༦. མོ་གྒ་ལླཱ་ན་སཾ་ཡུ་ཏྟཾ

༡. པ་ཋ་མ་ཛྷཱ་ན་པ་ཉྷཱ་སུ་ཏྟཾ

༣༣༢. ཨེ་ཀཾ ས་མ་ཡཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏ་ཏྲ ཁོ ཨཱ་ཡ་སྨཱ མ་ཧཱ་མོ་གྒ་ལླཱ་ནོ བྷི་ཀྑཱུ ཨཱ་མ་ནྟེ་སི – ‘‘ཨཱ་ཝུ་སོ, བྷི་ཀྑ་ཝེ’’ཏི. ‘‘ཨཱ་ཝུ་སོ’’ཏི ཁོ ཏེ བྷི་ཀྑཱུ ཨཱ་ཡ་སྨ་ཏོ མ་ཧཱ་མོ་གྒ་ལླཱ་ན་སྶ པ་ཙྩ་སྶོ་སུཾ. ཨཱ་ཡ་སྨཱ མ་ཧཱ་མོ་གྒ་ལླཱ་ནོ ཨེ་ཏ་ད་ཝོ་ཙ –

‘‘ཨི་དྷ མ་ཡ྄ཧཾ, ཨཱ་ཝུ་སོ, ར་ཧོ་ག་ཏ་སྶ པ་ཊི་ས་ལླཱི་ན་སྶ ཨེ་ཝཾ ཙེ་ཏ་སོ པ་རི་ཝི་ཏ་ཀྐོ ཨུ་ད་པཱ་དི – ‘པ་ཋ་མཾ ཛྷཱ་ནཾ, པ་ཋ་མཾ ཛྷཱ་ན’ནྟི ཝུ་ཙྩ་ཏི. ཀ་ཏ་མཾ ནུ ཁོ པ་ཋ་མཾ ཛྷཱ་ན་ནྟི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ ཝི་ཝི་ཙྩེ་ཝ ཀཱ་མེ་ཧི ཝི་ཝི་ཙྩ ཨ་ཀུ་ས་ལེ་ཧི དྷ་མྨེ་ཧི ས་ཝི་ཏ་ཀྐཾ ས་ཝི་ཙཱ་རཾ ཝི་ཝེ་ཀ་ཛཾ པཱི་ཏི་སུ་ཁཾ པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་དཾ ཝུ་ཙྩ་ཏི པ་ཋ་མཾ ཛྷཱ་ན’ནྟི. སོ ཁྭཱ་ཧཾ, ཨཱ་ཝུ་སོ, ཝི་ཝི་ཙྩེ་ཝ ཀཱ་མེ་ཧི ཝི་ཝི་ཙྩ ཨ་ཀུ་ས་ལེ་ཧི དྷ་མྨེ་ཧི ས་ཝི་ཏ་ཀྐཾ ས་ཝི་ཙཱ་རཾ ཝི་ཝེ་ཀ་ཛཾ པཱི་ཏི་སུ་ཁཾ པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ ཀཱ་མ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, པ་ཋ་མཾ ཛྷཱ་ནཾ པ་མཱ་དོ, པ་ཋ་མེ ཛྷཱ་ནེ ཙི་ཏྟཾ ས་ཎྛ་པེ་ཧི, པ་ཋ་མེ ཛྷཱ་ནེ ཙི་ཏྟཾ ཨེ་ཀོ་དིཾ ཀ་རོ་ཧི [ཨེ་ཀོ་དི་ཀ་རོ་ཧི (པཱི.)], པ་ཋ་མེ ཛྷཱ་ནེ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན ཝི་ཝི་ཙྩེ་ཝ ཀཱ་མེ་ཧི ཝི་ཝི་ཙྩ ཨ་ཀུ་ས་ལེ་ཧི དྷ་མྨེ་ཧི ས་ཝི་ཏ་ཀྐཾ ས་ཝི་ཙཱ་རཾ ཝི་ཝེ་ཀ་ཛཾ པཱི་ཏི་སུ་ཁཾ པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ – ‘ས་ཏྠཱ་རཱ་ནུ་གྒ་ཧི་ཏོ སཱ་ཝ་ཀོ མ་ཧཱ་བྷི་ཉྙ་ཏཾ པ་ཏྟོ’ཏི, མ་མཾ ཏཾ ས་མྨཱ ཝ་ད་མཱ་ནོ ཝ་དེ་ཡྻ – ‘ས་ཏྠཱ་རཱ་ནུ་གྒ་ཧི་ཏོ སཱ་ཝ་ཀོ མ་ཧཱ་བྷི་ཉྙ་ཏཾ པ་ཏྟོ’’’ཏི. པ་ཋ་མཾ.

༢. དུ་ཏི་ཡ་ཛྷཱ་ན་པ་ཉྷཱ་སུ་ཏྟཾ

༣༣༣. ‘‘‘དུ་ཏི་ཡཾ ཛྷཱ་ནཾ, དུ་ཏི་ཡཾ ཛྷཱ་ན’ནྟི ཝུ་ཙྩ་ཏི. ཀ་ཏ་མཾ ནུ ཁོ དུ་ཏི་ཡཾ ཛྷཱ་ན་ནྟི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ ཨ་ཛ྄ཛྷ་ཏྟཾ ས་མྤ་སཱ་ད་ནཾ ཙེ་ཏ་སོ ཨེ་ཀོ་དི་བྷཱ་ཝཾ ཨ་ཝི་ཏ་ཀྐཾ ཨ་ཝི་ཙཱ་རཾ ས་མཱ་དྷི་ཛཾ པཱི་ཏི་སུ་ཁཾ དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་དཾ ཝུ་ཙྩ་ཏི དུ་ཏི་ཡཾ ཛྷཱ་ན’ནྟི. སོ ཁྭཱ་ཧཾ, ཨཱ་ཝུ་སོ, ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ ཨ་ཛ྄ཛྷ་ཏྟཾ ས་མྤ་སཱ་ད་ནཾ ཙེ་ཏ་སོ ཨེ་ཀོ་དི་བྷཱ་ཝཾ ཨ་ཝི་ཏ་ཀྐཾ ཨ་ཝི་ཙཱ་རཾ ས་མཱ་དྷི་ཛཾ པཱི་ཏི་སུ་ཁཾ དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ ཝི་ཏ་ཀྐ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, དུ་ཏི་ཡཾ ཛྷཱ་ནཾ པ་མཱ་དོ, དུ་ཏི་ཡེ ཛྷཱ་ནེ ཙི་ཏྟཾ ས་ཎྛ་པེ་ཧི, དུ་ཏི་ཡེ ཛྷཱ་ནེ ཙི་ཏྟཾ ཨེ་ཀོ་དིཾ ཀ་རོ་ཧི, དུ་ཏི་ཡེ ཛྷཱ་ནེ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ ཨ་ཛ྄ཛྷ་ཏྟཾ ས་མྤ་སཱ་ད་ནཾ ཙེ་ཏ་སོ ཨེ་ཀོ་དི་བྷཱ་ཝཾ ཨ་ཝི་ཏ་ཀྐཾ ཨ་ཝི་ཙཱ་རཾ ས་མཱ་དྷི་ཛཾ པཱི་ཏི་སུ་ཁཾ དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ – ‘ས་ཏྠཱ་རཱ་ནུ་གྒ་ཧི་ཏོ སཱ་ཝ་ཀོ མ་ཧཱ་བྷི་ཉྙ་ཏཾ པ་ཏྟོ’ཏི, མ་མཾ ཏཾ ས་མྨཱ ཝ་ད་མཱ་ནོ ཝ་དེ་ཡྻ – ‘ས་ཏྠཱ་རཱ་ནུ་གྒ་ཧི་ཏོ སཱ་ཝ་ཀོ མ་ཧཱ་བྷི་ཉྙ་ཏཾ པ་ཏྟོ’’’ཏི. དུ་ཏི་ཡཾ.

