༩. དུ་ཏི་ཡ་གི་ཉྫ་ཀཱ་ཝ་ས་ཐ་སུ་ཏྟཾ

༡༠༠༥. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ ཨཱ་ན་ནྡོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཨ་སོ་ཀོ ནཱ་མ, བྷ་ནྟེ, བྷི་ཀྑུ ཀཱ་ལ་ངྐ་ཏོ; ཏ་སྶ ཀཱ ག་ཏི, ཀོ ཨ་བྷི་ས་མྤ་རཱ་ཡོ? ཨ་སོ་ཀཱ ནཱ་མ, བྷ་ནྟེ, བྷི་ཀྑུ་ནཱི ཀཱ་ལ་ངྐ་ཏཱ…པེ… ཨ་སོ་ཀོ ནཱ་མ, བྷ་ནྟེ, ཨུ་པཱ་ས་ཀོ ཀཱ་ལ་ངྐ་ཏོ…པེ… ཨ་སོ་ཀཱ ནཱ་མ, བྷ་ནྟེ, ཨུ་པཱ་སི་ཀཱ ཀཱ་ལ་ངྐ་ཏཱ; ཏ་སྶཱ ཀཱ ག་ཏི, ཀོ ཨ་བྷི་ས་མྤ་རཱ་ཡོ’’ཏི?

‘‘ཨ་སོ་ཀོ, ཨཱ་ན་ནྡ, བྷི་ཀྑུ ཀཱ་ལ་ངྐ་ཏོ ཨཱ་ས་ཝཱ་ནཾ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧཱ་སི…པེ… (པུ་རི་མ་ཝེ་ཡྻཱ་ཀ་ར་ཎེ་ན ཨེ་ཀ་ནི་དཱ་ནཾ).

‘‘ཨ་ཡཾ ཁོ སོ, ཨཱ་ན་ནྡ, དྷ་མྨཱ་དཱ་སོ དྷ་མྨ་པ་རི་ཡཱ་ཡོ; ཡེ་ན ས་མ་ནྣཱ་ག་ཏོ ཨ་རི་ཡ་སཱ་ཝ་ཀོ ཨཱ་ཀ་ངྑ་མཱ་ནོ ཨ་ཏྟ་ནཱ་ཝ ཨ་ཏྟཱ་ནཾ བྱཱ་ཀ་རེ་ཡྻ – ‘ཁཱི་ཎ་ནི་ར་ཡོ་མྷི ཁཱི་ཎ་ཏི་ར་ཙྪཱ་ན་ཡོ་ནི ཁཱི་ཎ་པེ་ཏྟི་ཝི་ས་ཡོ ཁཱི་ཎཱ་པཱ་ཡ་དུ་གྒ་ཏི་ཝི་ནི་པཱ་ཏོ, སོ་ཏཱ་པ་ནྣོ་ཧ་མ་སྨི ཨ་ཝི་ནི་པཱ་ཏ་དྷ་མྨོ ནི་ཡ་ཏོ ས་མྦོ་དྷི་པ་རཱ་ཡ་ཎོ’’’ཏི. ན་ཝ་མཾ.