༦. ཨ་བྷི་ས་མ་ཡ་ཝ་གྒོ
༡. ན་ཁ་སི་ཁ་སུ་ཏྟཾ
༡༡༢༡. ཨ་ཐ ཁོ བྷ་ག་ཝཱ པ་རི་ཏྟཾ ན་ཁ་སི་ཁཱ་ཡཾ པཾ་སུཾ ཨཱ་རོ་པེ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡོ ཝཱ་ཡཾ མ་ཡཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ, ཨ་ཡཾ ཝཱ མ་ཧཱ་པ་ཐ་ཝཱི’’ཏི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ ཡ་དི་དཾ – མ་ཧཱ་པ་ཐ་ཝཱི; ཨ་པྤ་མ་ཏྟ་ཀཱ་ཡཾ བྷ་ག་ཝ་ཏཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ. ས་ངྑ་མྤི ན ཨུ་པེ་ཏི, ཨུ་པ་ནི་དྷ་མྤི ན ཨུ་པེ་ཏི, ཀ་ལ་བྷཱ་ག་མྤི ན ཨུ་པེ་ཏི མ་ཧཱ་པ་ཐ་ཝིཾ ཨུ་པ་ནི་དྷཱ་ཡ བྷ་ག་ཝ་ཏཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ དི་ཊྛི་ས་མྤ་ནྣ་སྶ པུ་གྒ་ལ་སྶ ཨ་བྷི་ས་མེ་ཏཱ་ཝི་ནོ ཨེ་ཏ་དེ་ཝ བ་ཧུ་ཏ་རཾ དུ་ཀྑཾ ཡ་དི་དཾ པ་རི་ཀྑཱི་ཎཾ པ་རི་ཡཱ་དི་ནྣཾ; ཨ་པྤ་མ་ཏྟ་ཀཾ ཨ་ཝ་སི་ཊྛཾ. ས་ངྑ་མྤི ན ཨུ་པེ་ཏི, ཨུ་པ་ནི་དྷ་མྤི ན ཨུ་པེ་ཏི, ཀ་ལ་བྷཱ་ག་མྤི ན ཨུ་པེ་ཏི པུ་རི་མཾ དུ་ཀྑ་ཀྑ་ནྡྷཾ པ་རི་ཀྑཱི་ཎཾ པ་རི་ཡཱ་དི་ནྣཾ ཨུ་པ་ནི་དྷཱ་ཡ ཡ་དི་དཾ ས་ཏྟ་ཀྑ་ཏྟུ་པ་ར་མ་ཏཱ; ཡོ ‘ཨི་དཾ དུ་ཀྑ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི’’.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. པ་ཋ་མཾ.
༢. པོ་ཀྑ་ར་ཎཱི་སུ་ཏྟཾ
༡༡༢༢. ‘‘སེ་ཡྻ་ཐཱ་པི, བྷི་ཀྑ་ཝེ, པོ་ཀྑ་ར་ཎཱི པ་ཉྙཱ་ས་ཡོ་ཛ་ནཱ་ནི ཨཱ་ཡཱ་མེ་ན, པ་ཉྙཱ་ས་ཡོ་ཛ་ནཱ་ནི ཝི་ཏྠཱ་རེ་ན, པ་ཉྙཱ་ས་ཡོ་ཛ་ནཱ་ནི ཨུ་བྦེ་དྷེ་ན, པུ་ཎྞཱ ཨུ་ད་ཀ་སྶ ས་མ་ཏི་ཏྟི་ཀཱ ཀཱ་ཀ་པེ་ཡྻཱ. ཏ་ཏོ པུ་རི་སོ ཀུ་ས་གྒེ་ན ཨུ་ད་ཀཾ ཨུ་དྡྷ་རེ་ཡྻ. ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡཾ ཝཱ ཀུ་ས་གྒེ་ན ཨུ་བྦྷ་ཏཾ, ཡཾ ཝཱ པོ་ཀྑ་ར་ཎི་ཡཱ ཨུ་ད་ཀ’’ནྟི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ, ཡ་དི་དཾ – པོ་ཀྑ་ར་ཎི་ཡཱ ཨུ་ད་ཀཾ; ཨ་པྤ་མ་ཏྟ་ཀཾ ཀུ་ས་གྒེ་ན ཨུ་ད་ཀཾ ཨུ་བྦྷ་ཏཾ. ས་ངྑ་མྤི ན ཨུ་པེ་ཏི, ཨུ་པ་ནི་དྷ་མྤི ན ཨུ་པེ་ཏི, ཀ་ལ་བྷཱ་ག་མྤི ན ཨུ་པེ་ཏི པོ་ཀྑ་ར་ཎི་ཡཱ ཨུ་ད་ཀཾ ཨུ་པ་ནི་དྷཱ་ཡ ཀུ་ས་གྒེ་ན ཨུ་ད་ཀཾ ཨུ་བྦྷ་ཏ’’ནྟི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ…པེ… ཡོ་གོ ཀ་ར་ཎཱི་ཡོ’’ཏི. དུ་ཏི་ཡཾ.