༣. ཏ་ཏི་ཡ་ཛྷཱ་ན་པ་ཉྷཱ་སུ་ཏྟཾ

༣༣༤. ‘‘‘ཏ་ཏི་ཡཾ ཛྷཱ་ནཾ, ཏ་ཏི་ཡཾ ཛྷཱ་ན’ནྟི ཝུ་ཙྩ་ཏི. ཀ་ཏ་མཾ ནུ ཁོ ཏ་ཏི་ཡཾ ཛྷཱ་ན་ནྟི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ཨི་དྷ བྷི་ཀྑུ པཱི་ཏི་ཡཱ ཙ ཝི་རཱ་གཱ ཨུ་པེ་ཀྑ་ཀོ ཙ ཝི་ཧ་ར་ཏི ས་ཏོ ཙ ས་མྤ་ཛཱ་ནོ སུ་ཁ་ཉྩ ཀཱ་ཡེ་ན པ་ཊི་སཾ་ཝེ་དེ་ཏི, ཡཾ ཏཾ ཨ་རི་ཡཱ ཨཱ་ཙི་ཀྑ་ནྟི – ‘ཨུ་པེ་ཀྑ་ཀོ ས་ཏི་མཱ སུ་ཁ་ཝི་ཧཱ་རཱི’ཏི ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་དཾ ཝུ་ཙྩ་ཏི ཏ་ཏི་ཡཾ ཛྷཱ་ན་ནྟི. སོ ཁྭཱ་ཧཾ, ཨཱ་ཝུ་སོ, པཱི་ཏི་ཡཱ ཙ ཝི་རཱ་གཱ ཨུ་པེ་ཀྑ་ཀོ ཙ ཝི་ཧ་རཱ་མི ས་ཏོ ཙ ས་མྤ་ཛཱ་ནོ སུ་ཁ་ཉྩ ཀཱ་ཡེ་ན པ་ཊི་སཾ་ཝེ་དེ་མི. ཡཾ ཏཾ ཨ་རི་ཡཱ ཨཱ་ཙི་ཀྑ་ནྟི – ‘ཨུ་པེ་ཀྑ་ཀོ ས་ཏི་མཱ སུ་ཁ་ཝི་ཧཱ་རཱི’ཏི ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ པཱི་ཏི་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, ཏ་ཏི་ཡཾ ཛྷཱ་ནཾ པ་མཱ་དོ, ཏ་ཏི་ཡེ ཛྷཱ་ནེ ཙི་ཏྟཾ ས་ཎྛ་པེ་ཧི, ཏ་ཏི་ཡེ ཛྷཱ་ནེ ཙི་ཏྟཾ ཨེ་ཀོ་དིཾ ཀ་རོ་ཧི, ཏ་ཏི་ཡེ ཛྷཱ་ནེ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན པཱི་ཏི་ཡཱ ཙ ཝི་རཱ་གཱ ཨུ་པེ་ཀྑ་ཀོ ཙ ཝི་ཧ་རཱ་མི ས་ཏོ ཙ ས་མྤ་ཛཱ་ནོ སུ་ཁ་ཉྩ ཀཱ་ཡེ་ན པ་ཊི་སཾ་ཝེ་དེ་མི, ཡཾ ཏཾ ཨ་རི་ཡཱ ཨཱ་ཙི་ཀྑ་ནྟི – ‘ཨུ་པེ་ཀྑ་ཀོ ས་ཏི་མཱ སུ་ཁ་ཝི་ཧཱ་རཱི’ཏི ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ ཨཱ་ཝུ་སོ ས་མྨཱ ཝ་ད་མཱ་ནོ ཝ་དེ་ཡྻ…པེ… མ་ཧཱ་བྷི་ཉྙ་ཏཾ པ་ཏྟོ’’ཏི. ཏ་ཏི་ཡཾ.

༤. ཙ་ཏུ་ཏྠ་ཛྷཱ་ན་པ་ཉྷཱ་སུ་ཏྟཾ

༣༣༥. ‘‘‘ཙ་ཏུ་ཏྠཾ ཛྷཱ་ནཾ, ཙ་ཏུ་ཏྠཾ ཛྷཱ་ན’ནྟི ཝུ་ཙྩ་ཏི. ཀ་ཏ་མཾ ནུ ཁོ ཙ་ཏུ་ཏྠཾ ཛྷཱ་ན་ནྟི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ སུ་ཁ་སྶ ཙ པ་ཧཱ་ནཱ དུ་ཀྑ་སྶ ཙ པ་ཧཱ་ནཱ པུ་བྦེ་ཝ སོ་མ་ན་སྶ་དོ་མ་ན་སྶཱ་ནཾ ཨ་ཏྠ་ངྒ་མཱ ཨ་དུ་ཀྑ་མ་སུ་ཁཾ ཨུ་པེ་ཀྑཱ་ས་ཏི་པཱ་རི་སུ་དྡྷིཾ ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་དཾ ཝུ་ཙྩ་ཏི ཙ་ཏུ་ཏྠཾ ཛྷཱ་ན’ནྟི. སོ ཁྭཱ་ཧཾ, ཨཱ་ཝུ་སོ, སུ་ཁ་སྶ ཙ པ་ཧཱ་ནཱ དུ་ཀྑ་སྶ ཙ པ་ཧཱ་ནཱ པུ་བྦེ་ཝ སོ་མ་ན་སྶ་དོ་མ་ན་སྶཱ་ནཾ ཨ་ཏྠ་ངྒ་མཱ ཨ་དུ་ཀྑ་མ་སུ་ཁཾ ཨུ་པེ་ཀྑཱ་ས་ཏི་པཱ་རི་སུ་དྡྷིཾ ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ སུ་ཁ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, ཙ་ཏུ་ཏྠཾ ཛྷཱ་ནཾ པ་མཱ་དོ, ཙ་ཏུ་ཏྠེ ཛྷཱ་ནེ ཙི་ཏྟཾ ས་ཎྛ་པེ་ཧི, ཙ་ཏུ་ཏྠེ ཛྷཱ་ནེ ཙི་ཏྟཾ ཨེ་ཀོ་དིཾ ཀ་རོ་ཧི, ཙ་ཏུ་ཏྠེ ཛྷཱ་ནེ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན སུ་ཁ་སྶ ཙ པ་ཧཱ་ནཱ དུ་ཀྑ་སྶ ཙ པ་ཧཱ་ནཱ པུ་བྦེ་ཝ སོ་མ་ན་སྶ་དོ་མ་ན་སྶཱ་ནཾ ཨ་ཏྠ་ངྒ་མཱ ཨ་དུ་ཀྑ་མ་སུ་ཁཾ ཨུ་པེ་ཀྑཱ་ས་ཏི་པཱ་རི་སུ་དྡྷིཾ ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ…པེ… མ་ཧཱ་བྷི་ཉྙ་ཏཾ པ་ཏྟོ’’ཏི. ཙ་ཏུ་ཏྠཾ.

