༧. དུ་ཏི་ཡ་ཨ་ཉྙ་ཏ་ར་བྷི་ཀྑུ་སུ་ཏྟཾ

༧. སཱ་ཝ་ཏྠི་ནི་དཱ་ནཾ. ཨ་ཐ ཁོ ཨ་ཉྙ་ཏ་རོ བྷི་ཀྑུ ཡེ་ན བྷ་ག་ཝཱ ཏེ་ནུ་པ་ས་ངྐ་མི…པེ… ཨེ་ཀ་མ་ནྟཾ ནི་སི་ནྣོ ཁོ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ –

‘‘‘རཱ་ག་ཝི་ན་ཡོ དོ་ས་ཝི་ན་ཡོ མོ་ཧ་ཝི་ན་ཡོ’ཏི, བྷ་ནྟེ, ཝུ་ཙྩ་ཏི. ཀི་སྶ ནུ ཁོ ཨེ་ཏཾ, བྷ་ནྟེ, ཨ་དྷི་ཝ་ཙ་ནཾ – ‘རཱ་ག་ཝི་ན་ཡོ དོ་ས་ཝི་ན་ཡོ མོ་ཧ་ཝི་ན་ཡོ’’’ཏི? ‘‘ནི་བྦཱ་ན་དྷཱ་ཏུ་ཡཱ ཁོ ཨེ་ཏཾ, བྷི་ཀྑུ, ཨ་དྷི་ཝ་ཙ་ནཾ – ‘རཱ་ག་ཝི་ན་ཡོ དོ་ས་ཝི་ན་ཡོ མོ་ཧ་ཝི་ན་ཡོ’ཏི. ཨཱ་ས་ཝཱ་ནཾ ཁ་ཡོ ཏེ་ན ཝུ་ཙྩ་ཏཱི’’ཏི.

ཨེ་ཝཾ ཝུ་ཏྟེ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘‘ཨ་མ་ཏཾ, ཨ་མ་ཏ’ནྟི, བྷ་ནྟེ, ཝུ་ཙྩ་ཏི. ཀ་ཏ་མཾ ནུ ཁོ, བྷ་ནྟེ, ཨ་མ་ཏཾ, ཀ་ཏ་མོ ཨ་མ་ཏ་གཱ་མི་མ་གྒོ’’ཏི? ‘‘ཡོ ཁོ, བྷི་ཀྑུ, རཱ་ག་ཀྑ་ཡོ དོ་ས་ཀྑ་ཡོ མོ་ཧ་ཀྑ་ཡོ – ཨི་དཾ ཝུ་ཙྩ་ཏི ཨ་མ་ཏཾ. ཨ་ཡ་མེ་ཝ ཨ་རི་ཡོ ཨ་ཊྛ་ངྒི་ཀོ མ་གྒོ ཨ་མ་ཏ་གཱ་མི་མ་གྒོ, སེ་ཡྻ་ཐི་དཾ – ས་མྨཱ་དི་ཊྛི…པེ… ས་མྨཱ་ས་མཱ་དྷཱི’’ཏི. ས་ཏྟ་མཾ.