༤. ཀི་མ་ཏྠི་ཡ་སུ་ཏྟཾ

༣༡༧. ‘‘ཀི་མ་ཏྠི་ཡཾ, ཨཱ་ཝུ་སོ སཱ་རི་པུ་ཏྟ, ས་མ་ཎེ གོ་ཏ་མེ བྲ་ཧྨ་ཙ་རི་ཡཾ ཝུ་སྶ་ཏཱི’’ཏི? ‘‘དུ་ཀྑ་སྶ ཁོ, ཨཱ་ཝུ་སོ, པ་རི་ཉྙ་ཏྠཾ བྷ་ག་ཝ་ཏི བྲ་ཧྨ་ཙ་རི་ཡཾ ཝུ་སྶ་ཏཱི’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ ཨེ་ཏ་སྶ དུ་ཀྑ་སྶ པ་རི་ཉྙཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏ་སྶ དུ་ཀྑ་སྶ པ་རི་ཉྙཱ་ཡཱ’’ཏི? ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏ་སྶ དུ་ཀྑ་སྶ པ་རི་ཉྙཱ་ཡཱ’’ཏི?

‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏ་སྶ དུ་ཀྑ་སྶ པ་རི་ཉྙཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ ཨེ་ཏ་སྶ དུ་ཀྑ་སྶ པ་རི་ཉྙཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏ་སྶ དུ་ཀྑ་སྶ པ་རི་ཉྙཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ཙ་ཏུ་ཏྠཾ.