༡༠. ད་ས་མོ པ་རི་ཙྪེ་དོ
རཱུ་པ་ཝི་བྷཱ་ག་ནི་དྡེ་སོ
༦༢༢. ཝུ་ཏྟ་མཱ་དི་མྷི ཡཾ རཱུ་པཾ, ཙི་ཏྟ་ཛཱ་ན་མ་ན་ནྟ་རཾ;
ཏ་སྶ དཱ་ནི ཀ་རི་སྶཱ་མི, ས་མཱ་སེ་ན ཝི་བྷཱ་ཝ་ནཾ.
༦༢༣. ཡཾ རུ་པྤ་ཏཱི་ཏི རཱུ་པ་ནྟི, ཏ་ཐཱ རཱུ་པ་ཡ་ཏཱི་ཏི ཝཱ;
རཱུ་པཱ་རཱུ་པ་བྷ་ཝཱ་ཏཱི་ཏོ, སུ་རཱུ་པོ རཱུ་པ་མ་བྲ་ཝི.
༦༢༤. ཏཾ རཱུ་པཾ དུ་ཝི་དྷཾ ཧོ་ཏི, བྷཱུ་ཏོ་པཱ་དཱ་ཡ་བྷེ་ད་ཏོ;
ཙ་ཏུ་བྦི་དྷཱ མ་ཧཱ་བྷཱུ་ཏཱ, ཨུ་པཱ་དཱ ཙ་ཏུ་ཝཱི་ས་ཏི.
༦༢༥. པ་ཐ་ཝཱི་དྷཱ་ཏུ ཨཱ་པོ ཙ,
ཏེ་ཛོ ཝཱ་ཡོ ཏ་ཐེ་ཝ ཙ;
ཙ་ཏྟཱ་རོ་མེ མ་ཧཱ་བྷཱུ་ཏཱ,
མ་ཧཱ་བྷཱུ་ཏེ་ན དེ་སི་ཏཱ.
༦༢༦. མ་ཧ་ནྟཱ པཱ་ཏུ་བྷཱུ་ཏཱ་ཏི, མ་ཧཱ་བྷཱུ་ཏ་ས་མཱ་ཏི ཝཱ;
ཝ་ཉྩ་ཀ་ཏྟཱ ཨ་བྷཱུ་ཏེ་ན, མ་ཧཱ་བྷཱུ་ཏཱཏི ས་ཉྙི་ཏཱ.
༦༢༧. ཙ་ཀྑུ སོ་ཏ་ཉྩ གྷཱ་ན་ཉྩ, ཛི་ཝ྄ཧཱ ཀཱ་ཡོ ཙ རཱུ་པ་ཏཱ;
ས་དྡོ ག་ནྡྷོ ར་སོ ཨི་ཏྠི-པུ་རི་སི་ནྡྲི་ཡ་ཛཱི་ཝི་ཏཾ.
༦༢༨. ཝ་ཏྠུ་མཱ་ཧཱ་ར་ཏཱ ཀཱ་ཡ-ཝ་ཙཱི་ཝི་ཉྙ་ཏྟི་ཡོ དུ་ཝེ;
ཨཱ་ཀཱ་སོ ཙེ་ཝ རཱུ་པ་སྶ, ལ་ཧུ་ཏཱ་དི་ཏྟ་ཡ་མྤི ཙ.
༦༢༩. ཨུ་པ་ཙ་ཡོ ས་ནྟ་ཏི་རཱུ་པཾ, ཛ་ར་ཏཱ་ནི་ཙྩ་ཏཱ་པི ཙ;
ཨུ་པཱ་དཱཏི པ་ཝུ་ཙྩ་ནྟི, ཨི་མཱ་ནི ཙ་ཏུ་ཝཱི་ས་ཏི.
༦༣༠. མ་ཧཱ་བྷཱུ་ཏཱ་ནི ནི་སྶཱ་ཡ, ཨ་མུ་ཉྩི་ཏྭཱ པ་ཝ་ཏྟི་ཏོ;
ཨུ་པཱ་དཱ་རཱུ་པ་མི་ཙྩཱ་ཧ, ནི་རུ་པཱ་དཱ་ན་མཱ་ན་སོ.
༦༣༡. པ་ཐ་ཝཱི པ་ཏྠ་ཊ་ཏྟཱ ཙ, ཝཱ་ཡོ ཝཱ་ཡ་ན་ཏོ བྷ་ཝེ;
ཏེ་ཛོ ཏེ་ཛེ་ཏི རཱུ་པཱ་ནི, ཨཱ་པོ ཨཱ་པེ་ཏི པཱ་ལ་ནཱ.
༦༣༢. ཏེ་སཾ དཱ་ནི པ་ཝ་ཀྑཱ་མི, རཱུ་པཱ་ནཾ ལ་ཀྑ་ཎཱ་དི་ཀཾ;
ལ་ཀྑ་ཎཱ་དཱི་སུ ཉཱ་ཏེ་སུ, དྷ་མྨཱ ཨཱ་ཝི བྷ་ཝ་ནྟི ཧི.
༦༣༣. སཱ་མ་ཉྙཾ ཝཱ ས་བྷཱ་ཝོ ཝཱ, དྷ་མྨཱ་ནཾ ལ་ཀྑ་ཎཾ མ་ཏཾ;
ཀི་ཙྩཾ ཝཱ ཏ་སྶ ས་མྤ་ཏྟི, ར་སོ་ཏི པ་རི་དཱི་པི་ཏོ.
