༥. དུ་ཏི་ཡ་དཱ་རུ་ཀྑ་ནྡྷོ་པ་མ་སུ་ཏྟཾ

༢༤༢. ཨེ་ཀཾ ས་མ་ཡཾ བྷ་ག་ཝཱ ཀི་མི་ལཱ་ཡཾ [ཀི་མྦི་ལཱ་ཡཾ (སཱི. པཱི.), ཀི་མྨི་ལཱ་ཡཾ (སྱཱ. ཀཾ.)] ཝི་ཧ་ར་ཏི ག་ངྒཱ་ཡ ན་དི་ཡཱ ཏཱི་རེ. ཨ་དྡ་སཱ ཁོ བྷ་ག་ཝཱ མ་ཧ་ནྟཾ དཱ་རུ་ཀྑ་ནྡྷཾ ག་ངྒཱ་ཡ ན་དི་ཡཱ སོ་ཏེ་ན ཝུ་ཡ྄ཧ་མཱ་ནཾ. དི་སྭཱ་ན བྷི་ཀྑཱུ ཨཱ་མ་ནྟེ་སི – ‘‘པ་སྶ་ཐ ནོ ཏུ་མྷེ, བྷི་ཀྑ་ཝེ, ཨ་མུཾ མ་ཧ་ནྟཾ དཱ་རུ་ཀྑ་ནྡྷཾ ག་ངྒཱ་ཡ ན་དི་ཡཱ སོ་ཏེ་ན ཝུ་ཡ྄ཧ་མཱ་ན’’ནྟི? ‘‘ཨེ་ཝཾ བྷ་ནྟེ’’…པེ… ཨེ་ཝཾ ཝུ་ཏྟེ, ཨཱ་ཡ་སྨཱ ཀི་མི་ལོ བྷ་ག་ཝ་ནྟཾ ཨེ་ཏ་ད་ཝོ་ཙ – ཀིཾ ནུ ཁོ, བྷ་ནྟེ, ཨོ་རི་མཾ ཏཱི་རཾ…པེ… ཀ་ཏ་མོ ཙ, ཀི་མི་ལ, ཨ་ནྟོ་པཱུ་ཏི་བྷཱ་ཝོ. ཨི་དྷ, ཀི་མི་ལ, བྷི་ཀྑུ ཨ་ཉྙ་ཏ་རཾ སཾ་ཀི་ལི་ཊྛཾ ཨཱ་པ་ཏྟིཾ ཨཱ་པ་ནྣོ ཧོ་ཏི ཡ་ཐཱ་རཱུ་པཱ་ཡ ཨཱ་པ་ཏྟི་ཡཱ ན ཝུ་ཊྛཱ་ནཾ པ་ཉྙཱ་ཡ་ཏི. ཨ་ཡཾ ཝུ་ཙྩ་ཏི, ཀི་མི་ལ, ཨ་ནྟོ་པཱུ་ཏི་བྷཱ་ཝོ་ཏི. པ་ཉྩ་མཾ.