ་ས་ཀ་རཾ པི་ཡ་ཀྐ་རཾ;
པ་ཋ་ཏི སུ་ཎ་ཏི ཡོ ས་དཱ ཨི་མཾ,
ཝི་ཀ་ས་ཏི ཏ་སྶ མ་ཏཱི་དྷ བྷི་ཀྑུ་ནོ.
ཨི་ཏི ཨ་བྷི་དྷ་མྨཱ་ཝ་ཏཱ་རེ ཀཱ་ར་ཀ་པ་ཊི་ཝེ་དྷ་ནི་དྡེ་སོ ནཱ་མ
ཏེ་ར་ས་མོ པ་རི་ཙྪེ་དོ.