༣. དུ་ཀྑ་ནི་བྦཱ་ན་ས་པྤཱ་ཡ་སུ་ཏྟཾ

༡༤༨. ‘‘ནི་བྦཱ་ན་ས་པྤཱ་ཡཾ ཝོ, བྷི་ཀྑ་ཝེ, པ་ཊི་པ་དཾ དེ་སེ་སྶཱ་མི. ཏཾ སུ་ཎཱ་ཐ…པེ… ཀ་ཏ་མཱ ཙ སཱ, བྷི་ཀྑ་ཝེ, ནི་བྦཱ་ན་ས་པྤཱ་ཡཱ པ་ཊི་པ་དཱ? ཨི་དྷ, བྷི་ཀྑ་ཝེ, ཙ་ཀྑུཾ དུ་ཀྑ་ནྟི པ་སྶ་ཏི, རཱུ་པཱ དུ་ཀྑཱ་ཏི པ་སྶ་ཏི, ཙ་ཀྑུ་ཝི་ཉྙཱ་ཎཾ དུ་ཀྑ་ནྟི པ་སྶ་ཏི, ཙ་ཀྑུ་ས་མྥ་སྶོ དུ་ཀྑོ་ཏི པ་སྶ་ཏི, ཡ་མྤི་དཾ ཙ་ཀྑུ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཝེ་ད་ཡི་ཏཾ སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ ཏ་མྤི དུ་ཀྑ་ནྟི པ་སྶ་ཏི…པེ… ཛི་ཝ྄ཧཱ དུ་ཀྑཱ་ཏི པ་སྶ་ཏི…པེ… མ་ནོ དུ་ཀྑོ་ཏི པ་སྶ་ཏི, དྷ་མྨཱ དུ་ཀྑཱ་ཏི པ་སྶ་ཏི, མ་ནོ་ཝི་ཉྙཱ་ཎཾ དུ་ཀྑ་ནྟི པ་སྶ་ཏི, མ་ནོ་ས་མྥ་སྶོ དུ་ཀྑོ་ཏི པ་སྶ་ཏི, ཡ་མྤི་དཾ མ་ནོ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཝེ་ད་ཡི་ཏཾ སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ ཏ་མྤི དུ་ཀྑ་ནྟི པ་སྶ་ཏི. ཨ་ཡཾ ཁོ སཱ, བྷི་ཀྑ་ཝེ, ནི་བྦཱ་ན་ས་པྤཱ་ཡཱ པ་ཊི་པ་དཱ’’ཏི. ཏ་ཏི་ཡཾ.