༡༠. བཱ་ལ༹ྷ་གི་ལཱ་ན་སུ་ཏྟཾ

༩༠༨. ཨེ་ཀཾ ས་མ་ཡཾ ཨཱ་ཡ་སྨཱ ཨ་ནུ་རུ་དྡྷོ སཱ་ཝ་ཏྠི་ཡཾ ཝི་ཧ་ར་ཏི ཨ་ནྡྷ་ཝ་ན་སྨིཾ ཨཱ་བཱ་དྷི་ཀོ དུ་ཀྑི་ཏོ བཱ་ལ༹ྷ་གི་ལཱ་ནོ. ཨ་ཐ ཁོ ས་མྦ་ཧུ་ལཱ བྷི་ཀྑཱུ ཡེ་ནཱ་ཡ་སྨཱ ཨ་ནུ་རུ་དྡྷོ ཏེ་ནུ་པ་ས་ངྐ་མིཾ་སུ; ཨུ་པ་ས་ངྐ་མི་ཏྭཱ ཨཱ་ཡ་སྨ་ནྟཾ ཨ་ནུ་རུ་དྡྷཾ ཨེ་ཏ་ད་ཝོ་ཙུཾ –

‘‘ཀ་ཏ་མེ་ནཱ་ཡ་སྨ་ཏོ ཨ་ནུ་རུ་དྡྷ་སྶ ཝི་ཧཱ་རེ་ན ཝི་ཧ་ར་ཏོ ཨུ་པྤ་ནྣཱ སཱ་རཱི་རི་ཀཱ དུ་ཀྑཱ ཝེ་ད་ནཱ ཙི་ཏྟཾ ན པ་རི་ཡཱ་དཱ་ཡ ཏི་ཊྛ་ནྟཱི’’ཏི? ‘‘ཙ་ཏཱུ་སུ ཁོ མེ, ཨཱ་ཝུ་སོ, ས་ཏི་པ་ཊྛཱ་ནེ་སུ སུ་པྤ་ཏི་ཊྛི་ཏ་ཙི་ཏྟ་སྶ ཝི་ཧ་ར་ཏོ ཨུ་པྤ་ནྣཱ སཱ་རཱི་རི་ཀཱ དུ་ཀྑཱ ཝེ་ད་ནཱ ཙི་ཏྟཾ ན པ་རི་ཡཱ་དཱ་ཡ ཏི་ཊྛ་ནྟི. ཀ་ཏ་མེ་སུ ཙ་ཏཱུ་སུ? ཨི་དྷཱ་ཧཾ, ཨཱ་ཝུ་སོ, ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་རཱ་མི…པེ… ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་རཱ་མི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ – ཨི་མེ་སུ ཁོ མེ, ཨཱ་ཝུ་སོ, ཙ་ཏཱུ་སུ ས་ཏི་པ་ཊྛཱ་ནེ་སུ སུ་པྤ་ཏི་ཊྛི་ཏ་ཙི་ཏྟ་སྶ ཝི་ཧ་ར་ཏོ ཨུ་པྤ་ནྣཱ སཱ་རཱི་རི་ཀཱ དུ་ཀྑཱ ཝེ་ད་ནཱ ཙི་ཏྟཾ ན པ་རི་ཡཱ་དཱ་ཡ ཏི་ཊྛ་ནྟཱི’’ཏི. ད་ས་མཾ.

ར་ཧོ་ག་ཏ་ཝ་གྒོ པ་ཋ་མོ.

ཏ་སྶུ་དྡཱ་ནཾ –

ར་ཧོ་ག་ཏེ་ན དྭེ ཝུ་ཏྟཱ, སུ་ཏ་ནུ ཀ་ཎྜ་ཀཱི ཏ་ཡོ;

ཏ་ཎྷ་ཀྑ་ཡ་ས་ལ་ལཱ༹་གཱ་རཾ, ཨ་མྦ་པཱ་ལི ཙ གི་ལཱ་ན་ནྟི.