༡. ཀཱ་ཡ་ག་ཏཱ་ས་ཏི་སུ་ཏྟཾ

༣༦༦. སཱ་ཝ་ཏྠི་ནི་དཱ་ནཾ. ‘‘ཨ་ས་ངྑ་ཏ་ཉྩ ཝོ, བྷི་ཀྑ་ཝེ, དེ་སེ་སྶཱ་མི ཨ་ས་ངྑ་ཏ་གཱ་མི་ཉྩ མ་གྒཾ. ཏཾ སུ་ཎཱ་ཐ. ཀ་ཏ་མ་ཉྩ, བྷི་ཀྑ་ཝེ, ཨ་ས་ངྑ་ཏཾ? ཡོ, བྷི་ཀྑ་ཝེ, རཱ་ག་ཀྑ་ཡོ དོ་ས་ཀྑ་ཡོ མོ་ཧ་ཀྑ་ཡོ – ཨི་དཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏཾ. ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཀཱ་ཡ་ག་ཏཱ་ས་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ’’.

‘‘ཨི་ཏི ཁོ, བྷི་ཀྑ་ཝེ, དེ་སི་ཏཾ ཝོ མ་ཡཱ ཨ་ས་ངྑ་ཏཾ, དེ་སི་ཏོ ཨ་ས་ངྑ་ཏ་གཱ་མི་མ་གྒོ. ཡཾ, བྷི་ཀྑ་ཝེ, ས་ཏྠཱ་རཱ ཀ་ར་ཎཱི་ཡཾ སཱ་ཝ་ཀཱ་ནཾ ཧི་ཏེ་སི་ནཱ ཨ་ནུ་ཀ་མྤ་ཀེ་ན ཨ་ནུ་ཀ་མྤཾ ཨུ་པཱ་དཱ་ཡ, ཀ་ཏཾ ཝོ ཏཾ མ་ཡཱ. ཨེ་ཏཱ་ནི, བྷི་ཀྑ་ཝེ, རུ་ཀྑ་མཱུ་ལཱ་ནི, ཨེ་ཏཱ་ནི སུ་ཉྙཱ་གཱ་རཱ་ནི. ཛྷཱ་ཡ་ཐ [ནི་ཛ྄ཛྷཱ་ཡ་ཐ (ཀ.)], བྷི་ཀྑ་ཝེ, མཱ པ་མཱ་ད་ཏྠ; མཱ པ་ཙྪཱ ཝི་པྤ་ཊི་སཱ་རི་ནོ ཨ་ཧུ་ཝ་ཏྠ. ཨ་ཡཾ ཝོ ཨ་མྷཱ་ཀཾ ཨ་ནུ་སཱ་ས་ནཱི’’ཏི. པ་ཋ་མཾ.