༦༣༤. ཕ་ལཾ ཝཱ པ་ཙྩུ་པ་ཊྛཱ་ནཾ, ཨུ་པ་ཊྛཱ་ན་ན་ཡོ་པི ཝཱ;
ཨཱ་ས་ནྣ་ཀཱ་ར་ཎཾ ཡཾ ཏུ, ཏཾ པ་ད་ཊྛཱ་ན་ས་ཉྙི་ཏཾ.
ཏ་ཏྠ ཀ་ཀྑ་ལ༹་ཏྟ་ལ་ཀྑ་ཎཱ པ་ཐ་ཝཱི་དྷཱ་ཏུ, པ་ཏི་ཊྛཱ་ན་ར་སཱ, ས་མྤ་ཊི་ཙྪ་ན་པ་ཙྩུ་པ་ཊྛཱ་ནཱ. པ་གྒྷ་ར་ཎ་ལ་ཀྑ་ཎཱ ཨཱ་པོ་དྷཱ་ཏུ, ཨུ་པ་བྲཱུ་ཧ་ན་ར་སཱ, ས་ངྒ་ཧ་པ་ཙྩུ་པ་ཊྛཱ་ནཱ. ཨུ་ཎྷ་ཏྟ་ལ་ཀྑ་ཎཱ ཏེ་ཛོ་དྷཱ་ཏུ, པ་རི་པཱ་ཙ་ན་ར་སཱ, མ་དྡ་ཝཱ་ནུ་པྤ་དཱ་ན་པ་ཙྩུ་པ་ཊྛཱ་ནཱ. ཝི་ཏྠ་མྦྷ་ན་ལ་ཀྑ་ཎཱ ཝཱ་ཡོ་དྷཱ་ཏུ, ས་མུ་དཱི་ར་ཎ་ར་སཱ, ཨ་བྷི་ནཱི་ཧཱ་ར་པ་ཙྩུ་པ་ཊྛཱ་ནཱ. ཨེ་ཀེ་ཀཱ་ཡ ཙེ་ཏྠ སེ་ས་བྷཱུ་ཏ་ཏྟ་ཡ་པ་ད་ཊྛཱ་ནཱ་ཏི ཝེ་དི་ཏ་བྦཱ.
ཙ་ཀྑ་ཏཱི་ཏི ཙ་ཀྑུ, རཱུ་པཾ ཝི་བྷཱ་ཝེ་ཏཱི་ཏི ཨ་ཏྠོ.
༦༣༥. ཏ་ཏྠ ཙ་ཀྑུ དྭི་དྷཱ ཝུ་ཏྟཾ, པ་ཉྙཱ་མཾ་ས་པྤ་བྷེ་ད་ཏོ;
ཏ་ཏྠ པ་ཉྙཱ་མ་ཡཾ ཙ་ཀྑུ, ཧོ་ཏི པ་ཉྩ་ཝི་དྷཾ པ་ན.
༦༣༦. བུ་དྡྷ་དྷ་མྨ་ས་མ་ནྟེ་ཧི, ཉཱ་ཎ་དི་བྦེ་ཧི ནཱ་མ་ཏོ;
ཡ་ཐཱ་ནུ་ཀྐ་མ་ཏོ ཏེ་སཾ, ནཱ་ན་ཏྟཾ མེ ནི་བོ་དྷ་ཐ.
༦༣༧. ཨཱ་ས་ཡཱ་ནུ་ས་ཡེ ཉཱ་ཎཾ, ཨི་ནྡྲི་ཡཱ་ནཾ པ་རོ་པ་རེ;
བུ་དྡྷ་ཙ་ཀྑུནྟི ནི་དྡི་ཊྛཾ, མུ་ནི་ནཱ ལོ་ཀ་ཙ་ཀྑུ་ནཱ.
༦༣༨. ཧེ་ཊྛཱ་མ་གྒ་ཏྟ་ཡེ ཉཱ་ཎཾ, དྷ་མྨ་ཙ་ཀྑུནྟི ས་ཉྙི་ཏཾ;
ཉེ་ཡྻཾ ས་མ་ནྟ་ཙ་ཀྑུ་ནྟི, ཉཱ་ཎཾ ས་བྦ་ཉྙུ་ཏཱ པ་ན.
༦༣༩. ཡཾ ‘‘ཙ་ཀྑུཾ ཨུ་ད་པཱ་དཱི’’ཏི, ཨཱ་ག་ཏཾ ཉཱ་ཎ་ཙ་ཀྑུ ཏཾ;
ཨ་བྷི་ཉྙཱ་ཙི་ཏྟ་ཛཱ པ་ཉྙཱ, དི་བྦ་ཙ་ཀྑུནྟི ཝུ་ཙྩ་ཏི.
༦༤༠. མཾ་ས་ཙ་ཀྑུ་པི དུ་ཝི་དྷཾ, ས་ས་མྦྷཱ་ར་པ་སཱ་ད་ཏོ;
ས་ས་མྦྷཱ་ར་ཉྩ ནཱ་མེ་ཏྠ, ཨ་ཀྑི་ཀཱུ་པེ པ་ཏི་ཊྛི་ཏཾ.
༦༤༡. ཨ་ཀྑི་ཀཱུ་པ་ཊྛི་ནཱ ཧེ་ཊྛཱ, ཨུ་དྡྷ་ཉྩ བྷ་མུ་ཀ་ཊྛི་ནཱ;
ཨུ་བྷ་ཏོ ཨ་ཀྑི་ཀཱུ་ཊེ་ཧི, མ་ཏྠ་ལུ་ངྒེ་ན ཨ་ནྟ་ཏོ.
