༢. སུ་ཉྙ་ཏ་ལོ་ཀ་སུ་ཏྟཾ

༨༥. ཨ་ཐ ཁོ ཨཱ་ཡ་སྨཱ ཨཱ་ན་ནྡོ…པེ… བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘‘སུ་ཉྙོ ལོ་ཀོ, སུ་ཉྙོ ལོ་ཀོ’ཏི, བྷ་ནྟེ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, བྷ་ནྟེ, སུ་ཉྙོ ལོ་ཀོ་ཏི ཝུ་ཙྩ་ཏཱི’’ཏི? ‘‘ཡ་སྨཱ ཙ ཁོ, ཨཱ་ན་ནྡ, སུ་ཉྙཾ ཨ་ཏྟེ་ན ཝཱ ཨ་ཏྟ་ནི་ཡེ་ན ཝཱ ཏ་སྨཱ སུ་ཉྙོ ལོ་ཀོ་ཏི ཝུ་ཙྩ་ཏི. ཀི་ཉྩ, ཨཱ་ན་ནྡ, སུ་ཉྙཾ ཨ་ཏྟེ་ན ཝཱ ཨ་ཏྟ་ནི་ཡེ་ན ཝཱ? ཙ་ཀྑུ ཁོ, ཨཱ་ན་ནྡ, སུ་ཉྙཾ ཨ་ཏྟེ་ན ཝཱ ཨ་ཏྟ་ནི་ཡེ་ན ཝཱ. རཱུ་པཱ སུ་ཉྙཱ ཨ་ཏྟེ་ན ཝཱ ཨ་ཏྟ་ནི་ཡེ་ན ཝཱ, ཙ་ཀྑུ་ཝི་ཉྙཱ་ཎཾ སུ་ཉྙཾ ཨ་ཏྟེ་ན ཝཱ ཨ་ཏྟ་ནི་ཡེ་ན ཝཱ, ཙ་ཀྑུ་ས་མྥ་སྶོ སུ་ཉྙོ ཨ་ཏྟེ་ན ཝཱ ཨ་ཏྟ་ནི་ཡེ་ན ཝཱ…པེ… ཡ་མྤི་དཾ མ་ནོ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཝེ་ད་ཡི་ཏཾ སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ ཏ་མྤི སུ་ཉྙཾ ཨ་ཏྟེ་ན ཝཱ ཨ་ཏྟ་ནི་ཡེ་ན ཝཱ. ཡ་སྨཱ ཙ ཁོ, ཨཱ་ན་ནྡ, སུ་ཉྙཾ ཨ་ཏྟེ་ན ཝཱ ཨ་ཏྟ་ནི་ཡེ་ན ཝཱ, ཏ་སྨཱ སུ་ཉྙོ ལོ་ཀོ་ཏི ཝུ་ཙྩ་ཏཱི’’ཏི. དུ་ཏི་ཡཾ.