༡༥. པ་ནྣ་ར་ས་མོ པ་རི་ཙྪེ་དོ
ཨ་རཱུ་པཱ་ཝ་ཙ་ར་ས་མཱ་དྷི་བྷཱ་ཝ་ནཱ་ནི་དྡེ་ས་ཝ་ཎྞ་ནཱ
༩༨༠. ཨེ་ཝཾ པ་ཐ་ཝཱི་ཀ་སི་ཎ་ཝ་སེ་ན ཙ་ཏུ་ཀྐ་པ་ཉྩ་ཀ་ཛ྄ཛྷཱ་ནཱ་ནི ད་སྶེ་ཏྭཱ ཡ་སྨཱ སེ་ས་ཀ་སི་ཎ་ཝ་སེ་ན ནི་དྡི་སི་ཡ་མཱ་ནེ ག་ནྠ་གཱ་ར་ཝོ ཧོ་ཏི, ཏ་སྨཱ ཏཾ ས་བྦཾ ཋ་པེ་ཏྭཱ ཨ་རཱུ་པཱ་ཝ་ཙ་རཾ ཝི་བྷཱ་ཝེ་ཏུཾ ‘‘རཱུ་པཱ་རཱུ་པ’’ནྟི་ཨཱ་དི ཨཱ་ར་དྡྷཾ. རཱུ་པཱ་རཱུ་པ་མ་ཏཱི་ཏེ་ནཱཏི རཱུ་པཱ་རཱུ་པ་བྷ་ཝཾ ཨ་ཏི་ཀྐ་ནྟེ་ན, པུ་ནཱ་ནཱུ་པ་པ་ཏྟི་ཝ་སེ་ན རཱུ་པཱ་རཱུ་པ་བྷ་ཝཾ ཨ་ཏི་ཀྐ་ནྟེ་ན, པ་གེ་ཝ ཀཱ་མཱ་ཝ་ཙ་ར་བྷ་ཝཾ. རཱུ་པཱ་རཱུ་པཱ་དི་ཝེ་དི་ནཱཏི རཱུ་པཱ་རཱུ་པཱ་དི་བྷཱུ་མ་ནྟ་ར་ཝེ་དི་ནཱ.
༩༨༢-༤. ཡ་སྨཱ ཨ་ཡཾ ཨ་རཱུ་པཱ་ཝ་ཙ་ར་ས་མཱ་དྷི ནཱ་མ རཱུ་པ་ཝི་རཱ་ག་བྷཱ་ཝ་ནཱ རཱུ་པ་ཝི་རཱ་ག་ཝ་སེ་ནེ་ཝ ཨ་བྷི་ནི་པྥཱ་དེ་ཏ་བྦཱ་ཝ, ཏ་སྨཱ ཏཾ ཨུ་པྤཱ་དེ་ཏུ་ཀཱ་མ་སྶ རཱུ་པེ ཝི་ར་ཛྫ་ནཱ་ཀཱ་རཾ, ཝི་ར་ཏྟ་མཱ་ན་སེ་ན ཙ ཏ་ད་ཏྠཱ་ཡ པ་ཊི་པ་ཛྫ་ན་ཝི་དྷིཾ ད་སྶེ་ཏུཾ ‘‘རཱུ་པེ ཁོ’’ཏི་ཨཱ་དི ཨཱ་ར་དྡྷཾ. ད་ཎྜ་ན་ཊྛེ་ན ད་ཎྜོ, མུ་གྒ་རཱ་དི, པ་ར་པཱི་ལ༹་ནཱ་དྷི་པྤཱ་ཡེ་ན ཏ་སྶ ཨཱ་དཱ་ནཾ ད་ཎྜཱ་དཱ་ནཾ. ཨཱ་དི-ས་དྡེ་ན ས་ཏྠཱ་དཱ་ན་ཀ་ལ་ཧ་ཝི་གྒ་ཧ་ཝི་ཝཱ་ད་ཏུ་ཝཾ་ཏུ་ཝཾ་པེ་སུ་ཉྙཱ་དཱི་ནཾ, ཨ་དི་ནྣཱ་དཱ་ནཱ་དཱི་ན་ཉྩ ག་ཧ་ཎཾ. ཙ་ཀྑུ་རོ་གཱ་ད་ཡོཏི ཨཱ་དི-ས་དྡེ་ན སོ་ཏ་རོ་གཱ་དཱི་ནཾ. རཱུ་པེ ཨཱ་དཱི་ན་ཝཾ དི་སྭཱཏི ཀ་ར་ཛ་རཱུ་པཱ་དི་ཨོ་ལཱ༹་རི་ཀ་རཱུ་པེ ཏ་ནྣི་དཱ་ནཾ དོ་སཾ དི་སྭཱ. ནི་བྦི་ནྡ་མཱ་ན་སོཏི ཝི་ར་ཏྟ་མཱ་ན་སོ. ཨ་རཱུ་པནྟི ཨ་རཱུ་པཱ་ཝ་ཙ་ར་བྷཱ་ཝ་ནཾ. ཏ་མྷཱ ཀ་སི་ཎ་རཱུ་པཱཏི ཏ་མྷཱ པ་ཊི་བྷཱ་ག་ནི་མི་ཏྟ་ས་ངྑཱ་ཏཱ ཀ་སི་ཎ་རཱུ་པཱ. ན་ནུ ཙཱ་ཡཾ རཱུ་པེ ཨཱ་དཱི་ན་ཝཾ དི་སྭཱ ཏཾ ས་མ་ཏི་ཀྐ་མ་ཏྠཱ་ཡ པ་ཊི་པ་ཛྫ་ཏི, པ་ཊི་བྷཱ་ག་ནི་མི་ཏྟ་ཉྩ ཨ་རཱུ་པཾ པ་ཎྞ་ཏྟི་མ་ཏྟ་ཏྟཱ་ཏི ཀ་ཐཾ ཏ་སྨཱ ནི་བྦི་ཛྫ་ཏཱི་ཏི ཨ་ནུ་ཡོ་གཾ ས་ནྡྷཱ་ཡ ཨོ་པ་མྨ་ཝ་སེ་ན ཏ་མ་ཏྠཾ ད་སྶེ་ནྟོ ཨཱ་ཧ ‘‘སཱུ་ཀ་རཱ་བྷི་ཧ་ཏོ་ཝ སཱ’’ཏི. ཡ་ཐཱ ཧི ཝ་ནེ སཱུ་ཀ་རེ་ན པ་ཧ་ཏ་མ་ཏྟོ སུ་ན་ཁོ ཏ་ཏོ བྷཱི་ཏོ རཱུ་པ་ད་སྶ་ན་ཝེ་ལཱ་ཡཾ བྷ་ཏྟ་པ་ཙ་ན་ཨུ་ཀྑ་ལིཾ དཱུ་ར་ཏོ དི་སྭཱ སཱུ་ཀ་ར་པ་ཊི་བྷཱ་ག་ཏཱ་ཡ ཏ་སྶཾ སཱུ་ཀ་རཱ་ས་ངྐཾ ཨུ་པྤཱ་དེ་ཏྭཱ ཨུ་ཏྲ་སྟོ པ་ལཱ་ཡ་ཏེ་ཝ, ཨེ་ཝ་མེ་ཝ རཱུ་པེ ནི་བྦི་ནྡ་མཱ་ན་སོ ཏཾ ཨ་ཏི་ཀྐ་མི་ཏུ་ཀཱ་མོ ཏ་པྤ་ཊི་བྷཱ་གེ ཀ་སི་ཎ་རཱུ་པེ་པི ནི་བྦི་ཛྫ་ཏི, ས་མ་ཏི་ཀྐ་མི་ཏུ་ཀཱ་མོ་ཏི ཨ་དྷི་པྤཱ་ཡོ.
༩༨༥-༦. ཙ་ཏུ་ཏྠེ པ་ན ཛྷཱ་ན་སྨིནྟི ཋ་པེ་ཏྭཱ པ་རི་ཙྪི་ནྣཱ་ཀཱ་ས་ཀ་སི་ཎཾ ན་ཝ་སུ པ་ཐ་ཝཱི་ཀ་སི་ཎཱ་དཱི་སུ ཨ་ཉྙ་ཏ་ར་སྨིཾ པ་ཊི་ལ་དྡྷ་ཙ་ཏུ་ཏྠ་ཛ྄ཛྷཱ་ནེ. ཀེ་ཙི པ་ན ཨཱ་ལོ་ཀ་ཀ་སི་ཎ་མྤི ཋ་པེ་ཏྭཱ ཨ་ཊྛ་སཱུ་ཏི ཝ་ད་ནྟི. ཏ་སྶ པ་ན ཋ་པ་ནེ ཀཱ་ར་ཎཾ ན དི་སྶ་ཏི. སུ་ཊྛུ ཙི་ཎྞོ ཙ་རི་ཏོ ཨ་ཏི་པྤ་གུ་ཎི་ཀ་ཏོ ཨཱ་ཝ་ཛྫ་ནཱ་དི་ལ་ཀྑ་ཎོ ཝ་སཱི་བྷཱ་ཝོ ཨེ་ཏེ་ནཱ་ཏི སུ་ཙི་ཎྞ་ཝ་སཱི. ཀ་རོ་ཏི…པེ… ཡ་ཏོཏི ཡ་སྨཱ ཨི་དཾ ཙ་ཏུ་ཏྠ་ཛ྄ཛྷཱ་ན་ཙི་ཏྟཾ མ་ཡཱ ནི་བྦི་ནྡ་ཀ་སི་ཎ་རཱུ་པཾ ཨཱ་ར་མྨ་ཎཾ ཀ་རོ་ཏི. ཨཱ་ས་ནྣ་སོ་མ་ན་སྶ་ཉྩཱཏི ཡ་ཏོ ཏ་ཏི་ཡ་ཛ྄ཛྷཱ་ན་སྶ ཨཱ་ས་ནྣ་ཏཱ་ཡ ཨཱ་ས་ནྣ་སོ་མ་ན་སྶ་པ་ཙྩ་ཏྠི་ཀ་ཉྩ. ཐཱུ་ལ་ས་ནྟ་ཝི་མོ་ཀྑ་ཏོཏི ས་ནྟ་ཝི་མོ་ཀྑ་ས་ངྑཱ་ཏ་ཨ་རཱུ་པ་ཛ྄ཛྷཱ་ན་ཏོ ཨེ་ཏཾ ཡ་ཏོ ཐཱུ་ལཾ ཨོ་ལཱ༹་རི་ཀཾ. ཨ་རཱུ་པ་ཛ྄ཛྷཱ་ན་ཉྷི ཡེ ཏེ ས་ནྟཱ ཝི་མོ་ཀྑཱ ཨ་ཏི་ཀྐ་མྨ རཱུ་པེ ཨཱ་རུ་པྤ་ནྟི་ཨཱ་དཱི་སུ ‘‘ས་ནྟ་ཝི་མོ་ཀྑ’’ནྟི ཝུ་ཙྩ་ཏི, ས་ནྟ་ཏཱ་སི་དྡྷི ཙ་སྶ ཨ་ནུ་སྶ་ཏི་ཏོ ད་ཊྛ་བྦཱ.
