༣. ཝི་ར་དྡྷ་སུ་ཏྟཾ

༣༩༩. ‘‘ཡེ་སཾ ཀེ་ས་ཉྩི, བྷི་ཀྑ་ཝེ, ཙ་ཏྟཱ་རོ ས་ཏི་པ་ཊྛཱ་ནཱ ཝི་ར་དྡྷཱ, ཝི་ར་དྡྷོ ཏེ་སཾ ཨ་རི་ཡོ མ་གྒོ [ཨ་རི་ཡོ ཨ་ཊྛ་ངྐི་ཀོ མ་གྒོ (ཀ.) ཨི་མ་སྨིཾ ཡེ་ཝ སུ་ཏྟེ དི་སྶ་ཏི ཨ་ཊྛ་ངྒི་ཀོ་ཏི་པ་དཾ, ན པ་ནཱ་ཉྙ་ཏྠ ཨི་དྡྷི་པཱ་ད ཨ་ནུ་རུ་དྡྷཱ་དཱི་སུ] ས་མྨཱ དུ་ཀྑ་ཀྑ་ཡ་གཱ་མཱི. ཡེ་སཾ ཀེ་ས་ཉྩི, བྷི་ཀྑ་ཝེ, ཙ་ཏྟཱ་རོ ས་ཏི་པ་ཊྛཱ་ནཱ ཨཱ་ར་དྡྷཱ, ཨཱ་ར་དྡྷོ ཏེ་སཾ ཨ་རི་ཡོ མ་གྒོ ས་མྨཱ དུ་ཀྑ་ཀྑ་ཡ་གཱ་མཱི.

‘‘ཀ་ཏ་མེ ཙ་ཏྟཱ་རོ? ཨི་དྷ, བྷི་ཀྑ་ཝེ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཡེ་སཾ ཀེ་ས་ཉྩི, བྷི་ཀྑ་ཝེ, ཨི་མེ ཙ་ཏྟཱ་རོ ས་ཏི་པ་ཊྛཱ་ནཱ ཝི་ར་དྡྷཱ, ཝི་ར་དྡྷོ ཏེ་སཾ ཨ་རི་ཡོ མ་གྒོ ས་མྨཱ དུ་ཀྑ་ཀྑ་ཡ་གཱ་མཱི. ཡེ་སཾ ཀེ་ས་ཉྩི, བྷི་ཀྑ་ཝེ, ཨི་མེ ཙ་ཏྟཱ་རོ ས་ཏི་པ་ཊྛཱ་ནཱ ཨཱ་ར་དྡྷཱ, ཨཱ་ར་དྡྷོ ཏེ་སཾ ཨ་རི་ཡོ མ་གྒོ ས་མྨཱ དུ་ཀྑ་ཀྑ་ཡ་གཱ་མཱི’’ཏི. ཏ་ཏི་ཡཾ.