༡༥. ས་ཀྐཱ་ཡ་པ་ཉྷཱ་སུ་ཏྟཾ

༣༢༨. ‘‘‘ས་ཀྐཱ་ཡོ, ས་ཀྐཱ་ཡོ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མོ ནུ ཁོ, ཨཱ་ཝུ་སོ, ས་ཀྐཱ་ཡོ’’ཏི? ‘‘པ་ཉྩི་མེ, ཨཱ་ཝུ་སོ, ཨུ་པཱ་དཱ་ན་ཀྑ་ནྡྷཱ ས་ཀྐཱ་ཡོ ཝུ་ཏྟོ བྷ་ག་ཝ་ཏཱ, སེ་ཡྻ་ཐི་དཾ – རཱུ་པུ་པཱ་དཱ་ན་ཀྑ་ནྡྷོ, ཝེ་ད་ནུ་པཱ་དཱ་ན་ཀྑ་ནྡྷོ, ས་ཉྙུ་པཱ་དཱ་ན་ཀྑ་ནྡྷོ, ས་ངྑཱ་རུ་པཱ་དཱ་ན་ཀྑ་ནྡྷོ, ཝི་ཉྙཱ་ཎུ་པཱ་དཱ་ན་ཀྑ་ནྡྷོ. ཨི་མེ ཁོ, ཨཱ་ཝུ་སོ, པ་ཉྩུ་པཱ་དཱ་ན་ཀྑ་ནྡྷཱ ས་ཀྐཱ་ཡོ ཝུ་ཏྟོ བྷ་ག་ཝ་ཏཱ’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. པ་ནྣ་ར་ས་མཾ.