༩༨༧-༩༡. ཙ་ཏུ་ཏྠེཏི ཙ་ཏུ་ཏྠ་ཛ྄ཛྷཱ་ནེ. པ་ཋ་མཱ་རུ་པྤ་ཉྩ ས་ནྟ་ཏོ དི་སྭཱ་ཏི ས་མྦ་ནྡྷོ, ས་ནྟ་ཝ་སེ་ན མ་ན་སི ཀ་རི་ཏྭཱ་ཏི ཨ་ཏྠོ. ས་ནྟ་ཏོ མ་ན་སི་ཀ་ར་ཎེ་ནེ་ཝ ཙེ་ཏྠ པ་ཎཱི་ཏ་ཏོ, སུ་ཁུ་མ་ཏོ ཙ མ་ན་སི་ཀཱ་རོ སི་དྡྷོ་ཝ ཧོ་ཏཱི་ཏི ན ཏེ ཝི་སུཾ ག་ཧི་ཏཱ. པ་ཏྠ་རི་ཏྭཱ་ནཱཏི པ་གེ་ཝ ཝ་ཌྜྷི་ཏཾ, ཏ་དཱ ཝ་ཌྜྷ་ན་ཝ་སེ་ན ཝཱ པ་ཏྠ་རི་ཏྭཱ. པུ་བྦ་ཀཱ་ལ་ཝ་སེ་ན ཙེ་ཏཾ ཝུ་ཏྟཾ. ཏེ་ན ནཾ ཨུ་གྒྷཱ་ཊེ་ཏྭཱ པ་ཙྪཱ ན ཝ་ཌྜྷི་ཏ་བྦ་ནྟི ད་སྶེ་ཏི. ན ཧི ཏཾ པ་ཙྪཱ ཝ་ཌྜྷ་ན་ཏྠཱ་ཡ ཝཱ་ཡ་མི་ཡ་མཱ་ན་མྤི ཝ་ཌྜྷ་ཏཱི་ཏི. ཏེ་ནཱཏི ཀ་སི་ཎ་རཱུ་པེ་ན.
ཨི་དཱ་ནི་སྶ ཨུ་གྒྷཱ་ཊ་ནཱ་ཀཱ་རཾ ད་སྶེ་ཏུཾ ‘‘ཨཱ་ཀཱ་སོ ཨི་ཏི ཝཱ’’ཏི་ཨཱ་དིཾ ཝ་ཏྭཱ པུ་ན ཏཾ ས་མ་ཏྠེ་ཏུཾ ‘‘ཨུ་གྒྷཱ་ཊེ་ནྟོ ཧཱི’’ཏི་ཨཱ་དི ཝུ་ཏྟཾ. ཨུ་ད་ཡ་ཝ་སེ་ན, པ་རི་ཙྪེ་ད་ཕ་ར་ཎ་ཝ་སེ་ན ཙ ཨ་ནྟཱ་བྷཱ་ཝ་ཏོ ཨ་ན་ནྟོ. ན སཾ་ཝེ་ལླེ་ཏཱིཏི ཀ་ཊ་སཱ་ར་ཀ་ཀི་ལ་ཉྫཱ་ད་ཡོ ཝི་ཡ ན པ་ཊི་སཾ་ཧ་ར་ཏི. ནཱ་ཝ་ཛྫ་ནྟོ ན པེ་ཀྑ་ནྟོཏི ཨ་ནཱ་ཝ་ཛྫ་ནྟོ ཨ་ན་པེ་ཀྑ་ནྟོ. ཨ་ཉྙ་ད་ཏྠུ ཏེ་ན ཕུ་ཊྛོ་ཀཱ་སཾ ཝུ་ཏྟ་ན་ཡེ་ན མ་ན་སི་ཀ་རོ་ནྟོ་ཡེ་ཝཱ་ཏི ཨ་དྷི་པྤཱ་ཡོ. ཨི་ད་ཉྷི ཝུ་ཏྟཾ ཧོ་ཏི – རཱུ་པཱ་ཝ་ཙ་ར་ཙ་ཏུ་ཏྠ་ཛ྄ཛྷཱ་ན་སྶ ཨཱ་ར་མྨ་ཎ་བྷཱུ་ཏཾ ཀ་སི་ཎ་རཱུ་པཾ ས་བྦེ་ན ས་བྦཾ ཨ་མ་ན་སི་ཀ་རོ་ཏོ, ཏེ་ན ཙ ཕུ་ཊྛོ་ཀཱ་སཾ ‘‘ཨཱ་ཀཱ་སོ ཨཱ་ཀཱ་སོ’’ཏི མ་ན་སི་ཀ་རོ་ཏོ ཡ་དཱ ཏཾ བྷཱ་ཝ་ནཱ་ནུ་བྷཱ་ཝེ་ན ཨཱ་ཀཱ་སཾ ཧུ་ཏྭཱ ཨུ་པ་ཊྛཱ་ཏི, ཏ་དཱ སོ ཀ་སི་ཎཾ ཨུ་གྒྷཱ་ཊེ་ཏི ནཱ་མཱ་ཏི.
༩༩༢-༥. ཨེ་ཝཾ ཀ་སི་ཎུ་གྒྷཱ་ཊ་ན་ཝ་སེ་ན པ་ཊི་ལ་དྡྷེ ཨཱ་ཀཱ་ས་ནི་མི་ཏྟེ པུ་ན པ་ཊི་པ་ཛྫ་ན་ཝི་དྷིཾ, ཡ་སྶ་ཏྠཱ་ཡ ཡེ་སཾ པ་ཊི་པ་ཛྫ་ཏི, ཏ་ད་ཏྠ་སི་དྡྷ་ཉྩ ད་སྶེ་ཏུཾ ‘‘ཀ་སི་ཎུ་གྒྷཱ་ཊི་མཱ་ཀཱ་སཾ ནི་མི་ཏྟ’’ནྟི་ཨཱ་དི ཝུ་ཏྟཾ. ཨཱ་ཀཱ་ས་སྶ ཨ་ནི་མི་ཏྟ་བྷཱ་ཝེ་པི ནི་མི་ཏྟེ་ན ཕུ་ཊྛོ་ཀཱ་ས་བྷཱ་ཝ་ཏོ ‘‘ནི་མི་ཏྟ’’ནྟི ཝུ་ཏྟཾ. པ་ཉྩ…པེ… ཝི་ཀྑ་མྦྷ་ནྟཱིཏི ན་ནུ རཱུ་པཱ་ཝ་ཙ་ར་པ་ཋ་མ་ཛ྄ཛྷཱ་ན་སྶ ཨུ་པ་ཙཱ་ར་ཀྑ་ཎེ་ཡེ་ཝ ནཱི་ཝ་ར་ཎཱ་ནི ཝི་ཀྑ་མྦྷི་ཏཱ་ནི, ཏ་ཏོ པ་ཊྛཱ་ཡ ཙ ན ཏེ་སཾ པ་རི་ཡུ་ཊྛཱ་ནཾ ཨ་ཏྠི. ཡ་དི སི་ཡཱ, ཛྷཱ་ན་ཏོ པ་རི་ཧཱ་ཡེ་ཡྻཱ་ཏི? ས་ཙྩ་མེ་ཏཾ, ཨི་མ་སྶ པ་ན ཛྷཱ་ན་སྶ ཝ་ཎྞ་བྷ་ཎ་ན་ཝ་སེ་ནེ་ཏཾ ཝུ་ཏྟཾ ཡ་ཐཱ ཨ་ཉྙ་ཏྠཱ་པི ཧེ་ཊྛཱ པ་ཧཱི་ནཱ་ནཾ ཨུ་པ་རི པ་ཧཱ་ན་ཝ་ཙ་ན་ནྟི. ཡེ པ་ན ‘‘ས་བྦེ ཀུ་ས་ལཱ དྷ་མྨཱ ས་བྦེ་སཾ ཨ་ཀུ་ས་ལཱ་ནཾ པ་ཊི་པ་ཀྑཱ་ཏི ཀ་ཏྭཱ ཨེ་ཝཾ ཝུ་ཏྟ’’ནྟི ཝ་ད་ནྟི, ཏེ་ཧི དུ་ཏི་ཡ་ཛ྄ཛྷཱ་ནཱུ་པ་ཙཱ་རཱ་དཱི་སུ ནཱི་ཝ་ར་ཎ་ཝི་ཀྑ་མྦྷ་ནཱ་ཝ་ཙ་ན་སྶ ཀཱ་ར་ཎཾ ཝ་ཏྟ་བྦཾ ཧོ་ཏི. ཡ་མྤི ཙེ་ཀེ ཝ་ད་ནྟི ‘‘ས་ནྟེ་ཝ སུ་ཁུ་མཱ་ནི རཱུ་པཱ་ཝ་ཙ་ར་ཨ་ཝི་ཀྑ་མྦྷ་ནཱི་ཡཱ་ནི, ཏཱ་ནི ས་ནྡྷཱ་ཡེ་ཏཾ ཝུ་ཏྟ’’ནྟི, ཏཾ ཏེ་སཾ མ་ཏི་མ་ཏྟཾ. ན ཧི མ་ཧ་གྒ་ཏ་ཀུ་ས་ལེ་སུ ལོ་ཀུ་ཏྟ་ར་ཀུ་ས་ལཾ ཝི་ཡ ཨོ་དྷི་སོ པ་ཧཱ་ནཾ ནཱ་མ ཨ་ཏྠི. ཡོ པ་ན རཱུ་པཱ་ཝ་ཙ་རེ་ཧི ཨ་རཱུ་པཱ་ནཾ ཨུ་ལཱ༹་ར་ཕ་ལ་ཏཱ་དི་ཝི་སེ་སོ, སོ བྷཱ་ཝ་ནཱ་ཝི་སེ་སེ་ན ས་ནྟ་ཏ་ར་པྤ་ཎཱི་ཏ་ཏ་ར་བྷཱ་ཝེ་ན ཏེ་སུ་ཡེ་ཝ པུ་རི་མ་པུ་རི་མེ་ཧི པ་ཙྪི་མ་པ་ཙྪི་མཱ་ནཾ ཝི་ཡཱ་ཏི ད་ཊྛ་བྦཾ. ཨི་དྷཱ་པཱིཏི ན ཀེ་ཝ་ལཾ རཱུ་པཱ་ཝ་ཙ་ར་ཙ་ཏུ་ཏྠ་ཛ྄ཛྷཱ་ནེ, ‘‘སེ་སཱ་ནི ཀཱ་མཱ་ཝ་ཙ་རཱ་ནཱི’’ཏི་ཨཱ་དཱི་སུ པ་ན ཨི་དྷ ཡཾ ཝ་ཏྟ་བྦཾ ཨ་ཝུ་ཏྟཾ, ཏཾ རཱུ་པཱ་ཝ་ཙ་ར་ཛ྄ཛྷཱ་ན་ནི་དྡེ་སེ ཝུ་ཏྟ་ན་ཡཱ་ནུ་སཱ་རེ་ན ཝེ་དི་ཏ་བྦཾ.
