༡. པ་ཋ་མ་ཝ་གྒོ
༡. ཀཱ་ཡ་ག་ཏཱ་ས་ཏི་སུ་ཏྟཾ
༣༦༦. སཱ་ཝ་ཏྠི་ནི་དཱ་ནཾ. ‘‘ཨ་ས་ངྑ་ཏ་ཉྩ ཝོ, བྷི་ཀྑ་ཝེ, དེ་སེ་སྶཱ་མི ཨ་ས་ངྑ་ཏ་གཱ་མི་ཉྩ མ་གྒཾ. ཏཾ སུ་ཎཱ་ཐ. ཀ་ཏ་མ་ཉྩ, བྷི་ཀྑ་ཝེ, ཨ་ས་ངྑ་ཏཾ? ཡོ, བྷི་ཀྑ་ཝེ, རཱ་ག་ཀྑ་ཡོ དོ་ས་ཀྑ་ཡོ མོ་ཧ་ཀྑ་ཡོ – ཨི་དཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏཾ. ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཀཱ་ཡ་ག་ཏཱ་ས་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ’’.
‘‘ཨི་ཏི ཁོ, བྷི་ཀྑ་ཝེ, དེ་སི་ཏཾ ཝོ མ་ཡཱ ཨ་ས་ངྑ་ཏཾ, དེ་སི་ཏོ ཨ་ས་ངྑ་ཏ་གཱ་མི་མ་གྒོ. ཡཾ, བྷི་ཀྑ་ཝེ, ས་ཏྠཱ་རཱ ཀ་ར་ཎཱི་ཡཾ སཱ་ཝ་ཀཱ་ནཾ ཧི་ཏེ་སི་ནཱ ཨ་ནུ་ཀ་མྤ་ཀེ་ན ཨ་ནུ་ཀ་མྤཾ ཨུ་པཱ་དཱ་ཡ, ཀ་ཏཾ ཝོ ཏཾ མ་ཡཱ. ཨེ་ཏཱ་ནི, བྷི་ཀྑ་ཝེ, རུ་ཀྑ་མཱུ་ལཱ་ནི, ཨེ་ཏཱ་ནི སུ་ཉྙཱ་གཱ་རཱ་ནི. ཛྷཱ་ཡ་ཐ [ནི་ཛ྄ཛྷཱ་ཡ་ཐ (ཀ.)], བྷི་ཀྑ་ཝེ, མཱ པ་མཱ་ད་ཏྠ; མཱ པ་ཙྪཱ ཝི་པྤ་ཊི་སཱ་རི་ནོ ཨ་ཧུ་ཝ་ཏྠ. ཨ་ཡཾ ཝོ ཨ་མྷཱ་ཀཾ ཨ་ནུ་སཱ་ས་ནཱི’’ཏི. པ་ཋ་མཾ.
༢. ས་མ་ཐ་ཝི་པ་སྶ་ནཱ་སུ་ཏྟཾ
༣༦༧. ‘‘ཨ་ས་ངྑ་ཏ་ཉྩ ཝོ, བྷི་ཀྑ་ཝེ, དེ་སེ་སྶཱ་མི ཨ་ས་ངྑ་ཏ་གཱ་མི་ཉྩ མ་གྒཾ. ཏཾ སུ་ཎཱ་ཐ. ཀ་ཏ་མ་ཉྩ, བྷི་ཀྑ་ཝེ, ཨ་ས་ངྑ་ཏཾ? ཡོ, བྷི་ཀྑ་ཝེ, རཱ་ག་ཀྑ་ཡོ དོ་ས་ཀྑ་ཡོ མོ་ཧ་ཀྑ་ཡོ – ཨི་དཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏཾ. ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ས་མ་ཐོ ཙ ཝི་པ་སྶ་ནཱ ཙ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ…. དུ་ཏི་ཡཾ.
༣. ས་ཝི་ཏ་ཀྐ་ས་ཝི་ཙཱ་ར་སུ་ཏྟཾ
༣༦༨. ‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ས་ཝི་ཏ་ཀྐ་ས་ཝི་ཙཱ་རོ ས་མཱ་དྷི, ཨ་ཝི་ཏ་ཀྐ་ཝི་ཙཱ་ར་མ་ཏྟོ ས་མཱ་དྷི, ཨ་ཝི་ཏ་ཀྐ་ཨ་ཝི་ཙཱ་རོ ས་མཱ་དྷི – ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ…. ཏ་ཏི་ཡཾ.
