༩. ཨ་ནི་མི་ཏྟ་པ་ཉྷཱ་སུ་ཏྟཾ

༣༤༠. ‘‘‘ཨ་ནི་མི་ཏྟོ ཙེ་ཏོ་ས་མཱ་དྷི, ཨ་ནི་མི་ཏྟོ ཙེ་ཏོ་ས་མཱ་དྷཱི’ཏི ཝུ་ཙྩ་ཏི. ཀ་ཏ་མོ ནུ ཁོ ཨ་ནི་མི་ཏྟོ ཙེ་ཏོ་ས་མཱ་དྷཱི་ཏི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ ས་བྦ་ནི་མི་ཏྟཱ་ནཾ ཨ་མ་ན་སི་ཀཱ་རཱ ཨ་ནི་མི་ཏྟཾ ཙེ་ཏོ་ས་མཱ་དྷིཾ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ ཝུ་ཙྩ་ཏི ཨ་ནི་མི་ཏྟོ ཙེ་ཏོ་ས་མཱ་དྷཱི’ཏི. སོ ཁྭཱ་ཧཾ, ཨཱ་ཝུ་སོ, ས་བྦ་ནི་མི་ཏྟཱ་ནཾ ཨ་མ་ན་སི་ཀཱ་རཱ ཨ་ནི་མི་ཏྟཾ ཙེ་ཏོ་ས་མཱ་དྷིཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ ནི་མི་ཏྟཱ་ནུ་སཱ་རི ཝི་ཉྙཱ་ཎཾ ཧོ་ཏི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, ཨ་ནི་མི་ཏྟཾ ཙེ་ཏོ་ས་མཱ་དྷིཾ པ་མཱ་དོ, ཨ་ནི་མི་ཏྟེ ཙེ་ཏོ་ས་མཱ་དྷི་སྨིཾ ཙི་ཏྟཾ ས་ཎྛ་པེ་ཧི, ཨ་ནི་མི་ཏྟེ ཙེ་ཏོ་ས་མཱ་དྷི་སྨིཾ ཙི་ཏྟཾ ཨེ་ཀོ་དིཾ ཀ་རོ་ཧི, ཨ་ནི་མི་ཏྟེ ཙེ་ཏོ་ས་མཱ་དྷི་སྨིཾ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན ས་བྦ་ནི་མི་ཏྟཱ་ནཾ ཨ་མ་ན་སི་ཀཱ་རཱ ཨ་ནི་མི་ཏྟཾ ཙེ་ཏོ་ས་མཱ་དྷིཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ – ‘ས་ཏྠཱ་རཱ་ནུ་གྒ་ཧི་ཏོ སཱ་ཝ་ཀོ མ་ཧཱ་བྷི་ཉྙ་ཏཾ པ་ཏྟོ’ཏི, མ་མཾ ཏཾ ས་མྨཱ ཝ་ད་མཱ་ནོ ཝ་དེ་ཡྻ – ‘ས་ཏྠཱ་རཱ་ནུ་གྒ་ཧི་ཏོ སཱ་ཝ་ཀོ མ་ཧཱ་བྷི་ཉྙ་ཏཾ པ་ཏྟོ’’’ཏི. ན་ཝ་མཾ.