༩༩༧-༡༠༠༡. ‘‘པུ་ན བྷཱ་ཝེ་ཏུ་ཀཱ་མེ་ནཱ’’ཏི ཝུ་ཏྟེ པ་ཋ་མ་མེ་ཝ པ་ཋ་མཱ་རུ་པྤ་སྶ བྷཱ་ཝི་ཏ་ཏྟཱ ཀིཾ བྷཱ་ཝེ་ཏུ་ཀཱ་མེ་ནཱ་ཏི ཨ་ནུ་ཡོ་གེ ‘‘དུ་ཏི་ཡཱ་རུ་པྤ་མཱ་ན་ས’’ནྟི ཝུ་ཏྟཾ, ན པ་ན ‘‘དུ་ཏི་ཡཱ་རུ་པྤ་མཱ་ན་སཾ བྷཱ་ཝེ་ཏུ་ཀཱ་མེ་ནཱ’’ཏི ཨི་མི་ནཱ ཨ་ཛ྄ཛྷཱ་ས་ཡེ་ན. ན ཧི པ་ཋ་མཾ དུ་ཏི་ཡཱ་རུ་པྤཾ བྷཱ་ཝི་ཏ་ནྟི. རཱུ་པཱ་ཝ་ཙ་ར་ཛ྄ཛྷཱ་ནཾ ཨ་ན་ཏི་ཀྐ་མི་ཏྭཱ ཨ་ན་དྷི་ག་ནྟ་བྦ་ཏོ ཏཾ མ་ན་སི་ཀཱ་ར་ས་མུ་དཱ་ཙཱ་ར་སྶ ཧཱ་ན་བྷཱ་གི་ཡ་བྷཱ་ཝཱ་ཝ་ཧ་ན་ཏོ རཱུ་པཱ་ཝ་ཙ་ར་ཛ྄ཛྷཱ་ན་མེ་ཏ་སྶ པ་ཙྩ་ཏྠི་ཀ་ནྟི ཀ་ཏྭཱ ཝུ་ཏྟཾ ‘‘ཨཱ་ས་ནྣ…པེ… པ་ཙྩ་ཏྠི་ཀ་ནྟི ཙཱ’’ཏི. ཝཱི་ཐི་པ་ཊི་པ་ནྣཱ་ཡ བྷཱ་ཝ་ནཱ་ཡ ཨུ་པ་རཱུ་པ་རི་ཝི་སེ་སཱ་ཝ་ཧ་བྷཱ་ཝ་ཏོ, པ་ཎཱི་ཏ་བྷཱ་ཝ་སི་དྡྷི་ཏོ ཙ པ་ཋ་མཱ་རུ་པྤ་ཏོ དུ་ཏི་ཡཱ་རུ་པྤཾ ས་ནྟ་ཏ་ར་ས་བྷཱ་ཝ་ནྟི ཨཱ་ཧ ‘‘དུ་ཏི་ཡཱ་རུ་པྤ…པེ… པ་ནཱ’’ཏི. ཝ་ཀྑ་ཏི ཧི ‘‘སུ་པ་ཎཱི་ཏ་ཏ་རཱ ཧོ་ནྟི, པ་ཙྪི་མཱ པ་ཙྪི་མཱ ཨི་དྷཱ’’ཏི (ཨ་བྷི་དྷ. ༡༠༤༠). ཝི་ཉྙཱ་ཎ་མི་ཙྩེ་ཝཾ མ་ན་སཱ ཀཱ་ཏ་བྦནྟི ཝི་ཉྙཱ་ཎཾ ཝི་ཉྙཱ་ཎཾ ཨི་ཙྩེ་ཝཾ མ་ན་སཱ ཀཱ་ཏ་བྦཾ, ཀེ་ཝ་ལཾ ཨ་ན་ནྟཾ ཨ་ན་ནྟ་ནྟི ན མ་ན་སི ཀཱ་ཏ་བྦཾ. ཏེ་ནཱ་ཧ ‘‘ཨ་ན་ནྟ་ནྟི…པེ… མ་ན་སཱ ནི་དྷཱ’’ཏི. ཨ་ན་ནྟཾ ཝི་ཉྙཱ་ཎཾ ཨ་ན་ནྟཾ ཝི་ཉྙཱ་ཎ་ནྟི པ་ན མ་ན་སི ཀཱ་ཏུཾ ཝ་ཊྚ་ཏི.
༡༠༠༢-༦. ཏ་སྨིཾ པ་ན ནི་མི་ཏྟ་སྨིནྟི ཏ་སྨིཾ པ་ཋ་མཱ་རུ་པྤ་ཝི་ཉྙཱ་ཎ་ས་ངྑཱ་ཏེ ཝི་ཉྙཱ་ཎ་ནི་མི་ཏྟེ. ཝི་ཙཱ་རེ་ནྟ་སྶ མཱ་ན་སནྟི བྷཱ་ཝ་ནཱ་ཙི་ཏྟཾ པ་ཝ་ཏྟེ་ནྟ་སྶ. ཨཱ་ཀཱ་ས་ཕུ་ཊ་ཝི་ཉྙཱ་ཎེཏི ཀ་སི་ཎུ་གྒྷཱ་ཊི་མཱ་ཀཱ་སཾ ཕ་རི་ཏྭཱ པ་ཝ་ཏྟེ པ་ཋ་མཱ་རུ་པྤ་ཝི་ཉྙཱ་ཎེ ཨཱ་ར་མྨ་ཎ་བྷཱུ་ཏེ. ཨ་པྤེ་ཏཱིཏི ཨ་པྤ་ནཱ་ཝ་སེ་ན པ་ཝ་ཏྟ་ཏི. ས་བྷཱ་ཝ་དྷ་མྨེ་པི ཨཱ་ར་མྨ་ཎ་ས་མ་ཏི་ཀྐ་མ་བྷཱ་ཝ་ནཱ་ཝི་སེ་ས་བྷཱ་ཝ་ཏོ ཨི་དཾ ཨ་པྤ་ནཱ་པ་ཏྟཾ ཧོ་ཏི ཙ་ཏུ་ཏྠཱ་རུ་པྤཾ ཝི་ཡ. ཨ་པྤ་ནཱ…པེ… ན་ཡོ་ཝཱཏི དུ་ཏི་ཡཱ་རུ་པྤ་ཛ྄ཛྷཱ་ནེ པུ་རི་མ་བྷཱ་གེ ཏཱི་ཎི, ཙ་ཏྟཱ་རི ཝཱ ཛ་ཝ་ནཱ་ནི ཀཱ་མཱ་ཝ་ཙ་རཱ་ནི ཨུ་པེ་ཀྑཱ་ཝེ་ད་ནཱ་ས་མྤ་ཡུ་ཏྟཱ་ནེ་ཝ ཧོ་ནྟི. ཙ་ཏུ་ཏྠཾ, པ་ཉྩ་མཾ ཝཱ ཨཱ་རུ་པྤ་མཱ་ན་ས་ནྟི་ཨཱ་དི་ནཱ ཨ་པྤ་ནཱ་ན་ཡོ པ་ཋ་མཱ་རུ་པྤ་ཛ྄ཛྷཱ་ནེ ཝུ་ཏྟ་ན་ཡོ་ཝ. ཕ་རི་ཏྭཱ པ་ཝ་ཏྟ་ཝི་ཉྙཱ་ཎནྟི པ་ཋ་མཱ་རུ་པྤ་ཝི་ཉྙཱ་ཎཾ ཝི་ཉྙཱ་ཎ་ཉྩ་ནྟི ཝུ་ཙྩ་ཏཱི་ཏི རུ་ལ༹ྷཱི་ས་དྡ་ཝ་སེ་ན ཝུ་ཏྟ་བྷཱ་ཝ་མེ་ཝ པ་ཀཱ་སེ་ཏུཾ ‘‘ཝི་ཉྙཱ་ཎཱ…པེ… སི་ཡཱ’’ཏི ཝུ་ཏྟཾ. པུ་བྦེ ཨ་ན་ནྟ་སྶ ཨཱ་ཀཱ་ས་སྶ ཨཱ་ར་མྨ་ཎ་ཀ་ར་ཎ་ཝ་སེ་ན ཨ་ན་ནྟ་ཏཱ་ཡ ‘‘ཝི་ཉྙཱ་ཎ་ཉྩ’’ནྟི ཝུ་ཏྟ་ནྟི. པུ་ན མ་ན་སི་ཀཱ་ར་ཝ་སེ་ན ཝཱ ཨ་ན་ནྟ་ཏཱ་ཡ ཏ་ཐཱ ཝུ་ཏྟ་ནྟི ད་སྶེ་ཏུཾ ‘‘མ་ན་ཀྐཱ་ར་ཝ་སེ་ནཱ་པཱི’’ཏི་ཨཱ་དི ཝུ་ཏྟཾ. དུ་ཏི་ཡཱ་རུ་པྤཾ བྷཱ་ཝེ་ནྟོ ཧི པ་ཋ་མཱ་རུ་པྤཾ ཨ་ན་ནྟ་ཏོ ཨ་ན་ཝ་སེ་ས་ཏོ མ་ན་སི ཀ་རོ་ནྟོ ཨ་ན་ནྟ་ནྟི མ་ན་སི ཀ་རོ་ཏི.
