༩. པ་ཋ་མ་དྭ་ཡ་སུ་ཏྟཾ

༩༢. ‘‘དྭ་ཡཾ ཝོ, བྷི་ཀྑ་ཝེ, དེ་སེ་སྶཱ་མི. ཏཾ སུ་ཎཱ་ཐ. ཀི་ཉྩ, བྷི་ཀྑ་ཝེ, དྭ་ཡཾ? ཙ་ཀྑུ་ཉྩེ་ཝ རཱུ་པཱ ཙ, སོ་ཏ་ཉྩེ་ཝ ས་དྡཱ ཙ, གྷཱ་ན་ཉྩེ་ཝ ག་ནྡྷཱ ཙ, ཛི་ཝ྄ཧཱ ཙེ་ཝ ར་སཱ ཙ, ཀཱ་ཡོ ཙེ་ཝ ཕོ་ཊྛ་བྦཱ ཙ, མ་ནོ ཙེ་ཝ དྷ་མྨཱ ཙ – ཨི་དཾ ཝུ་ཙྩ་ཏི, བྷི་ཀྑ་ཝེ, དྭ་ཡཾ.

‘‘ཡོ, བྷི་ཀྑ་ཝེ, ཨེ་ཝཾ ཝ་དེ་ཡྻ – ‘ཨ་ཧ་མེ་ཏཾ དྭ་ཡཾ པ་ཙྩ་ཀྑཱ་ཡ ཨ་ཉྙཾ དྭ་ཡཾ པ་ཉྙ་པེ་སྶཱ་མཱི’ཏི, ཏ་སྶ ཝཱ་ཙཱ་ཝ་ཏྠུ་ཀ་མེ་ཝ་སྶ. པུ་ཊྛོ ཙ ན ས་མྤཱ་ཡེ་ཡྻ. ཨུ་ཏྟ་རི་ཉྩ ཝི་གྷཱ་ཏཾ ཨཱ་པ་ཛྫེ་ཡྻ. ཏཾ ཀི་སྶ ཧེ་ཏུ? ཡ་ཐཱ ཏཾ, བྷི་ཀྑ་ཝེ, ཨ་ཝི་ས་ཡ་སྨི’’ནྟི. ན་ཝ་མཾ.