༢. དུ་ཏི་ཡ་ཛྷཱ་ན་པ་ཉྷཱ་སུ་ཏྟཾ

༣༣༣. ‘‘‘དུ་ཏི་ཡཾ ཛྷཱ་ནཾ, དུ་ཏི་ཡཾ ཛྷཱ་ན’ནྟི ཝུ་ཙྩ་ཏི. ཀ་ཏ་མཾ ནུ ཁོ དུ་ཏི་ཡཾ ཛྷཱ་ན་ནྟི? ཏ་སྶ མ་ཡ྄ཧཾ, ཨཱ་ཝུ་སོ, ཨེ་ཏ་ད་ཧོ་སི – ‘ཨི་དྷ བྷི་ཀྑུ ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ ཨ་ཛ྄ཛྷ་ཏྟཾ ས་མྤ་སཱ་ད་ནཾ ཙེ་ཏ་སོ ཨེ་ཀོ་དི་བྷཱ་ཝཾ ཨ་ཝི་ཏ་ཀྐཾ ཨ་ཝི་ཙཱ་རཾ ས་མཱ་དྷི་ཛཾ པཱི་ཏི་སུ་ཁཾ དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་དཾ ཝུ་ཙྩ་ཏི དུ་ཏི་ཡཾ ཛྷཱ་ན’ནྟི. སོ ཁྭཱ་ཧཾ, ཨཱ་ཝུ་སོ, ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ ཨ་ཛ྄ཛྷ་ཏྟཾ ས་མྤ་སཱ་ད་ནཾ ཙེ་ཏ་སོ ཨེ་ཀོ་དི་བྷཱ་ཝཾ ཨ་ཝི་ཏ་ཀྐཾ ཨ་ཝི་ཙཱ་རཾ ས་མཱ་དྷི་ཛཾ པཱི་ཏི་སུ་ཁཾ དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཏ་སྶ མ་ཡ྄ཧཾ, ཨཱ་ཝུ་སོ, ཨི་མི་ནཱ ཝི་ཧཱ་རེ་ན ཝི་ཧ་ར་ཏོ ཝི་ཏ་ཀྐ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི.

‘‘ཨ་ཐ ཁོ མཾ, ཨཱ་ཝུ་སོ, བྷ་ག་ཝཱ ཨི་དྡྷི་ཡཱ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘མོ་གྒ་ལླཱ་ན, མོ་གྒ་ལླཱ་ན! མཱ, བྲཱ་ཧྨ་ཎ, དུ་ཏི་ཡཾ ཛྷཱ་ནཾ པ་མཱ་དོ, དུ་ཏི་ཡེ ཛྷཱ་ནེ ཙི་ཏྟཾ ས་ཎྛ་པེ་ཧི, དུ་ཏི་ཡེ ཛྷཱ་ནེ ཙི་ཏྟཾ ཨེ་ཀོ་དིཾ ཀ་རོ་ཧི, དུ་ཏི་ཡེ ཛྷཱ་ནེ ཙི་ཏྟཾ ས་མཱ་ད་ཧཱ’ཏི. སོ ཁྭཱ་ཧཾ, ཨཱ་ཝུ་སོ, ཨ་པ་རེ་ན ས་མ་ཡེ་ན ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ ཨ་ཛ྄ཛྷ་ཏྟཾ ས་མྤ་སཱ་ད་ནཾ ཙེ་ཏ་སོ ཨེ་ཀོ་དི་བྷཱ་ཝཾ ཨ་ཝི་ཏ་ཀྐཾ ཨ་ཝི་ཙཱ་རཾ ས་མཱ་དྷི་ཛཾ པཱི་ཏི་སུ་ཁཾ དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧཱ་སིཾ. ཡ་ཉྷི ཏཾ, ཨཱ་ཝུ་སོ, ས་མྨཱ ཝ་ད་མཱ་ནོ ཝ་དེ་ཡྻ – ‘ས་ཏྠཱ་རཱ་ནུ་གྒ་ཧི་ཏོ སཱ་ཝ་ཀོ མ་ཧཱ་བྷི་ཉྙ་ཏཾ པ་ཏྟོ’ཏི, མ་མཾ ཏཾ ས་མྨཱ ཝ་ད་མཱ་ནོ ཝ་དེ་ཡྻ – ‘ས་ཏྠཱ་རཱ་ནུ་གྒ་ཧི་ཏོ སཱ་ཝ་ཀོ མ་ཧཱ་བྷི་ཉྙ་ཏཾ པ་ཏྟོ’’’ཏི. དུ་ཏི་ཡཾ.