༡༠༡༠. པ་ཋ་མཱ་རུ་པྤ་ཝི་ཉྙཱ་ཎཱ་བྷཱ་ཝོཏི ཀ་སི་ཎཾ ཨུ་གྒྷཱ་ཊེ་ཏྭཱ ཨཱ་ཀཱ་སོ ཝི་ཡ ཨཱ་ཀཱ་སཱ་ན་ཉྩཱ་ཡ་ཏ་ནཾ པ་ཧཱ་ཡ ཏ་སྶ ཨ་བྷཱ་ཝོ མ་ན་སི ཀཱ་ཏ་བྦོ. ཀ་སྨཱ པ་ནེ་ཏྠ དུ་ཏི་ཡཱ་རུ་པྤ་ཝི་ཉྙཱ་ཎཱ་བྷཱ་ཝཾ ཨ་མ་ན་སི་ཀ་ཏྭཱ པ་ཋ་མཱ་རུ་པྤ་ཝི་ཉྙཱ་ཎཱ་བྷཱ་ཝོ མ་ན་སི ཀཱ་ཏ་བྦོ་ཏི? ཝུ་ཙྩ་ཏེ – ཏ་ཡི་དཾ ཨཱ་ར་མྨ་ཎཱ་ཏི་ཀྐ་མ་ན་ཝ་སེ་ན པ་ཏྟ་བྦཾ, ན པ་ན ཨ་ངྒཱ་ཏི་ཀྐ་མ་ན་ཝ་སེ་ན. ཏ་ཐཱ ཙ ས་ཏི ཨཱ་ར་མྨ་ཎེ་ཡེ་ཝ སཱ་ཏི་ས་ཡཾ དོ་ས་ད་སྶ་ནེ་ན ཏཾ ས་མ་ཏི་ཀྐ་མི་ཏ་བྦཾ, ཨཱ་ར་མྨ་ཎ་ཉྩ དུ་ཏི་ཡཱ་རུ་པྤ་སྶ པ་ཋ་མཱ་རུ་པྤ་མེ་ཝ, ཏ་སྨཱ ཀ་སི་ཎེ ཨཱ་དཱི་ན་ཝཾ དི་སྭཱ ཏཾ ཨུ་གྒྷཱ་ཊེ་ཏྭཱ ཏ་བྦི་ཝི་ཏྟཱ་ཀཱ་ས་སྶ ཝི་ཡ པ་ཋ་མཱ་རུ་པྤ་ཝི་ཉྙཱ་ཎེ ཨཱ་དཱི་ན་ཝཾ དི་སྭཱ ཏཾ པ་ཧཱ་ཡ ཏ་ད་བྷཱ་ཝ་སྶེ་ཝ མ་ན་སི་ཀ་ར་ཎཾ ཡུ་ཏྟ་ནྟི. ཨ་བྷ་ཡ་གི་རི་ཝཱ་སི་ནོ པ་ན ‘‘ཝི་ཉྙཱ་ཎ་ཉྩཱ་ཡ་ཏ་ནཱ་བྷཱ་ཝོ་ཡེ་ཝ མ་ན་སི ཀཱ་ཏ་བྦོ’’ཏི ཝ་ད་ནྟི, ཏེ པ་ན ཨི་མེ་སཾ ཨཱ་ར་མྨ་ཎཱ་ཏི་ཀྐ་མ་ན་ཝ་སེ་ན པ་ཏྟ་བྦ་བྷཱ་ཝཾ ཨ་ས་ལླ་ཀྑེ་ཏྭཱ ཀ་ཐེ་ནྟི. ཡ་དི ས་ལླ་ཀྑེ་ནྟི, ཨ་ཉྙ་ཏྠ དོ་སཾ དི་སྭཱ ཨ་ཉྙ་སྶ ས་མ་ཏི་ཀྐ་མེ ཨ་ཏི་པྤ་ས་ངྒ་དོ་ས་ཏོ ན མུ་ཙྩ་ནྟི.
ཨ་ཐཱ་པི ཝ་དེ་ཡྻུཾ – ‘‘ཝི་ཉྙཱ་ཎ་ཉྩཱ་ཡ་ཏ་ནཾ ས་ཏོ ས་མཱ་པ་ཛྫ་ཏི, ས་ཏོ ས་མཱ་པ་ཛྫི་ཏྭཱ ས་ཏོ ཝུ་ཊྛཱ་ཏི, ས་ཏོ ཝུ་ཊྛ་ཧི་ཏྭཱ ཏ་ཉྙེ་ཝ ཝི་ཉྙཱ་ཎཾ བྷཱ་ཝེ་ཏཱི’ཏི ཝ་ཙ་ན་ཏོ ཝི་ཉྙཱ་ཎ་ཉྩཱ་ཡ་ཏ་ནཱ་བྷཱ་ཝོ་ཡེ་ཝ མ་ན་སི ཀཱ་ཏ་བྦོ’’ཏི, ཏ་ཡི་དཾ པཱ་ལི༹་ཨ་ཏྠཾ ཝི་རུ་ཛ྄ཛྷི་ཏྭཱ ག་ཧ་ཎ་ཝ་སེ་ན ཙི་ནྟི་ཏཾ. ན ཧེ་ཏྠ ཏ་ཉྙེ་ཝ ཝི་ཉྙཱ་ཎ་ནྟི ཝི་ཉྙཱ་ཎ་ཉྩཱ་ཡ་ཏ་ནཾ ཨ་དྷི་པྤེ་ཏཾ. ཡ་དི ཧི ཏཾ ཨ་དྷི་པྤེ་ཏཾ སི་ཡཱ, ཝི་ཉྙཱ་ཎ་ཉྩཱ་ཡ་ཏ་ན་ནྟི ཏ་སྶ པ་དྷཱ་ན་བྷཱ་ཝེ་ན ནི་དྡི་ཊྛ་ཏྟཱ ཏ་ཉྙེ་ཝཱ་ཏི ཝ་ཙ་ནེ་ནེ་ཝ པ་རི་ཡ་ཏྟཾ, ཀིཾ ཝི་ཉྙཱ་ཎ་ནྟི ཝ་ཙ་ནེ་ན. ཨ་ཐ ས་རཱུ་པ་ནི་དྡེ་ས་ཏྠཾ ཝི་ཉྙཱ་ཎ་ཝ་ཙ་ནཾ, ཨེ་ཝཾ ས་ཏི ཏ་ཉྙེ་ཝ ཝི་ཉྙཱ་ཎ་ཉྩཱ་ཡ་ཏ་ན་ནྟི ཝུ་ཏྟཾ སི་ཡཱ, ཏ་སྨཱ ཝི་ཉྙཱ་ཎ་ནྟི ཝ་ཙ་ནེ་ན ཡཾ ཨཱ་ར་བྦྷ ཝི་ཉྙཱ་ཎ་ཉྩཱ་ཡ་ཏ་ནཾ པ་ཝ་ཏྟཾ, ཏ་སྶེ་ཝ ཨཱ་ཀཱ་སཱ་ན་ཉྩཱ་ཡ་ཏ་ན་སྶ ག་ཧ་ཎཾ, ན ཨི་ཏ་ར་སྶཱ་ཏི སུ་ཊྛུ ཝུ་ཏྟཾ.
