༦. ས་མྦ་ཧུ་ལ་བྷི་ཀྑུ་སུ་ཏྟཾ

༢༧༤. ཨ་ཐ ཁོ ས་མྦ་ཧུ་ལཱ བྷི་ཀྑཱུ ཡེ་ན བྷ་ག་ཝཱ ཏེ་ནུ་པ་ས་ངྐ་མིཾ་སུ; ཨུ་པ་ས་ངྐ་མི་ཏྭཱ…པེ… ཨེ་ཀ་མ་ནྟཾ ནི་སི་ནྣཱ ཁོ ཏེ བྷི་ཀྑཱུ བྷ་ག་ཝ་ནྟཾ ཨེ་ཏ་ད་ཝོ་ཙུཾ – ‘‘ཀ་ཏ་མཱ ནུ ཁོ, བྷ་ནྟེ, ཝེ་ད་ནཱ, ཀ་ཏ་མོ ཝེ་ད་ནཱ་ས་མུ་ད་ཡོ, ཀ་ཏ་མཱ ཝེ་ད་ནཱ་ས་མུ་ད་ཡ་གཱ་མི་ནཱི པ་ཊི་པ་དཱ? ཀ་ཏ་མོ ཝེ་ད་ནཱ་ནི་རོ་དྷོ, ཀ་ཏ་མཱ ཝེ་ད་ནཱ་ནི་རོ་དྷ་གཱ་མི་ནཱི པ་ཊི་པ་དཱ? ཀོ ཝེ་ད་ནཱ་ཡ ཨ་སྶཱ་དོ, ཀོ ཨཱ་དཱི་ན་ཝོ, ཀིཾ ནི་སྶ་ར་ཎ’’ནྟི? ‘‘ཏི་སྶོ ཨི་མཱ, བྷི་ཀྑ་ཝེ, ཝེ་ད་ནཱ – སུ་ཁཱ ཝེ་ད་ནཱ, དུ་ཀྑཱ ཝེ་ད་ནཱ, ཨ་དུ་ཀྑ་མ་སུ་ཁཱ ཝེ་ད་ནཱ. ཨི་མཱ ཝུ་ཙྩ་ནྟི, བྷི་ཀྑ་ཝེ, ཝེ་ད་ནཱ. ཕ་སྶ་ས་མུ་ད་ཡཱ ཝེ་ད་ནཱ་ས་མུ་ད་ཡོ. ཏ་ཎྷཱ ཝེ་ད་ནཱ་ས་མུ་ད་ཡ་གཱ་མི་ནཱི པ་ཊི་པ་དཱ. ཕ་སྶ་ནི་རོ་དྷཱ…པེ… ཡོ ཝེ་ད་ནཱ་ཡ ཚ་ནྡ་རཱ་ག་ཝི་ན་ཡོ ཚ་ནྡ་རཱ་ག་པྤ་ཧཱ་ནཾ. ཨི་དཾ ཝེ་ད་ནཱ་ཡ ནི་སྶ་ར་ཎ’’ནྟི. ཚ་ཊྛཾ.