༡༣. ཨོ་གྷ་ཝ་གྒོ

༡-༨. ཨོ་གྷཱ་དི་སུ་ཏྟཾ

༣༠༢. ‘‘ཙ་ཏྟཱ་རོ་མེ བྷི་ཀྑ་ཝེ, ཨོ་གྷཱ. ཀ་ཏ་མེ ཙ་ཏྟཱ་རོ? ཀཱ་མོ་གྷོ, བྷ་ཝོ་གྷོ, དི་ཊྛོ་གྷོ, ཨ་ཝི་ཛྫོ་གྷོ་ཏི ཝི་ཏྠཱ་རེ་ཏ་བྦཾ.

༡༠. ཨུ་དྡྷ་མྦྷཱ་གི་ཡ་སུ་ཏྟཾ

༣༡༡. སཱ་ཝ་ཏྠི་ནི་དཱ་ནཾ. ‘‘པ་ཉྩི་མཱ་ནི, བྷི་ཀྑ་ཝེ, ཨུ་དྡྷ་མྦྷཱ་གི་ཡཱ་ནི སཾ་ཡོ་ཛ་ནཱ་ནི. ཀ་ཏ་མཱ་ནི པ་ཉྩ? རཱུ་པ་རཱ་གོ, ཨ་རཱུ་པ་རཱ་གོ, མཱ་ནོ, ཨུ་དྡྷ་ཙྩཾ, ཨ་ཝི་ཛྫཱ – ཨི་མཱ་ནི ཁོ, བྷི་ཀྑ་ཝེ, པ་ཉྩུ་དྡྷ་མྦྷཱ་གི་ཡཱ་ནི སཾ་ཡོ་ཛ་ནཱ་ནི. ཨི་མེ་སཾ ཁོ, བྷི་ཀྑ་ཝེ, པ་ཉྩ་ནྣཾ ཨུ་དྡྷ་མྦྷཱ་གི་ཡཱ་ནཾ སཾ་ཡོ་ཛ་ནཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ ས་ཏྟ བོ་ཛ྄ཛྷ་ངྒཱ བྷཱ་ཝེ་ཏ་བྦཱ. ཀ་ཏ་མེ ས་ཏྟ? ཨི་དྷ, བྷི་ཀྑ་ཝེ, བྷི་ཀྑུ ས་ཏི་ས་མྦོ་ཛ྄ཛྷ་ངྒཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ…པེ… ཨུ་པེ་ཀྑཱ་ས་མྦོ་ཛ྄ཛྷ་ངྒཾ བྷཱ་ཝེ་ཏི རཱ་ག་ཝི་ན་ཡ་པ་རི་ཡོ་སཱ་ནཾ དོ་ས་ཝི་ན་ཡ་པ་རི་ཡོ་སཱ་ནཾ མོ་ཧ་ཝི་ན་ཡ་པ་རི་ཡོ་སཱ་ནཾ… ཨ་མ་ཏོ་ག་དྷཾ ཨ་མ་ཏ་པ་རཱ་ཡ་ནཾ ཨ་མ་ཏ་པ་རི་ཡོ་སཱ་ནཾ… ནི་བྦཱ་ན་ནི་ནྣཾ ནི་བྦཱ་ན་པོ་ཎཾ ནི་བྦཱ་ན་པ་བྦྷཱ་རཾ. ཨི་མེ་སཾ ཁོ, བྷི་ཀྑ་ཝེ, བྷི་ཀྑུ པ་ཉྩ་ནྣཾ ཨུ་དྡྷ་མྦྷཱ་གི་ཡཱ་ནཾ སཾ་ཡོ་ཛ་ནཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ ཨི་མེ ས་ཏྟ བོ་ཛ྄ཛྷ་ངྒཱ བྷཱ་ཝེ་ཏ་བྦཱ’’ཏི. ད་ས་མཾ.

ཨོ་གྷ་ཝ་གྒོ ཏེ་ར་ས་མོ.

ཏ་སྶུ་དྡཱ་ནཾ –

ཨོ་གྷོ ཡོ་གོ ཨུ་པཱ་དཱ་ནཾ, ག་ནྠཱ ཨ་ནུ་ས་ཡེ་ན ཙ;

ཀཱ་མ་གུ་ཎཱ ནཱི་ཝ་ར་ཎཱ, ཁ་ནྡྷཱ ཨོ་རུ་དྡྷ་མྦྷཱ་གི་ཡཱ་ནཱི་ཏི.