༡༠༡༡-༢. པ་ཋ་མཱ་རུ་པྤ་ཝི་ཉྙཱ་ཎཱ་བྷཱ་ཝོ་མ་ན་སི་ཀཱ་ཏ་བྦོ་ཏི ཝ་ཏྭཱ མ་ན་སི་ཀཱ་ར་ཝི་དྷིཾ ད་སྶེ་ཏུཾ ‘‘ཏཾ པ་ནཱ’’ཏི་ཨཱ་དི ཝུ་ཏྟཾ. ཨ་ཀ་ཏྭཱ མ་ན་སཱཏི མ་ན་སཱ ཨཱ་ར་མྨ་ཎཾ ཨ་ཀ་ཏྭཱ ས་བྦེ་ན ས་བྦཾ ཏཾ ཨ་ཙི་ནྟེ་ཏྭཱ. ‘‘ཨཱ་ཀཱ་སཾ ཨཱ་ཀཱ་ས’’ནྟི མ་ན་སི ཀ་རོ་ནྟ་སྶ ཀ་སི་ཎ་ཝི་ཝི་ཏྟཱ་ཀཱ་སཾ ཝི་ཡ ‘‘ན་ཏྠི ན་ཏྠཱི’’ཏི, ‘‘སུ་ཉྙཾ སུ་ཉྙ’’ནྟི ཝཱ མ་ན་སི ཀ་རོ་ནྟ་སྶ ཝི་ཉྙཱ་ཎ་ཝི་ཝི་ཏྟཾ ཨ་བྷཱ་ཝ་མ་ཏྟ་མེ་ཝ ཨུ་པ་ཊྛཱ་ཏཱི་ཏི ཨཱ་ཧ ‘‘ན་ཏྠཱི’’ཏི་ཨཱ་དི. ཝཱ-ས་དྡོ ཨ་ནི་ཡ་མ་ཏྠོ, ཏེ་ན དྭཱི་སུ པ་ཀཱ་རེ་སུ ཨེ་ཀེ་ན་པི ཨ་ཏྠ་སི་དྡྷི ཧོ་ཏཱི་ཏི ད་སྶེ་ཏི. ཨ་ཝུ་ཏྟ་ཝི་ཀ་པྤ་ན་ཏྠོ ཝཱ ཝཱ-ས་དྡོ, ཏེ་ན ‘‘ཝི་ཝི་ཏྟཾ ཝི་ཝི་ཏྟ’’ནྟི ཨི་མ་སྶ་པི ས་ངྒ་ཧོ ད་ཊྛ་བྦོ. ཨ་ནི་ཡ་མོ པ་ནེ་ཏྠ ཏི་ཎྞ་མྤི ཝི་སུཾ ཝི་སུཾ པ་རི་ཡཱ་ཡ་བྷཱ་ཝ་ཏོ་ཝ སི་དྡྷོ. པ་རི་ཡཱ་ཡ་ས་དྡཱ ཧི ཝི་སུཾ ཝི་སུཾ་ཡེ་ཝ ཨ་ཏྠཾ སཱ་དྷེ་ནྟཱ པ་རི་ཡཱ་ཡཱ་ཏི ལོ་ཀེ ནི་རུ་ལ༹ྷཱ. ཡ་ཐཱ་ཧུ –
‘‘པ་རི་ཡཱ་ཡེ་ནེ་ཝ ཏེ ཡ་སྨཱ, ཝ་ད་ནྟ་ཏྠཾ ན སཾ་ཧ་ཏཱ;
པ་རི་ཡཱ་ཡ་ཏྠཾ ཏ་ཏོ ས་བྦཾ, པ་རི་ཡཱ་ཡེ་སུ ཝ་ཝ་ཏྠི་ཏ’’ནྟི.
༡༠༡༣-༦. ཏ་སྨིཾ ནི་མི་ཏྟེཏི པ་ཋ་མཱ་རུ་པྤ་ཝི་ཉྙཱ་ཎ་སྶ ཨ་བྷཱ་ཝ་ས་ངྑཱ་ཏེ ཛྷཱ་ནུ་པྤ་ཏྟི་ཀཱ་ར་ཎ་བྷཱུ་ཏེ ནི་མི་ཏྟེ. ས་ཏི ས་ནྟི་ཊྛ་ཏཱིཏི ཨ་བྷཱ་ཝ་ནི་མི་ཏྟཱ་ར་མྨ་ཎཱ ས་ཏི ས་མྨཱ སུ་པྤ་ཏི་ཊྛི་ཏཱ ཧུ་ཏྭཱ ཏི་ཊྛ་ཏི. ས་ཏི་སཱི་སེ་ན ཙེ་ཏྠ ཨུ་པ་ཙཱ་ར་ཛ྄ཛྷཱ་ནཱ་ནུ་གུ་ཎཱ་ནཾ ས་དྡྷཱ་པ་ཉྩ་མཱ་ནཾ ཨི་ནྡྲི་ཡཱ་ནཾ ས་ཀི་ཙྩ་ཡོ་གཾ ད་སྶེ་ཏི. ཨུ་པ་ཙཱ་ར་ཛ྄ཛྷཱ་ནཾ པ་ན ‘‘བྷི་ཡྻོ་པི ས་མཱ་དྷི་ཡ་ཏི མཱ་ན་ས’’ནྟི ཨི་མི་ནཱ ཝུ་ཏྟ་ནྟི ད་ཊྛ་བྦཾ. ཀ་སི་ཎུ་གྒྷཱ་ཊི་མཱ…པེ… ཨ་བྷཱ་ཝ་ཀེཏི ཨེ་ཝཾ པ་ཝ་ཏྟ་ཝི་ཉྙཱ་ཎ་སྶ ན་ཏྠི་བྷཱ་ཝ་ས་ངྑཱ་ཏེ ཝི་ནཱ་སཱ་བྷཱ་ཝ་ཀེ ན པུ་རེ ཨ་བྷཱ་ཝཱ་དི་ཀེ. ཨ་པྤ་ནཱ་ན་ཡོ པ་ནེ་ཏྠ པ་ཐ་ཝཱི་ཀ་སི་ཎེ ཝུ་ཏྟ་ན་ཡཱ་ནུ་སཱ་རེ་ན ཝེ་དི་ཏ་བྦོ་ཏི ཨཱ་ཧ ‘‘ཨ་པྤ་ནཱ་ཡ ན་ཡོ’’ཏི་ཨཱ་དི.
༡༠༡༧-༩. ཨེ་ཝཾ ཡཾ ཏ་ཏྠ ཨ་ཝ་སི་ཊྛཾ, ཏཾ ཨ་ཏི་དི་སི་ཏྭཱ ཨི་དཱ་ནི ཝི་སེ་སཾ ད་སྶེ་ཏུཾ ‘‘ཨཱ་ཀཱ་ས་ག་ཏ་ཝི་ཉྙཱ་ཎ’’ནྟི་ཨཱ་དི ཝུ་ཏྟཾ. པ་རི་ཀ་མྨ་མ་ན་ཀྐཱ་རེ ཏ་སྨིཾ ཨ་ནྟ་ར་ཧི་ཏེཏི ‘‘ན་ཏྠི ན་ཏྠཱི’’ཏི པ་ཝ་ཏྟ་པ་རི་ཀ་མྨ་མ་ན་སི་ཀཱ་རེ ཨ་མ་ན་སི་ཀ་ར་ཎེ་ན ཨ་སྨིཾ པ་ཋ་མཱ་རུ་པྤ་ཝི་ཉྙཱ་ཎེ ཨ་ནྟ་ར་ཧི་ཏེ, ན པ་ན ཁ་ཎ་བྷ་ངྒ་ཝ་སེ་ན, ཛྷཱ་ན་པ་རི་ཧཱ་ནི་ཝ་སེ་ན ཝཱ ཨ་ནྟ་ར་ཧི་ཏེ. ཁ་ཎ་བྷ་ངྒ་ཝ་སེ་ན ཧི ཨ་ནྟ་ར་དྷཱ་ནཾ ཁ་ཎེ ཁ་ཎེ ཨུ་པ་ལ་བྦྷ་ཏི. པ་རི་ཧཱ་ནི་ཝ་སེ་ན ཙ ཨ་ནྟ་ར་དྷཱ་ནེ པུ་ན ཏཾ ཨ་ནུ་པྤཱ་དེ་ཏྭཱ ཨུ་ཏྟ་རི ཉཱ་ཎཱ་དྷི་ག་མོ་ཡེ་ཝ ན་ཏྠཱི་ཏི. ཏ་སྶཱ་པ་ག་མ་མ་ཏྟཾ་ཝ པ་སྶ་ནྟོ ཝ་ས་ཏཱིཏི ཏ་སྶ པ་ཋ་མཱ་རུ་པྤ་སྶ ཨ་བྷཱ་ཝ་མ་ཏྟཾ པ་སྶ་ནྟོ སོ ཡོ་གཱ་ཝ་ཙ་རོ ཝི་ཧ་ར་ཏི. ཡ་ཐཱ ཀ་ཐཾ ཝི་ཡཱ་ཏི ཨཱ་ཧ ‘‘ས་ནྣི་པཱ་ཏ’’ནྟི་ཨཱ་དི. ཨི་དཾ ཝུ་ཏྟཾ ཧོ་ཏི – ཡ་ཐཱ ནཱ་མ ཀོ་ཙི པུ་རི་སོ མ་ཎྜ་ལ་མཱ་ལཱ༹་དཱི་སུ ཀ་ཏྠ་ཙི ཀེ་ན་ཙི་དེ་ཝ ཀ་ར་ཎཱི་ཡེ་ན ས་ནྣི་པ་ཏི་ཏཾ བྷི་ཀྑུ་ས་ངྒྷཾ དི་སྭཱ ཀ་ཏྠ་ཙི ག་ནྟྭཱ ས་ནྣི་པཱ་ཏ་ཀི་ཙྩཱ་ཝ་སཱ་ནེ ཨུ་ཊྛཱ་ཡ པ་ཀྐ་ནྟེ་སུ བྷི་ཀྑཱུ་སུ པུ་ན ཏཾ ཋཱ་ནཾ ག་ནྟྭཱ ཨོ་ལོ་ཀེ་ནྟོ སུ་ཉྙ་མེ་ཝ པ་སྶ་ཏི, ཨེ་ཝཾ་ས་མྤ་ད་མི་དཾ ད་ཊྛ་བྦ་ནྟི. ཏ་ཏྲི་དཾ ཨོ་པ་མྨ་སཾ་ས་ནྡ་ནཾ – ཡ་ཐཱ སོ པུ་རི་སོ ས་ནྣི་པ་ཏི་ཏཾ བྷི་ཀྑུ་ས་ངྒྷཾ དི་སྭཱ ག་ཏོ, ཏ་ཏོ ས་བྦེ་སུ བྷི་ཀྑཱུ་སུ ཨ་པ་ག་ཏེ་སུ ཏཾ ཋཱ་ནཾ ཏེ་ཧི སུ་ཉྙ་མེ་ཝ པ་སྶ་ཏི, ན པ་ན ཏེ་སཾ ཀུ་ཏོ་ཙི ཨ་པ་ག་ཏ་ཀཱ་ར་ཎཾ, ཨེ་ཝ་མ་ཡཾ ཡོ་གཱ་ཝ་ཙ་རོ པུ་བྦེ ཝི་ཉྙཱ་ཎ་ཉྩཱ་ཡ་ཏ་ན་ཛ྄ཛྷཱ་ན་ཙ་ཀྑུ་ནཱ པ་ཋ་མཱ་རུ་པྤ་ཝི་ཉྙཱ་ཎཾ དི་སྭཱ ན་ཏྠཱི་ཏི མ་ན་སི་ཀཱ་རེ་ན ཏ་སྨིཾ ཨ་པ་ག་ཏེ ཏ་ཏི་ཡཱ་རུ་པྤ་ཙ་ཀྑུ་ནཱ ཏ་སྶ ན་ཏྠི་བྷཱ་ཝ་མེ་ཝ པ་སྶ་ཏི, ན ཏ་སྶ ཨ་པ་ག་ཏ་ཀཱ་ར་ཎཾ ཝཱི་མཾ་ས་ཏི ཛྷཱ་ན་སྶ ཏཱ་དི་སཱ་བྷོ་གཱ་བྷཱ་ཝ་ཏོ་ཏི.