༥. ཨཱ་ཀཱ་སཱ་ན་ཉྩཱ་ཡ་ཏ་ན་པ་ཉྷཱ་སུ་ཏྟཾ

༣༣༦. ‘‘‘ཨཱ་ཀཱ་སཱ་ན་ཉྩཱ་ཡ་ཏ་ནཾ, ཨཱ་ཀཱ་སཱ་ན་ཉྩཱ་ཡ་ཏ་ན’ནྟི ཝུ་ཙྩ་ཏི. ཀ་ཏ་མཾ ནུ ཁོ ཨཱ་ཀཱ་སཱ་ན་ཉྩཱ་ཡ་ཏ་ན་ནྟི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ ས་བྦ་སོ རཱུ་པ་ས་ཉྙཱ་ནཾ ས་མ་ཏི་ཀྐ་མཱ པ་ཊི་གྷ་ས་ཉྙཱ་ནཾ ཨ་ཏྠ་ངྒ་མཱ ནཱ་ན་ཏྟ་ས་ཉྙཱ་ནཾ ཨ་མ་ན་སི་ཀཱ་རཱ ཨ་ན་ནྟོ ཨཱ་ཀཱ་སོ་ཏི ཨཱ་ཀཱ་སཱ་ན་ཉྩཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་དཾ ཝུ་ཙྩ་ཏི ཨཱ་ཀཱ་སཱ་ན་ཉྩཱ་ཡ་ཏ་ན’ནྟི. སོ ཁྭཱ་ཧཾ, ཨཱ་ཝུ་སོ, ས་བྦ་སོ རཱུ་པ་ས་ཉྙཱ་ནཾ ས་མ་ཏི་ཀྐ་མཱ པ་ཊི་གྷ་ས་ཉྙཱ་ནཾ ཨ་ཏྠ་ངྒ་མཱ ནཱ་ན་ཏྟ་ས་ཉྙཱ་ནཾ ཨ་མ་ན་སི་ཀཱ་རཱ ཨ་ན་ནྟོ ཨཱ་ཀཱ་སོ་ཏི ཨཱ་ཀཱ་སཱ་ན་ཉྩཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ རཱུ་པ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, ཨཱ་ཀཱ་སཱ་ན་ཉྩཱ་ཡ་ཏ་ནཾ པ་མཱ་དོ, ཨཱ་ཀཱ་སཱ་ན་ཉྩཱ་ཡ་ཏ་ནེ ཙི་ཏྟཾ ས་ཎྛ་པེ་ཧི, ཨཱ་ཀཱ་སཱ་ན་ཉྩཱ་ཡ་ཏ་ནེ ཙི་ཏྟཾ ཨེ་ཀོ་དིཾ ཀ་རོ་ཧི, ཨཱ་ཀཱ་སཱ་ན་ཉྩཱ་ཡ་ཏ་ནེ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན ས་བྦ་སོ རཱུ་པ་ས་ཉྙཱ་ནཾ ས་མ་ཏི་ཀྐ་མཱ པ་ཊི་གྷ་ས་ཉྙཱ་ནཾ ཨ་ཏྠ་ངྒ་མཱ ནཱ་ན་ཏྟ་ས་ཉྙཱ་ནཾ ཨ་མ་ན་སི་ཀཱ་རཱ ཨ་ན་ནྟོ ཨཱ་ཀཱ་སོ་ཏི ཨཱ་ཀཱ་སཱ་ན་ཉྩཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ…པེ… མ་ཧཱ་བྷི་ཉྙ་ཏཾ པ་ཏྟོ’’ཏི. པ་ཉྩ་མཾ.

༦. ཝི་ཉྙཱ་ཎ་ཉྩཱ་ཡ་ཏ་ན་པ་ཉྷཱ་སུ་ཏྟཾ

༣༣༧. ‘‘‘ཝི་ཉྙཱ་ཎ་ཉྩཱ་ཡ་ཏ་ནཾ, ཝི་ཉྙཱ་ཎ་ཉྩཱ་ཡ་ཏ་ན’ནྟི ཝུ་ཙྩ་ཏི. ཀ་ཏ་མཾ ནུ ཁོ ཝི་ཉྙཱ་ཎ་ཉྩཱ་ཡ་ཏ་ན་ནྟི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ ས་བྦ་སོ ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མ་ཏི་ཀྐ་མྨ ཨ་ན་ནྟཾ ཝི་ཉྙཱ་ཎ་ནྟི ཝི་ཉྙཱ་ཎ་ཉྩཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་དཾ ཝུ་ཙྩ་ཏི ཝི་ཉྙཱ་ཎ་ཉྩཱ་ཡ་ཏ་ན’ནྟི. སོ ཁྭཱ་ཧཾ, ཨཱ་ཝུ་སོ, ས་བྦ་སོ ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མ་ཏི་ཀྐ་མྨ ཨ་ན་ནྟཾ ཝི་ཉྙཱ་ཎ་ནྟི ཝི་ཉྙཱ་ཎ་ཉྩཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, ཝི་ཉྙཱ་ཎ་ཉྩཱ་ཡ་ཏ་ནཾ པ་མཱ་དོ, ཝི་ཉྙཱ་ཎ་ཉྩཱ་ཡ་ཏ་ནེ ཙི་ཏྟཾ ས་ཎྛ་པེ་ཧི, ཝི་ཉྙཱ་ཎ་ཉྩཱ་ཡ་ཏ་ནེ ཙི་ཏྟཾ ཨེ་ཀོ་དིཾ ཀ་རོ་ཧི, ཝི་ཉྙཱ་ཎ་ཉྩཱ་ཡ་ཏ་ནེ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན ས་བྦ་སོ ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མ་ཏི་ཀྐ་མྨ ཨ་ན་ནྟཾ ཝི་ཉྙཱ་ཎ་ནྟི ཝི་ཉྙཱ་ཎ་ཉྩཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ…པེ… མ་ཧཱ་བྷི་ཉྙ་ཏཾ པ་ཏྟོ’’ཏི. ཚ་ཊྛཾ.