༣. པ་ཋ་མ་སཾ་བྷེ་ཛྫ་སུ་ཏྟཾ
༡༡༢༣. ‘‘སེ་ཡྻ་ཐཱ་པི, བྷི་ཀྑ་ཝེ, ཡ་ཏྠི་མཱ མ་ཧཱ་ན་དི་ཡོ སཾ་ས་ནྡ་ནྟི ས་མེ་ནྟི, སེ་ཡྻ་ཐི་དཾ – ག་ངྒཱ, ཡ་མུ་ནཱ, ཨ་ཙི་ར་ཝ་ཏཱི, ས་ར་བྷཱུ, མ་ཧཱི, ཏ་ཏོ པུ་རི་སོ དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་དྡྷ་རེ་ཡྻ. ཏཾ ཀིཾ མ་ཉྙ་ཐ, བྷི་ཀྑ་ཝེ ཀ་ཏ་མཾ ནུ ཁོ བ་ཧུ་ཏ་རཾ – ཡཱ་ནི དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་བྦྷ་ཏཱ་ནི, ཡཾ ཝཱ སཾ་བྷེ་ཛྫ་ཨུ་ད་ཀ’’ནྟི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ, ཡ་དི་དཾ – སཾ་བྷེ་ཛྫ་ཨུ་ད་ཀཾ; ཨ་པྤ་མ་ཏྟ་ཀཱ་ནི དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་བྦྷ་ཏཱ་ནི. ས་ངྑ་མྤི ན ཨུ་པེ་ནྟི, ཨུ་པ་ནི་དྷ་མྤི ན ཨུ་པེ་ནྟི, ཀ་ལ་བྷཱ་ག་མྤི ན ཨུ་པེ་ནྟི སཾ་བྷེ་ཛྫ་ཨུ་ད་ཀཾ ཨུ་པ་ནི་དྷཱ་ཡ དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་བྦྷ་ཏཱ་ནཱི’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ…པེ… ཡོ་གོ ཀ་ར་ཎཱི་ཡོ’’ཏི. ཏ་ཏི་ཡཾ.