༡༠༢༠-༤. ཙ་ཏུ་ཏྠཱ…པེ… ན ཙ ས་ནྟནྟི ཡ་ཐཱ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ཙི་ཏྟཾ ས་ངྑཱ་རཱ་ཝ་སེ་ས་སུ་ཁུ་མ་བྷཱ་ཝ་པྤ་ཏྟི་ཡཱ ས་ཝི་སེ་སཾ ས་ནྟཾ, ཨེ་ཝ་མ་ཡཾ ཨཱ་ཀི་ཉྩ་ཉྙཱ་ཡ་ཏ་ན་ས་མཱ་པ་ཏྟི ན ཙ ས་ནྟཱ ཏ་ད་བྷཱ་ཝ་ཏོ་ཏི ཨ་དྷི་པྤཱ་ཡོ. ཙ-ས་དྡོ པ་ནེ་ཏྠ ཨ་ཝུ་ཏྟ་ས་མུ་ཙྩ་ཡ་ཏྠོ. ཏེ་ན ‘‘ས་ཉྙཱ རོ་གོ, ས་ཉྙཱ ག་ཎྜོ, ས་ཉྙཱ ས་ལླཾ, ཨེ་ཏཾ ས་ནྟཾ, ཨེ་ཏཾ པ་ཎཱི་ཏཾ, ཡ་དི་དཾ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན’’ནྟི ཨི་མ་སྶ་པི ས་ངྒ་ཧོ ཝེ་དི་ཏ་བྦོ. ཙ་ཏུ་ཏྠཾ ས་ནྟ་ཏོཏི ས་ངྑཱ་རཱ་ཝ་སེ་ས་སུ་ཁུ་མ་བྷཱ་ཝེ་ནེ་ཝ ས་ཝི་སེ་སཾ ས་ནྟ་ཏཱ་ཡ, ཨ་ས་ནྟ་བྷཱ་ཝ་ཀ་ར་རོ་གཱ་དི་ས་རི་ཀྑ་ཀ་ས་ཉྙཱ་ཝི་ར་ཧ་ཏོ ཙ ས་ནྟ་ཏོ དི་སྭཱ. ‘‘ས་ནྟཾ ས་ནྟ་མི་དཾ ཙི་ཏྟ’’ནྟི ཨི་མི་ནཱ བྷཱ་ཝ་ནཱ་ཀཱ་རཾ ད་སྶེ་ཏི. ཝི་བྷ་ངྒེ་པི ཧི ཏཾ་ཡེ་ཝ ཨཱ་ཀི་ཉྩ་ཉྙཱ་ཡ་ཏ་ནཾ ས་ནྟ་ཏོ མ་ན་སི ཀ་རོ་ཏཱི་ཏི ཨ་ཡ་མེ་ཝ བྷཱ་ཝ་ནཱ་ཀཱ་རོ ག་ཧི་ཏོ. ཨ་པ་རེ པ་ན ‘‘པཱ་ལི༹་ཡཾ ཨི་མ་སྶ བྷཱ་ཝ་ནཱ་ཀཱ་རོ ན ག་ཧི་ཏོ’’ཏི ཝ་ཏྭཱ ཏ་ཏྠ ཀཱ་ར་ཎཾ ཝ་ད་ནྟི, ཏ་ཏྠ ཝ་ཏྟ་བྦཾ ཝི་སུ་དྡྷི་མ་གྒ་སཾ་ཝ་ཎྞ་ནཱ་དི་ཏོ ག་ཧེ་ཏ་བྦཾ.
༡༠༢༧. ཏ་ཏི་ཡཱ་རུ་པྤ་ས་ངྑཱ་ཏ་ཀྑ་ནྡྷེ་སུ ཙ ཙ་ཏཱུ་སུ་པི ཨཱ་ར་མྨ་ཎ་བྷཱུ་ཏེ་སཱུ་ཏི ཨ་དྷི་པྤཱ་ཡོ.
༡༠༢༩-༣༡. ཨ་བྷཱ་ཝ་མ་ཏྟ་མྤཱིཏི སུ་ཉྙ་ཏ་མ་ཏྟ་མྤི ཨེ་ཝཾ སུ་ཁུ་མ་མྤཱི་ཏི ཨ་དྷི་པྤཱ་ཡོ. ས་ནྟཱ་ར་མྨ་ཎ་ཏཱ་ཡཱཏི ས་ནྟཾ ཨཱ་ར་མྨ་ཎཾ ཨེ་ཏ་སྶཱ་ཏི ས་ནྟཱ་ར་མྨ་ཎཱ, ཏ་བྦྷཱ་ཝོ ས་ནྟཱ་ར་མྨ་ཎ་ཏཱ, ཏཱ་ཡ, ན ཛྷཱ་ན་ས་ནྟ་ཏཱ་ཡ. ན ཧི ཏ་ཏི་ཡཱ་རུ་པྤ་ས་མཱ་པ་ཏྟི ཙ་ཏུ་ཏྠཱ་རུ་པྤ་ཏོ ས་ནྟ་ཏ་རཱ. ཙོ་ད་ཀོ ཡཾ ས་ནྟ་ཏོ མ་ན་སི ཀ་རོ་ཏི, ན ཏ་ཏྠ ཨཱ་དཱི་ན་ཝ་ད་སྶ་ནཾ བྷ་ཝེ་ཡྻ. ཨ་ས་ཏི ཙ ཨཱ་དཱི་ན་ཝ་ད་སྶ་ནེ ན ས་མ་ཏི་ཀྐ་མོ ཨེ་ཝ སི་ཡཱ་ཏི ‘‘ས་ནྟ་ཏོ ཙེ མ་ན་ཀྐཱ་རོ ཀ་ཐ་ཉྩ ས་མ་ཏི་ཀྐ་མོ’’ཏི ཨཱ་ཧ. ཨི་ཏ་རོ ‘‘ཨ་ནཱ་པ་ཛྫི་ཏུ་ཀཱ་མ་ཏྟཱ’’ཏི་ཨཱ་དི་ནཱ པ་རི་ཧཱ་ར་མཱ་ཧ. ཏེ་ན ཨཱ་དཱི་ན་ཝ་ད་སྶ་ན་མྤི ཨ་ཏྠེ་ཝཱ་ཏི ད་སྶེ་ཏི. ཡ་སྨི་ཉྷི ཛྷཱ་ནེ ཨ་བྷི་ར་ཏི, ཏ་ཏྠ ཨཱ་ཝ་ཛྫ་ན་ས་མཱ་པ་ཛྫ་ནཱ་དི་པ་ཊི་པ་ཏྟི་ཡཱ བྷ་ཝི་ཏ་བྦཾ. སཱ པ་ན་སྶ ཏ་ཏི་ཡཱ་རུ་པྤེ ས་བྦ་སོ་ཝ ན་ཏྠི, ཀེ་ཝ་ལཾ སུ་ཉྙ་བྷཱ་ཝ་ཏོ ཨཱ་ར་མྨ་ཎ་ཀ་ར་ཎ་མ་ཏྟ་མེ་ཝ. ཏ་ཐཱ ཧེ་ས ཀི་ཉྩཱ་པི ཏཾ ས་ནྟ་ཏོ མ་ན་སི ཀ་རོ་ཏི, ཨ་ཐ ཁྭ་སྶ ‘‘ཨ་ཧ་མེ་ཏཾ ཨཱ་ཝ་ཛྫི་སྶཱ་མི, ས་མཱ་པ་ཛྫི་སྶཱ་མཱི’’ཏི ཨཱ་བྷོ་གོ ས་མ་ནྣཱ་ཧཱ་རོ ན ཧོ་ཏི. ཀ་སྨཱ? ཨཱ་ཀི་ཉྩ་ཉྙཱ་ཡ་ཏ་ན་ཏོ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་མཱ་པ་ཏྟི་ཡཱ པ་ཎཱི་ཏ་ཏ་ར་ཏཱ་ཡ. ཡ་ཐཱ ཧི རཱ་ཛཱ མ་ཧ་ཏཱ རཱ་ཛཱ་ནུ་བྷཱ་ཝེ་ན ན་ག་ར་ཝཱི་ཐི་ཡཾ ཙ་ར་ནྟོ ད་ནྟ་ཀཱ་རཱ་ད་ཡོ ཀ་མྨ་ཀཱ་རེ ཚེ་ཀེ ཨ་ནེ་ཀཱ་ནི ད་ནྟ་ཝི་ཀ་ཏི་ཨཱ་དཱི་ནི སི་པྤཱ་ནི ཀ་རོ་ནྟེ དི་སྭཱ ‘‘ཨ་ཧོ ཝ་ཏ རེ ཚེ་ཀཱ ཨཱ་ཙ་རི་ཡཱ, ཨཱི་དི་སཱ་ནི སི་པྤཱ་ནི ཀ་རི་སྶ་ནྟཱི’’ཏི ཨེ་ཝཾ ཏེ་སཾ ཚེ་ཀ་ཏཱ་ཡ ཏུ་སྶ་ཏི, ན ཙ་སྶ ཨེ་ཝཾ ཧོ་ཏི ‘‘ཨ་ཧོ ཝ་ཏཱ་ཧ་མྤི ར་ཛྫཾ པ་ཧཱ་ཡ ཨེ་ཝ་རཱུ་པོ སི་པྤི་ཀོ བྷ་ཝེ་ཡྻ’’ནྟི. ཏཾ ཀི་སྶ ཧེ་ཏུ? ར་ཛྫ་སི་རི་ཡཱ མ་ཧཱ་ནི་སཾ་ས་ཏཱ་ཡ, སོ ཏེ་སཾ ཛཱི་ཝི་ཏཾ ཏི་ཎཱ་ཡ་པི ཨ་མ་ཉྙ་མཱ་ནོ ཏེ ས་མ་ཏི་ཀྐ་མི་ཏྭཱ ག་ཙྪ་ཏི, ཨེ་ཝཾ་ས་མྤ་ད་མི་དཾ ད་ཊྛ་བྦཾ.