༧. ཨཱ་ཀི་ཉྩ་ཉྙཱ་ཡ་ཏ་ན་པ་ཉྷཱ་སུ་ཏྟཾ

༣༣༨. ‘‘‘ཨཱ་ཀི་ཉྩ་ཉྙཱ་ཡ་ཏ་ནཾ, ཨཱ་ཀི་ཉྩ་ཉྙཱ་ཡ་ཏ་ན’ནྟི ཝུ་ཙྩ་ཏི. ཀ་ཏ་མཾ ནུ ཁོ ཨཱ་ཀི་ཉྩ་ཉྙཱ་ཡ་ཏ་ན་ནྟི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ ས་བྦ་སོ ཝི་ཉྙཱ་ཎ་ཉྩཱ་ཡ་ཏ་ནཾ ས་མ་ཏི་ཀྐ་མྨ ན་ཏྠི ཀི་ཉྩཱི་ཏི ཨཱ་ཀི་ཉྩ་ཉྙཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་དཾ ཝུ་ཙྩ་ཏི ཨཱ་ཀི་ཉྩ་ཉྙཱ་ཡ་ཏ་ན’ནྟི. སོ ཁྭཱ་ཧཾ, ཨཱ་ཝུ་སོ, ས་བྦ་སོ ཝི་ཉྙཱ་ཎ་ཉྩཱ་ཡ་ཏ་ནཾ ས་མ་ཏི་ཀྐ་མྨ ན་ཏྠི ཀི་ཉྩཱི་ཏི ཨཱ་ཀི་ཉྩ་ཉྙཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ ཝི་ཉྙཱ་ཎ་ཉྩཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, ཨཱ་ཀི་ཉྩ་ཉྙཱ་ཡ་ཏ་ནཾ པ་མཱ་དོ, ཨཱ་ཀི་ཉྩ་ཉྙཱ་ཡ་ཏ་ནེ ཙི་ཏྟཾ ས་ཎྛ་པེ་ཧི, ཨཱ་ཀི་ཉྩ་ཉྙཱ་ཡ་ཏ་ནེ ཙི་ཏྟཾ ཨེ་ཀོ་དིཾ ཀ་རོ་ཧི, ཨཱ་ཀི་ཉྩ་ཉྙཱ་ཡ་ཏ་ནེ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན ས་བྦ་སོ ཝི་ཉྙཱ་ཎ་ཉྩཱ་ཡ་ཏ་ནཾ ས་མ་ཏི་ཀྐ་མྨ ན་ཏྠི ཀི་ཉྩཱི་ཏི ཨཱ་ཀི་ཉྩ་ཉྙཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ…པེ… མ་ཧཱ་བྷི་ཉྙ་ཏཾ པ་ཏྟོ’’ཏི. ས་ཏྟ་མཾ.

༨. ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་པ་ཉྷཱ་སུ་ཏྟཾ

༣༣༩. ‘‘‘ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན’ནྟི ཝུ་ཙྩ་ཏི. ཀ་ཏ་མཾ ནུ ཁོ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ནྟི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ ས་བྦ་སོ ཨཱ་ཀི་ཉྩ་ཉྙཱ་ཡ་ཏ་ནཾ ས་མ་ཏི་ཀྐ་མྨ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་དཾ ཝུ་ཙྩ་ཏི ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན’ནྟི. སོ ཁྭཱ་ཧཾ, ཨཱ་ཝུ་སོ, ས་བྦ་སོ ཨཱ་ཀི་ཉྩ་ཉྙཱ་ཡ་ཏ་ནཾ ས་མ་ཏི་ཀྐ་མྨ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ ཨཱ་ཀི་ཉྩ་ཉྙཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ པ་མཱ་དོ, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནེ ཙི་ཏྟཾ ས་ཎྛ་པེ་ཧི, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནེ ཙི་ཏྟཾ ཨེ་ཀོ་དིཾ ཀ་རོ་ཧི, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནེ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན ས་བྦ་སོ ཨཱ་ཀི་ཉྩ་ཉྙཱ་ཡ་ཏ་ནཾ ས་མ་ཏི་ཀྐ་མྨ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ…པེ… མ་ཧཱ་བྷི་ཉྙ་ཏཾ པ་ཏྟོ’’ཏི. ཨ་ཊྛ་མཾ.

༩. ཨ་ནི་མི་ཏྟ་པ་ཉྷཱ་སུ་ཏྟཾ

༣༤༠. ‘‘‘ཨ་ནི་མི་ཏྟོ ཙེ་ཏོ་ས་མཱ་དྷི, ཨ་ནི་མི་ཏྟོ ཙེ་ཏོ་ས་མཱ་དྷཱི’ཏི ཝུ་ཙྩ་ཏི. ཀ་ཏ་མོ ནུ ཁོ ཨ་ནི་མི་ཏྟོ ཙེ་ཏོ་ས་མཱ་དྷཱི་ཏི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ ས་བྦ་ནི་མི་ཏྟཱ་ནཾ ཨ་མ་ན་སི་ཀཱ་རཱ ཨ་ནི་མི་ཏྟཾ ཙེ་ཏོ་ས་མཱ་དྷིཾ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ ཝུ་ཙྩ་ཏི ཨ་ནི་མི་ཏྟོ ཙེ་ཏོ་ས་མཱ་དྷཱི’ཏི. སོ ཁྭཱ་ཧཾ, ཨཱ་ཝུ་སོ, ས་བྦ་ནི་མི་ཏྟཱ་ནཾ ཨ་མ་ན་སི་ཀཱ་རཱ ཨ་ནི་མི་ཏྟཾ ཙེ་ཏོ་ས་མཱ་དྷིཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ ནི་མི་ཏྟཱ་ནུ་སཱ་རི ཝི་ཉྙཱ་ཎཾ ཧོ་ཏི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, ཨ་ནི་མི་ཏྟཾ ཙེ་ཏོ་ས་མཱ་དྷིཾ པ་མཱ་དོ, ཨ་ནི་མི་ཏྟེ ཙེ་ཏོ་ས་མཱ་དྷི་སྨིཾ ཙི་ཏྟཾ ས་ཎྛ་པེ་ཧི, ཨ་ནི་མི་ཏྟེ ཙེ་ཏོ་ས་མཱ་དྷི་སྨིཾ ཙི་ཏྟཾ ཨེ་ཀོ་དིཾ ཀ་རོ་ཧི, ཨ་ནི་མི་ཏྟེ ཙེ་ཏོ་ས་མཱ་དྷི་སྨིཾ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན ས་བྦ་ནི་མི་ཏྟཱ་ནཾ ཨ་མ་ན་སི་ཀཱ་རཱ ཨ་ནི་མི་ཏྟཾ ཙེ་ཏོ་ས་མཱ་དྷིཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ – ‘ས་ཏྠཱ་རཱ་ནུ་གྒ་ཧི་ཏོ སཱ་ཝ་ཀོ མ་ཧཱ་བྷི་ཉྙ་ཏཾ པ་ཏྟོ’ཏི, མ་མཾ ཏཾ ས་མྨཱ ཝ་ད་མཱ་ནོ ཝ་དེ་ཡྻ – ‘ས་ཏྠཱ་རཱ་ནུ་གྒ་ཧི་ཏོ སཱ་ཝ་ཀོ མ་ཧཱ་བྷི་ཉྙ་ཏཾ པ་ཏྟོ’’’ཏི. ན་ཝ་མཾ.

