༤. ཙ་ཏུ་ཏྠ་ཛྷཱ་ན་པ་ཉྷཱ་སུ་ཏྟཾ

༣༣༥. ‘‘‘ཙ་ཏུ་ཏྠཾ ཛྷཱ་ནཾ, ཙ་ཏུ་ཏྠཾ ཛྷཱ་ན’ནྟི ཝུ་ཙྩ་ཏི. ཀ་ཏ་མཾ ནུ ཁོ ཙ་ཏུ་ཏྠཾ ཛྷཱ་ན་ནྟི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ སུ་ཁ་སྶ ཙ པ་ཧཱ་ནཱ དུ་ཀྑ་སྶ ཙ པ་ཧཱ་ནཱ པུ་བྦེ་ཝ སོ་མ་ན་སྶ་དོ་མ་ན་སྶཱ་ནཾ ཨ་ཏྠ་ངྒ་མཱ ཨ་དུ་ཀྑ་མ་སུ་ཁཾ ཨུ་པེ་ཀྑཱ་ས་ཏི་པཱ་རི་སུ་དྡྷིཾ ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་དཾ ཝུ་ཙྩ་ཏི ཙ་ཏུ་ཏྠཾ ཛྷཱ་ན’ནྟི. སོ ཁྭཱ་ཧཾ, ཨཱ་ཝུ་སོ, སུ་ཁ་སྶ ཙ པ་ཧཱ་ནཱ དུ་ཀྑ་སྶ ཙ པ་ཧཱ་ནཱ པུ་བྦེ་ཝ སོ་མ་ན་སྶ་དོ་མ་ན་སྶཱ་ནཾ ཨ་ཏྠ་ངྒ་མཱ ཨ་དུ་ཀྑ་མ་སུ་ཁཾ ཨུ་པེ་ཀྑཱ་ས་ཏི་པཱ་རི་སུ་དྡྷིཾ ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ སུ་ཁ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, ཙ་ཏུ་ཏྠཾ ཛྷཱ་ནཾ པ་མཱ་དོ, ཙ་ཏུ་ཏྠེ ཛྷཱ་ནེ ཙི་ཏྟཾ ས་ཎྛ་པེ་ཧི, ཙ་ཏུ་ཏྠེ ཛྷཱ་ནེ ཙི་ཏྟཾ ཨེ་ཀོ་དིཾ ཀ་རོ་ཧི, ཙ་ཏུ་ཏྠེ ཛྷཱ་ནེ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན སུ་ཁ་སྶ ཙ པ་ཧཱ་ནཱ དུ་ཀྑ་སྶ ཙ པ་ཧཱ་ནཱ པུ་བྦེ་ཝ སོ་མ་ན་སྶ་དོ་མ་ན་སྶཱ་ནཾ ཨ་ཏྠ་ངྒ་མཱ ཨ་དུ་ཀྑ་མ་སུ་ཁཾ ཨུ་པེ་ཀྑཱ་ས་ཏི་པཱ་རི་སུ་དྡྷིཾ ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ…པེ… མ་ཧཱ་བྷི་ཉྙ་ཏཾ པ་ཏྟོ’’ཏི. ཙ་ཏུ་ཏྠཾ.