༦༤༢. བ་ཧི་དྡྷཱ ཨ་ཀྑི་ལོ་མེ་ཧི, པ་རི་ཙྪི་ནྣོ ཙ ཡོ པ་ན;
ནྷཱ་རུ་སུ་ཏྟེ་ན ཨཱ་བ་ནྡྷོ, མཾ་ས་པི་ཎྜོ པ་ཝུ་ཙྩ་ཏི.
༦༤༣. ས་ཀ་ལོ་པི ཙ ལོ་ཀོ་ཡཾ, ཀ་མ་ལ་སྶ ད་ལཾ ཝི་ཡ;
པུ་ཐུ་ལཾ ཝི་པུ་ལཾ ནཱི་ལཾ, ཨི་ཏི ཛཱ་ནཱ་ཏི ལོ་ཙ་ནཾ.
༦༤༤. ཙ་ཀྑུ ནཱ་མ ན ཏཾ ཧོ་ཏི, ཝ་ཏྠུ ཏ་སྶཱ་ཏི ཝུ་ཙྩ་ཏི;
ཨི་དཾ པ་ན ས་ས་མྦྷཱ་ར-ཙ་ཀྑུནྟི པ་རི་དཱི་པི་ཏཾ.
༦༤༥. ཝ་ཎྞོ ག་ནྡྷོ ར་སོ ཨོ་ཛཱ,
ཙ་ཏ་སྶོ ཙཱ་པི དྷཱ་ཏུ་ཡོ;
བྷཱ་ཝ་ས་མྦྷ་ཝ་ས་ཎྛཱ་ནཾ,
ཛཱི་ཝི་ཏཱ་ནི ཏ་ཐེ་ཝ ཙ.
༦༤༦. ཀཱ་ཡ་ཙ་ཀྑུ་པ་སཱ་དཱ་ཏི,
ས་མྦྷཱ་རཱ ཧོ་ནྟི ཙུ་དྡ་ས;
ཏ་ཐཱ ཝི་ཏྠཱ་ར་ཏོ ཙེ་ཏཾ,
ཙ་ཏ་སྶོ ཙཱ་པི དྷཱ་ཏུ་ཡོ.
༦༤༧. ཝ་ཎྞོ ག་ནྡྷོ ར་སོ ཨོ་ཛཱ,
ས་ཎྛཱ་ན་ས་མྦྷ་ཝོ ཏ་ཐཱ;
ད་སེ་ཏེ ཙ་ཏུ་ས་མུ་ཊྛཱ་ནཱ,
ཙ་ཏྟཱ་ལཱི་ས བྷ་ཝ་ནྟི ཏེ.
༦༤༨. ཙ་ཀྑུ ཀཱ་ཡ་པྤ་སཱ་དོ ཙ, བྷཱ་ཝོ ཛཱི་ཝི་ཏ་མེ་ཝ ཙ;
ཙ་ཏྟཱ་ལཱི་ས་ཉྩ རཱུ་པཱ་ནི, ཙ་ཏྟཱ་རི ཏུ བྷ་ཝ་ནྟི ཧི.
༦༤༩. ཨི་མེ་སཾ པ་ན རཱུ་པཱ་ནཾ, ཝ་སེ་ན པ་རི་པི་ཎྜི་ཏཾ;
ཨི་དཾ ས་མྦྷཱ་ར་ཙ་ཀྑུ་ནྟི, པ་ཎྜི་ཏེ་ཧི པ་ཀཱ་སི་ཏཾ.
༦༥༠. ཡོ པ་ནེ་ཏྠ སི་ཏོ ཨ་ཏྠི, པ་རི་བ་ནྡྷོ པ་རི་ཏྟ་ཀོ;
ཙ་ཏུ་ནྣཾ པ་ན བྷཱུ་ཏཱ་ནཾ, པ་སཱ་དོ ཀ་མྨ་ས་མྦྷ་ཝོ.
༦༥༡. ཨི་དཾ པ་སཱ་ད་ཙ་ཀྑུནྟི, ཨ་ཀྑཱ་ཏཾ པ་ཉྩ་ཙ་ཀྑུ་ནཱ;
ཏ་དེ་ཏཾ ཏ་སྶ མ་ཛ྄ཛྷེ ཏུ, ས་ས་མྦྷཱ་ར་སྶ ཙ་ཀྑུ་ནོ.
༦༥༢. སེ་ཏེ་ན མ་ཎྜ་ལེ་ན་སྶ, པ་རི་ཀྑི་ཏྟ་སྶ ས་བྦ་སོ;
ཀ་ཎྷ་མ་ཎྜ་ལ་མ་ཛ྄ཛྷེ ཝཱ, ནི་ཝི་ཊྛེ དི་ཊྛ་མ་ཎྜ་ལེ.
༦༥༣. ས་ནྡྷཱ་ར་ཎཱ་དི་ཀི་ཙྩཱ་ཧི, དྷཱ་ཏཱུ་ཧི ཙ ཙ་ཏཱུ་ཧི་པི;
ཀ་ཏཱུ་པ་ཀཱ་རཾ ཧུ་ཏྭཱ་ན, ཨུ་ཏུ་ཙི་ཏྟཱ་དི་ནཱ པ་ན.
༦༥༤. ཨུ་པ་ཏྠ་མྦྷི་ཡ་མཱ་ནཾ ཏཾ, ཨཱ་ཡུ་ནཱ ཀ་ཏ་པཱ་ལ་ནཾ;
ཝ་ཎྞ་ག་ནྡྷ་ར་སཱ་དཱི་ཧི, རཱུ་པེ་ཧི པ་རི་ཝཱ་རི་ཏཾ.