༡༠. ས་ཀྐ་སུ་ཏྟཾ

༣༤༡. ཨ་ཐ ཁོ ཨཱ་ཡ་སྨཱ མ་ཧཱ་མོ་གྒ་ལླཱ་ནོ – སེ་ཡྻ་ཐཱ་པི ནཱ་མ བ་ལ་ཝཱ པུ་རི་སོ ས་མི་ཉྫི་ཏཾ ཝཱ བཱ་ཧཾ པ་སཱ་རེ་ཡྻ, པ་སཱ་རི་ཏཾ ཝཱ བཱ་ཧཾ ས་མི་ཉྫེ་ཡྻ; ཨེ་ཝ་མེ་ཝ – ཛེ་ཏ་ཝ་ནེ ཨ་ནྟ་ར་ཧི་ཏོ དེ་ཝེ་སུ ཏཱ་ཝ་ཏིཾ་སེ་སུ པཱ་ཏུ་ར་ཧོ་སི. ཨ་ཐ ཁོ ས་ཀྐོ དེ་ཝཱ་ན་མི་ནྡོ པ་ཉྩ་ཧི དེ་ཝ་ཏཱ་ས་ཏེ་ཧི ས་དྡྷིཾ ཡེ་ནཱ་ཡ་སྨཱ མ་ཧཱ་མོ་གྒ་ལླཱ་ནོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ཡ་སྨ་ནྟཾ མ་ཧཱ་མོ་གྒ་ལླཱ་ནཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏཾ ཁོ ས་ཀྐཾ དེ་ཝཱ་ན་མི་ནྡཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ ཨེ་ཏ་ད་ཝོ་ཙ –

‘‘སཱ་དྷུ ཁོ, དེ་ཝཱ་ན་མི་ནྡ, བུ་དྡྷ་ས་ར་ཎ་ག་མ་ནཾ [བུ་དྡྷཾ ས་ར་ཎ་ག་མ་ནཾ (སཱི.)] ཧོ་ཏི. བུ་དྡྷ་ས་ར་ཎ་ག་མ་ན་ཧེ་ཏུ [བུ་དྡྷཾ ས་ར་ཎ་ག་མ་ན་ཧེ་ཏུ (སཱི.)] ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. སཱ་དྷུ ཁོ, དེ་ཝཱ་ན་མི་ནྡ, དྷ་མྨ་ས་ར་ཎ་ག་མ་ནཾ ཧོ་ཏི. དྷ་མྨ་ས་ར་ཎ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. སཱ་དྷུ ཁོ, དེ་ཝཱ་ན་མི་ནྡ, ས་ངྒྷ་ས་ར་ཎ་ག་མ་ནཾ ཧོ་ཏི. ས་ངྒྷ་ས་ར་ཎ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟཱི’’ཏི.

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, བུ་དྡྷ་ས་ར་ཎ་ག་མ་ནཾ ཧོ་ཏི. བུ་དྡྷ་ས་ར་ཎ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. སཱ་དྷུ ཁོ, མཱ་རི་ས མོ་གྒ་ལླཱ་ན, དྷ་མྨ་ས་ར་ཎ་ག་མ་ནཾ ཧོ་ཏི. དྷ་མྨ་ས་ར་ཎ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. སཱ་དྷུ ཁོ, མཱ་རི་ས མོ་གྒ་ལླཱ་ན, ས་ངྒྷ…པེ… སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟཱི’’ཏི.

ཨ་ཐ ཁོ ས་ཀྐོ དེ་ཝཱ་ན་མི་ནྡོ ཚ་ཧི དེ་ཝ་ཏཱ་ས་ཏེ་ཧི ས་དྡྷིཾ…པེ… ཨ་ཐ ཁོ ས་ཀྐོ དེ་ཝཱ་ན་མི་ནྡོ ས་ཏྟ་ཧི དེ་ཝ་ཏཱ་ས་ཏེ་ཧི ས་དྡྷིཾ…པེ… ཨ་ཐ ཁོ ས་ཀྐོ དེ་ཝཱ་ན་མི་ནྡོ ཨ་ཊྛ་ཧི དེ་ཝ་ཏཱ་ས་ཏེ་ཧི ས་དྡྷིཾ…པེ… ཨ་ཐ ཁོ ས་ཀྐོ དེ་ཝཱ་ན་མི་ནྡོ ཨ་སཱི་ཏི་ཡཱ དེ་ཝ་ཏཱ་ས་ཧ་སྶེ་ཧི ས་དྡྷིཾ ཡེ་ནཱ་ཡ་སྨཱ མ་ཧཱ་མོ་གྒ་ལླཱ་ནོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ཡ་སྨ་ནྟཾ མ་ཧཱ་མོ་གྒ་ལླཱ་ནཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏཾ ཁོ ས་ཀྐཾ དེ་ཝཱ་ན་མི་ནྡཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ ཨེ་ཏ་ད་ཝོ་ཙ –

‘‘སཱ་དྷུ ཁོ, དེ་ཝཱ་ན་མི་ནྡ, བུ་དྡྷ་ས་ར་ཎ་ག་མ་ནཾ ཧོ་ཏི. བུ་དྡྷ་ས་ར་ཎ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. སཱ་དྷུ ཁོ, དེ་ཝཱ་ན་མི་ནྡ, དྷ་མྨ་ས་ར་ཎ་ག་མ་ནཾ ཧོ་ཏི. དྷ་མྨ་ས་ར་ཎ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. སཱ་དྷུ ཁོ, དེ་ཝཱ་ན་མི་ནྡ, ས་ངྒྷ་ས་ར་ཎ་ག་མ་ནཾ ཧོ་ཏི. ས་ངྒྷ་ས་ར་ཎ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟཱི’’ཏི.

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, བུ་དྡྷ་ས་ར་ཎ་ག་མ་ནཾ ཧོ་ཏི. བུ་དྡྷ་ས་ར་ཎ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. སཱ་དྷུ ཁོ, མཱ་རི་ས མོ་གྒ་ལླཱ་ན, དྷ་མྨ་ས་ར་ཎ་ག་མ་ནཾ ཧོ་ཏི…པེ… སཱ་དྷུ ཁོ, མཱ་རི་ས མོ་གྒ་ལླཱ་ན, ས་ངྒྷ་ས་ར་ཎ་ག་མ་ནཾ ཧོ་ཏི. ས་ངྒྷ་ས་ར་ཎ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟཱི’’ཏི.