༡༠༣༢. སུ་ཁུ་མཾ པ་རནྟི ཨུ་ཀྐཾ་ས་ཏོ སུ་ཁུ་མཾ, པ་ཋ་མ་ཛ྄ཛྷཱ་ནཱུ་པ་ཙཱ་ར་ཏོ པ་ཊྛཱ་ཡ ཧི ཏ་ཙྪེ་ནྟི་ཡཱ ཝི་ཡ པ་ཝ་ཏྟ་མཱ་ནཱ་ཡ བྷཱ་ཝ་ནཱ་ཡ ཨ་ནུ་ཀྐ་མེ་ན ས་ངྑཱ་རཱ ཏ་ཏྠ ཨ་ནྟི་མ་ཀོ་ཊྛཱ་ས་ཏཾ པཱ་པི་ཏཱ་ཏི. ཡ་དི ཨེ་ཝཾ ཀ་ཐཾ བྷཱ་ཝ་ནཱ ཨ་ཏྟ་ནོ ཀི་ཙྩཾ སཱ་དྷེ་ཏི, ན་ནུ ཙེ་སཱ ཏ་ད་ཝ་ཏྠཾ པཱ་པི་ཏཱ ཨཱ་ར་མྨ་ཎཾ ན ས་མྨཱ ཨུ་པ་ནི་ཛ྄ཛྷཱ་ཡ་ཏཱི་ཏི? ན་ཡི་ད་མེ་ཝ ད་ཊྛ་བྦཾ. བྷཱ་ཝ་ནཱ་བ་ལེ་ན སུ་ཁུ་མ་བྷཱ་ཝཾ པཱ་པི་ཏཱ་པི ཙེ་སཱ ཨ་ཏྟ་ནོ ཀི་ཙྩེ དུ་བྦ་ལ་ཏྟཾ ན པཱ་པི་ཏཱ, ཨ་ཐ ཁོ ཝི་པྥཱ་རི་ཀ་ཏཱ་བྷཱ་ཝཾ ག་མི་ཏཱ, ཏེ་ན ཏ་ཐཱ སུ་ཁུ་མཱ་པི ཨ་ཏྟ་ནོ ཀི་ཙྩེ ན དུ་བྦ་ལཱ ཨེ་ཝཱ་ཏི ན ཏ་ཏྠ ཏ་སྶཱ ཨ་སཱ་མ་ཏྠི་ཡཾ ཧོ་ཏི.
༡༠༣༣-༤. ཡཱ་ཡ ས་ཉྙཱ་ཡཱཏི ཡཱ་དི་སཱ་ཡ ས་ཉྙཱ་ཡ ས་དྡ་པྤ་ཝ་ཏྟི་ཧེ་ཏུ་བྷཱུ་ཏཱ་ཡ. སོ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་མ་ངྒཱི པུ་གྒ་ལོ. ནེ་ཝ་ས་ཉྙཱི ཙ ནཱ་ས་ཉྙཱི ཧོ་ཏི ནེ་ཝ་ས་ཉྙཱ་ནཱ་ས་ཉྙཱ་ས་མ་ངྒཱི ཧོ་ཏི. ན ཀེ་ཝ་ལཾ ཏུ ས་ཉྙཱ་ཝ ཨེ་དི་སཱི སུ་ཁུ་མཱ ནེ་ཝ་ས་ཉྙཱ་ནཱ་ས་ཉྙཱ ཧོ་ཏི, ཨ་ཐ ཁོ པ་ན ཝེ་ད་ནཱ་ད་ཡོ་པི སུ་ཁུ་མཱ, ཝེ་ད་ནཱ་པི ནེ་ཝ་ཝེ་ད་ནཱ་ནཱ་ཝེ་ད་ནཱ, ཙི་ཏྟ་མྤི ནེ་ཝ་ཙི་ཏྟཾ་ནཱ་ཙི་ཏྟཾ, ཕ་སྶོ་པི ནེ་ཝ་ཕ་སྶོ་ནཱ་ཕ་སྶོ. ཨེ་ས ན་ཡོ སེ་ས་ས་མྤ་ཡུ་ཏྟ་དྷ་མྨེ་སུ. ས་ཉྙཱ་སཱི་སེ་ན པ་ན ‘‘ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན’’ནྟི ཝུ་ཏྟཾ ‘‘ནཱ་ན་ཏྟ་ཀཱ་ཡཱ ནཱ་ན་ཏྟ་ས་ཉྙི་ནོ’’ཏི་ཨཱ་དཱི་སུ (དཱི. ནི. ༣.༣༣༢, ༣༤༡, ༣༥༧, ༣༥༩; ཨ. ནི. ༧.༤༤; ༩.༢༤) ཝི་ཡ. ན་ནུ ཙེ་ཏྠ ཡ་དི ས་ཉྙཱ ཨ་ཏྠི, ཀ་ཐཾ ནེ་ཝ་ས་ཉྙཱ་ཏི ཝ་ཏྟུཾ ཝ་ཊྚ་ཏི. ཡ་དི ན་ཏྠི, ཀ་ཐཾ ནཱ་ས་ཉྙཱ་ཏི ཨ་ནུ་ཡོ་གཾ ས་ནྡྷཱ་ཡ ཨི་མ་མ་ཏྠཾ ཨུ་པ་མཱ་ཧི སཱ་དྷེ་ཏུཾ ‘‘པ་ཏྟ་མ་ཀྑ་ན་ཏེ་ལེ་ནཱ’’ཏི་ཨཱ་དི ཝུ་ཏྟཾ. ཏ་ཏྠ པ་ཏྟ་མ་ཀྑ་ཎ་ཏེ་ལེ་ནཱཏི ཨ་ནྟོ་ཝུ་ཏྠ་ཏཱ་ཡ ཡཱ་གུ་ཡཱ ས་དྡྷིཾ ཨ་ཀ་པྤི་ཡ་ཊྛེ་ན ཏེ་ལཾ ཨ་ཏྠཱི་ཏི, ནཱ་ལི༹་པཱུ་རཱ་དཱི་ནཾ ཝ་སེ་ན ན་ཏྠཱི་ཏི ཙ ཝ་ཏྟ་བྦེ་ན པ་ཏྟེ མ་ཀྑི་ཏ་ཏེ་ལེ་ན. མ་གྒ་སྨིཾ ཨུ་ད་ཀེ་ན ཙཱཏི ཨུ་པཱ་ཧ་ན་ཏེ་མ་ན་མ་ཏྟ་ཊྛེ་ན ཨུ་ད་ཀཾ ཨ་ཏྠཱི་ཏི, ན་ཧཱ་ན་ཝ་སེ་ན ན་ཏྠཱི་ཏི ཙ ཝ་ཏྟ་བྦེ་ན མ་གྒ་སྨིཾ ཨུ་ད་ཀེ་ན.