༦༥༥. ཙ་ཀྑུ་ཝི་ཉྙཱ་ཎ་ཀཱ་དཱི་ནཾ, ཝ་ཏྠུ་དྭཱ་ར་ཉྩ སཱ་དྷ་ཡཾ;
ཨཱུ་ཀཱ་སི་ར་ས་མཱ་ནེ་ན, པ་མཱ་ཎེ་ནེ་ཝ ཏི་ཊྛ་ཏི.
ཝུ་ཏྟཾ ཧེ་ཏཾ –
༦༥༦. ‘‘ཡེ་ན ཙ་ཀྑུ་པ་སཱ་དེ་ན, རཱུ་པཱ་ནི་མ་ནུ་པ་སྶ་ཏི;
པ་རི་ཏྟཾ སུ་ཁུ་མཾ ཨེ་ཏཾ, ཨཱུ་ཀཱ་སི་ར་ས་མཱུ་པ་མ’’ནྟི.
༦༥༧. སོ་ཏཱ་དཱི་སུ ཙ ཨེ་སེ་ཝ, ན་ཡོ ཉེ་ཡྻོ ཝི་བྷཱ་ཝི་ནཱ;
ཝི་སེ་ས་མ་ཏྟ་མེ་ཝེ་ཏྠ, པ་ཝ་ཀྑཱ་མི ཨི་ཏོ པ་རཾ.
སུ་ཎཱ་ཏཱི་ཏི སོ་ཏཾ, ཏཾ ཏ་ནུ་ཏ་མྦ་ལོ་མཱ་ཙི་ཏེ ཨ་ངྒུ་ལི་ཝེ་དྷ་ཀ་ས་ཎྛཱ་ནེ པ་དེ་སེ ཝུ་ཏྟ་པྤ་ཀཱ་རཱ་ཧི དྷཱ་ཏཱུ་ཧི ཀ་ཏཱུ་པ་ཀཱ་རཾ ཨུ་ཏུ་ཙི་ཏྟཱ་ཧཱ་རེ་ཧི ཨུ་པ་ཏྠ་མྦྷི་ཡ་མཱ་ནཾ ཨཱ་ཡུ་ནཱ པ་རི་པཱ་ལི་ཡ་མཱ་ནཾ སོ་ཏ་ཝི་ཉྙཱ་ཎཱ་དཱི་ནཾ ཝ་ཏྠུ་དྭཱ་ར་བྷཱ་ཝཾ སཱ་དྷ་ཡ་མཱ་ནཾ ཏི་ཊྛ་ཏི.
གྷཱ་ཡ་ཏཱི་ཏི གྷཱ་ནཾ, ཏཾ ས་ས་མྦྷཱ་ར་གྷཱ་ན་བི་ལ་སྶ ཨ་ནྟོ ཨ་ཛ་པ་ད་ས་ཎྛཱ་ནེ པ་དེ་སེ ཡ་ཐཱ་ཝུ་ཏྟ་པྤ་ཀཱ་རཱ ཧུ་ཏྭཱ ཏི་ཊྛ་ཏི.
སཱ་ཡ་ཏཱི་ཏི ཛི་ཝ྄ཧཱ, ཛཱི་ཝི་ཏ་མ་ཝ྄ཧཱ་ཡ་ཏཱི་ཏི ཝཱ ཛི་ཝ྄ཧཱ, སཱ ས་ས་མྦྷཱ་ར་ཛི་ཝ྄ཧཱ་མ་ཛ྄ཛྷ་སྶ ཨུ་པ་རི ཨུ་པྤ་ལ་ད་ལ་གྒ་ས་ཎྛཱ་ནེ པ་དེ་སེ ཡ་ཐཱ་ཝུ་ཏྟ་པྤ་ཀཱ་རཱ ཧུ་ཏྭཱ ཏི་ཊྛ་ཏི.
ཀུ་ཙྪི་ཏཱ་ནཾ མ་ལཱ་ནཾ ཨཱ་ཡོ་ཏི ཀཱ་ཡོ. ཡཱ་ཝ་ཏཱ པ་ན ཨི་མ་སྨིཾ ཀཱ་ཡེ ཨུ་པཱ་དི་ནྣ་ཀཾ རཱུ་པཾ ཨ་ཏྠི, ས་བྦ་ཏྠ ཀཱ་ཡ་པ་སཱ་དོ ཀ་པྤཱ་ས་པ་ཊ་ལེ སྣེ་ཧོ ཝི་ཡ ཡ་ཐཱ་ཝུ་ཏྟ་པྤ་ཀཱ་རོ ཧུ་ཏྭཱ ཏི་ཊྛ་ཏི.
ཨེ་ཏྠ པ་ནེ་ཏེ་སཾ ལ་ཀྑ་ཎཱ་དཱི་ནི པ་ཝ་ཀྑཱ་མི – ད་ཊྛུ་ཀཱ་མ་ཏཱ་ནི་དཱ་ན་ཀ་མྨ་ས་མུ་ཊྛཱ་ན་བྷཱུ་ཏ་པ་སཱ་ད་ལ་ཀྑ་ཎཾ ཙ་ཀྑུ, རཱུ་པེ་སུ ཨཱ་ཝི་ཉྪ་ན་ར་སཾ, ཙ་ཀྑུ་ཝི་ཉྙཱ་ཎ་སྶ ཨཱ་དྷཱ་ར་བྷཱ་ཝ་པ་ཙྩུ་པ་ཊྛཱ་ནཾ, ད་ཊྛུ་ཀཱ་མ་ཏཱ་ནི་དཱ་ན་ཀ་མྨ་ཛ་བྷཱུ་ཏ་པ་ད་ཊྛཱ་ནཾ.