ཨ་ཐ ཁོ ས་ཀྐོ དེ་ཝཱ་ན་མི་ནྡོ པ་ཉྩ་ཧི དེ་ཝ་ཏཱ་ས་ཏེ་ཧི ས་དྡྷིཾ ཡེ་ནཱ་ཡ་སྨཱ མ་ཧཱ་མོ་གྒ་ལླཱ་ནོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ཡ་སྨ་ནྟཾ མ་ཧཱ་མོ་གྒ་ལླཱ་ནཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏཾ ཁོ ས་ཀྐཾ དེ་ཝཱ་ན་མི་ནྡཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ ཨེ་ཏ་ད་ཝོ་ཙ –

‘‘སཱ་དྷུ ཁོ, དེ་ཝཱ་ན་མི་ནྡ, དྷ་མྨེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘སྭཱ་ཀྑཱ་ཏོ བྷ་ག་ཝ་ཏཱ དྷ་མྨོ ས་ནྡི་ཊྛི་ཀོ ཨ་ཀཱ་ལི་ཀོ ཨེ་ཧི་པ་སྶི་ཀོ ཨོ་པ་ནེ་ཡྻི་ཀོ པ་ཙྩ་ཏྟཾ ཝེ་དི་ཏ་བྦོ ཝི་ཉྙཱུ་ཧཱི’ཏི. དྷ་མྨེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི.

‘‘སཱ་དྷུ ཁོ, དེ་ཝཱ་ན་མི་ནྡ, ས་ངྒྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘སུ་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ, ཨུ་ཛུ་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ, ཉཱ་ཡ་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ, སཱ་མཱི་ཙི་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ, ཡ་དི་དཾ ཙ་ཏྟཱ་རི པུ་རི་ས་ཡུ་གཱ་ནི ཨ་ཊྛ པུ་རི་ས་པུ་གྒ་ལཱ ཨེ་ས བྷ་ག་ཝ་ཏོ སཱ་ཝ་ཀ་ས་ངྒྷོ ཨཱ་ཧུ་ནེ་ཡྻོ པཱ་ཧུ་ནེ་ཡྻོ ད་ཀྑི་ཎེ་ཡྻོ ཨ་ཉྫ་ལི་ཀ་ར་ཎཱི་ཡོ ཨ་ནུ་ཏྟ་རཾ པུ་ཉྙ་ཀྑེ་ཏྟཾ ལོ་ཀ་སྶཱ’ཏི. ས་ངྒྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི.

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘ཨི་ཏི་པི སོ…པེ… ས་ཏྠཱ དེ་ཝ་མ་ནུ་སྶཱ་ནཾ བུ་དྡྷོ བྷ་ག་ཝཱ’ཏི. བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི.

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, དྷ་མྨེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘སྭཱ་ཀྑཱ་ཏོ བྷ་ག་ཝ་ཏཱ དྷ་མྨོ…པེ… པ་ཙྩ་ཏྟཾ ཝེ་དི་ཏ་བྦོ ཝི་ཉྙཱུ་ཧཱི’ཏི. དྷ་མྨེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི.

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, ས་ངྒྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘སུ་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ…པེ… ཨ་ནུ་ཏྟ་རཾ པུ་ཉྙ་ཀྑེ་ཏྟཾ ལོ་ཀ་སྶཱ’ཏི. ས་ངྒྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི.

ཨ་ཐ ཁོ ས་ཀྐོ དེ་ཝཱ་ན་མི་ནྡོ ཚ་ཧི དེ་ཝ་ཏཱ་ས་ཏེ་ཧི ས་དྡྷིཾ…པེ…. ཨ་ཐ ཁོ ས་ཀྐོ དེ་ཝཱ་ན་མི་ནྡོ ས་ཏྟ་ཧི དེ་ཝ་ཏཱ་ས་ཏེ་ཧི ས་དྡྷིཾ…པེ…. ཨ་ཐ ཁོ ས་ཀྐོ དེ་ཝཱ་ན་མི་ནྡོ ཨ་ཊྛ་ཧི དེ་ཝ་ཏཱ་ས་ཏེ་ཧི ས་དྡྷིཾ…པེ…. ཨ་ཐ ཁོ ས་ཀྐོ དེ་ཝཱ་ན་མི་ནྡོ ཨ་སཱི་ཏི་ཡཱ དེ་ཝ་ཏཱ་ས་ཧ་སྶེ་ཧི ས་དྡྷིཾ ཡེ་ནཱ་ཡ་སྨཱ མ་ཧཱ་མོ་གྒ་ལླཱ་ནོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ཡ་སྨ་ནྟཾ མ་ཧཱ་མོ་གྒ་ལླཱ་ནཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏཾ ཁོ ས་ཀྐཾ དེ་ཝཱ་ན་མི་ནྡཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ ཨེ་ཏ་ད་ཝོ་ཙ –

‘‘སཱ་དྷུ ཁོ, དེ་ཝཱ་ན་མི་ནྡ, བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘ཨི་ཏི་པི སོ བྷ་ག་ཝཱ…པེ… ས་ཏྠཱ དེ་ཝ་མ་ནུ་སྶཱ་ནཾ བུ་དྡྷོ བྷ་ག་ཝཱ’ཏི. བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི.

‘‘སཱ་དྷུ ཁོ, དེ་ཝཱ་ན་མི་ནྡ, དྷ་མྨེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘སྭཱ་ཀྑཱ་ཏོ བྷ་ག་ཝ་ཏཱ དྷ་མྨོ…པེ… པ་ཙྩ་ཏྟཾ ཝེ་དི་ཏ་བྦོ ཝི་ཉྙཱུ་ཧཱི’ཏི. དྷ་མྨེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི.

‘‘སཱ་དྷུ ཁོ, དེ་ཝཱ་ན་མི་ནྡ, ས་ངྒྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘སུ་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ…པེ… ཨ་ནུ་ཏྟ་རཾ པུ་ཉྙ་ཀྑེ་ཏྟཾ ལོ་ཀ་སྶཱ’ཏི. ས་ངྒྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི.

‘‘སཱ་དྷུ ཁོ, དེ་ཝཱ་ན་མི་ནྡ, ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་མ་ནཾ ཧོ་ཏི ཨ་ཁ་ཎྜེ་ཧི…པེ… ས་མཱ་དྷི་སཾ་ཝ་ཏྟ་ནི་ཀེ་ཧི. ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟཱི’’ཏི.

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘ཨི་ཏི་པི སོ བྷ་ག་ཝཱ…པེ… ས་ཏྠཱ དེ་ཝ་མ་ནུ་སྶཱ་ནཾ བུ་དྡྷོ བྷ་ག་ཝཱ’ཏི. བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི.

