༦. ཝི་ཉྙཱ་ཎ་ཉྩཱ་ཡ་ཏ་ན་པ་ཉྷཱ་སུ་ཏྟཾ

༣༣༧. ‘‘‘ཝི་ཉྙཱ་ཎ་ཉྩཱ་ཡ་ཏ་ནཾ, ཝི་ཉྙཱ་ཎ་ཉྩཱ་ཡ་ཏ་ན’ནྟི ཝུ་ཙྩ་ཏི. ཀ་ཏ་མཾ ནུ ཁོ ཝི་ཉྙཱ་ཎ་ཉྩཱ་ཡ་ཏ་ན་ནྟི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ ས་བྦ་སོ ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མ་ཏི་ཀྐ་མྨ ཨ་ན་ནྟཾ ཝི་ཉྙཱ་ཎ་ནྟི ཝི་ཉྙཱ་ཎ་ཉྩཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་དཾ ཝུ་ཙྩ་ཏི ཝི་ཉྙཱ་ཎ་ཉྩཱ་ཡ་ཏ་ན’ནྟི. སོ ཁྭཱ་ཧཾ, ཨཱ་ཝུ་སོ, ས་བྦ་སོ ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མ་ཏི་ཀྐ་མྨ ཨ་ན་ནྟཾ ཝི་ཉྙཱ་ཎ་ནྟི ཝི་ཉྙཱ་ཎ་ཉྩཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, ཝི་ཉྙཱ་ཎ་ཉྩཱ་ཡ་ཏ་ནཾ པ་མཱ་དོ, ཝི་ཉྙཱ་ཎ་ཉྩཱ་ཡ་ཏ་ནེ ཙི་ཏྟཾ ས་ཎྛ་པེ་ཧི, ཝི་ཉྙཱ་ཎ་ཉྩཱ་ཡ་ཏ་ནེ ཙི་ཏྟཾ ཨེ་ཀོ་དིཾ ཀ་རོ་ཧི, ཝི་ཉྙཱ་ཎ་ཉྩཱ་ཡ་ཏ་ནེ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན ས་བྦ་སོ ཨཱ་ཀཱ་སཱ་ན་ཉྩཱ་ཡ་ཏ་ནཾ ས་མ་ཏི་ཀྐ་མྨ ཨ་ན་ནྟཾ ཝི་ཉྙཱ་ཎ་ནྟི ཝི་ཉྙཱ་ཎ་ཉྩཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ…པེ… མ་ཧཱ་བྷི་ཉྙ་ཏཾ པ་ཏྟོ’’ཏི. ཚ་ཊྛཾ.