༧. ཝེ་ད་ནཱ་པ་ཉྷཱ་སུ་ཏྟཾ

༣༢༠. ‘‘‘ཝེ་ད་ནཱ, ཝེ་ད་ནཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཝེ་ད་ནཱ’’ཏི? ‘‘ཏི་སྶོ ཨི་མཱ་ཝུ་སོ, ཝེ་ད་ནཱ. ཀ་ཏ་མཱ ཏི་སྶོ? སུ་ཁཱ ཝེ་ད་ནཱ, དུ་ཀྑཱ ཝེ་ད་ནཱ, ཨ་དུ་ཀྑ་མ་སུ་ཁཱ ཝེ་ད་ནཱ – ཨི་མཱ ཁོ, ཨཱ་ཝུ་སོ, ཏི་སྶོ ཝེ་ད་ནཱ’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ས་ཏྟ་མཾ.