༢. དུ་ཏི་ཡ་ཨ་བྷི་ས་ནྡ་སུ་ཏྟཾ

༡༠༣༨. ‘‘ཙ་ཏྟཱ་རོ་མེ, བྷི་ཀྑ་ཝེ, པུ་ཉྙཱ་བྷི་ས་ནྡཱ, ཀུ་ས་ལཱ་བྷི་ས་ནྡཱ, སུ་ཁ་སྶཱ་ཧཱ་རཱ. ཀ་ཏ་མེ ཙ་ཏྟཱ་རོ? ཨི་དྷ, བྷི་ཀྑ་ཝེ, ཨ་རི་ཡ་སཱ་ཝ་ཀོ བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་ཏོ ཧོ་ཏི – ཨི་ཏི་པི སོ བྷ་ག་ཝཱ…པེ… ས་ཏྠཱ དེ་ཝ་མ་ནུ་སྶཱ་ནཾ བུ་དྡྷོ བྷ་ག་ཝཱ་ཏི. ཨ་ཡཾ པ་ཋ་མོ པུ་ཉྙཱ་བྷི་ས་ནྡོ ཀུ་ས་ལཱ་བྷི་ས་ནྡོ སུ་ཁ་སྶཱ་ཧཱ་རོ.

‘‘པུ་ན ཙ་པ་རཾ, བྷི་ཀྑ་ཝེ, ཨ་རི་ཡ་སཱ་ཝ་ཀོ དྷ་མྨེ…པེ… ས་ངྒྷེ…པེ….

‘‘པུ་ན ཙ་པ་རཾ, བྷི་ཀྑ་ཝེ, ཨ་རི་ཡ་སཱ་ཝ་ཀོ ཝི་ག་ཏ་མ་ལ་མ་ཙྪེ་རེ་ན ཙེ་ཏ་སཱ ཨ་གཱ་རཾ ཨ་ཛ྄ཛྷཱ་ཝ་ས་ཏི མུ་ཏྟ་ཙཱ་གོ པ་ཡ་ཏ་པཱ་ཎི ཝོ་སྶ་གྒ་ར་ཏོ ཡཱ་ཙ་ཡོ་གོ དཱ་ན་སཾ་ཝི་བྷཱ་ག་ར་ཏོ. ཨ་ཡཾ ཙ་ཏུ་ཏྠོ པུ་ཉྙཱ་བྷི་ས་ནྡོ ཀུ་ས་ལཱ་བྷི་ས་ནྡོ སུ་ཁ་སྶཱ་ཧཱ་རོ. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ པུ་ཉྙཱ་བྷི་ས་ནྡཱ, ཀུ་ས་ལཱ་བྷི་ས་ནྡཱ, སུ་ཁ་སྶཱ་ཧཱ་རཱ.

‘‘ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི པུ་ཉྙཱ་བྷི་ས་ནྡེ་ཧི ཀུ་ས་ལཱ་བྷི་ས་ནྡེ་ཧི ས་མ་ནྣཱ་ག་ཏ་སྶ ཨ་རི་ཡ་སཱ་ཝ་ཀ་སྶ ན སུ་ཀ་རཾ པུ་ཉྙ་སྶ པ་མཱ་ཎཾ ག་ཎེ་ཏུཾ – ‘ཨེ་ཏྟ་ཀོ པུ་ཉྙཱ་བྷི་ས་ནྡོ, ཀུ་ས་ལཱ་བྷི་ས་ནྡོ, སུ་ཁ་སྶཱ་ཧཱ་རོ’ཏི. ཨ་ཐ ཁོ ཨ་ས་ངྑྱེ་ཡྻོ ཨ་པྤ་མེ་ཡྻོ མ་ཧཱ་པུ་ཉྙ་ཀྑ་ནྡྷོ ཏྭེ་ཝ ས་ངྑྱཾ ག་ཙྪ་ཏི.