༤. དུ་ཏི་ཡ་སཾ་བྷེ་ཛྫ་སུ་ཏྟཾ
༡༡༢༤. ‘‘སེ་ཡྻ་ཐཱ་པི, བྷི་ཀྑ་ཝེ, ཡ་ཏྠི་མཱ མ་ཧཱ་ན་དི་ཡོ སཾ་ས་ནྡ་ནྟི ས་མེ་ནྟི, སེ་ཡྻ་ཐི་དཾ – ག་ངྒཱ, ཡ་མུ་ནཱ, ཨ་ཙི་ར་ཝ་ཏཱི, ས་ར་བྷཱུ, མ་ཧཱི, ཏཾ ཨུ་ད་ཀཾ པ་རི་ཀྑ་ཡཾ པ་རི་ཡཱ་དཱ་ནཾ ག་ཙྪེ་ཡྻ, ཋ་པེ་ཏྭཱ དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི. ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡཾ ཝཱ སཾ་བྷེ་ཛྫ་ཨུ་ད་ཀཾ པ་རི་ཀྑཱི་ཎཾ པ་རི་ཡཱ་དི་ནྣཾ, ཡཱ་ནི དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨ་ཝ་སི་ཊྛཱ་ནཱི’’ཏི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ སཾ་བྷེ་ཛྫ་ཨུ་ད་ཀཾ ཡ་དི་དཾ པ་རི་ཀྑཱི་ཎཾ པ་རི་ཡཱ་དི་ནྣཾ; ཨ་པྤ་མ་ཏྟ་ཀཱ་ནི དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨ་ཝ་སི་ཊྛཱ་ནི. ས་ངྑ་མྤི ན ཨུ་པེ་ནྟི, ཨུ་པ་ནི་དྷ་མྤི ན ཨུ་པེ་ནྟི, ཀ་ལ་བྷཱ་ག་མྤི ན ཨུ་པེ་ནྟི སཾ་བྷེ་ཛྫ་ཨུ་ད་ཀཾ པ་རི་ཀྑཱི་ཎཾ པ་རི་ཡཱ་དི་ནྣཾ ཨུ་པ་ནི་དྷཱ་ཡ དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨ་ཝ་སི་ཊྛཱ་ནཱི’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ…པེ… ཡོ་གོ ཀ་ར་ཎཱི་ཡོ’’ཏི. ཙ་ཏུ་ཏྠཾ.
༥. པ་ཋ་མ་མ་ཧཱ་པ་ཐ་ཝཱི་སུ་ཏྟཾ
༡༡༢༥. ‘‘སེ་ཡྻ་ཐཱ་པི, བྷི་ཀྑ་ཝེ, པུ་རི་སོ མ་ཧཱ་པ་ཐ་ཝི་ཡཱ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ ཨུ་པ་ནི་ཀྑི་པེ་ཡྻ. ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡཱ ཝཱ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ ཨུ་པ་ནི་ཀྑི་ཏྟཱ, ཨ་ཡཾ ཝཱ མ་ཧཱ་པ་ཐ་ཝཱི’’ཏི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ, ཡ་དི་དཾ – མ་ཧཱ་པ་ཐ་ཝཱི; ཨ་པྤ་མ་ཏྟི་ཀཱ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ ཨུ་པ་ནི་ཀྑི་ཏྟཱ. ས་ངྑ་མྤི ན ཨུ་པེ་ནྟི, ཨུ་པ་ནི་དྷ་མྤི ན ཨུ་པེ་ནྟི, ཀ་ལ་བྷཱ་ག་མྤི ན ཨུ་པེ་ནྟི མ་ཧཱ་པ་ཐ་ཝིཾ ཨུ་པ་ནི་དྷཱ་ཡ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ ཨུ་པ་ནི་ཀྑི་ཏྟཱ’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ…པེ… ཡོ་གོ ཀ་ར་ཎཱི་ཡོ’’ཏི. པ་ཉྩ་མཾ.