ཨ་ཐ ཁོ ས་ཀྐོ དེ་ཝཱ་ན་མི་ནྡོ པ་ཉྩ་ཧི དེ་ཝ་ཏཱ་ས་ཏེ་ཧི ས་དྡྷིཾ ཡེ་ནཱ་ཡ་སྨཱ མ་ཧཱ་མོ་གྒ་ལླཱ་ནོ ཏེ་ནུ་པ་ས་ངྐ་མི …པེ… ཨེ་ཀ་མ་ནྟཾ ཋི་ཏཾ ཁོ ས་ཀྐཾ དེ་ཝཱ་ན་མི་ནྡཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ ཨེ་ཏ་ད་ཝོ་ཙ –

‘‘སཱ་དྷུ ཁོ, དེ་ཝཱ་ན་མི་ནྡ, བུ་དྡྷ་ས་ར་ཎ་ག་མ་ནཾ ཧོ་ཏི. བུ་དྡྷ་ས་ར་ཎ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. ཏེ ཨ་ཉྙེ དེ་ཝེ ད་ས་ཧི ཋཱ་ནེ་ཧི ཨ་དྷི་ག་ཎྷ་ནྟི – དི་བྦེ་ན ཨཱ་ཡུ་ནཱ, དི་བྦེ་ན ཝ་ཎྞེ་ན, དི་བྦེ་ན སུ་ཁེ་ན, དི་བྦེ་ན ཡ་སེ་ན, དི་བྦེ་ན ཨཱ་དྷི་པ་ཏེ་ཡྻེ་ན, དི་བྦེ་ཧི རཱུ་པེ་ཧི, དི་བྦེ་ཧི ས་དྡེ་ཧི, དི་བྦེ་ཧི ག་ནྡྷེ་ཧི, དི་བྦེ་ཧི ར་སེ་ཧི, དི་བྦེ་ཧི ཕོ་ཊྛ་བྦེ་ཧི.

‘‘སཱ་དྷུ ཁོ, དེ་ཝཱ་ན་མི་ནྡ, དྷ་མྨ་ས་ར་ཎ་ག་མ་ནཾ ཧོ་ཏི. དྷ་མྨ་ས་ར་ཎ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. ཏེ ཨ་ཉྙེ དེ་ཝེ ད་ས་ཧི ཋཱ་ནེ་ཧི ཨ་དྷི་ག་ཎྷ་ནྟི – དི་བྦེ་ན ཨཱ་ཡུ་ནཱ, དི་བྦེ་ན ཝ་ཎྞེ་ན, དི་བྦེ་ན སུ་ཁེ་ན, དི་བྦེ་ན ཡ་སེ་ན, དི་བྦེ་ན ཨཱ་དྷི་པ་ཏེ་ཡྻེ་ན, དི་བྦེ་ཧི རཱུ་པེ་ཧི, དི་བྦེ་ཧི ས་དྡེ་ཧི, དི་བྦེ་ཧི ག་ནྡྷེ་ཧི, དི་བྦེ་ཧི ར་སེ་ཧི, དི་བྦེ་ཧི ཕོ་ཊྛ་བྦེ་ཧི.

‘‘སཱ་དྷུ ཁོ, དེ་ཝཱ་ན་མི་ནྡ, ས་ངྒྷ་ས་ར་ཎ་ག་མ་ནཾ ཧོ་ཏི. ས་ངྒྷ་ས་ར་ཎ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. ཏེ ཨ་ཉྙེ དེ་ཝེ ད་ས་ཧི ཋཱ་ནེ་ཧི ཨ་དྷི་ག་ཎྷ་ནྟི – དི་བྦེ་ན ཨཱ་ཡུ་ནཱ, དི་བྦེ་ན ཝ་ཎྞེ་ན, དི་བྦེ་ན སུ་ཁེ་ན, དི་བྦེ་ན ཡ་སེ་ན, དི་བྦེ་ན ཨཱ་དྷི་པ་ཏེ་ཡྻེ་ན, དི་བྦེ་ཧི རཱུ་པེ་ཧི, དི་བྦེ་ཧི ས་དྡེ་ཧི, དི་བྦེ་ཧི ག་ནྡྷེ་ཧི, དི་བྦེ་ཧི ར་སེ་ཧི, དི་བྦེ་ཧི ཕོ་ཊྛ་བྦེ་ཧཱི’’ཏི.

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, དྷ་མྨ་ས་ར་ཎ་ག་མ་ནཾ ཧོ་ཏི…པེ….

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, ས་ངྒྷ་ས་ར་ཎ་ག་མ་ནཾ ཧོ་ཏི. ས་ངྒྷ་ས་ར་ཎ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. ཏེ ཨ་ཉྙེ དེ་ཝེ ད་ས་ཧི ཋཱ་ནེ་ཧི ཨ་དྷི་ག་ཎྷ་ནྟི – དི་བྦེ་ན ཨཱ་ཡུ་ནཱ, དི་བྦེ་ན ཝ་ཎྞེ་ན, དི་བྦེ་ན སུ་ཁེ་ན, དི་བྦེ་ན ཡ་སེ་ན, དི་བྦེ་ན ཨཱ་དྷི་པ་ཏེ་ཡྻེ་ན, དི་བྦེ་ཧི རཱུ་པེ་ཧི, དི་བྦེ་ཧི ས་དྡེ་ཧི, དི་བྦེ་ཧི ག་ནྡྷེ་ཧི, དི་བྦེ་ཧི ར་སེ་ཧི, དི་བྦེ་ཧི ཕོ་ཊྛ་བྦེ་ཧཱི’’ཏི.

‘‘སཱ་དྷུ ཁོ, དེ་ཝཱ་ན་མི་ནྡ, དྷ་མྨ་ས་ར་ཎ་ག་མ་ནཾ ཧོ་ཏི…པེ….

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, བུ་དྡྷ་ས་ར་ཎ་ག་མ་ནཾ ཧོ་ཏི…པེ… སཱ་དྷུ ཁོ, མཱ་རི་ས མོ་གྒ་ལླཱ་ན, དྷ་མྨ་ས་ར་ཎ་ག་མ་ནཾ ཧོ་ཏི…པེ… སཱ་དྷུ ཁོ མཱ་རི་ས མོ་གྒ་ལླཱ་ན, ས་ངྒྷ་ས་ར་ཎ་ག་མ་ནཾ ཧོ་ཏི. ས་ངྒྷ་ས་ར་ཎ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. ཏེ ཨ་ཉྙེ དེ་ཝེ ད་ས་ཧི ཋཱ་ནེ་ཧི ཨ་དྷི་ག་ཎྷ་ནྟི – དི་བྦེ་ན ཨཱ་ཡུ་ནཱ, དི་བྦེ་ན ཝ་ཎྞེ་ན, དི་བྦེ་ན སུ་ཁེ་ན, དི་བྦེ་ན ཡ་སེ་ན, དི་བྦེ་ན ཨཱ་དྷི་པ་ཏེ་ཡྻེ་ན, དི་བྦེ་ཧི རཱུ་པེ་ཧི, དི་བྦེ་ཧི ས་དྡེ་ཧི, དི་བྦེ་ཧི ག་ནྡྷེ་ཧི, དི་བྦེ་ཧི ར་སེ་ཧི, དི་བྦེ་ཧི ཕོ་ཊྛ་བྦེ་ཧཱི’’ཏི.

‘‘སཱ་དྷུ ཁོ, དེ་ཝཱ་ན་མི་ནྡ, ས་ངྒྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘སུ་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ…པེ… ལོ་ཀ་སྶཱ’ཏི. ས་ངྒྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི…པེ….

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, ས་ངྒྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘སུ་པྤ་ཊི་པ་ནྣོ བྷ་ག་ཝ་ཏོ སཱ་ཝ་ཀ་ས་ངྒྷོ…པེ… ལོ་ཀ་སྶཱ’ཏི. ས་ངྒྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི…པེ….

