༡༢. ཨུ་པཱ་དཱ་ན་པ་ཉྷཱ་སུ་ཏྟཾ

༣༢༥. ‘‘‘ཨུ་པཱ་དཱ་ནཾ, ཨུ་པཱ་དཱ་ན’ནྟི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཾ ནུ ཁོ, ཨཱ་ཝུ་སོ, ཨུ་པཱ་དཱ་ན’’ནྟི? ‘‘ཙ་ཏྟཱ་རི་མཱ་ནི, ཨཱ་ཝུ་སོ, ཨུ་པཱ་དཱ་ནཱ་ནི. ཀཱ་མུ་པཱ་དཱ་ནཾ, དི་ཊྛུ་པཱ་དཱ་ནཾ སཱི་ལ་བྦ་ཏུ་པཱ་དཱ་ནཾ, ཨ་ཏྟ་ཝཱ་དུ་པཱ་དཱ་ནཾ – ཨི་མཱ་ནི ཁོ, ཨཱ་ཝུ་སོ, ཙ་ཏྟཱ་རི ཨུ་པཱ་དཱ་ནཱ་ནཱི’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. དྭཱ་ད་ས་མཾ.