༩. ས་མྤ་ནྣ་སུ་ཏྟཾ

༤༨༩. ཨ་ཐ ཁོ ཨ་ཉྙ་ཏ་རོ བྷི་ཀྑུ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ –

‘‘‘ཨི་ནྡྲི་ཡ་ས་མྤ་ནྣོ, ཨི་ནྡྲི་ཡ་ས་མྤ་ནྣོ’ཏི, བྷ་ནྟེ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, བྷ་ནྟེ, ཨི་ནྡྲི་ཡ་ས་མྤ་ནྣོ ཧོ་ཏཱི’’ཏི? ‘‘ཨི་དྷ, བྷི་ཀྑུ, བྷི་ཀྑུ ས་དྡྷི་ནྡྲི་ཡཾ བྷཱ་ཝེ་ཏི ཨུ་པ་ས་མ་གཱ་མིཾ ས་མྦོ་དྷ་གཱ་མིཾ, ཝཱི་རི་ཡི་ནྡྲི་ཡཾ བྷཱ་ཝེ་ཏི ཨུ་པ་ས་མ་གཱ་མིཾ ས་མྦོ་དྷ་གཱ་མིཾ, ས་ཏི་ནྡྲི་ཡཾ བྷཱ་ཝེ་ཏི ཨུ་པ་ས་མ་གཱ་མིཾ ས་མྦོ་དྷ་གཱ་མིཾ, ས་མཱ་དྷི་ནྡྲི་ཡཾ བྷཱ་ཝེ་ཏི ཨུ་པ་ས་མ་གཱ་མིཾ ས་མྦོ་དྷ་གཱ་མིཾ, པ་ཉྙི་ནྡྲི་ཡཾ བྷཱ་ཝེ་ཏི ཨུ་པ་ས་མ་གཱ་མིཾ ས་མྦོ་དྷ་གཱ་མིཾ. ཨེ་ཏྟཱ་ཝ་ཏཱ ཁོ, བྷི་ཀྑུ, བྷི་ཀྑུ ཨི་ནྡྲི་ཡ་ས་མྤ་ནྣོ ཧོ་ཏཱི’’ཏི. ན་ཝ་མཾ.