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་མ་ནཾ ཧོ་ཏི ཨ་ཁ་ཎྜེ་ཧི…པེ… ས་མཱ་དྷི་སཾ་ཝ་ཏྟ་ནི་ཀེ་ཧི. ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. ཏེ ཨ་ཉྙེ དེ་ཝེ ད་ས་ཧི ཋཱ་ནེ་ཧི ཨ་དྷི་ག་ཎྷ་ནྟི – དི་བྦེ་ན ཨཱ་ཡུ་ནཱ…པེ… དི་བྦེ་ཧི ཕོ་ཊྛ་བྦེ་ཧཱི’’ཏི.

‘‘སཱ་དྷུ ཁོ, དེ་ཝཱ་ན་མི་ནྡ, བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ནཾ ཧོ་ཏི – ‘ཨི་ཏི་པི སོ བྷ་ག་ཝཱ ཨ་ར་ཧཾ ས་མྨཱ་ས་མྦུ་དྡྷོ ཝི་ཛྫཱ་ཙ་ར་ཎ་ས་མྤ་ནྣོ སུ་ག་ཏོ ལོ་ཀ་ཝི་དཱུ ཨ་ནུ་ཏྟ་རོ པུ་རི་ས་ད་མྨ་སཱ་ར་ཐི ས་ཏྠཱ དེ་ཝ་མ་ནུ་སྶཱ་ནཾ བུ་དྡྷོ བྷ་ག་ཝཱ’ཏི. བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. ཏེ ཨ་ཉྙེ དེ་ཝེ ད་ས་ཧི ཋཱ་ནེ་ཧི ཨ་དྷི་ག་ཎྷ་ནྟི – དི་བྦེ་ན ཨཱ་ཡུ་ནཱ, དི་བྦེ་ན ཝ་ཎྞེ་ན, དི་བྦེ་ན སུ་ཁེ་ན, དི་བྦེ་ན ཡ་སེ་ན, དི་བྦེ་ན ཨཱ་དྷི་པ་ཏེ་ཡྻེ་ན, དི་བྦེ་ཧི རཱུ་པེ་ཧི, དི་བྦེ་ཧི ས་དྡེ་ཧི, དི་བྦེ་ཧི ག་ནྡྷེ་ཧི, དི་བྦེ་ཧི ར་སེ་ཧི, དི་བྦེ་ཧི ཕོ་ཊྛ་བྦེ་ཧི.

‘‘སཱ་དྷུ ཁོ, དེ་ཝཱ་ན་མི་ནྡ, ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་མ་ནཾ ཧོ་ཏི ཨ་ཁ་ཎྜེ་ཧི ཨ་ཙྪི་དྡེ་ཧི ཨ་ས་བ་ལེ་ཧི ཨ་ཀ་མྨཱ་སེ་ཧི བྷུ་ཛི་སྶེ་ཧི ཝི་ཉྙུ་པྤ་ས་ཏྠེ་ཧི ཨ་པ་རཱ་མ་ཊྛེ་ཧི ས་མཱ་དྷི་སཾ་ཝ་ཏྟ་ནི་ཀེ་ཧི. ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་མ་ན་ཧེ་ཏུ ཁོ, དེ་ཝཱ་ན་མི་ནྡ, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. ཏེ ཨ་ཉྙེ དེ་ཝེ ད་ས་ཧི ཋཱ་ནེ་ཧི ཨ་དྷི་ག་ཎྷ་ནྟི – དི་བྦེ་ན ཨཱ་ཡུ་ནཱ, དི་བྦེ་ན ཝ་ཎྞེ་ན, དི་བྦེ་ན སུ་ཁེ་ན, དི་བྦེ་ན ཡ་སེ་ན, དི་བྦེ་ན ཨཱ་དྷི་པ་ཏེ་ཡྻེ་ན, དི་བྦེ་ཧི རཱུ་པེ་ཧི, དི་བྦེ་ཧི ས་དྡེ་ཧི, དི་བྦེ་ཧི ག་ནྡྷེ་ཧི, དི་བྦེ་ཧི ར་སེ་ཧི, དི་བྦེ་ཧི ཕོ་ཊྛ་བྦེ་ཧཱི’’ཏི.

‘‘སཱ་དྷུ ཁོ, མཱ་རི་ས མོ་གྒ་ལླཱ་ན, ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་མ་ནཾ ཧོ་ཏི ཨ་ཁ་ཎྜེ་ཧི…པེ… ས་མཱ་དྷི་སཾ་ཝ་ཏྟ་ནི་ཀེ་ཧི. ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་མ་ན་ཧེ་ཏུ ཁོ, མཱ་རི་ས མོ་གྒ་ལླཱ་ན, ཨེ་ཝ་མི་དྷེ་ཀ་ཙྩེ ས་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ནྟི. ཏེ ཨ་ཉྙེ དེ་ཝེ ད་ས་ཧི ཋཱ་ནེ་ཧི ཨ་དྷི་ག་ཎྷ་ནྟི – དི་བྦེ་ན ཨཱ་ཡུ་ནཱ, དི་བྦེ་ན ཝ་ཎྞེ་ན, དི་བྦེ་ན སུ་ཁེ་ན, དི་བྦེ་ན ཡ་སེ་ན, དི་བྦེ་ན ཨཱ་དྷི་པ་ཏེ་ཡྻེ་ན, དི་བྦེ་ཧི རཱུ་པེ་ཧི, དི་བྦེ་ཧི ས་དྡེ་ཧི, དི་བྦེ་ཧི ག་ནྡྷེ་ཧི, དི་བྦེ་ཧི ར་སེ་ཧི, དི་བྦེ་ཧི ཕོ་ཊྛ་བྦེ་ཧཱི’’ཏི. ད་ས་མཾ.

༡༡. ཙ་ནྡ་ན་སུ་ཏྟཾ

༣༤༢. ཨ་ཐ ཁོ ཙ་ནྡ་ནོ [ན་ནྡ་ནོ (སཱི.)] དེ་ཝ་པུ་ཏྟོ…པེ….

ཨ་ཐ ཁོ སུ་ཡཱ་མོ དེ་ཝ་པུ་ཏྟོ…པེ….

ཨ་ཐ ཁོ ས་ནྟུ་སི་ཏོ དེ་ཝ་པུ་ཏྟོ…པེ….

ཨ་ཐ ཁོ སུ་ནི་མྨི་ཏོ དེ་ཝ་པུ་ཏྟོ…པེ….

ཨ་ཐ ཁོ ཝ་ས་ཝ་ཏྟི དེ་ཝ་པུ་ཏྟོ…པེ….

(ཡ་ཐཱ ས་ཀྐ་སུ་ཏྟཾ ཏ་ཐཱ ཨི་མེ པ་ཉྩ པེ་ཡྻཱ་ལཱ ཝི་ཏྠཱ་རེ་ཏ་བྦཱ). ཨེ་ཀཱ་ད་ས་མཾ.

མོ་གྒ་ལླཱ་ན་སཾ་ཡུ་ཏྟཾ ས་མ་ཏྟཾ.