༧. ཀུ་མྦྷ་སུ་ཏྟཾ

༢༧. སཱ་ཝ་ཏྠི་ནི་དཱ་ནཾ. ‘‘སེ་ཡྻ་ཐཱ་པི, བྷི་ཀྑ་ཝེ, ཀུ་མྦྷོ ཨ་ནཱ་དྷཱ་རོ སུ་པྤ་ཝ་ཏྟི་ཡོ ཧོ་ཏི, སཱ་དྷཱ་རོ དུ་པྤ་ཝ་ཏྟི་ཡོ ཧོ་ཏི; ཨེ་ཝ་མེ་ཝ ཁོ, བྷི་ཀྑ་ཝེ, ཙི་ཏྟཾ ཨ་ནཱ་དྷཱ་རཾ སུ་པྤ་ཝ་ཏྟི་ཡཾ ཧོ་ཏི, སཱ་དྷཱ་རཾ དུ་པྤ་ཝ་ཏྟི་ཡཾ ཧོ་ཏི. ཀོ ཙ, བྷི་ཀྑ་ཝེ, ཙི་ཏྟ་སྶ ཨཱ་དྷཱ་རོ? ཨ་ཡ་མེ་ཝ ཨ་རི་ཡོ ཨ་ཊྛ་ངྒི་ཀོ མ་གྒོ, སེ་ཡྻ་ཐི་དཾ – ས་མྨཱ་དི་ཊྛི…པེ… ས་མྨཱ་ས་མཱ་དྷི. ཨ་ཡཾ ཙི་ཏྟ་སྶ ཨཱ་དྷཱ་རོ. སེ་ཡྻ་ཐཱ་པི, བྷི་ཀྑ་ཝེ, ཀུ་མྦྷོ ཨ་ནཱ་དྷཱ་རོ སུ་པྤ་ཝ་ཏྟི་ཡོ ཧོ་ཏི, སཱ་དྷཱ་རོ དུ་པྤ་ཝ་ཏྟི་ཡོ ཧོ་ཏི; ཨེ་ཝ་མེ་ཝ ཁོ, བྷི་ཀྑ་ཝེ, ཙི་ཏྟཾ ཨ་ནཱ་དྷཱ་རཾ སུ་པྤ་ཝ་ཏྟི་ཡཾ ཧོ་ཏི, སཱ་དྷཱ་རཾ དུ་པྤ་ཝ་ཏྟི་ཡཾ ཧོ་ཏཱི’’ཏི. ས་ཏྟ་མཾ.