༡. ས་བྦ་སུ་ཏྟཾ

༢༣. སཱ་ཝ་ཏྠི་ནི་དཱ་ནཾ. ‘‘ས་བྦཾ ཝོ, བྷི་ཀྑ་ཝེ, དེ་སེ་སྶཱ་མི. ཏཾ སུ་ཎཱ་ཐ. ཀི་ཉྩ, བྷི་ཀྑ་ཝེ, ས་བྦཾ? ཙ་ཀྑུ་ཉྩེ་ཝ རཱུ་པཱ ཙ, སོ་ཏ་ཉྩ [སོ་ཏ་ཉྩེ་ཝ (?) ཨེ་ཝ་མི་ཏ་ར་ཡུ་ག་ལེ་སུ་པི] ས་དྡཱ ཙ, གྷཱ་ན་ཉྩ ག་ནྡྷཱ ཙ, ཛི་ཝ྄ཧཱ ཙ ར་སཱ ཙ, ཀཱ་ཡོ ཙ ཕོ་ཊྛ་བྦཱ ཙ, མ་ནོ ཙ དྷ་མྨཱ ཙ – ཨི་དཾ ཝུ་ཙྩ་ཏི, བྷི་ཀྑ་ཝེ, ས་བྦཾ. ཡོ, བྷི་ཀྑ་ཝེ, ཨེ་ཝཾ ཝ་དེ་ཡྻ – ‘ཨ་ཧ་མེ་ཏཾ ས་བྦཾ པ་ཙྩ་ཀྑཱ་ཡ ཨ་ཉྙཾ ས་བྦཾ པ་ཉྙཱ་པེ་སྶཱ་མཱི’ཏི, ཏ་སྶ ཝཱ་ཙཱ་ཝ་ཏྠུ་ཀ་མེ་ཝ་སྶ [ཝཱ་ཙཱ་ཝ་ཏྠུ་རེ་ཝ་སྶ (སཱི. པཱི.), ཝཱ་ཙཱ་ཝ་ཏྠུ་དེ་ཝ་སྶ (སྱཱ. ཀཾ.)]; པུ་ཊྛོ ཙ ན ས་མྤཱ་ཡེ་ཡྻ, ཨུ་ཏྟ་རི་ཉྩ ཝི་གྷཱ་ཏཾ ཨཱ་པ་ཛྫེ་ཡྻ. ཏཾ ཀི་སྶ ཧེ་ཏུ? ཡ་ཐཱ ཏཾ, བྷི་ཀྑ་ཝེ, ཨ་ཝི་ས་ཡ་སྨི’’ནྟི. པ་ཋ་མཾ.