‘‘སེ་ཡྻ་ཐཱ་པི, བྷི་ཀྑ་ཝེ, ཡ་ཏྠི་མཱ མ་ཧཱ་ན་དི་ཡོ སཾ་ས་ནྡ་ནྟི ས་མེ་ནྟི, སེ་ཡྻ་ཐི་དཾ – ག་ངྒཱ, ཡ་མུ་ནཱ, ཨ་ཙི་ར་ཝ་ཏཱི, ས་ར་བྷཱུ, མ་ཧཱི, ཏ་ཏྠ ན སུ་ཀ་རཾ ཨུ་ད་ཀ་སྶ པ་མཱ་ཎཾ ག་ཎེ་ཏུཾ – ‘ཨེ་ཏྟ་ཀཱ་ནི ཨུ་ད་ཀཱ་ལ༹ྷ་ཀཱ་ནཱི’ཏི ཝཱ ‘ཨེ་ཏྟ་ཀཱ་ནི ཨུ་ད་ཀཱ་ལ༹ྷ་ཀ་ས་ཏཱ་ནཱི’ཏི ཝཱ ‘ཨེ་ཏྟ་ཀཱ་ནི ཨུ་ད་ཀཱ་ལ༹ྷ་ཀ་ས་ཧ་སྶཱ་ནཱི’ཏི ཝཱ ‘ཨེ་ཏྟ་ཀཱ་ནི ཨུ་ད་ཀཱ་ལ༹ྷ་ཀ་ས་ཏ་ས་ཧ་སྶཱ་ནཱི’ཏི ཝཱ་ཏི. ཨ་ཐ ཁོ ཨ་ས་ངྑྱེ་ཡྻོ ཨ་པྤ་མེ་ཡྻོ མ་ཧཱ་ཨུ་ད་ཀ་ཀྑ་ནྡྷོ ཏྭེ་ཝ ས་ངྑྱཾ ག་ཙྪ་ཏི. ཨེ་ཝ་མེ་ཝ ཁོ, བྷི་ཀྑ་ཝེ, ཨི་མེ་ཧི ཙ་ཏཱུ་ཧི པུ་ཉྙཱ་བྷི་ས་ནྡེ་ཧི ཀུ་ས་ལཱ་བྷི་ས་ནྡེ་ཧི ས་མ་ནྣཱ་ག་ཏ་སྶ ཨ་རི་ཡ་སཱ་ཝ་ཀ་སྶ ན སུ་ཀ་རཾ པུ་ཉྙ་སྶ པ་མཱ་ཎཾ ག་ཎེ་ཏུཾ – ‘ཨེ་ཏྟ་ཀོ པུ་ཉྙཱ་བྷི་ས་ནྡོ, ཀུ་ས་ལཱ་བྷི་ས་ནྡོ, སུ་ཁ་སྶཱ་ཧཱ་རོ’ཏི. ཨ་ཐ ཁོ ཨ་ས་ངྑྱེ་ཡྻོ ཨ་པྤ་མེ་ཡྻོ མ་ཧཱ་པུ་ཉྙ་ཀྑ་ནྡྷོ ཏྭེ་ཝ ས་ངྑྱཾ ག་ཙྪ་ཏཱི’’ཏི. ཨི་ད་མ་ཝོ་ཙ བྷ་ག་ཝཱ…པེ… ས་ཏྠཱ –

‘‘མ་ཧོ་ད་དྷིཾ ཨ་པ་རི་མི་ཏཾ མ་ཧཱ་ས་རཾ,

བ་ཧུ་བྷེ་ར་ཝཾ ར་ཏ་ན་ག་ཎཱ་ན་མཱ་ལ་ཡཾ;

ན་ཛྫོ ཡ་ཐཱ ན་ར་ག་ཎ་ས་ངྒྷ་སེ་ཝི་ཏཱ,

པུ་ཐཱུ ས་ཝ་ནྟཱི ཨུ་པ་ཡ་ནྟི སཱ་ག་རཾ.

‘‘ཨེ་ཝཾ ན་རཾ ཨ་ནྣ་པཱ་ན་ཝ་ཏྠ་ད་དཾ,

སེ་ཡྻཱ་ནི པ་ཙྩ་ཏྠ་ར་ཎ་སྶ དཱ་ཡ་ཀཾ;

པུ་ཉྙ་སྶ དྷཱ་རཱ ཨུ་པ་ཡ་ནྟི པ་ཎྜི་ཏཾ,

ན་ཛྫོ ཡ་ཐཱ ཝཱ་རི་ཝ་ཧཱ་ཝ སཱ་ག་ར’’ནྟི. དུ་ཏི་ཡཾ;