༢. པ་ཧཱ་ན་སུ་ཏྟཾ

༢༤. ‘‘ས་བྦ་པྤ་ཧཱ་ནཱ་ཡ [ས་བྦཾ པ་ཧཱ་ནཱ་ཡ (སྱཱ. ཀཾ. ཀ.)] ཝོ, བྷི་ཀྑ་ཝེ, དྷ་མྨཾ དེ་སེ་སྶཱ་མི. ཏཾ སུ་ཎཱ་ཐ. ཀ་ཏ་མོ ཙ, བྷི་ཀྑ་ཝེ, ས་བྦ་པྤ་ཧཱ་ནཱ་ཡ དྷ་མྨོ? ཙ་ཀྑུཾ, བྷི་ཀྑ་ཝེ, པ་ཧཱ་ཏ་བྦཾ, རཱུ་པཱ པ་ཧཱ་ཏ་བྦཱ, ཙ་ཀྑུ་ཝི་ཉྙཱ་ཎཾ པ་ཧཱ་ཏ་བྦཾ, ཙ་ཀྑུ་ས་མྥ་སྶོ པ་ཧཱ་ཏ་བྦོ, ཡ་མྤི་དཾ ཙ་ཀྑུ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཝེ་ད་ཡི་ཏཾ སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ ཏ་མྤི པ་ཧཱ་ཏ་བྦཾ…པེ… ཡ་མྤི་དཾ སོ་ཏ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཝེ་ད་ཡི་ཏཾ སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ ཏ་མྤི པ་ཧཱ་ཏ་བྦཾ… ཡ་མྤི་དཾ གྷཱ་ན་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཝེ་ད་ཡི་ཏཾ སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ ཏ་མྤི པ་ཧཱ་ཏ་བྦཾ. ཛི་ཝ྄ཧཱ པ་ཧཱ་ཏ་བྦཱ, ར་སཱ པ་ཧཱ་ཏ་བྦཱ, ཛི་ཝ྄ཧཱ་ཝི་ཉྙཱ་ཎཾ པ་ཧཱ་ཏ་བྦཾ, ཛི་ཝ྄ཧཱ་ས་མྥ་སྶོ པ་ཧཱ་ཏ་བྦོ, ཡ་མྤི་དཾ ཛི་ཝ྄ཧཱ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཝེ་ད་ཡི་ཏཾ སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ ཏ་མྤི པ་ཧཱ་ཏ་བྦཾ. ཀཱ་ཡོ པ་ཧཱ་ཏ་བྦོ… མ་ནོ པ་ཧཱ་ཏ་བྦོ, དྷ་མྨཱ པ་ཧཱ་ཏ་བྦཱ, མ་ནོ་ཝི་ཉྙཱ་ཎཾ པ་ཧཱ་ཏ་བྦཾ, མ་ནོ་ས་མྥ་སྶོ པ་ཧཱ་ཏ་བྦོ, ཡ་མྤི་དཾ མ་ནོ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཝེ་ད་ཡི་ཏཾ སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ ཏ་མྤི པ་ཧཱ་ཏ་བྦཾ. ཨ་ཡཾ ཁོ, བྷི་ཀྑ་ཝེ, ས་བྦ་པྤ་ཧཱ་ནཱ་ཡ དྷ་མྨོ’’ཏི. དུ་ཏི་ཡཾ.