༡༠. ཨུ་དྡྷ་མྦྷཱ་གི་ཡ་སུ་ཏྟཾ

༡༨༡. ‘‘པ་ཉྩི་མཱ་ནི, བྷི་ཀྑ་ཝེ, ཨུ་དྡྷ་མྦྷཱ་གི་ཡཱ་ནི སཾ་ཡོ་ཛ་ནཱ་ནི. ཀ་ཏ་མཱ་ནི པ་ཉྩ? རཱུ་པ་རཱ་གོ, ཨ་རཱུ་པ་རཱ་གོ, མཱ་ནོ, ཨུ་དྡྷ་ཙྩཾ, ཨ་ཝི་ཛྫཱ – ཨི་མཱ་ནི ཁོ, བྷི་ཀྑ་ཝེ, པ་ཉྩུ་དྡྷ་མྦྷཱ་གི་ཡཱ་ནི སཾ་ཡོ་ཛ་ནཱ་ནི. ཨི་མེ་སཾ ཁོ, བྷི་ཀྑ་ཝེ, པ་ཉྩ་ནྣཾ ཨུ་དྡྷ་མྦྷཱ་གི་ཡཱ་ནཾ སཾ་ཡོ་ཛ་ནཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ. ཀ་ཏ་མོ ཨ་རི་ཡོ ཨ་ཊྛ་ངྒི་ཀོ མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་དི་ཊྛིཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ…པེ… ས་མྨཱ་ས་མཱ་དྷིཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ཨི་མེ་སཾ ཁོ, བྷི་ཀྑ་ཝེ, པ་ཉྩ་ནྣཾ ཨུ་དྡྷ་མྦྷཱ་གི་ཡཱ་ནཾ སཾ་ཡོ་ཛ་ནཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི.

‘‘པ་ཉྩི་མཱ་ནི, བྷི་ཀྑ་ཝེ, ཨུ་དྡྷ་མྦྷཱ་གི་ཡཱ་ནི སཾ་ཡོ་ཛ་ནཱ་ནི. ཀ་ཏ་མཱ་ནི པ་ཉྩ? རཱུ་པ་རཱ་གོ, ཨ་རཱུ་པ་རཱ་གོ, མཱ་ནོ, ཨུ་དྡྷ་ཙྩཾ, ཨ་ཝི་ཛྫཱ – ཨི་མཱ་ནི ཁོ, བྷི་ཀྑ་ཝེ, པ་ཉྩུ་དྡྷ་མྦྷཱ་གི་ཡཱ་ནི སཾ་ཡོ་ཛ་ནཱ་ནི. ཨི་མེ་སཾ ཁོ, བྷི་ཀྑ་ཝེ, པ་ཉྩ་ནྣཾ ཨུ་དྡྷ་མྦྷཱ་གི་ཡཱ་ནཾ སཾ་ཡོ་ཛ་ནཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ. ཀ་ཏ་མོ ཨ་རི་ཡོ ཨ་ཊྛ་ངྒི་ཀོ མ་གྒོ? ཨི་དྷ, བྷི་ཀྑ་ཝེ, བྷི་ཀྑུ ས་མྨཱ་དི་ཊྛིཾ བྷཱ་ཝེ་ཏི…པེ… ས་མྨཱ་ས་མཱ་དྷིཾ བྷཱ་ཝེ་ཏི རཱ་ག་ཝི་ན་ཡ་པ་རི་ཡོ་སཱ་ནཾ དོ་ས་ཝི་ན་ཡ་པ་རི་ཡོ་སཱ་ནཾ མོ་ཧ་ཝི་ན་ཡ་པ་རི་ཡོ་སཱ་ནཾ… ཨ་མ་ཏོ་ག་དྷཾ ཨ་མ་ཏ་པ་རཱ་ཡ་ནཾ ཨ་མ་ཏ་པ་རི་ཡོ་སཱ་ནཾ… ནི་བྦཱ་ན་ནི་ནྣཾ ནི་བྦཱ་ན་པོ་ཎཾ ནི་བྦཱ་ན་པ་བྦྷཱ་རཾ. ཨི་མེ་སཾ ཁོ, བྷི་ཀྑ་ཝེ, པ་ཉྩ་ནྣཾ ཨུ་དྡྷ་མྦྷཱ་གི་ཡཱ་ནཾ སཾ་ཡོ་ཛ་ནཱ་ནཾ ཨ་བྷི་ཉྙཱ་ཡ པ་རི་ཉྙཱ་ཡ པ་རི་ཀྑ་ཡཱ་ཡ པ་ཧཱ་ནཱ་ཡ ཨ་ཡཾ ཨ་རི་ཡོ ཨ་ཊྛ་ངྒི་ཀོ མ་གྒོ བྷཱ་ཝེ་ཏ་བྦོ’’ཏི. ད་ས་མཾ.

ཨོ་གྷ་ཝ་གྒོ ཨ་ཊྛ་མོ.

ཏ་སྶུ་དྡཱ་ནཾ –

ཨོ་གྷོ ཡོ་གོ ཨུ་པཱ་དཱ་ནཾ, ག་ནྠཾ ཨ་ནུ་ས་ཡེ་ན ཙ;

ཀཱ་མ་གུ་ཎཱ ནཱི་ཝ་ར་ཎཾ, ཁ་ནྡྷཱ ཨོ་རུ་དྡྷ་མྦྷཱ་གི་ཡཱ་ཏི.

ཝ་གྒུ་དྡཱ་ནཾ –

ཨ་ཝི་ཛྫཱ་ཝ་གྒོ པ་ཋ་མོ, དུ་ཏི་ཡཾ ཝི་ཧཱ་རཾ ཝུ་ཙྩ་ཏི;

མི་ཙྪ་ཏྟཾ ཏ་ཏི་ཡོ ཝ་གྒོ, ཙ་ཏུ་ཏྠཾ པ་ཊི་པ་ནྣེ་ནེ་ཝ.

ཏི་ཏྠི་ཡཾ པ་ཉྩ་མོ ཝ་གྒོ, ཚ་ཊྛོ སཱུ་རི་ཡེ་ན ཙ;

བ་ཧུ་ཀ་ཏེ ས་ཏྟ་མོ ཝ་གྒོ, ཨུ་པྤཱ་དོ ཨ་ཊྛ་མེ་ན ཙ.

དི་ཝ་ས་ཝ་གྒོ ན་ཝ་མོ, ད་ས་མོ ཨ་པྤ་མཱ་དེ་ན ཙ;

ཨེ་ཀཱ་ད་ས་བ་ལ་ཝ་གྒོ, དྭཱ་ད་ས ཨེ་ས་ནཱ པཱ་ལི༹་ཡཾ;

ཨོ་གྷ་ཝ་གྒོ བྷ་ཝ་ཏི ཏེ་ར་སཱ་ཏི.

མ་གྒ་སཾ་ཡུ་ཏྟཾ པ་ཋ་མཾ.