༡༠. ཨཱ་ས་ཝ་སུ་ཏྟཾ

༤༡༦. ‘‘ཏ་ཡོ་མེ, བྷི་ཀྑ་ཝེ ཨཱ་ས་ཝཱ. ཀ་ཏ་མེ ཏ་ཡོ? ཀཱ་མཱ་ས་ཝོ, བྷ་ཝཱ་ས་ཝོ, ཨ་ཝི་ཛྫཱ་ས་ཝོ – ཨི་མེ ཁོ, བྷི་ཀྑ་ཝེ, ཏ་ཡོ ཨཱ་ས་ཝཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞ་ནྣཾ ཨཱ་ས་ཝཱ་ནཾ པ་ཧཱ་ནཱ་ཡ ཙ་ཏྟཱ་རོ ས་ཏི་པ་ཊྛཱ་ནཱ བྷཱ་ཝེ་ཏ་བྦཱ.

‘‘ཀ་ཏ་མེ ཙ་ཏྟཱ་རོ? ཨི་དྷ, བྷི་ཀྑ་ཝེ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཨི་མེ་སཾ ཁོ, བྷི་ཀྑ་ཝེ, ཏི་ཎྞ་ནྣཾ ཨཱ་ས་ཝཱ་ནཾ པ་ཧཱ་ནཱ་ཡ ཨི་མེ ཙ་ཏྟཱ་རོ ས་ཏི་པ་ཊྛཱ་ནཱ བྷཱ་ཝེ་ཏ་བྦཱ’’ཏི. ད་ས་མཾ.

ཨ་མ་ཏ་ཝ་གྒོ པ་ཉྩ་མོ.

ཏ་སྶུ་དྡཱ་ནཾ –

ཨ་མ་ཏཾ ས་མུ་ད་ཡོ མ་གྒོ, ས་ཏི ཀུ་ས་ལ་རཱ་སི ཙ;

པཱ་ཏི་མོ་ཀྑཾ དུ་ཙྩ་རི་ཏཾ, མི་ཏྟ་ཝེ་ད་ནཱ ཨཱ་ས་ཝེ་ན ཙཱ་ཏི.