༨. ཏ་ཏི་ཡ་ཝི་བྷ་ངྒ་སུ་ཏྟཾ

༥༠༨. ‘‘པ་ཉྩི་མཱ་ནི, བྷི་ཀྑ་ཝེ, ཨི་ནྡྲི་ཡཱ་ནི. ཀ་ཏ་མཱ་ནི པ་ཉྩ? སུ་ཁི་ནྡྲི་ཡཾ, དུ་ཀྑི་ནྡྲི་ཡཾ, སོ་མ་ན་སྶི་ནྡྲི་ཡཾ, དོ་མ་ན་སྶི་ནྡྲི་ཡཾ, ཨུ་པེ་ཀྑི་ནྡྲི་ཡཾ.

‘‘ཀ་ཏ་མ་ཉྩ, བྷི་ཀྑ་ཝེ, སུ་ཁི་ནྡྲི་ཡཾ? ཡཾ ཁོ, བྷི་ཀྑ་ཝེ, ཀཱ་ཡི་ཀཾ སུ་ཁཾ, ཀཱ་ཡི་ཀཾ སཱ་ཏཾ, ཀཱ་ཡ་ས་མྥ་སྶ་ཛཾ སུ་ཁཾ སཱ་ཏཾ ཝེ་ད་ཡི་ཏཾ – ཨི་དཾ ཝུ་ཙྩ་ཏི, བྷི་ཀྑ་ཝེ, སུ་ཁི་ནྡྲི་ཡཾ.

‘‘ཀ་ཏ་མ་ཉྩ, བྷི་ཀྑ་ཝེ, དུ་ཀྑི་ནྡྲི་ཡཾ? ཡཾ ཁོ, བྷི་ཀྑ་ཝེ, ཀཱ་ཡི་ཀཾ དུ་ཀྑཾ, ཀཱ་ཡི་ཀཾ ཨ་སཱ་ཏཾ, ཀཱ་ཡ་ས་མྥ་སྶ་ཛཾ དུ་ཀྑཾ ཨ་སཱ་ཏཾ ཝེ་ད་ཡི་ཏཾ – ཨི་དཾ ཝུ་ཙྩ་ཏི, བྷི་ཀྑ་ཝེ, དུ་ཀྑི་ནྡྲི་ཡཾ.

‘‘ཀ་ཏ་མ་ཉྩ, བྷི་ཀྑ་ཝེ, སོ་མ་ན་སྶི་ནྡྲི་ཡཾ? ཡཾ ཁོ, བྷི་ཀྑ་ཝེ, ཙེ་ཏ་སི་ཀཾ སུ་ཁཾ, ཙེ་ཏ་སི་ཀཾ སཱ་ཏཾ, མ་ནོ་ས་མྥ་སྶ་ཛཾ སུ་ཁཾ སཱ་ཏཾ ཝེ་ད་ཡི་ཏཾ – ཨི་དཾ ཝུ་ཙྩ་ཏི, བྷི་ཀྑ་ཝེ, སོ་མ་ན་སྶི་ནྡྲི་ཡཾ.

‘‘ཀ་ཏ་མ་ཉྩ, བྷི་ཀྑ་ཝེ, དོ་མ་ན་སྶི་ནྡྲི་ཡཾ? ཡཾ ཁོ, བྷི་ཀྑ་ཝེ, ཙེ་ཏ་སི་ཀཾ དུ་ཀྑཾ, ཙེ་ཏ་སི་ཀཾ ཨ་སཱ་ཏཾ, མ་ནོ་ས་མྥ་སྶ་ཛཾ དུ་ཀྑཾ ཨ་སཱ་ཏཾ ཝེ་ད་ཡི་ཏཾ – ཨི་དཾ ཝུ་ཙྩ་ཏི, བྷི་ཀྑ་ཝེ, དོ་མ་ན་སྶི་ནྡྲི་ཡཾ.

‘‘ཀ་ཏ་མ་ཉྩ, བྷི་ཀྑ་ཝེ, ཨུ་པེ་ཀྑི་ནྡྲི་ཡཾ? ཡཾ ཁོ, བྷི་ཀྑ་ཝེ, ཀཱ་ཡི་ཀཾ ཝཱ ཙེ་ཏ་སི་ཀཾ ཝཱ ནེ་ཝ སཱ་ཏཾ ནཱ་སཱ་ཏཾ ཝེ་ད་ཡི་ཏཾ – ཨི་དཾ ཝུ་ཙྩ་ཏི, བྷི་ཀྑ་ཝེ, ཨུ་པེ་ཀྑི་ནྡྲི་ཡཾ.

‘‘ཏ་ཏྲ, བྷི་ཀྑ་ཝེ, ཡ་ཉྩ སུ་ཁི་ནྡྲི་ཡཾ ཡ་ཉྩ སོ་མ་ན་སྶི་ནྡྲི་ཡཾ, སུ་ཁཱ སཱ ཝེ་ད་ནཱ ད་ཊྛ་བྦཱ. ཏ་ཏྲ, བྷི་ཀྑ་ཝེ, ཡ་ཉྩ དུ་ཀྑི་ནྡྲི་ཡཾ ཡ་ཉྩ དོ་མ་ན་སྶི་ནྡྲི་ཡཾ, དུ་ཀྑཱ སཱ ཝེ་ད་ནཱ ད་ཊྛ་བྦཱ. ཏ་ཏྲ, བྷི་ཀྑ་ཝེ, ཡ་དི་དཾ ཨུ་པེ་ཀྑི་ནྡྲི་ཡཾ, ཨ་དུ་ཀྑ་མ་སུ་ཁཱ སཱ ཝེ་ད་ནཱ ད་ཊྛ་བྦཱ. ཨི་ཏི ཁོ, བྷི་ཀྑ་ཝེ, ཨི་མཱ་ནི པ་ཉྩི་ནྡྲི་ཡཱ་ནི པ་ཉྩ ཧུ་ཏྭཱ ཏཱི་ཎི ཧོ་ནྟི, ཏཱི་ཎི ཧུ་ཏྭཱ པ་ཉྩ ཧོ་ནྟི པ་རི་ཡཱ་ཡེ་ནཱ’’ཏི. ཨ་ཊྛ་མཾ.