སོ་ཏུ་ཀཱ་མ་ཏཱ་ནི་དཱ་ན་ཀ་མྨ་ས་མུ་ཊྛཱ་ན་བྷཱུ་ཏ་པ་སཱ་ད་ལ་ཀྑ་ཎཾ སོ་ཏཾ, ས་དྡེ་སུ ཨཱ་ཝི་ཉྪ་ན་ར་སཾ, སོ་ཏ་ཝི་ཉྙཱ་ཎ་སྶ ཨཱ་དྷཱ་ར་བྷཱ་ཝ་པ་ཙྩུ་པ་ཊྛཱ་ནཾ, སོ་ཏུ་ཀཱ་མ་ཏཱ་ནི་དཱ་ན་ཀ་མྨ་ཛ་བྷཱུ་ཏ་པ་ད་ཊྛཱ་ནཾ.
གྷཱ་ཡི་ཏུ་ཀཱ་མ་ཏཱ་ནི་དཱ་ན་ཀ་མྨ་ས་མུ་ཊྛཱ་ན་བྷཱུ་ཏ་པ་སཱ་ད་ལ་ཀྑ་ཎཾ གྷཱ་ནཾ, ག་ནྡྷེ་སུ ཨཱ་ཝི་ཉྪ་ན་ར་སཾ, གྷཱ་ན་ཝི་ཉྙཱ་ཎ་སྶ ཨཱ་དྷཱ་ར་བྷཱ་ཝ་པ་ཙྩུ་པ་ཊྛཱ་ནཾ, གྷཱ་ཡི་ཏུ་ཀཱ་མ་ཏཱ་ནི་དཱ་ན་ཀ་མྨ་ཛ་བྷཱུ་ཏ་པ་ད་ཊྛཱ་ནཾ.
སཱ་ཡི་ཏུ་ཀཱ་མ་ཏཱ་ནི་དཱ་ན་ཀ་མྨ་ས་མུ་ཊྛཱ་ན་བྷཱུ་ཏ་པ་སཱ་ད་ལ་ཀྑ་ཎཱ་ཛི་ཝ྄ཧཱ, ར་སེ་སུ ཨཱ་ཝི་ཉྪ་ན་ར་སཱ, ཛི་ཝ྄ཧཱ་ཝི་ཉྙཱ་ཎ་སྶ ཨཱ་དྷཱ་ར་བྷཱ་ཝ་པ་ཙྩུ་པ་ཊྛཱ་ནཱ, སཱ་ཡི་ཏུ་ཀཱ་མ་ཏཱ་ནི་དཱ་ན་ཀ་མྨ་ཛ་བྷཱུ་ཏ་པ་ད་ཊྛཱ་ནཱ.
ཕུ་སི་ཏུ་ཀཱ་མ་ཏཱ་ནི་དཱ་ན་ཀ་མྨ་ས་མུ་ཊྛཱ་ན་བྷཱུ་ཏ་པ་སཱ་ད་ལ་ཀྑ་ཎོ ཀཱ་ཡོ, ཕོ་ཊྛ་བྦེ་སུ ཨཱ་ཝི་ཉྪ་ན་ར་སོ, ཀཱ་ཡ་ཝི་ཉྙཱ་ཎ་སྶ ཨཱ་དྷཱ་ར་བྷཱ་ཝ་པ་ཙྩུ་པ་ཊྛཱ་ནོ, ཕུ་སི་ཏུ་ཀཱ་མ་ཏཱ་ནི་དཱ་ན་ཀ་མྨ་ཛ་བྷཱུ་ཏ་པ་ད་ཊྛཱ་ནོ.
ཀེ་ཙི པ་ནཱ་ཧུ –
༦༥༨. ཏེ་ཛཱ་དྷི་ཀཱ་ནཾ བྷཱུ་ཏཱ་ནཾ, པ་སཱ་དོ པ་ན ཙ་ཀྑུ་ཏི;
ཨཱ་ཀཱ་སཱ་ནི་ལ་ཏོ་ཡུ་བྦི་ཨ་དྷི་ཀཱ་ནཾ ཏུ སེ་ས་ཀཱ.
༦༥༩. ཏེ པ་ནེ་ཝཾ ཏུ ཝ་ཏྟ་བྦཱ, ‘‘སུ་ཏྟཾ ཨཱ་ཧ་ར་ཐཱ’’ཏི ཧི;
སུ་ཏྟ་མེ་ཝ ཙ ཏེ ཨ་དྡྷཱ, ན ད་ཀྑི་སྶ་ནྟི ཀི་ཉྩི་པི.
༦༦༠. ཝི་སེ་སེ ས་ཏི བྷཱུ་ཏཱ་ནཾ, པ་སཱ་དོ ཧི ཀ་ཐཾ བྷ་ཝེ;
ས་མཱ་ནཱ་ནཾ ཧི བྷཱུ་ཏཱ་ནཾ, པ་སཱ་དོ པ་རི་དཱི་པི་ཏོ.
༦༦༡. ཏ་སྨཱ ནི་སྶ་ཡ་བྷཱུ་ཏཱ་ནཾ, ཙ་ཏུ་ནྣཾ ས་བྦ་སོ པ་ན;
པ་ཧཱ་ཡེ་ཝ པ་ནེ་ཏེ་སཾ, ཝི་སེ་ས་པ་རི་ཀ་པྤ་ནཾ.