༡༠༣༥-༧. ཨ་ཡཾ ཨ་ཏྠོཏི ཀི་ཉྩི ཝི་སེ་སཾ ཨུ་པཱ་དཱ་ཡ ས་བྷཱ་ཝ་ཏོ ཨ་ཏྠཱི་ཏི ཝ་ཏྟ་བྦ་སྶེ་ཝ དྷ་མྨ་སྶ ཀི་ཉྩི ཝི་སེ་སཾ ཨུ་པཱ་དཱ་ཡ ན་ཏྠཱི་ཏི ཝ་ཏྟ་བྦ་ཏཱ་ས་ངྑཱ་ཏོ ཨ་ཡ་མ་ཏྠོ. པ་ཊུ་ས་ཉྙཱ་ཀི་ཙྩཾ ཀཱ་ཏུཾ ཨ་ས་མ་ཏྠ་ཏཱ་ཡ ཧི ནེ་ཝ་ས་ཉྙ་ཏཱ, ས་ངྑཱ་རཱ་ཝ་སེ་ས་སུ་ཁུ་མ་བྷཱ་ཝེ་ན ནཱ་ས་ཉྙ་ཏཱ ཙ ཧོ་ཏི. ཏེ་ནཱ་ཧ ‘‘པ་ཊུ་ས་ཉྙཱ་ཡ ཀི་ཙྩ་སྶཱ’’ཏི་ཨཱ་དི. ཨཱ་ར་མྨ་ཎ་ས་ཉྫཱ་ན་ན་ཉྩེ་ཝ ཝི་པ་སྶ་ནཱ་ཡ ཝི་ས་ཡ་བྷཱ་ཝཾ ཨུ་པ་ག་ནྟྭཱ ནི་བྦི་དཱ་ཛ་ན་ན་ཉྩ པ་ཊུ་ས་ཉྙཱ་ཀི་ཙྩཾ ཀ་ཐ་མ་ཡཾ ས་ཉྙཱ་ཝ ས་མཱ་ནཱ ས་ཉྙཱ་ཀི་ཙྩཾ ཀཱ་ཏུཾ ན ས་ཀྐོ་ཏཱི་ཏི ཨཱ་ཧ ‘‘ཡ་ཐཱ ད་ཧ་ན་ཀི་ཙྩ’’ནྟི་ཨཱ་དི. ནྷཱ་ཏུ་ཀཱ་མ་སྶ ཨུ་ཎྷ་སཱི་ཏ་བྷཱ་ཝཾ ཨ་ཀ་ཏྭཱ སུ་ཁ་ཛ་ན་ན་ཏཱ་ཡ སུ་ཁོ་ད་ཀཾ, ཏ་སྨིཾ. ཏེ་ཛོ་དྷཱ་ཏུ ཡ་ཐཱ ད་ཧ་ན་ཀི་ཙྩཾ ཀཱ་ཏུཾ ན ས་ཀྐོ་ཏི, ཨེ་ཝ་མེ་སཱ ཨ་ཏི་ས་ནྟཱ་ར་མྨ་ཎེ པ་ཝ་ཏྟ་ཏྟཱ ཨཱ་ར་མྨ་ཎ་ས་ཉྫཱ་ན་ནཾ ཀཱ་ཏུཾ ན ས་ཀྐོ་ཏི, པ་ར་མ་སུ་ཁུ་མ་ཏྟཾ ག་ཏཱ་ཝ. ཏེ་ནེ་ཝ ཧེ་སཱ ཨ་ཀ་ཏཱ་བྷི་ནི་ཝེ་ས་སྶ ཝི་པ་སྶ་ནཱ་ཉཱ་ཎེ་ན སུ་ཁ་གྒ་ཡ྄ཧཱ ན ཧོ་ཏཱི་ཏི སེ་ས་ས་མཱ་པ་ཏྟཱི་སུ ས་ཉྙཱ ཝི་ཡ ཝི་པ་སྶ་ནཱ་ཡ ཝི་ས་ཡ་བྷཱ་ཝཾ ཨུ་པ་ག་ནྟྭཱ ནི་བྦི་དཱ་ཛ་ན་ན་མྤི ཀཱ་ཏུཾ ན ས་ཀྐོ་ཏི, ཨ་ཉྙེ་སུ ཧི ཁ་ནྡྷེ་སུ ཨ་ཀ་ཏ་ཝི་པ་སྶ་ནཱ་བྷི་ནི་ཝེ་སོ བྷི་ཀྑུ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ཀྑ་ནྡྷེ ས་མྨ་སི་ཏྭཱ ནི་བྦི་དཾ པ་ཏྟུཾ ས་མ་ཏྠོ ནཱ་མ ན་ཏྠི, ཨ་པི ཨཱ་ཡ་སྨཱ སཱ་རི་པུ་ཏྟོ. པ་ཀ་ཏི་ཝི་པ་སྶ་ཀོ པ་ན སཱ་རི་པུ་ཏྟ་ས་དི་སོ བྷི་ཀྑུ ཁ་ནྡྷཱ་དི་མུ་ཁེ་ན ཝི་པ་སྶ་ནཾ ཨ་བྷི་ནི་ཝི་སི་ཏྭཱ དྭཱ་རཱ་ར་མྨ་ཎེ་ཧི ས་དྡྷིཾ དྭཱ་ར་པྤ་ཝ་ཏྟ་དྷ་མྨཱ་ནཾ ཝི་པ་སྶ་ནཾ ཨཱ་ར་བྷི་ཏྭཱ ཋི་ཏོ ས་ཀྐུ་ཎེ་ཡྻ ཏ་བྦི་ས་ཡཾ ཨུ་ད་ཡ་བྦ་ཡ་ཉཱ་ཎཾ ཨུ་པྤཱ་དེ་ཏུཾ, སོ་པི ཀ་ལཱ་པ་ས་མྨ་ས་ན་ཝ་སེ་ནེ་ཝ, ནོ ཨ་ནུ་པ་ད་དྷ་མྨ་ཝི་པ་སྶ་ནཱ་ཝ་སེ་ན. ན ཧི སཱ་རི་པུ་ཏྟ་ས་དི་སོ བྷི་ཀྑུ ཙ་ཏུ་ཏྠཱ་རུ་པྤ་པ་རི་ཡཱ་པ་ནྣེ་སུ ཕ་སྶཱ་དི་དྷ་མྨེ་སུ ཝི་ནི་བྦྷུ་ཛི་ཏྭཱ ཝི་སུཾ ཝི་སུཾ ས་རཱུ་པ་ཏོ ག་ཧེ་ཏྭཱ ཨ་ནི་ཙྩཱ་དི་ཝ་སེ་ན ས་མྨ་སི་ཏུཾ ས་ཀྐོ་ཏི. ཀེ་ཝ་ལཾ པ་ན ཨ་ཝི་ནི་བྦྷུ་ཛྫ ཨེ་ཀ་ཏོ ག་ཧེ་ཏྭཱ ཀ་ལཱ་པ་ཏོ ས་མཱུ་ཧ་ཏོ་ཡེ་ཝ ས་མྨ་སི་ཏུཾ ས་མ་ཏྠོ ཧོ་ཏི, ཨེ་ཝཾ སུ་ཁུ་མ་ཏྟེ་ནེ་སཱ ཝི་ཛྫ་ཏི.
༡༠༣༨-༤༠. རཱུ་པནྟི ཀ་སི་ཎ་རཱུ་པ་ས་ངྑཱ་ཏཾ པ་ཊི་བྷཱ་ག་ནི་མི་ཏྟཾ. ཨཱ་ཀཱ་སནྟི ཀ་སི་ཎུ་གྒྷཱ་ཊི་མཱ་ཀཱ་སཾ. ཝི་ཉྙཱ་ཎནྟི ཨཱ་ཀཱ་སེ པ་ཝ་ཏྟ་ཝི་ཉྙཱ་ཎཾ. ཏ་ད་བྷཱ་ཝ་ཀནྟི ཏ་སྶ ཨཱ་ཀཱ་སེ པ་ཝ་ཏྟ་ཝི་ཉྙཱ་ཎ་སྶ ཨ་བྷཱ་ཝ་ཀཾ. ཀ་མ་ཏོཏི པ་ཋ་མཱ་རུ་པྤཾ ས་མ་ཏི་ཀྐ་མི་ཏྭཱ ཧོ་ཏཱི་ཏི་ཨཱ་དི་ནཱ ཨ་ནུ་ཀྐ་མ་ཏོ. ཨ་ཏྟ་ནཱ ཝུ་ཏྟ་མ་ཏྠཾ ཨ་ཊྛ་ཀ་ཐཱ་ཝ་ཙ་ནཾ ཨཱ་ཧ་རི་ཏྭཱ སཱ་དྷེ་ནྟོ ‘‘ཨཱ་ཧ ཙཱ’’ཏི་ཨཱ་དི་མཱ་ཧ. ཨི་དྷཱཏི ཨི་མཱ་སུ ཙ་ཏཱུ་སུ ཨ་རཱུ་པ་ས་མཱ་པ་ཏྟཱི་སུ. པ་ཙྪི་མཱ པ་ཙྪི་མཱ ས་མཱ་པ་ཏྟི་ཡོ ཧི པུ་རི་མཱ་པུ་རི་མཱ་ཧི ས་མཱ་པ་ཏྟཱི་ཧི སུ་པ་ཎཱི་ཏ་ཏ་རཱ སུ་ཊྛུ པ་ཎཱི་ཏ་ཏ་རཱ, སུ་ནྡ་ར་པ་ཎཱི་ཏ་ཏ་རཱ་ཏི ཝཱ ཨ་ཏྠོ. པཱ་སཱ་ད་ཏ་ལ་སཱ་ཊི་ཀཱཏི ཙ་ཏུ་བྷཱུ་མ་ཀ་པཱ་སཱ་ད་སྶ ཧེ་ཊྛི་མ་ཧེ་ཊྛི་མ་ཏོ ཨུ་པ་རཱུ་པ་རི ས་ཝི་སེ་སཱ པ་ཉྩ ཀཱ་མ་གུ་ཎཱ, ཙ་ཏྟཱ་རོ པཱ་སཱ་ད་ཏ་ལཱ ཙ ཐཱུ་ལ་ས་ཎྷ་ས་ཎྷ་ཏ་ར་ས་ཎྷ་ཏ་མ་སུ་ཏྟེ་ཧི ཝི་ཧི་ཏཱ ཨཱ་ཡཱ་མ་ཝི་ཏྠཱ་ར་ཏོ ས་མ་པྤ་མཱ་ཎཱ སཱ་ཊི་ཀཱ ཙ.
༡༠༤༢. རཱུ་པཱ་རཱུ་པ་བྷ་ཝཾ ཨ་བྷི་བྷུ་ཡྻ ནི་བྦཱ་ནཾ ཡཱ་ཏི, ཨ་ཐ ཝཱ ནཱི་ཝ་ར་ཎེ ཨ་བྷི་བྷུ་ཡྻ རཱུ་པཱ་རཱུ་པ་བྷ་ཝཾ ཡཱ་ཏཱི་ཏི ཨ་ཏྠོ.
ཨི་ཏི ཨ་བྷི་དྷ་མྨ་ཏྠ་ཝི་ཀཱ་སི་ནི་ཡཱ ནཱ་མ
ཨ་བྷི་དྷ་མྨཱ་ཝ་ཏཱ་ར་སཾ་ཝ་ཎྞ་ནཱ་ཡ
ཨ་རཱུ་པཱ་ཝ་ཙ་ར་ས་མཱ་དྷི་བྷཱ་ཝ་ནཱ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.