༣༣. པ་རཱ་ཡ་ན་སུ་ཏྟཾ

༤༠༩. ‘‘པ་རཱ་ཡ་ན་ཉྩ [པ་རཱ་ཡ་ཎ་ཉྩ (པཱི. སཱི. ཨ་ཊྛ.)] ཝོ, བྷི་ཀྑ་ཝེ, དེ་སེ་སྶཱ་མི པ་རཱ་ཡ་ན་གཱ་མི་ཉྩ མ་གྒཾ. ཏཾ སུ་ཎཱ་ཐ. ཀ་ཏ་མ་ཉྩ, བྷི་ཀྑ་ཝེ, པ་རཱ་ཡ་ནཾ? ཡོ, བྷི་ཀྑ་ཝེ, རཱ་ག་ཀྑ་ཡོ དོ་ས་ཀྑ་ཡོ མོ་ཧ་ཀྑ་ཡོ – ཨི་དཾ ཝུ་ཙྩ་ཏི, བྷི་ཀྑ་ཝེ, པ་རཱ་ཡ་ནཾ. ཀ་ཏ་མོ ཙ, བྷི་ཀྑ་ཝེ, པ་རཱ་ཡ་ན་གཱ་མཱི མ་གྒོ? ཀཱ་ཡ་ག་ཏཱ་ས་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པ་རཱ་ཡ་ན་གཱ་མི་མ་གྒོ. ཨི་ཏི ཁོ, བྷི་ཀྑ་ཝེ, དེ་སི་ཏཾ ཝོ མ་ཡཱ པ་རཱ་ཡ་ནཾ, དེ་སི་ཏོ པ་རཱ་ཡ་ན་གཱ་མི་མ་གྒོ. ཡཾ, བྷི་ཀྑ་ཝེ, ས་ཏྠཱ་རཱ ཀ་ར་ཎཱི་ཡཾ སཱ་ཝ་ཀཱ་ནཾ ཧི་ཏེ་སི་ནཱ ཨ་ནུ་ཀ་མྤ་ཀེ་ན ཨ་ནུ་ཀ་མྤཾ ཨུ་པཱ་དཱ་ཡ, ཀ་ཏཾ ཝོ ཏཾ མ་ཡཱ. ཨེ་ཏཱ་ནི, བྷི་ཀྑ་ཝེ, རུ་ཀྑ་མཱུ་ལཱ་ནི, ཨེ་ཏཱ་ནི སུ་ཉྙཱ་གཱ་རཱ་ནི. ཛྷཱ་ཡ་ཐ, བྷི་ཀྑ་ཝེ, མཱ པ་མཱ་ད་ཏྠ; མཱ པ་ཙྪཱ ཝི་པྤ་ཊི་སཱ་རི་ནོ ཨ་ཧུ་ཝ་ཏྠ. ཨ་ཡཾ ཝོ ཨ་མྷཱ་ཀཾ ཨ་ནུ་སཱ་ས་ནཱི’’ཏི. (ཡ་ཐཱ ཨ་ས་ངྑ་ཏཾ ཏ་ཐཱ ཝི་ཏྠཱ་རེ་ཏ་བྦཾ). ཏེ་ཏྟིཾ་ས་ཏི་མཾ.

དུ་ཏི་ཡོ ཝ་གྒོ.

ཏ་སྶུ་དྡཱ་ནཾ –

ཨ་ས་ངྑ་ཏཾ ཨ་ན་ཏཾ ཨ་ནཱ་ས་ཝཾ, ས་ཙྩ་ཉྩ པཱ་རཾ ནི་པུ་ཎཾ སུ་དུ་དྡ་སཾ;

ཨ་ཛ་ཛྫ་རཾ དྷུ་ཝཾ ཨ་པ་ལོ་ཀི་ཏཾ, ཨ་ནི་ད་སྶ་ནཾ ནི་པྤ་པ་ཉྩ ས་ནྟཾ.

ཨ་མ་ཏཾ པ་ཎཱི་ཏ་ཉྩ སི་ཝ་ཉྩ ཁེ་མཾ, ཏ་ཎྷཱ་ཀྑ་ཡོ ཨ་ཙྪ་རི་ཡ་ཉྩ ཨ་བྦྷུ་ཏཾ;

ཨ་ནཱི་ཏི་ཀཾ ཨ་ནཱི་ཏི་ཀ་དྷ་མྨཾ, ནི་བྦཱ་ན་མེ་ཏཾ སུ་ག་ཏེ་ན དེ་སི་ཏཾ.

ཨ་བྱཱ་པ་ཛ྄ཛྷོ ཝི་རཱ་གོ ཙ, སུ་དྡྷི མུ་ཏྟི ཨ་ནཱ་ལ་ཡོ;

དཱི་པོ ལེ་ཎ་ཉྩ ཏཱ་ཎ་ཉྩ, ས་ར་ཎ་ཉྩ པ་རཱ་ཡ་ན་ནྟི.

ཨ་ས་ངྑ་ཏ་སཾ་ཡུ་ཏྟཾ ས་མ་ཏྟཾ.