༤. སུ་ཉྙ་ཏ་ས་མཱ་དྷི་སུ་ཏྟཾ
༣༦༩. ‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? སུ་ཉྙ་ཏོ ས་མཱ་དྷི, ཨ་ནི་མི་ཏྟོ ས་མཱ་དྷི, ཨ་པྤ་ཎི་ཧི་ཏོ ས་མཱ་དྷི – ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ…. ཙ་ཏུ་ཏྠཾ.
༥. ས་ཏི་པ་ཊྛཱ་ན་སུ་ཏྟཾ
༣༧༠. ‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཙ་ཏྟཱ་རོ ས་ཏི་པ་ཊྛཱ་ནཱ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ…. པ་ཉྩ་མཾ.
༦. ས་མྨ་པྤ་དྷཱ་ན་སུ་ཏྟཾ
༣༧༡. ‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཙ་ཏྟཱ་རོ ས་མྨ་པྤ་དྷཱ་ནཱ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ…. ཚ་ཊྛཾ.
༧. ཨི་དྡྷི་པཱ་ད་སུ་ཏྟཾ
༣༧༢. ‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཙ་ཏྟཱ་རོ ཨི་དྡྷི་པཱ་དཱ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ…. ས་ཏྟ་མཾ.
༨. ཨི་ནྡྲི་ཡ་སུ་ཏྟཾ
༣༧༣. ‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? པ་ཉྩི་ནྡྲི་ཡཱ་ནི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ…. ཨ་ཊྛ་མཾ.
༩. བ་ལ་སུ་ཏྟཾ
༣༧༤. ‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? པ་ཉྩ བ་ལཱ་ནི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ…. ན་ཝ་མཾ.
༡༠. བོ་ཛ྄ཛྷ་ངྒ་སུ་ཏྟཾ
༣༧༥. ‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ས་ཏྟ བོ་ཛ྄ཛྷ་ངྒཱ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ…པེ…. ད་ས་མཾ.
༡༡. མ་གྒ་ངྒ་སུ་ཏྟཾ
༣༧༦. ‘‘ཀ་ཏ་མོ ཙ, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ? ཨ་རི་ཡོ ཨ་ཊྛ་ངྒི་ཀོ མ་གྒོ. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་ངྑ་ཏ་གཱ་མི་མ་གྒོ. ཨི་ཏི ཁོ, བྷི་ཀྑ་ཝེ, དེ་སི་ཏཾ ཝོ མ་ཡཱ ཨ་ས་ངྑ་ཏཾ, དེ་སི་ཏོ ཨ་ས་ངྑ་ཏ་གཱ་མི་མ་གྒོ. ཡཾ, བྷི་ཀྑ་ཝེ, ས་ཏྠཱ་རཱ ཀ་ར་ཎཱི་ཡཾ སཱ་ཝ་ཀཱ་ནཾ ཧི་ཏེ་སི་ནཱ ཨ་ནུ་ཀ་མྤ་ཀེ་ན ཨ་ནུ་ཀ་མྤཾ ཨུ་པཱ་དཱ་ཡ ཀ་ཏཾ ཝོ ཏཾ མ་ཡཱ. ཨེ་ཏཱ་ནི, བྷི་ཀྑ་ཝེ, རུ་ཀྑ་མཱུ་ལཱ་ནི, ཨེ་ཏཱ་ནི སུ་ཉྙཱ་གཱ་རཱ་ནི. ཛྷཱ་ཡ་ཐ, བྷི་ཀྑ་ཝེ, མཱ པ་མཱ་ད་ཏྠ; མཱ པ་ཙྪཱ ཝི་པྤ་ཊི་སཱ་རི་ནོ ཨ་ཧུ་ཝ་ཏྠ. ཨ་ཡཾ ཝོ ཨ་མྷཱ་ཀཾ ཨ་ནུ་སཱ་ས་ནཱི’’ཏི. ཨེ་ཀཱ་ད་ས་མཾ.
པ་ཋ་མོ ཝ་གྒོ.
ཏ་སྶུ་དྡཱ་ནཾ –
ཀཱ་ཡོ ས་མ་ཐོ ས་ཝི་ཏ་ཀྐོ, སུ་ཉྙ་ཏོ ས་ཏི་པ་ཊྛཱ་ནཱ;
ས་མྨ་པྤ་དྷཱ་ནཱ ཨི་དྡྷི་པཱ་དཱ, ཨི་ནྡྲི་ཡ་བ་ལ་བོ་ཛ྄ཛྷ་ངྒཱ;
མ་གྒེ་ན ཨེ་ཀཱ་ད་ས་མཾ, ཏ་སྶུ་དྡཱ་ནཾ པ་ཝུ་ཙྩ་ཏི.