༦༦༢. ཉེ་ཡྻཱ ཀ་མྨ་ཝི་སེ་སེ་ན, པ་སཱ་དཱ་ནཾ ཝི་སེ་ས་ཏཱ;
ན ཧི བྷཱུ་ཏ་ཝི་སེ་སེ་ན, ཧོ་ཏི ཏེ་སཾ ཝི་སེ་ས་ཏཱ.
༦༦༣. ཨེ་ཝ་མེ་ཏེ་སུ ཙ་ཀྑུ་ཉྩ, སོ་ཏཾ ཨ་པ་ཏྟ་གཱ་ཧ་ཀཾ;
སེ་སཾ ཏུ པ་ན གྷཱ་ནཱ་དི་ཏྟ་ཡཾ ས་མྤ་ཏྟ་གཱ་ཧ་ཀཾ.
རཱུ་པནྟི རཱུ་པ་ཡ་ཏཱི་ཏི རཱུ་པཾ, ཝ་ཎྞ་ཝི་ཀཱ་ར་མཱ་པ་ཛྫ་མཱ་ནཾ ཧ་ད་ཡ་ངྒ་ཏ་བྷཱ་ཝཾ པ་ཀཱ་སེ་ཏཱི་ཏི ཨ་ཏྠོ. ཏཾ པ་ན ཙ་ཀྑུ་པ་ཊི་ཧ་ན་ན་ལ་ཀྑ་ཎཾ, ཙ་ཀྑུ་ཝི་ཉྙཱ་ཎ་སྶ ཝི་ས་ཡ་བྷཱ་ཝ་ར་སཾ, ཏ་སྶེ་ཝ གོ་ཙ་ར་བྷཱ་ཝ་པ་ཙྩུ་པ་ཊྛཱ་ནཾ, ཙ་ཏུ་མ་ཧཱ་བྷཱུ་ཏ་པ་ད་ཊྛཱ་ནཾ. ཡ་ཐཱ ཙེ་ཏཾ, ཏ་ཐཱ ས་བྦཱ་ནི་པི ཨུ་པཱ་དཱ་རཱུ་པཱ་ནཱི་ཏི.
ས་དྡོཏི ས་དྡ་ཡ་ཏཱི་ཏི ས་དྡོ, སོ པ་ན སོ་ཏ་པ་ཊི་ཧ་ན་ན་ལ་ཀྑ་ཎོ, སོ་ཏ་ཝི་ཉྙཱ་ཎ་སྶ ཝི་ས་ཡ་བྷཱ་ཝ་ར་སོ, ཏ་སྶེ་ཝ གོ་ཙ་ར་བྷཱ་ཝ་པ་ཙྩུ་པ་ཊྛཱ་ནོ.
ར་སོཏི ར་ས་ནྟི ཏེ་ནཱ་ཏི ར་སོ, སོ ཛི་ཝ྄ཧཱ་པ་ཊི་ཧ་ན་ན་ལ་ཀྑ་ཎོ, ཛི་ཝ྄ཧཱ་ཝི་ཉྙཱ་ཎ་སྶ ཝི་ས་ཡ་བྷཱ་ཝ་ར་སོ, ཏ་སྶེ་ཝ གོ་ཙ་ར་བྷཱ་ཝ་པ་ཙྩུ་པ་ཊྛཱ་ནོ.
ག་ནྡྷོཏི ཨ་ཏྟཱ་ནཾ ག་ནྡྷ་ཡ་ཏི སཱུ་ཙ་ཡ་ཏཱི་ཏི ག་ནྡྷོ, སོ གྷཱ་ན་པ་ཊི་ཧ་ན་ན་ལ་ཀྑ་ཎོ, གྷཱ་ན་ཝི་ཉྙཱ་ཎ་སྶ ཝི་ས་ཡ་བྷཱ་ཝ་ར་སོ, ཏ་སྶེ་ཝ གོ་ཙ་ར་བྷཱ་ཝ་པ་ཙྩུ་པ་ཊྛཱ་ནོ.
ཨི་ཏྠི་ནྡྲི་ཡནྟི –
༦༦༤. ཀ་མྨ་ཛོ ཨི་ཏྠི་བྷཱ་ཝོ་ཡཾ, པ་ཊི་ས་ནྡྷི་ས་མུ་ཊྛི་ཏོ;
ཡ་ཉྩེ་ཏཾ ཨི་ཏྠི་ལི་ངྒཱ་དི, ན ཏུ ཏཾ ཨི་ནྡྲི་ཡཾ སི་ཡཱ.
༦༦༥. ཨི་ཏྠི་ནྡྲི་ཡཾ པ་ཊི་ཙྩེ་ཝ, ཨི་ཏྠི་ལི་ངྒཱ་ད་ཡོ པ་ན;
པ་ཝ་ཏྟེ་ཡེ་ཝ ཛཱ་ཡ་ནྟེ, ན ཏཱ་ནི པ་ཊི་ས་ནྡྷི་ཡཾ.
༦༦༦. ན ཙ ཏཾ ཙ་ཀྑུ་ཝི་ཉྙེ་ཡྻཾ, མ་ནོ་ཝི་ཉྙེ་ཡྻ་མེ་ཝ ཏཾ;
ཨི་ཏྠི་ལི་ངྒཱ་ད་ཡོ ཙ་ཀྑུ་ཝི་ཉྙེ་ཡྻཱ ཧོ་ནྟི ཝཱ ན ཝཱ.