༦. དུ་ཏི་ཡ་མ་ཧཱ་པ་ཐ་ཝཱི་སུ་ཏྟཾ
༡༡༢༦. ‘‘སེ་ཡྻ་ཐཱ་པི, བྷི་ཀྑ་ཝེ, མ་ཧཱ་པ་ཐ་ཝཱི པ་རི་ཀྑ་ཡཾ པ་རི་ཡཱ་དཱ་ནཾ ག་ཙྪེ་ཡྻ ཋ་པེ་ཏྭཱ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ. ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡཾ ཝཱ མ་ཧཱ་པ་ཐ་ཝི་ཡཱ པ་རི་ཀྑཱི་ཎཾ པ་རི་ཡཱ་དི་ནྣཾ, ཡཱ ཝཱ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ ཨ་ཝ་སི་ཊྛཱ’’ཏི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ མ་ཧཱ་པ་ཐ་ཝི་ཡཱ ཡ་དི་དཾ པ་རི་ཀྑཱི་ཎཾ པ་རི་ཡཱ་དི་ནྣཾ; ཨ་པྤ་མ་ཏྟི་ཀཱ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ ཨ་ཝ་སི་ཊྛཱ. ས་ངྑ་མྤི ན ཨུ་པེ་ནྟི, ཨུ་པ་ནི་དྷ་མྤི ན ཨུ་པེ་ནྟི, ཀ་ལ་བྷཱ་ག་མྤི ན ཨུ་པེ་ནྟི མ་ཧཱ་པ་ཐ་ཝི་ཡཱ པ་རི་ཀྑཱི་ཎཾ པ་རི་ཡཱ་དི་ནྣཾ ཨུ་པ་ནི་དྷཱ་ཡ ས་ཏྟ ཀོ་ལ་ཊྛི་མ་ཏྟི་ཡོ གུ་ལི༹་ཀཱ ཨ་ཝ་སི་ཊྛཱ’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ…པེ… ཡོ་གོ ཀ་ར་ཎཱི་ཡོ’’ཏི. ཚ་ཊྛཾ.
༧. པ་ཋ་མ་མ་ཧཱ་ས་མུ་དྡ་སུ་ཏྟཾ
༡༡༢༧. ‘‘སེ་ཡྻ་ཐཱ་པི, བྷི་ཀྑ་ཝེ, པུ་རི་སོ མ་ཧཱ་ས་མུ་དྡ་ཏོ དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་དྡྷ་རེ་ཡྻ. ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡཱ་ནི དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་བྦྷ་ཏཱ་ནི, ཡཾ ཝཱ མ་ཧཱ་ས་མུ་དྡེ ཨུ་ད་ཀ’’ནྟི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ, ཡ་དི་དཾ – མ་ཧཱ་ས་མུ་དྡེ ཨུ་ད་ཀཾ; ཨ་པྤ་མ་ཏྟ་ཀཱ་ནི དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་བྦྷ་ཏཱ་ནི. ས་ངྑ་མྤི ན ཨུ་པེ་ནྟི, ཨུ་པ་ནི་དྷ་མྤི ན ཨུ་པེ་ནྟི, ཀ་ལ་བྷཱ་ག་མྤི ན ཨུ་པེ་ནྟི མ་ཧཱ་ས་མུ་དྡེ ཨུ་ད་ཀཾ ཨུ་པ་ནི་དྷཱ་ཡ དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨུ་བྦྷ་ཏཱ་ནཱི’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ…པེ… ཡོ་གོ ཀ་ར་ཎཱི་ཡོ’’ཏི. ས་ཏྟ་མཾ.
༨. དུ་ཏི་ཡ་མ་ཧཱ་ས་མུ་དྡ་སུ་ཏྟཾ
༡༡༢༨. ‘‘སེ་ཡྻ་ཐཱ་པི, བྷི་ཀྑ་ཝེ, མ་ཧཱ་ས་མུ་དྡེ ཨུ་ད་ཀཾ པ་རི་ཀྑ་ཡཾ [མ་ཧཱ་ས་མུ་དྡོ པ་རི་ཀྑ་ཡཾ (སཱི. སྱཱ. ཀཾ.) སཾ. ནི. ༢.༨༡] པ་རི་ཡཱ་དཱ་ནཾ ག་ཙྪེ་ཡྻ ཋ་པེ་ཏྭཱ དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི. ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡཾ ཝཱ མ་ཧཱ་ས་མུ་དྡེ ཨུ་ད་ཀཾ པ་རི་ཀྑཱི་ཎཾ པ་རི་ཡཱ་དི་ནྣཾ, ཡཱ་ནི དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨ་ཝ་སི་ཊྛཱ་ནཱི’’ཏི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ མ་ཧཱ་ས་མུ་དྡེ ཨུ་ད་ཀཾ ཡ་དི་དཾ པ་རི་ཀྑཱི་ཎཾ པ་རི་ཡཱ་དི་ནྣཾ; ཨ་པྤ་མ་ཏྟ་ཀཱ་ནི དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨ་ཝ་སི་ཊྛཱ་ནི. ས་ངྑ་མྤི ན ཨུ་པེ་ནྟི, ཨུ་པ་ནི་དྷ་མྤི ན ཨུ་པེ་ནྟི, ཀ་ལ་བྷཱ་ག་མྤི ན ཨུ་པེ་ནྟི མ་ཧཱ་ས་མུ་དྡེ ཨུ་ད་ཀཾ པ་རི་ཀྑཱི་ཎཾ པ་རི་ཡཱ་དི་ནྣཾ ཨུ་པ་ནི་དྷཱ་ཡ དྭེ ཝཱ ཏཱི་ཎི ཝཱ ཨུ་ད་ཀ་ཕུ་སི་ཏཱ་ནི ཨ་ཝ་སི་ཊྛཱ་ནཱི’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ…པེ… ཡོ་གོ ཀ་ར་ཎཱི་ཡོ’’ཏི. ཨ་ཊྛ་མཾ.
