༨. ཙི་ནྟ་སུ་ཏྟཾ

༡༠༧༨. ‘‘མཱ, བྷི་ཀྑ་ཝེ, པཱ་པ་ཀཾ ཨ་ཀུ་ས་ལཾ ཙི་ཏྟཾ ཙི་ནྟེ་ཡྻཱ་ཐ [ཙི་ནྟེ་ཐ (སཱི. སྱཱ. ཀཾ.)] – ‘ས་སྶ་ཏོ ལོ་ཀོ’ཏི ཝཱ ‘ཨ་ས་སྶ་ཏོ ལོ་ཀོ’ཏི ཝཱ, ‘ཨ་ནྟ་ཝཱ ལོ་ཀོ’ཏི ཝཱ ‘ཨ་ན་ནྟ་ཝཱ ལོ་ཀོ’ཏི ཝཱ, ‘ཏཾ ཛཱི་ཝཾ ཏཾ ས་རཱི་ར’ནྟི ཝཱ ‘ཨ་ཉྙཾ ཛཱི་ཝཾ ཨ་ཉྙཾ ས་རཱི་ར’ནྟི ཝཱ, ‘ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’ཏི ཝཱ ‘ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’ཏི ཝཱ, ‘ཧོ་ཏི ཙ ན ཙ ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’ཏི ཝཱ, ‘ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’ཏི ཝཱ. ཏཾ ཀི་སྶ ཧེ་ཏུ? ནེ་སཱ, བྷི་ཀྑ་ཝེ, ཙི་ནྟཱ ཨ་ཏྠ་སཾ་ཧི་ཏཱ ནཱ་དི་བྲ་ཧྨ་ཙ་རི་ཡ་ཀཱ ན ནི་བྦི་དཱ་ཡ ན ཝི་རཱ་གཱ་ཡ ན ནི་རོ་དྷཱ་ཡ ན ཨུ་པ་ས་མཱ་ཡ ན ཨ་བྷི་ཉྙཱ་ཡ ན ས་མྦོ་དྷཱ་ཡ ན ནི་བྦཱ་ནཱ་ཡ སཾ་ཝ་ཏྟ་ཏི.

‘‘ཙི་ནྟེ་ནྟཱ ཙ ཁོ ཏུ་མྷེ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཙི་ནྟེ་ཡྻཱ་ཐ, ‘ཨ་ཡཾ དུ་ཀྑ་ས་མུ་ད་ཡོ’ཏི ཙི་ནྟེ་ཡྻཱ་ཐ, ‘ཨ་ཡཾ དུ་ཀྑ་ནི་རོ་དྷོ’ཏི ཙི་ནྟེ་ཡྻཱ་ཐ, ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཙི་ནྟེ་ཡྻཱ་ཐ. ཏཾ ཀི་སྶ ཧེ་ཏུ? ཨེ་སཱ, བྷི་ཀྑ་ཝེ, ཙི་ནྟཱ ཨ་ཏྠ་སཾ་ཧི་ཏཱ, ཨེ་སཱ ཨཱ་དི་བྲ་ཧྨ་ཙ་རི་ཡ་ཀཱ, ཨེ་སཱ ནི་བྦི་དཱ་ཡ ཝི་རཱ་གཱ་ཡ ནི་རོ་དྷཱ་ཡ ཨུ་པ་ས་མཱ་ཡ ཨ་བྷི་ཉྙཱ་ཡ ས་མྦོ་དྷཱ་ཡ ནི་བྦཱ་ནཱ་ཡ སཾ་ཝ་ཏྟ་ཏི.

‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. ཨ་ཊྛ་མཾ.