༦༦༧. ཨེ་སེ་ཝ ཙ ན་ཡོ ཉེ་ཡྻོ, སེ་སེ་པི པུ་རི་སི་ནྡྲི་ཡེ;
ཨི་དཾ པ་ཋ་མ་ཀ་པྤཱ་ནཾ, ཨུ་བྷ་ཡཾ ཏུ པ་ཝ་ཏྟི་ཡཾ.
༦༦༨. ས་མུ་ཊྛཱ་ཏཱི་ཏི ཝི་ཉྙེ་ཡྻཾ, པ་ར་ཏོ པ་ཊི་ས་ནྡྷི་ཡཾ;
པ་ཝ་ཏྟེ་པི ས་མུ་ཊྛཱ་ཡ, པ་ཝ་ཏྟེ པ་རི་ཝ་ཏྟ་ཏི.
༦༦༩. མ་ཧ་ཏཱ པཱ་པ་ཀ་མྨེ་ན, པུ་རི་ས་ཏྟཾ ཝི་ན་སྶ་ཏི;
མ་ཧ་ཏཱ ཀུ་ས་ལེ་ནེ་ཝ, ཛཱ་ཡ་ཏེ པུ་རི་སི་ནྡྲི་ཡཾ.
༦༧༠. དུ་བྦ་ལཱ་ཀུ་ས་ལེ་ནེ་ཝ, ཨི་ཏྠི་ལི་ངྒཾ ཝི་ན་སྶ་ཏི;
དུ་བྦ་ལེ་ནེ་ཝ པུ་ཉྙེ་ན, ཨི་ཏྠི་བྷཱ་ཝོ ཧི ཛཱ་ཡ་ཏེ.
༦༧༡. ཨུ་བྷ་ཏོ་བྱ་ཉྫ་ན་སྶཱ་པི, ཨེ་ཀ་མེ་ཝི་ནྡྲི་ཡཾ སི་ཡཱ;
ཨེ་ཝཾ ས་ནྟེ ཨ་བྷཱ་ཝོ ཙ, དུ་ཏི་ཡ་བྱ་ཉྫ་ན་སྶ ཏུ.
༦༧༢. ན ཙཱ་བྷཱ་ཝོ སི་ཡཱ ཀ་སྨཱ, ན ཏཾ བྱ་ཉྫ་ན་ཀཱ་ར་ཎཾ;
ཏ་སྶ ཀ་མྨ་ས་ཧཱ་ཡཾ ཧི, རཱ་ག་ཙི་ཏྟཾ ཏུ ཀཱ་ར་ཎཾ.
ཨུ་བྷ་ཡ་སྶ པ་ནེ་ཏ་སྶ ལ་ཀྑ་ཎཱ་དཱི་ནི ཝུ་ཙྩ་ཏི. ཏ་ཏྠ ཨི་ཏྠི་བྷཱ་ཝ་ལ་ཀྑ་ཎཾ ཨི་ཏྠི་ནྡྲི་ཡཾ, ‘‘ཨི་ཏྠཱི’’ཏི པ་ཀཱ་ས་ན་ར་སཾ, ཨི་ཏྠི་ལི་ངྒ་ནི་མི་ཏྟ་ཀུ་ཏྟཱ་ཀ་པྤཱ་ནཾ ཀཱ་ར་ཎ་བྷཱ་ཝ་པ་ཙྩུ་པ་ཊྛཱ་ནཾ.
པུ་རི་ས་བྷཱ་ཝ་ལ་ཀྑ་ཎཾ པུ་རི་སི་ནྡྲི་ཡཾ, ‘‘པུ་རི་སོ’’ཏི པ་ཀཱ་ས་ན་ར་སཾ, པུ་རི་ས་ལི་ངྒ་ནི་མི་ཏྟ་ཀུ་ཏྟཱ་ཀ་པྤཱ་ནཾ ཀཱ་ར་ཎ་བྷཱ་ཝ་པ་ཙྩུ་པ་ཊྛཱ་ནཾ.
ཛཱི་ཝི་ཏནྟི –
༦༧༣. ཛཱི་ཝི་ཏི་ནྡྲི་ཡ་ནི་དྡེ་སེ, ཝ་ཏྟ་བྦཾ ཡཾ སི་ཡཱ ཨི་དྷ;
ཨ་རཱུ་པ་ཛཱི་ཝི་ཏེ ཝུ་ཏྟ-ན་ཡེ་ནེ་ཝ ཙ ཏཾ ཝ་དེ.
ལ་ཀྑ་ཎཱ་དཱི་ནི པ་ན་སྶ ཨེ་ཝཾ ཝེ་དི་ཏ་བྦཱ་ནི. ས་ཧ་ཛ་རཱུ་པ་པ་རི་པཱ་ལ་ན་ལ་ཀྑ་ཎཾ ཛཱི་ཝི་ཏི་ནྡྲི་ཡཾ, ཏེ་སཾ པ་ཝ་ཏྟ་ན་ར་སཾ, ཏེ་ས་མེ་ཝ ཋ་པ་ན་པ་ཙྩུ་པ་ཊྛཱ་ནཾ, ཡཱ་པ་ཡི་ཏ་བྦ་བྷཱུ་ཏ་པ་ད་ཊྛཱ་ན་ནྟི.
ཝ་ཏྠཱུ་ཏི ཧ་ད་ཡ་ཝ་ཏྠུ.
༦༧༤. ཡཾ ནི་སྶཱ་ཡ མ་ནོ་དྷཱ་ཏུ-མ་ནོ་ཝི་ཉྙཱ་ཎ་དྷཱ་ཏུ་ཡོ;
ཝ་ཏྟ་ནྟི པ་ཉྩ་ཝོ་ཀཱ་རེ, ཏཾ ‘‘ཝ་ཏྠཱུ’’ཏི པ་ཝུ་ཙྩ་ཏི.