༩. པ་ཋ་མ་པ་བྦ་ཏཱུ་པ་མ་སུ་ཏྟཾ
༡༡༢༩. ‘‘སེ་ཡྻ་ཐཱ་པི, བྷི་ཀྑ་ཝེ, པུ་རི་སོ ཧི་མ་ཝ་ཏོ པ་བྦ་ཏ་རཱ་ཛ་སྶ ས་ཏྟ སཱ་ས་པ་མ་ཏྟི་ཡོ པཱ་སཱ་ཎ་ས་ཀྑ་རཱ ཨུ་པ་ནི་ཀྑི་པེ་ཡྻ. ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡཱ ཝཱ ས་ཏྟ སཱ་ས་པ་མ་ཏྟི་ཡོ པཱ་སཱ་ཎ་ས་ཀྑ་རཱ ཨུ་པ་ནི་ཀྑི་ཏྟཱ, ཨ་ཡཾ ཝཱ ཧི་མ་ཝཱ པ་བྦ་ཏ་རཱ་ཛཱ’’ཏི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ, ཡ་དི་དཾ – ཧི་མ་ཝཱ པ་བྦ་ཏ་རཱ་ཛཱ; ཨ་པྤ་མ་ཏྟི་ཀཱ ས་ཏྟ སཱ་ས་པ་མ་ཏྟི་ཡོ པཱ་སཱ་ཎ་ས་ཀྑ་རཱ ཨུ་པ་ནི་ཀྑི་ཏྟཱ. ས་ངྑ་མྤི ན ཨུ་པེ་ནྟི, ཨུ་པ་ནི་དྷ་མྤི ན ཨུ་པེ་ནྟི, ཀ་ལ་བྷཱ་ག་མྤི ན ཨུ་པེ་ནྟི ཧི་མ་ཝ་ནྟཾ པ་བྦ་ཏ་རཱ་ཛཱ་ནཾ ཨུ་པ་ནི་དྷཱ་ཡ ས་ཏྟ སཱ་ས་པ་མ་ཏྟི་ཡོ པཱ་སཱ་ཎ་ས་ཀྑ་རཱ ཨུ་པ་ནི་ཀྑི་ཏྟཱ’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ…པེ… ཡོ་གོ ཀ་ར་ཎཱི་ཡོ’’ཏི. ན་ཝ་མཾ.