མ་ནོ་དྷཱ་ཏུ་མ་ནོ་ཝི་ཉྙཱ་ཎ་དྷཱ་ཏཱུ་ནཾ ནི་སྶ་ཡ་ལ་ཀྑ་ཎཾ ཧ་ད་ཡ་ཝ་ཏྠུ, ཏཱ་ས་ཉྩེ་ཝ དྷཱ་ཏཱུ་ནཾ ཨཱ་དྷཱ་ར་ཎ་ར་སཾ, ཨུ་བྦཱ་ཧ་ན་པ་ཙྩུ་པ་ཊྛཱ་ནཾ.
ཨཱ་ཧཱ་ར་ཏཱཏི ཀ་བ་ལཱི༹་ཀཱ་རོ ཨཱ་ཧཱ་རོ. ཨོ་ཛ་ཊྛ་མ་ཀཾ རཱུ་པཾ ཨཱ་ཧ་ར་ཏཱི་ཏི ཨཱ་ཧཱ་རོ.
༦༧༥. ཡཱ་ཡ ཨོ་ཛཱ་ཡ ཡཱ་པེ་ནྟི, ཡ་ཏྠ ཡ་ཏྠ ཙ པཱ་ཎི་ནོ;
ཨ་ཡཾ ཏུ ‘‘ཀ་བ་ལཱི༹་ཀཱ་རོ, ཨཱ་ཧཱ་རོ’’ཏི པ་ཝུ་ཙྩ་ཏི.
༦༧༦. ཨ་ནྣ་པཱ་ནཱ་དི་ཀཾ ཝ་ཏྠུ, ཨ་གྒིཾ ཧ་ར་ཏི ཀ་མྨ་ཛཾ;
ཀེ་ཝ་ལཾ ན ཙ ས་ཀྐོ་ཏི, པཱ་ལེ་ཏུཾ ཛཱི་ཝི་ཏཾ པ་ན.
༦༧༧. ཨོ་ཛཱ ས་ཀྐོ་ཏི པཱ་ལེ་ཏུཾ, ཧ་རི་ཏུཾ ན ཙ པཱ་ཙ་ཀཾ;
ཧ་རི་ཏུ་མྤི ཙ པཱ་ལེ་ཏུཾ, ཨུ་བྷོ ས་ཀྐོ་ནྟི ཨེ་ཀ་ཏོ.
ལ་ཀྑ་ཎཱ་དི་ཏོ པ་ན་སྶ ཨོ་ཛཱ་ལ་ཀྑ་ཎོ ཀ་བ་ལཱི༹་ཀཱ་རོ ཨཱ་ཧཱ་རོ, རཱུ་པཱ་ཧ་ར་ཎ་ར་སོ, ཨུ་པ་ཏྠ་མྦྷ་ན་པ་ཙྩུ་པ་ཊྛཱ་ནོ, ཀ་བ་ལ༹ཾ ཀ་ཏྭཱ ཨ་ཛ྄ཛྷོ་ཧ་རི་ཏ་བྦ་ཝ་ཏྠུ་པ་ད་ཊྛཱ་ནོ་ཏི ཝེ་དི་ཏ་བྦོ.
ཀཱ་ཡ་ཝི་ཉྙ་ཏྟིནི་དྡེ་སེ ཀཱ་ཡེ་ན ཨ་ཏྟ་ནོ བྷཱ་ཝཾ ཝི་ཉྙཱ་པེ་ནྟཱ་ནཾ ཀཱ་ཡ་གྒ་ཧ་ཎཱ་ནུ་སཱ་རེ་ན ག་ཧི་ཏཱ་ཡ ཨེ་ཏཱ་ཡ བྷཱ་ཝོ ཝི་ཉྙཱ་ཡ་ཏཱི་ཏི ཝི་ཉྙ་ཏྟི. ས་ཡཾ ཝཱ ཀཱ་ཡ་གྒ་ཧ་ཎཱ་ནུ་སཱ་རེ་ན ཝི་ཉྙཱ་ཡ་ཏཱི་ཏི་པི ཝི་ཉྙ་ཏྟི. ‘‘ཀཱ་ཡེ་ན སཾ་ཝ་རོ སཱ་དྷུ, སཱ་དྷུ ཝཱ་ཙཱ་ཡ སཾ་ཝ་རོ’’ཏི ཨཱ་ག་ཏོ ཙོ་པ་ན་ས་ངྑཱ་ཏོ ཀཱ་ཡོ་ཝ ཝི་ཉྙ་ཏྟི ཀཱ་ཡ་ཝི་ཉྙ་ཏྟི. ཀཱ་ཡ་ཝི་པྥ་ནྡ་ནེ་ན ཨ་དྷི་པྤཱ་ཡ་ཝི་ཉྙཱ་པ་ན་ཧེ་ཏུ་ཏྟཱ ས་ཡ་ཉྩ ཏ་ཐཱ ཝི་ཉྙེ་ཡྻ་ཏྟཱ ཀཱ་ཡེ་ན ཝི་ཉྙ་ཏྟཱི་ཏི་པི ཀཱ་ཡ་ཝི་ཉྙ་ཏྟི.
༦༧༨. ཏ་ཏྠ ཡཱ ས་ཧ་ཛཱ་ཏ་སྶ, ཙི་ཏྟ་ཛཱ་ནི་ལ་དྷཱ་ཏུ་ཡཱ;