༡༠. དུ་ཏི་ཡ་པ་བྦ་ཏཱུ་པ་མ་སུ་ཏྟཾ
༡༡༣༠. ‘‘སེ་ཡྻ་ཐཱ་པི, བྷི་ཀྑ་ཝེ, ཧི་མ་ཝཱ པ་བྦ་ཏ་རཱ་ཛཱ པ་རི་ཀྑ་ཡཾ པ་རི་ཡཱ་དཱ་ནཾ ག་ཙྪེ་ཡྻ, ཋ་པེ་ཏྭཱ ས་ཏྟ སཱ་ས་པ་མ་ཏྟི་ཡོ པཱ་སཱ་ཎ་ས་ཀྑ་རཱ. ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡཾ ཝཱ ཧི་མ་ཝ་ཏོ པ་བྦ་ཏ་རཱ་ཛ་སྶ པ་རི་ཀྑཱི་ཎཾ པ་རི་ཡཱ་དི་ནྣཾ, ཡཱ ཝཱ ས་ཏྟ སཱ་ས་པ་མ་ཏྟི་ཡོ པཱ་སཱ་ཎ་ས་ཀྑ་རཱ ཨ་ཝ་སི་ཊྛཱ’’ཏི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ ཧི་མ་ཝ་ཏོ པ་བྦ་ཏ་རཱ་ཛ་སྶ ཡ་དི་དཾ པ་རི་ཀྑཱི་ཎཾ པ་རི་ཡཱ་དི་ནྣཾ; ཨ་པྤ་མ་ཏྟི་ཀཱ ས་ཏྟ སཱ་ས་པ་མ་ཏྟི་ཡོ པཱ་སཱ་ཎ་ས་ཀྑ་རཱ ཨ་ཝ་སི་ཊྛཱ. ས་ངྑ་མྤི ན ཨུ་པེ་ནྟི, ཨུ་པ་ནི་དྷ་མྤི ན ཨུ་པེ་ནྟི, ཀ་ལ་བྷཱ་ག་མྤི ན ཨུ་པེ་ནྟི ཧི་མ་ཝ་ཏོ པ་བྦ་ཏ་རཱ་ཛ་སྶ པ་རི་ཀྑཱི་ཎཾ པ་རི་ཡཱ་དི་ནྣཾ ཨུ་པ་ནི་དྷཱ་ཡ ས་ཏྟ སཱ་ས་པ་མ་ཏྟི་ཡོ པཱ་སཱ་ཎ་ས་ཀྑ་རཱ ཨ་ཝ་སི་ཊྛཱ’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ དི་ཊྛི་ས་མྤ་ནྣ་སྶ པུ་གྒ་ལ་སྶ ཨ་བྷི་ས་མེ་ཏཱ་ཝི་ནོ ཨེ་ཏ་དེ་ཝ བ་ཧུ་ཏ་རཾ དུ་ཀྑཾ ཡ་དི་དཾ པ་རི་ཀྑཱི་ཎཾ པ་རི་ཡཱ་དི་ནྣཾ; ཨ་པྤ་མ་ཏྟ་ཀཾ ཨ་ཝ་སི་ཊྛཾ. ས་ངྑ་མྤི ན ཨུ་པེ་ཏི, ཨུ་པ་ནི་དྷ་མྤི ན ཨུ་པེ་ཏི, ཀ་ལ་བྷཱ་ག་མྤི ན ཨུ་པེ་ཏི པུ་རི་མཾ དུ་ཀྑ་ཀྑ་ནྡྷཾ པ་རི་ཀྑཱི་ཎཾ པ་རི་ཡཱ་དི་ནྣཾ ཨུ་པ་ནི་དྷཱ་ཡ ཡ་དི་དཾ ས་ཏྟ་ཀྑ་ཏྟུ་པ་ར་མ་ཏཱ; ཡོ ‘ཨི་དཾ དུ་ཀྑ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི’’.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. ད་ས་མཾ.
ཨ་བྷི་ས་མ་ཡ་ཝ་གྒོ ཚ་ཊྛོ.
ཏ་སྶུ་དྡཱ་ནཾ –
ན་ཁ་སི་ཁཱ པོ་ཀྑ་ར་ཎཱི, སཾ་བྷེ་ཛྫ ཨ་པ་རེ དུ་ཝེ;
པ་ཐ་ཝཱི དྭེ ས་མུ་དྡཱ དྭེ, དྭེ་མཱ ཙ པ་བྦ་ཏཱུ་པ་མཱ་ཏི.